شكلي كده هانفع :) [الأرشيف]

embo

10-10-02, 01:45 AM

ازيكو يا شباب
و الله انا فرحان بيكم جداً و سعيد ان اصبح فيه منتديات متخصصة باللغة العربية

ندخل في الموضوع

انا اخدت بندقية رمسيس 1 من واحد صاحبي كان راكنها، و سخنت في دماغي و نزيلت جبت رش زباله اسمه رماية من عند كركور في المعادي ( معندهوش غيرة)، رو حت يا رجاله و طلعت على سطح بيتنا نزلت يمامتان، و حوالي 5 عصافير و فيرست شوت رغم اني اول مره في حياتي اشيل بندقية :) - مش عارف ده بقى حظ المبتدئين وللا عشان انا بالعب دارتس من زمان - بس للاسف معرفتش اجيب ولا واحده عشان كلهم وقعو في جنينة الفيللا اللي جنبي
بصراحه الموضوع عجبني و لو حد فيكم ساكن جنبي في المقطم يشجعني و ييجي يصطاد معايا انا ممكن تكبر في دماغي و ارمي الرمسيس ( مع انها عملت الواجب و زياده بصراحه ) و اشتري بندقية نضيفه
اللي ساكن في المقطم او مكان قريب منه يكلمني و نصطاد مع بعض لان اخوكم بلاطه و مش عارف يعمل ايه بعد يا ينزل الطير عند الجيران :)
انا ساكن في الهضبة الوسطى الحي الثاني
مستنيكم يا صيادين

عاشق القنص

10-10-02, 02:49 AM

ده انتا كده على اول الطريق الصح
وان شاء الله ربنا هايكرمك وللاسف انا
مش من سكان القاهره
وان شاء الله الاخوه هايقولك كل الى انتا عايزه
وتحياتى لك

hoka

10-10-02, 02:53 AM

اشطه اوى انت كده
بص بقى يا معلم ارمى الرمسيس وهات البى 3 الصينى او اى بندقيه عاليه
وتبقى برنس لو جبت حاجه من الديانات
وبجد هايبقى ليك مستقبل حلو فى الصيد ما دام عندك موهبه بالفطره كده
وربنا معاك

embo

10-10-02, 10:58 AM

@ عاشق القنص:
يا باشا ربنا يخليك، و في اي وقت تنزل القاهرة بيتي هو بيتك و اكيد هايكون لينا نصيب نطلع طلعه مع بعض، انا طلعت تاني النهاردة و نزلت شوية عصافير حلوين ( سطح الفيللا اللي جنبي بقى مقبرة جماعية) بس اليمام بقى بيطير بعيد عن مجال تاثير البندقية و الطلقة مابتموتوش و بيقوم تاني، عشان كده بفكر المغربية اصطاد على كورنيش المقطم
@ حوكه:
تسلملي يا رافع روحي المعدنية، موضوع تغيير البندقية ده لسه شوية عليه و بعدين معتقدش الصيني هايفرق عن المصري بكتير، انا عايز لما اغير اجيب حاجه حلوة ان شاء الله، و عموماً الرمسيس عامله معايا شغل تمام لحد دلوقتي بس اللي مدايقني منها ان العيار صغير و مداها قصير اوي

هشام سمير

10-10-02, 11:19 AM

اولاً اهلاً وسهلاً بيك بين اخوانك واهلك فى كنف هذه الهوايه الرائعه
ثانياًايه ياعم انتا ادخل ساخن جداً وعجبنى البدايه القويه دى
بس انا عايز اسئالك انتا بجد اول مره تميك بندقيه وكنت موفق كده يعنى انتا عارف قاعد التهديف ولا برده صدفه طيب انتا ظبط البندقيه قبل ما تضرب بيها ولا ايه
دا احنا كده معنا مشروع قناص
تقبل مرورى

ابو عامر

10-10-02, 11:24 AM

اهلا بيك يا صياد
معلش انا بعيد عنك من بنها
ولو تقدر تجى اهلا بيك بيتى هو بيتك
وعايز اشوف صور صيدك المره الجايه

