احترس من دعوات الخروج للصيد

[القبطان المصرى 77]

بسم الله الرحمن الرحيم
تجربه مؤلمه حدثت لصديق ليا اسمه احمد منذ فتره
وبالامس اكتشف انها لم تكن تجربه او حادث عارض
بل كانت عملية نصب
الموضوع باختصار
ان لى صديق من فتره كبيره اتعرف بالصدفه على احد الاشخاص اسمه السيد من منطقه اخرى
وهذا الشخص كان يمارس هواية الصيد ايضا
وفى احد الايام اتصل هذا الشخص بصديقى وقاله انا اعرف مكان حلو للصيد تعالى نخرج سوا رحلة صيد
وبالفعل صديقى ذهب وقابله وراحو فى منطقه زراعيه فى ابيس واثناء الصيد خرج عليهم خمسة اشخاص وقامو بتثبيتهم بالمسدسات
http://www10.0zz0.com/2012/09/03/15/455341430.jpg (http://www.0zz0.com)
واخذو منهم بنادقهم ونقودهم وموبايلاتهم
وكان صديقى معاه بندقيه سلافيا 631
والشخص الاخر معه بندقيه جامو اكزابو
وعادو الى منازلهم سالمين وحمدو الله على كده
ولم يقومو بالابلاغ عن الحادثه عشان كانت ايام ثوره ومفيش امن ولا شرطه فى البلد
وفى احد الايام كان صديقى بيصطاد فى منطقة اخرى بعد ماشترى بندقيه تانيه وقابل الشخص ده بالصدفه ( السيد ) وهو بيصطاد هناك برده
ولكن الغريب ان صديقى وجد بندقيته السلافيا مع الشخص ده ( السيد )
لكن كان مغير لونها ومرشوشه
لكن صديقى عرف انها بندقيته من احد العلامات عليها كان عارفها ( لحام فى الناشنكاه الخلفى )
لكن مابينش للشخص ده انه شاكك ان دى بندقيته
ولما سأله انت جايب البندقيه دى منين
قاله انا شاريها قريب من سوق الجمعه
صديقى طنش وسكت وقال ان بعد الظن اثم
لكن الغريب ان من حوالى يومين صديقى قابل صياد اسمه عبد الحليم فى احد الاماكن واتعرف عليه وقعدو يدردشو مع بعض
وصديقى حكالو فى وسط الكلام على الموقف اللى اتثبت فيه هو والسيد ده من فتره فى منطقة ابيس
قام عبد الحليم ده اتنطر من مكانه وقال فى نفس واحد
ده السيد ده هو نفس الشخص اللى اتعرفت عليه بالصدفه من فتره كبيره
وبرده هو نفس الشخص اللى عزمنى على رحلة صيد قبل كده فى نفس المكان فى ابيس
وبرده اتثبتنا انا وهو فى اليوم ده وخرج علينا تلات اشخاص بمسدسات واخدو مننا كل حاجتنا
http://www10.0zz0.com/2012/09/03/15/202488775.jpg (http://www.0zz0.com)
وصديقى وصاحبو قعدو يبصو لبعض بذهول ومش مصدقين انهم تقريبا وقعو ضحية نصب وسرقه
ولا كانهم بيتفرجو على فلم هندى فاشل
و المشكله انهم مايعرفوش عنوان السيد ده اصلا
لأنهم اتعرفو عليه اثناء رحلات الصيد
وحاولو يتصلو بيه كتير لكن تلفونه غير موجود بالخدمه
وبكده خيوط اللعبه وضحت
ان السيد ده بيتعرف على صيادين
ويقوم يعزمهم على رحلات صيد بحجه انه عارف اماكن حلوه للصيد
وهناك فى مكان مقطوع يقوم بالاتفاق مسبقا مع بعض اصحابه على تثبيتهم وهما بيصطادو
http://www10.0zz0.com/2012/09/03/15/230641723.jpg (http://www.0zz0.com)
وطبعا من ضمن الاتفاق ان اللصوص ياخدو حاجته هو كمان ( السيد ) عشان اللعبه تبقى كامله
تفتكرو مش هو ده برده السناريو اللى تم ولا احنا تفكيرنا غلط وظالمين الراجل ( السيد )
معقول يكون اللى حصل ده صدفه
السرقه مرتين فى نفس المكان ومع نفس الشخص ؟

