استفسار هام: هل يمكن الصيد بالسمك المقلي؟!!

[Slackgate]

أخوتي وأصدقائي أعضاء المنتدى الكلام

السلام عليكم ورحمة الله وبركاته

في أول مشاركة لي بالمنتدى جئت اسألكم عن معلومة غريبة لم أسمعها من قبل

فقد ذكر لي أحد الأشخاص أنه يصطاد في البحر بالسمك والسردين المقلي

هل هذا صحيح، وهل بالفعل يمكن الصيد به، أم أنها مزحة

تحياتي للجميع.

[مشرف]

اول مره اسمع حاجه زاى كده صراحه طيب اسئلو ينفع ماشو عشان لو ينفع ماشوى على الاقل الواحد يوافر الزيت ههههههههه

[Slackgate]

هههههههههه فعلا فكرة :d :d

أنا فعلا أول مرة أسمع الموضوع ده وكل ما اسأل حد يقولي أول مرة أسمع كده

على العموم الطلعة الجاية حجرب ونشوف حينفع ولا لأ

ولو نفعت نبقى نجرب المشوي الطلعة اللي بعدها :d :d

مشكور أخي

[mahmoudsaid]

والله ياباشا انا اول مرة اسمع الكلام دة بس السمكن معندوش حاسة شم ولا تذوق والدليا على كدة انة ممكن ياكل اى جيفة بشرية او حيوانية عادى جدا لو فضلت فى المية لفترة بسكون
يعنى مش هاتفرق معاة مشوى من مقلى من صينية
بس مين عارف يمكن تنفع جرب ياباشا وربنا يوفقك

[Slackgate]

أنا فعلا ناوي أجرب شوية سردين مقلي

لأن فعلا يا أخ محمود زي ما بتقول السمك مش عنده حاسة شم

بالإضافة إلى أن مياة البحر تحديدا بتلغي أي ريحة تانية

الزيتونة الكبيرة اللي أغرب من كده

رحت بسأل واحد بتاع أدوات صيد جنب البيت عندي فقال لي أنه مش سمع قبل كده بس ممكن

وحكى لي أنه مرة كان بيصطاد لكذا ساعة ومش بيطلع غير سمك صغير قوي

فزهق وقرر يلعب، فحط عنب في السنارة وبيقول لي أول رمية طلع سمكة شراغيش قد كف إيده :)

بس مش طلع بعدها حاجة :d

على أي حال حجرب وأقول لكم

[tarekabasy]

رايى الشخصى ان دة كلام غير صحيح اولا مش هيقعد على السن خالص هو طبعا السمك بينقر فى اى حاجة...بس كطعم مش هيقعد على السن خالص وكمان ريحتة وزفارتة وهو نى اعلى وتلم السمك اسرع............جرب تتفرج على قناتين صيد على الأوروبى هتتعلم كتير...............
passion pesca
fishing tv

[احمدفتحىمحمد]

كلام غير صحيح