لمالكى التراخيص فقط للبيع وإعتذار للمشرف العام (تم رفع الصور)

[ايمن شرف]

للبيع مسدس سيج زاور موديل x five lightweight جديد بخزينة إضافية 19 طلقة عيار 9 ملى إنتاج عام 2012 لم يستخدم مطلقاً انتاج المانيا - قسم الهرم
وكنت عايز أعرف من الاعضاء الكرام سعره لأنى مش عارف سعره الأن بالأسواق

وربنا يبارك للمشترى

[mido492003]

والله انا مش خبير فى الاسعار بس اعتقد من 70الى 80 لانى كان معروض عليا واحد ب 90 جديد استلمو من المطار

[smsm2020]

من 70 الي 80 طيب لو معاك سميث مستعمل او براوننج او سي زد 16 طلقة بمنتهي الامانة تبيعه بكام

[Zouki]

انها طبنجة لا تقدر بثمن ربنا يباركلك فيها و للاسف التجار بيوقعوا فى ثمنها...نصيحة احتفظ بيها لحد ما لاسعار تعلي تاني...ربنا يوفق حضرتك و يحسن سوقها

[hell007_hell]

شوف يا استاذ ايمن ..... الطبنجة تحفة وربنا يحسن سوقها

بالنسبة للسعر ( دى مسألة تقديرية ) بس احب الفت نظر حضرتك لعدة نقاط ....

فى اعضاء بيعرضوها على 120 الف جنيه .... بس للصراحة ما شوفناش حد كتب انه اشتراها بالسعر ده

حضرتك شوف هى واقفة عليك بكام ( اجمالى الثمن النهائي ) و حدد الربح اللى حضرتك شايفه ملائم

وعلى هذا الاساس هتوصل لسعر يرضيك و يسرع عملية البيع

و انا و الله كلامى هذا للنصح فقط .... وربنا يحسن سوقها و يوفقك فى بيعها وان كنت شايف انها خسارة تتباع

[Ahmed Boshnak]

والله انا مش خبير فى الاسعار بس اعتقد من 70الى 80 لانى كان معروض عليا واحد ب 90 جديد استلمو من المطار

معلش يابشا بس عاوز اسال هل انتا كنت مستورده ولا كان جايللك من المطار ازاى ...تقبل تحياتى

[smsm2020]

والله من مصدر داخل الامانة العامة بوزارة الدفاع لم يعرض اي طلبات استيراد علي الوزير الجديد ولن يعرض في الوقت الحالي واتحدي اي حد عنده معلومه عكس كلامي

[ايمن شرف]

والله يا جماعة انا اول ما وصلت من ثلاث اشهر ..... اتعرض عليا فيها 120 الف ... بس دلوقتى معرفش بقت بكام .... وللمعلومة انا استوردتها عن طريق احد تجار السلاح المشهورين ... وقعدت استوردها لمدة سنة تقريباً .. نظرا للظروف التى تعرضت لها مصر ... وللعلم الموافقات الاستيرادية كانت شغالة لغاية لما المشير مشى .... واعتقد دلوقتى انها موقوفة
...اما بالنسبة لإجراءات الاستيراد
.... فهى كالأتى :

1- تصريح شراء مختوم بخاتم مديرية الأمن , الأمن العام (الشئون الإدارية) , توثيق وزارة الخارجية
2- ترجمة التصريح
3- رقم الموافقة الإستيرادية
4- التوجه لأحد التجار الموثوق فيهم وتسليمه جميع الأوراق وعربون للسعر عقب تحديده
5- إنتظار بوليصة الشحن والفاتورة من التاجر مترجمين
6- التوجه للأمن العام للحصول على الإفراج الجمركى
7- التوجه للمطار برفقة أحد مخلصى الجمارك لتسلم السلاح من قرية البضائع عقب سداد الجمارك والرسوم المستحقة عليه وفحصه بمعرفة مكتب المفرقعات بالمطار
8- مبروك ..... التوجه للقسم التابع له الترخيص لإثباته على الرخصة

وأرجو ان اكون قد استطعت الرد على اغلب الأسئلة

[Mohamed Mahmoud]

يرجى وضع السعر حسب قواعد المنتدى

[ايمن شرف]

hالسعر المطلوب 120,000

[hassan ahmed]

تمنياتى لك بالتوفيق

[M.SHADY]

بالتوفيق فى البيع ان شاء الله

[hazeeeeem]

بالتوفيق مسدس تحفه

[كريم الشامي]

بالتوفيق ...

[nileprince]

علي فكرة الطبنجة دي قصدي مثلها تم شرائها بحضوري ب140 الف جنيه و من تاجر شهير و كلامي ده للامانه
كان معاها خزنه اضافي
علي تصريييييييييييح الشراء
تحياتي

[Mo0oOo0oRA]

بالتوفيق بإذن الله

[nileprince]

و كلامي ده للعلم بالوضع الغريب اللي احنا بنعيشه:(

[ahmed5050]

انها طبنجة لا تقدر بثمن ربنا يباركلك فيها و للاسف التجار بيوقعوا فى ثمنها...نصيحة احتفظ بيها لحد ما لاسعار تعلي تاني...ربنا يوفق حضرتك و يحسن سوقها

سيادتك راجل محترم و امين

[ahmed5050]

علي فكرة الطبنجة دي قصدي مثلها تم شرائها بحضوري ب140 الف جنيه و من تاجر شهير و كلامي ده للامانه
كان معاها خزنه اضافي
علي تصريييييييييييح الشراء
تحياتي