.............
بس ده اللى حصل
وانا حبيت احكى الموقف ده لاصدقائي واحبابى هنا عشان ياخدو بالهم
ومش اى حد يقولك تعالى نخرج نصطاد سوا تخرج معاه كده بسهوله
لازم يكون شخص انت عارفه كويس
او على الاقل واثق فيه وفى اخلاقه
والمنتدى هنا مليان صيادين محترمين تقدر تختار منهم اللى يعجبك تخرج معاه من الناس اللى انت تعرفهم
والسلام عليكم ورحمة الله

[farouk]

شكرا علي النصيحة ..وربنا يجعلها في ميزان حسناتك ان شاء الله

[القبطان المصرى 77]

شكرا علي النصيحة ..وربنا يجعلها في ميزان حسناتك ان شاء الله

اللهم امين
تسلم استاذ فاروق
وربنا يكفينا شر ولاد الحرام جميعا

[aymank2]

ياساتر يارب هيا الدنيا بقى فيها ايه ياريت يعرفو يجيبوه الحيوان ده .

[MBadr]

جزاك الله خيرا يا قبطان على النصيحة والواد ده لازم يتعملوا كمين بمعنى حد يتعرف عليه ثم يقول له متعرفش اماكن صيد كويسه ثم هو اكيد هيطمع ويقولوا اعرف ويحدد ميعاد وفى الميعاد التمام وبعد لما صحابوا يظهروا يتقفش هو واصحابه

[القبطان المصرى 77]

ياساتر يارب هيا الدنيا بقى فيها ايه ياريت يعرفو يجيبوه الحيوان ده .

يااااااااااااريت والله يا استاذ ايمن
الله اعلم هو نصب تانى على مين واحنا مانعرفش

[القبطان المصرى 77]

جزاك الله خيرا يا قبطان على النصيحة والواد ده لازم يتعملوا كمين بمعنى حد يتعرف عليه ثم يقول له متعرفش اماكن صيد كويسه ثم هو اكيد هيطمع ويقولوا اعرف ويحدد ميعاد وفى الميعاد التمام وبعد لما صحابوا يظهروا يتقفش هو واصحابه

ماهو ده اللى قررنا نعمله والله يا استاذ محمد
بس المهم يظهر ونشوفه فى اى مكان الاول
الوسيله الوحيده اللى كانت ممكن توصلنا ليه هى الموبايل
لكن مع الاسف شكله قفل الخط خالص

[sniperwolf500]

للصياديين بالاسكندرية لما تحب تطلع مع حد بيصطاد لازم تحاول تعرفه
لازم تعرف نوع بندقيته و تليفونه و عنوانه
مترحش مع حد متعرفهوش لوحدك
لازم لانك صياد لازم يكون عندك ثقافة أماكن الصيد ابيس والصبحية متقربلهومش انا عندي تروح الساحل لوحدك فالصحراء احسن منهم
لازم المكان الي بتصطاد فيه تأمن فيه معارف علشان لو حصلك حاجة يلحقوك

[عـمـر]

بارك الله فيك يا قبطان على هذه النصيحة ... ومع ان الموضوع ده مختلف عن كل مواضيعك المرحة الا انك برضو مصمم تضحكنا ... ايه يا عم صور الحرامية اللي انت جايبهم دول هههههههههههه دول عاوزين واحد يسرقهم ههههههههههه ... ربنا يكفينا جميعا الشر اللهم امين ... ودمت في امان الله.

[مورو]

جزاك الله خير وربنا يسترها

[hogan]

جزاك الله خيرا ياقبطان
شكرا على النصيحه وسوف يتم تثبيت الموضوع لمده 10 ايام لجعل الجميع على علم

[عبــ الله ــد @]

شكرا على النصيحة يا قبطان ..


