رجاء المساعده بندقيه فالك موديل 90 صناعه المانيه

[اف ام]

السلام عليكم من جديد ويارب تكونو بخير :p معايا بندقيه falke صناعه 1990 المانيا بتضرب رش نمره اتنين وممكن تضرب بلى كمان لو حبيت ;) هههههههههه هى كامله مكمله معاادا الدبشك طبعا عاوز اعرف تقيمها ايه سعرها ايه بالدبشك ومنغيره لانى مش عارف سعرها طبعا خارجين من عيد وكده انا جبتلكو فى الصور كحك وبسكويت اتفضلو معانا ياريت الى عندو معلومات يساعدنا بيها فى ردود عشان الكل يستفيد طبعا مش لاقى صوره ورده ( ورده )

[احمد فتحي]

سعرها مش عارف بس علي حسب الحاله بتاعتها
وانك تبعها من غير دبشك مينفعش لازم بالدبشك
وانك تضرب بيها بلي ملهاش اي تلاتين لزمه وهيبوظ الشيش خان ‏‎ ‎

[اف ام]

يا سلام يا احمد يفتحى بحب انا الناس الى بتنجز وتجيب من الاخر الرد باختصار وفى تلات سطور ههههههههه كل سنه وانت طيب يغالى مووضوع الدبشك دا رخم تفتكر اشتلف دبشك من حد واخى النجار يعملهولى ؟

[احمد فتحي]

ممكن ياباشا يتعمل زيه
بس دبشك الفالك محترم جدا
هو فيه شروخ او مكسور

[اف ام]

اقولك هو فيه ايه ومتزعلش؟؟ ههههههههههههه هو مش فيه دبشك اصلا للاسف هى جتلنا كده

[HANINIE]

هذه البندقية لها سرعة متوسطة 145م/ث برش 14.5 جرين طاقتها 9.8 جول
يفضل استخدمها للرماية بشرط سلامة الشيشخان
ولكن للايضاح لا ارى لها نشنكاه خلفى

[ابو الشوق]

الفالك بندقية تحفة فنية وفى الصيد ممتازة وعلى فكرة ممكن يركبلها سوستة ديانا 52 وسوستة بى اس
اهم حاجة تكون الجزة مش بتنفس وتكون الجزرة بتاعتها هى جزرتها الاوريجنال ودة هتعرفة انك هتلاقى رقم البندقية محفور على القميص هو نفس الرقم هتلاقية محفور على الجزرة من تحت
وبلاش موضوع البلى دة مع البندقية لحسن هتلر يزعل منك

[نادرموريس]

دي بندقيه رمايه مش صيد تعملهل500جنيه في ناس ممكن تدقع فيها الي انت عاوزه لانها تعتبر من تحف زمان

[اف ام]

هتلر لسه رانن عليا وبيكلمنى فحوار البلى داا بس انا راضيته وكده وفهمته ان مرسى بقا الريس دلوقت وهو قالمفيش مانع سؤال وجيه شويه ايه دخل 1990 صناعتها بهتلر يجماعه؟

[pooforever_2010]

هتلر لسه رانن عليا وبيكلمنى فحوار البلى داا بس انا راضيته وكده وفهمته ان مرسى بقا الريس دلوقت وهو قالمفيش مانع سؤال وجيه شويه ايه دخل 1990 صناعتها بهتلر يجماعه؟
عادى ممكن هتلر الثانى عشر
هههههههههههههههههههههههه

[اف ام]

بجد يجماعه ايش دخل هتلر فى صناعه 1990 ولا اصدارها القديم من اام هتلر مثلا ياريت حد خبير يحكيلنا حكايتها بدال والله مادخل اكسرهاا اه ههههههههههههه

[HANINIE]

والله اللى اعرفه ان الفالك كانت بتتصنع فى 1950 وتوقف انتجها واما انها انتجت بعد كده فا معنديش معلومات
وانشاء الله حد من الاعضاء عنده معلومة يفيدك بيها

[ابو الشوق]

بجد يجماعه ايش دخل هتلر فى صناعه 1990 ولا اصدارها القديم من اام هتلر مثلا ياريت حد خبير يحكيلنا حكايتها بدال والله مادخل اكسرهاا اه ههههههههههههه
1990 مين
الفالك تحفة فنية لن تتكرر فى عالم البنادق الهوائية المعدن بتاعها وصناعتها تحفة كل البندقية مفيهاش لحام واحد كلها مسمار وقلاووظ
مصنع فالك اتدمر فى الحرب العالمية التانية ومن يومها مبقاش يتصنع منها انا اتشرف باقتناء فالك 90 عيار 177

ودى موضيع مميزة بتتكلم عن الفالك
http://www.egypthunt.net/showthread.php?t=1122&highlight=%DD%C7%E1%DF

[Mohamed Mahmoud]

1990 مين
الفالك تحفة فنية لن تتكرر فى عالم البنادق الهوائية المعدن بتاعها وصناعتها تحفة كل البندقية مفيهاش لحام واحد كلها مسمار وقلاووظ
مصنع فالك اتدمر فى الحرب العالمية التانية ومن يومها مبقاش يتصنع منها انا اتشرف باقتناء فالك 90 عيار 177

ودى موضيع مميزة بتتكلم عن الفالك
http://www.egypthunt.net/showthread.php?t=1122&highlight=%dd%c7%e1%df

طول عمرك استااااااااااااااااااااااااذ
حمدلله على السلامة
وبقالنا كتير مش بنشوف حضرتك
يا رب على طول تبقى معانا

[ابو الشوق]

طول عمرك استااااااااااااااااااااااااذ
حمدلله على السلامة
وبقالنا كتير مش بنشوف حضرتك
يا رب على طول تبقى معانا
الله يسلمك يا محمد بك الراجل بيقولك بتضرب بلى
الواحد بيعامل البندقية كانها جزء من جسمة لما يلاقى واحد بيضرب بلى بالفالك دمة يتحرق

[Mohamed Mahmoud]

والله يا باشا البى اس بتاعتى يوم ما بيحصل فيها حاجة ممكن تسال عادل عبدة او ابو شمس الواحد بيقبى عامل ازاى
والله فى غلاوة منة بنتى

[اف ام]

هى مش بندقيتى الشخصيه انا بندقيتى بتتباع فى موضوع تانى وتقدرو تشوفوها جديده لانج لانج وببيعها عشان الخطوبه والفلوس انما الفالك بتاعت حد كده يمكن ميعرفش قيمتها ولاكن يعرف انها مميزه داخلين تسلمو على بعض فى موضوعى؟ ههههههههه لالا لازم انزلكو شاى وقهوه وسحلب الغوالى عندنا يا مرحبا يا مرحبا

[محمد المصرى الاصيل]

اقدر التواصل معاك ازى انا ممكن اشترى البندقية دى منك بس حدد سعر

[كابتن محمود دياب]

بندقية فعلا رائعة وكفاية انها صناعة المانية
خامات ممتازة ولا يوجد بها لحمات نهائيا
وفى ناس بتركبلها سوستة ال 52
وكفاية انها من شخصية محترمة زى حضرتك

[Orabi]

اقدر التواصل معاك ازى انا ممكن اشترى البندقية دى منك بس حدد سعر

يا فندم حضرتك الموضوع ده قديم جداااااً من حوالي سنتين من 2012 بس حضرتك أعدت رفعه مره تانيه.

يرجي من الساده مشرفي قسم السوق غلق الموضوع.