مشاهدة النسخة كاملة : محلات نسيم عازر للأسلحة بالمنيا مقفولة ليه ؟
ehab.bob 12-09-01, 02:41 PM كان قبل الثورة فيه محل اسمه نسيم عازر للأسلحة بمحافظة المنيا شارع عدلى يكن
وكنا بنجيب من عنده رش وقطع غيار للبنادق بخامات عالية جدا واسعار هايلة
بس من فترة كبيرة والمحل قافل مش عارف ايه السبب يا ريت لو حد يعرف السبب يقولنا لأننا فى المنيا معندناش ولا محل بيبيع بنادق غير محل واحد بتاع أدوات رياضيه ومعندهوش غير بندقية كرال خشب كسر وطالب فيها 1750 جنيه ياريت محل نسيم عازر يفتح تانى وشكرا
mhmoud6699 12-09-02, 11:26 AM بص ياعم ايهاب معاك اخوك الصغير محمود عماد
نسيم عازر المنيا كان شغالفيه عم فكرى او شكرى والراجل بعد الثوره خاف لحد يتهجم عليه وهوه راجل كبير ياخد الاسلحه بالذخيره ودى مسؤوليه قانونيه كبيره
فالراجل ريح دماغه وعمل ايه
سلم العهده لنسيم عازر القاهره على ما اعتقد فى مصر الجديده
وقفل المحل وسلم المفاتيح للراجل ده
طيب انت عايز حل محل كويس غير اغابى ده لان البياع بتاعه رخم وهوه محل اصلا رخم
تروح عند محل ابن فصيح فييييييييييييييين فى ابوقرقاص
دول محلين قدام بعض
الوصف
تروح الكبرى ووتطلع السلم وتنزل النحيه التانيه وبعد كده تدور على ميكروباص السواق بتاعه بينادى على المركز لحد ما تسمع حد بينادى ابوقرقاص تروح راكب معاه
وهتوصل بعد نص ساعه وانت راكب ممكن تسال حد فى الميكروباص هوه ابن فصيح فين فى شارع الجمهوريه
هيبصلك بصه غريبه الشكل ويقولك ابن فصيح الاب ولا الابن طبعا هتقوله مش هتفرق ويبص تانى ويقولك البيت ولا المحل طبعا تقوله المحل هيقولك طيب انا هوصلك تمام
والله تعبت
طيب هتلاقى محلين فى وش بعض بس كده اشترى واتمتع بس ده محل عادى وابن تيت
اشتريت جراب كورال ب100 جنيه
وعلبه رش مرسمان ب 6 جنيه بس ده عنده كل قطع غيار الاسلحه
اشتريت منه سوسته شادو1000 ب25 جنيه وشغاله كويس
ehab.bob 12-09-02, 02:24 PM اخى وبلدياتى العزيز محمود عماد اشكرك جدا على التوضيح وعلى الوصفة بتاعة ابن فصيح فى ابو قرقاص وان شاء الله هروحله قريب جدا واتمنى لك دوام الصحة والعافية والصيد الوفير
mhmoud6699 12-09-03, 09:08 AM يا استاذ ehab.bob انا فى خدمة معاليك دوما دحنا ولاد بلد وانشاء الله ننظم طلعه ونكلم العميد اشرف كمان وننزل فى يوم مع بعض
حتى نتعرف على بعض وجها لوجه
تحياتى
صياد هاوى 12-09-03, 12:11 PM السلام عليكم. اخوكم فى الله." عبدالله " اخصائى اجتماعى. من سمالوط. اتشرفت بمعرفه حضارتكم.
هو فى هنا فى سمالوط محلين واحد منهم عارض الكرال التركى الفيبر الاسود 1600 يعنى ممكن تخلص 1550 . بس برده اسعار غاليه بالنسبه لتجار المنتدى . ان شاء الله احتمال نسافر انا وصديقي الخميس علشان نشتري من محل الاخ ابو سيف علشان هو عامل عرض وداعى ليه كل اعضاء المنتدى . وفى برده عند الاستاذ هشام سمير اسعار جميله جدا .
ehab.bob 12-09-03, 05:24 PM يا استاذ ehab.bob انا فى خدمة معاليك دوما دحنا ولاد بلد وانشاء الله ننظم طلعه ونكلم العميد اشرف كمان وننزل فى يوم مع بعض
حتى نتعرف على بعض وجها لوجه
تحياتى
محمود باشا لى الشرف ان اتعرف على صيادين بلدنا وياريت نتجمع مع بعض بس بعد ما اجيب النشنكاه للبندقية ان شاء الله نحدد يوم ونطلع طلعة حلوة ان شاء الله
ehab.bob 12-09-03, 05:29 PM السلام عليكم. اخوكم فى الله." عبدالله " اخصائى اجتماعى. من سمالوط. اتشرفت بمعرفه حضارتكم.