القناص2010

10-10-02, 05:42 PM

مبروك على البندقية وان شاء الله تكون صياد متمكن بس فى نعليق صغير ونصيحة منى ليك ايك ان تصطاد ولو عصفور صغير لمجرد التسلية او التنشين او كنت عارف انة هايقع فى مكان ما تقدرش تجيبة لان دا حرام حرام حرام وان العصفور دا هايشهد عليك يوم القيامة ويقول ( قتلنى فلان عبثا ) اما لو بتصطاد وتاكل الى بتصطادة فدا حلال وبالهنا والشفا وليس فية اى تحريم وياريت يكون الكلام دا لكل الصيادين ودمتم بخير و السلام عليكم ورحمة الله

embo

10-10-02, 07:23 PM

@ هشام سمير:
شكراً يا باشا على الترحيب و التشجيع الجامدين دول
و الله يا باشا هو حظ المبتدئين زي ما بيقولو beginner's Luck
انا كنت عارف قاعد التهديف نظري و ده كان اول مره انفذها
بالنسبة لظبط البندقية هي رمسيس و مافيهاش ظبط ناشنكان غير فوق و تحت بس يمين و شمال لأ، بس انا قدرت زاوية الانحراف و بقيت متاقلم معاها و بنشن بيها عادي جداً
يمكن اللي مساعدني انني اصلاً بلعب دارتس عشان كده عندي شوية سنس و تركيز في الرمي

@ القناص:
الله يبارك فيك يا كبير بس هي مش بتاعتي انا واخدها من واحد صاحبي
عندك حق فعلاً بس المشكله ان الرمسيس دي تعبانه قوي و الطير مش بيقع على طول و بيطير شويه على ماينزل، عشان كده مش عارف امسك حاجه، نفسي آكل حاجة من اللي اصطادته بقى :rolleyes:

embo

10-10-02, 07:27 PM

@ ابو عامر
الف شكر يا باشا على الدعوة الكريمة دي و ان شاء الله اكيد هانتقابل
الصور اول ماعرف امسك حاجة ان شاء الله هاصورها و احطها على طول

المستشار

10-10-02, 09:10 PM

اهلا وسهلا بيك فى بيتك وبين اخوانك ونتمنى لك كامل الاستفاده واشباع الهوايه وروح الصياد وتقبل مرورى

momo44

10-10-02, 10:01 PM

Abdelrahman Anwar

10-10-02, 10:17 PM

أولا مرحبا بيك فى وسط اخوانك
ثانيا معلش اعزرنى اذا احببت الرماية او اتنشين لابد ان تمارش النشان على هدف غير حى
ثالثا احنا هنا كلنا بنتعلم من اكبرنا خبرة واقدمنا بمعنى ( النصيحة متزعلش ) بالعكس النصيحة تفدنا كلنا
رابعا تحياتى ليك ويارب مكونش تقلت عليك
مرحبا بيك مرة تانية وسط اخواتك الصيادين والرماه

محمود5555

10-10-02, 11:23 PM

اهلا بيك اخى الكريم , بالنسبة لرمسيس نمرة بندقية بندقية رائعة انا استخدمتها اكثر من خمس سنين وكانت ممتازة

hoka

10-10-03, 06:04 AM

يا باشا الرمسيس بتخرج مع الهانتر وبتنافسها بس حسب الصياد وكمان لو ع القوه فهى بحمد لله بتوقع لحد الغراب (يمام و حمام و غربان) بس بردو حسب الصياد
وبالنسبه للمدى فده صحيح مداهاه قصير بس المطلوب بردو
وانا مش بقولك احتفظ بيها انا بقولك غير للصينى وهو اقوى واحسن من الرمسيس وخاصه البام 21
ولو خلاص متعقد منه ولو انك لسه ما تعرفوش هات هانتر 440 او اى حاجه من عائله النوريكا
وربنا يوفقك