سيادتك رجل امين و صادق محترم و على فكرة الاسعار بدئت في الزياده لانه لعلمي ان وزير الدفاع منع الموافقات للافراد و الله اعلم

[ايمن شرف]

يعنى ايه يا جماعة..
أطلب 140000 ولا ايه ؟؟؟؟

[goodzila]

نصيحه يا استاذ ايمن متمشيش ورا كلام حد ده لو مستعجل علي البيع انما لومش مستعجل انت حر جرب يمكن تيجي معاك معظم الي بيكلموا عن وقف التصاريح ومحدش بيعرض حاجه علي الوزير كلها معلومات غير مؤكده الطبنجه لو جبتلك 120 بيع صدقني وانت الكسبان لان من منظر السوق الاسعار في النازل مش في الطالع فيه ناس بقا بتصبر نفسها بكلام ده عشان ممكن يكونوا شارين باسعارغاليه عندهم حجات عايزين يبعهوها لكن والله نصيحه لوجه الله متمشيش ورا كلام حد لان الزيج زور بالاخص المعروض منه كتير وهوه ده السبب في نزول سعره وفي اكس فيف متباع قدامي ب85000 بس كان مستعمل لمده سنه وانتاج 2010 الكلام ده مكملش اسبوعين فلو عايز تبيع بسرعه متسمعش كلام حد لان مفيش حد خسران حاجه لكن لو مش مستعجل جرب واسف علي الاطاله

[smsm2020]

كويس مستعمل انتاج 2010 ب85000 جنيه يبقي جديد زيرو موديل 2012 لم يستعمل ولو بطلقة يساوي كام وبعد كده الاخبار اللي انا قولتها بخصوص وقف الموافقات من الوزير الجديد اخبار مؤكده واتحداك امام المنتدي كله لو عندك غير كده او في موافقات طلعت من الوزير الجديد

[mahmoudsaid]

بالتوفيق فى البيع ان شاء الله

[hassan ahmed]

هل المعلومات مؤكده من الامانه ىالعامه

[unicorn]

كويس مستعمل انتاج 2010 ب85000 جنيه يبقي جديد زيرو موديل 2012 لم يستعمل ولو بطلقة يساوي كام وبعد كده الاخبار اللي انا قولتها بخصوص وقف الموافقات من الوزير الجديد اخبار مؤكده واتحداك امام المنتدي كله لو عندك غير كده او في موافقات طلعت من الوزير الجديد


السلام عليكم
كلام حضرتك مظبوط بالنسبة لعدم اصدار موافقات من الوزير السيسي
ولكن عرفت من ضابط فى مركز مهم ان الوزير الجديد هيدى تعليمات قريبا بمنح تصاريح الاستيراد لكل مستحق لها للقضاء على الواسطة والمحسوبية فى تصاريح الاستيراد
وقال كمان ان هيكون فيه لجنتين ورا بعض فيهم 3000 طلب يعنى كل لجنة 1500 موافقة
طبعا كنت مصدق الكلام لكن الرقم اللى قاله بصراحة شككنى
بالاضافة ان الكوسة صعب تنتهى كده ببساطة والبلد تنضف بسرعة من الواسطة
والله اعلم

[unicorn]

بالتوفيق لصاحب الطبنجة وربنا يباركلك فى بيعها
تحفة حقيقية

[weaamx]

تحفة بمعنى الكلمة و ليها ناسها ,, ربنا يباركلك

[waleedm]

و الله تحفة و تستاهل و خساره تبيعها
ربنا يباركلك
بس ممكن حضرتك تقولي هي وزمها اد ايه عشان لو خفيفة نفكر بدل البراوننج

[ايمن شرف]

وزنها يا باشا حوالى كيلو بالخزنة , وعلشان تبقى عارف دى النسخة الخفيفة من ال x five العادى واللى وزنة حوالى كيلو و 350 جرام

[waleedm]

اوعي تفرط فيها اقل من 140 دي الحلوان ب 39
و الناس نسيت سعر الزيج ابل الثورة كان ب 70 الف اساسا ايام مكان الاستيراد مفتوخ
اقل من كده حرام هيه احسن من فلوسها نصيحة من القلب عمرك ما هتعوضها
الا لو سيادتك محتاج فلوس و طبعا طل واجد ادري بظروفه
و ربنا يباركلك في كل الاخوال

[hassan ahmed]

انتظر الايام القادمه سيتضح كل شىء

[smsm2020]

بيع ياباشا نصيحة

[ahmed hassan]

بالنسبه لموضوع السعر ده حسب احتياج البائع لثمنه لكن انا ملاحظ من فتره ان المعروض من الsig x5 كتير ومحدش بيشترى خالص لعدم منطقيه الاسعار لان الناس خايفه من احتمال نزول الاسعاروالحاجه الثانيه اللى انا ملاحظها ان فى اعضاء كتيره فى المنتدى شغاله فتى والى يقولك الصوره لازم تنزل والا سيتم حذف الاعلان واللى ميعرفش اى حاجه عن السلاح وبيفتى ولا معاه يشترى بندقبه رش

نصيحه للبائع اقبل سعر اى مشترى جاد فى الشراء لان مفيش بيع اى حاجه فى هذه الايام

[عيون الصقر12]

بالتوفيق فى البيع ان شاء الله