هو فى هنا فى سمالوط محلين واحد منهم عارض الكرال التركى الفيبر الاسود 1600 يعنى ممكن تخلص 1550 . بس برده اسعار غاليه بالنسبه لتجار المنتدى . ان شاء الله احتمال نسافر انا وصديقي الخميس علشان نشتري من محل الاخ ابو سيف علشان هو عامل عرض وداعى ليه كل اعضاء المنتدى . وفى برده عند الاستاذ هشام سمير اسعار جميله جدا .
الأخ العزيز وزميل المهنة الأستاذ عبد الله تحياتى لحضرتك واحب اعرف المحلين دول فين فى سمالوط لو سمحت برضة نبقا عارفين المحلات موجودة فين حوالين مننا علشان لما نعوز نشترى حاجة يبقى الموضوع سهل وربنا يكرمك وتشترى كرال مدفع بإذن الله وأنا بعديك ان شاء الله بس مستنى فلوس مراقبة الثانوية العامة هههههههههههههه
M.SHADY 12-09-03, 07:11 PM احلى سلام على بتوع المنيا .عروس الصعيد المصرى . و ربنا يديم عليكم المحبه و الود
ehab.bob 12-09-03, 08:38 PM احلى سلام على بتوع المنيا .عروس الصعيد المصرى . و ربنا يديم عليكم المحبه و الود
الأخ الفاضل m . shady شرفت موضوعنا ونتمنى نشوفك فى عروس الصعيد انت وكل أعضاء المنتدى الجميل بتاعنا وتأكد أنك يوم ما تفكر تنزل المنيا هتلاقى اخواتك فى انتظارك علشان تشوفوا كرم الصعايدة وربنا يديم علينا جميعا المحبة والود
صياد هاوى 12-09-03, 10:41 PM السلام عليكم . استاذ ehab.bob (http://www.egypthunt.net/member.php?u=14834) تشرفت بمعرفتكم . الحمد لله انى ما طلعتش مراقبه السنه دى لا دور اول ولا تانى وده بفضل الله اولا واخيرا لانى عريس جديد وموضوع مراقبه الثانويه العامه ده كان هيبوظلى الدنيا لكن الحمد لله . بالنسبه للمحلين هما قصاد بعض واحد تجاره فقط ( محل الحاج صفاء الدين ) والتانى تجاره محدوده +صيانه. هتنزل من الميكروباص اخر الخط ( مش الموقف ) على الطريق امام شركه بيع المصنوعات جنبها على طول شارع الصاغه هتمشى لغايه نصف الشارع وبعدين على شمالك بحوالى 20 متر هتلاقيهم على طول ولو سالت اى حد هناك هايدلك بسهوله .اسعارهم بالنسبه للرش معقوله 4 جنيه للمارس مان نمره 2 . وعلى فكره هو عنده كمان واحده نوريكا اسبانى (1800 ) + رمسيس نمره 2 ( 1100 ).
ehab.bob 12-09-04, 12:32 AM اشكرك يا استاذ عبد الله على اهتمامك ووصفك لمكان المحلين والف مبروك على الزواج السعيد وربنا يعطيك الذرية الصالحة وتخلفلنا صيادين صغيرين ههههههههه . والحمد لله انك ماطلعتش مراقبة السنادى احنا تعبنا خالص انا بطلع ( مراقب دور ) بس السنادى تعبنا اخر تعب مع الطلبة وفى الحر لأنى بروح وارجع كل يوم وبهدلة فى القطارات وتعذيب وربنا الحمد لله كملها بالستر ورجعنا بالسلامة واتمنى لك الصحة والعافية والصيد الوفير اخوك ايهاب
صياد هاوى 12-09-04, 07:11 AM لاشكر على واجب يا استاذ ايهاب . ان شاء الله ربنا يكرمك وتجيب المدفع الجديد . بس يا خساره الاجازه خلصت وكنا عايزين صيادين المنيا يطلعوا مع بعض ونتعارف فيما بيننا بس ان شاء الله ملحوقه قريبا ان شاء الله .
M.SHADY 12-09-04, 06:33 PM الأخ الفاضل m . Shady شرفت موضوعنا ونتمنى نشوفك فى عروس الصعيد انت وكل أعضاء المنتدى الجميل بتاعنا وتأكد أنك يوم ما تفكر تنزل المنيا هتلاقى اخواتك فى انتظارك علشان تشوفوا كرم الصعايدة وربنا يديم علينا جميعا المحبة والود
الشرف ليا انا يا باشا . و ربنا يبارك لك
mhmoud6699 12-09-11, 02:22 PM اهلا باهل المنيا كلهم
الأستاذ إيهاب والاستاذ عبدالله
معلش الترحيب جه متاخر لانى النت عندى قاطع وكنت بسافر فكنت مشغور وشكرا لمستر شادى على احلى مرور
وعايزين نظبط معاد نخرج فيه مع بعض انا معايا بندقيه كرال
شوفو لو يوم الجمعه يناسبكم الصبح بعد الفجر او الساعه 5 بالتحديد
ممكن تبعتولى sms على رقمى او تتصلو بيا على رقم
(01022775059)
تحياتى
|