والحمد لله فيه لسة شرطة شرفاء ممكن نتعرف عليهم من خلال جروب ضباط ولكن شرفاء على الفيس بوك
وممكن نتفق مع بعضهم نعمل كمين للزفت دا زي ما استاذ محمد بدر ما قال ..

اما هنوصله ازاي فهو بالصيد في المكان نفسه الي صديق حضرتك وصديقه اتثبتوا فيه مرتين

واكيد هيكون بيصطاد هناك علشان يتعرف او يوقع بعض الصيادين

[_SAIKO_]

جززززززززززيت خيرا عالتنبية يارب

[القبطان المصرى 77]

للصياديين بالاسكندرية لما تحب تطلع مع حد بيصطاد لازم تحاول تعرفه
لازم تعرف نوع بندقيته و تليفونه و عنوانه
مترحش مع حد متعرفهوش لوحدك
لازم لانك صياد لازم يكون عندك ثقافة أماكن الصيد ابيس والصبحية متقربلهومش انا عندي تروح الساحل لوحدك فالصحراء احسن منهم
لازم المكان الي بتصطاد فيه تأمن فيه معارف علشان لو حصلك حاجة يلحقوك

والله كلامك صح فعلا
انا اصلا عمرى ماحد عزمنى على رحلة صيد فى ابيس ورحت معاه
مش عارف ليه مش باستريح للمكان ده خالص
بغض النظر عن الخوف او غيره
نفسيا كده مش باستريحله

[القبطان المصرى 77]

بارك الله فيك يا قبطان على هذه النصيحة ... ومع ان الموضوع ده مختلف عن كل مواضيعك المرحة الا انك برضو مصمم تضحكنا ... ايه يا عم صور الحرامية اللي انت جايبهم دول هههههههههههه دول عاوزين واحد يسرقهم ههههههههههه ... ربنا يكفينا جميعا الشر اللهم امين ... ودمت في امان الله.

ههههههههههههههههههههه
والله ياعمور انا حطيت شوية الصور دول كنوع من انواع تحلية الموضوع عشان ماتحسش بالملل وانت بتقراه
صباحك عسل

[القبطان المصرى 77]

جزاك الله خير وربنا يسترها

اللهم امين
تسلم ياغالى

[القبطان المصرى 77]

جزاك الله خيرا ياقبطان
شكرا على النصيحه وسوف يتم تثبيت الموضوع لمده 10 ايام لجعل الجميع على علم
اشكرك استاذ مصطفى على مرورك الرائع
واشكرك على التثبيت الجميل

[القبطان المصرى 77]

شكرا على النصيحة يا قبطان ..


والحمد لله فيه لسة شرطة شرفاء ممكن نتعرف عليهم من خلال جروب ضباط ولكن شرفاء على الفيس بوك
وممكن نتفق مع بعضهم نعمل كمين للزفت دا زي ما استاذ محمد بدر ما قال ..

اما هنوصله ازاي فهو بالصيد في المكان نفسه الي صديق حضرتك وصديقه اتثبتوا فيه مرتين

واكيد هيكون بيصطاد هناك علشان يتعرف او يوقع بعض الصيادين

تسلم عبدالله باشا على كلامك الجميل والمفيد
وانا هاعرض الرأى ده على اصحاب المشكله ونشوف هايعملو ايه

[القبطان المصرى 77]

جززززززززززيت خيرا عالتنبية يارب
الله يكرمك ياباشا والله
صباحك زى العسل

[tarekvb]

حمدا لله على سلامة صديقك

[القبطان المصرى 77]

حمدا لله على سلامة صديقك

الله يسلمك ياكبيرنا

[ابو مروان]

هعهعهعهعهعهعهع_+انا السيد انا عازمك على طلعة صيد يا قبطااااااااااااااااااااااااان

[Egyptian Engine]

فعلاً لازم الواحد يطلع مع حد يعرفه كويس " الرفيق قبل الطريق" الصيد عايز صحبة محترمة

[القبطان المصرى 77]

هعهعهعهعهعهعهع_+انا السيد انا عازمك على طلعة صيد يا قبطااااااااااااااااااااااااان

هههههههههههههههههههه
حبيبى ياسيد
قصدى يابو مروان

[القبطان المصرى 77]

فعلاً لازم الواحد يطلع مع حد يعرفه كويس " الرفيق قبل الطريق" الصيد عايز صحبة محترمة
طبعا طبعا ياباشا
وانا كمان من النوع اللى بيختار اصحابه واصدقائه بعنايه

[M.SHADY]

ربنا يجازيك خير يا قبطان . و تسلم ايدك

[اسامة]

شكرا علي النصيحة ..وربنا يجعلها في ميزان حسناتك ان شاء الله

[القبطان المصرى 77]

ربنا يجازيك خير يا قبطان . و تسلم ايدك

اللهم امين
شكرا استاذ محمد

[القبطان المصرى 77]

شكرا علي النصيحة ..وربنا يجعلها في ميزان حسناتك ان شاء الله

تسلم استاذ اسامه
وربنا يهدينا جميعا
تحياتى

[ناصر عز]

ربنا يستر ولازم الناس تحترس جدا من الاغراب ولاد الحمام مخلوش لولاد اليمام حاجة

[WEKA]

مشكور على التنبيه وجزاك الله كل خير

[moorey]

شكرا ليك يا قيطان علي النصيحه

[engineero eslam]

ههههههههههههههههههههههههههه موضوع مفيد جدا والله يا قبطان وطرحك للموضوع ما شاء الله قمة ف الروعة

منه لله السيد ده طلع ابن حرام ههههههههههههه

ربنا ينجينا من الشر

والله حصل معايا موقف شبه ده على صغير امبارح وانا بصطاد ههههههههههههههه

[القبطان المصرى 77]

ربنا يستر ولازم الناس تحترس جدا من الاغراب ولاد الحمام مخلوش لولاد اليمام حاجة

اللهم امين يا استاذ ناصر
ربنا يستر معانا جميعا

[القبطان المصرى 77]

مشكور على التنبيه وجزاك الله كل خير
اى خدمه ياويكا
تحياتى ياجميل

[القبطان المصرى 77]

شكرا ليك يا قيطان علي النصيحه
حبيبى يامور
صباحك عسل

[القبطان المصرى 77]

ههههههههههههههههههههههههههه موضوع مفيد جدا والله يا قبطان وطرحك للموضوع ما شاء الله قمة ف الروعة

منه لله السيد ده طلع ابن حرام ههههههههههههه

ربنا ينجينا من الشر

والله حصل معايا موقف شبه ده على صغير امبارح وانا بصطاد ههههههههههههههه
ههههههههههههههههههههه
الحمد لله انو كان موقف صغير ياباش وعدى على خير
ودلوقت ولاد الحرام بقو اكتر من ولاد الحلال
ربنا يرحمنا بقى

[عصام سدراك]

جزاك الله كل خيرأ يا قبطان وشكرأ على النصيحة وربنا يسترها على الجميع

[القبطان المصرى 77]

جزاك الله كل خيرأ يا قبطان وشكرأ على النصيحة وربنا يسترها على الجميع
تسلم عصام بيه على مرورك الكريم
وربنا يسترها معانا جميعا

[goodzila]

الواحد يريح نفسه وميخرجش مع حد ميعرفوش لان السلاح مش رخيص وفي بنادق معديه ال10 وحتي لو بنادق رخيصه بس هيا عند صحبها شئ مهم وكبير فالواحد ياخد حرصه احسن وميروحش مع حد ميعرفوش او اتعرف عليه عن طريق الصدفه لازم تبقا المعرفه قويه ولو اي اثنين من المنتدي حبوا يخرجوا مع بعض مفهاش حاجه انهم يورو بطايقهم لبعض مدام معندهمش حاجه يخافوا منها

[ماجد مجدي]

يا عم احنا مش لقين حد يطلع معانا اصلاً

[القبطان المصرى 77]

يا عم احنا مش لقين حد يطلع معانا اصلاً

ههههههههههههههههههه
بكره تلاقى ياباشا ان شاء الله
بس الطبيعى يعنى ان مش اى حد يقولك تعالى نخرج سوا تقوم طالع معاه
وخصوصا لو متعرفهوش

[القبطان المصرى 77]

الواحد يريح نفسه وميخرجش مع حد ميعرفوش لان السلاح مش رخيص وفي بنادق معديه ال10 وحتي لو بنادق رخيصه بس هيا عند صحبها شئ مهم وكبير فالواحد ياخد حرصه احسن وميروحش مع حد ميعرفوش او اتعرف عليه عن طريق الصدفه لازم تبقا المعرفه قويه ولو اي اثنين من المنتدي حبوا يخرجوا مع بعض مفهاش حاجه انهم يورو بطايقهم لبعض مدام معندهمش حاجه يخافوا منها

الله ينور علييييييييييييييييك
اهو انت كده جبت المفيد
والفتره الاخيره دى حصل فيها مصايب كتير اهى

[فكرى الفساخ]

ربنا يستر ولازم الناس تحترس جدا من الاغراب ولاد الحمام مخلوش لولاد اليمام حاجة

لا استطيع ان اعدى التعليق خفيف الظل وامشى مشى الكرام . احييك يا اخى على خفة دمك وتعليقك الظريف قوى . شكرا

[فكرى الفساخ]

الله ينور علييييييييييييييييك
اهو انت كده جبت المفيد
والفتره الاخيره دى حصل فيها مصايب كتير اهى

لقيت كل الناس عمالة تشكر فى القبطان . قلت فى نفسى لازم الراجل ده يكون راجل كويس . قلت اقف فى طابور المهنئين والشاكرين وحبيت اشكرك على نقلك خبراتك لاعضاء المنتدى ( الدين النصيحة ) اهديك تحياتى العاطرة .

[القبطان المصرى 77]

لقيت كل الناس عمالة تشكر فى القبطان . قلت فى نفسى لازم الراجل ده يكون راجل كويس . قلت اقف فى طابور المهنئين والشاكرين وحبيت اشكرك على نقلك خبراتك لاعضاء المنتدى ( الدين النصيحة ) اهديك تحياتى العاطرة .

ربنا يبارك فيك يا استاذ فكرى
انت اللى شكلك انسان محترم وابن اصول
باين اوى من طريقة كلامك مع الناس هنا
تحياتى

[السيد محمد]

ربنا يعوض عليك ولا تحزن يا أخى
ولا تنسى إنك ستأخذ من هؤلاء اللصوص حسنات منهم يوم القيامه مقابل ما سرقوه منك مصدقا لقول النبى صلى الله عليه وسلم[ أتدرون ما المفلس ؟ قالوا : المفلس فينا من لا درهم له ولا متاع . فقال : إن المفلس من أمتي يأتي يوم القيامة بصلاة وصيام وزكاة ويأتي قد شتم هذا وقذف هذا وأكل مال هذا وسفك دم هذا وضرب هذا فيعطي هذا من حسناته وهذا من حسناته فإن فنيت حسناته قبل أن يقضى ما عليه ؛ أخذ من خطاياهم فطرحت عليه ثم طرح في النار ] . ( حسن صحيح )
وجزاك الله خيرا على النصيحه وكما قلت أخذالحيطه مهم

[القبطان المصرى 77]

ربنا يعوض عليك ولا تحزن يا أخى
ولا تنسى إنك ستأخذ من هؤلاء اللصوص حسنات منهم يوم القيامه مقابل ما سرقوه منك مصدقا لقول النبى صلى الله عليه وسلم[ أتدرون ما المفلس ؟ قالوا : المفلس فينا من لا درهم له ولا متاع . فقال : إن المفلس من أمتي يأتي يوم القيامة بصلاة وصيام وزكاة ويأتي قد شتم هذا وقذف هذا وأكل مال هذا وسفك دم هذا وضرب هذا فيعطي هذا من حسناته وهذا من حسناته فإن فنيت حسناته قبل أن يقضى ما عليه ؛ أخذ من خطاياهم فطرحت عليه ثم طرح في النار ] . ( حسن صحيح )
وجزاك الله خيرا على النصيحه وكما قلت أخذالحيطه مهم

جزاك الله خيرا استاذ سيد
الحمد لله على كل حال
وربنا يجازى ولاد الحرام بما يستحقو