بسم اللة الرحمن الرحيم


انهاردة انا كنت ناوى اكمل باقى الاوامر الصغيرة البدأنها قبل كدا بس بقى علشان رغبة احد
الاعضاء حنشرح ازاى الكلب يطلع السلم بس الحاجات دى الكلب مينفعش يتعلمهم
وهو صغير لازم نمو البدنى يكمل علشان يبقى فية مع الحجم قوة تمكنة من اداء الاعمال دى
يعنى متجبش طفل تعلمة يلعب كورة و هو مش بيعرف يمشى فالتمرينات دى من عمر
9 شهور وانت طالع و يكون الكلب خلص الطاعة حاجة كمان انا حشرح كل حاجة يالتفصيل الملل
و لكن انا من رأى الحاجات دى تترك للخبراء فى مجال تدريب الكلاب و خاصة انا شايف
انها مش مهمة خالص لكتير من الناس حتعمل اية بكلب بيطفى نار و يتخطى حواجر وانت
اصلا بتخلية يجرى ورا القطط و تجرى بية عيال الشارع :D المهم كفاية بقى ونبدأ

1- صعود السلم (سلم المطافى )
مش المقصود بيها صعود سلم العمارة او الدرجات دى اى كلب بيعملها و لو عندك كلبك
مش بيعرف يعملها يبقى لانة جرو صغير و متخفش لما حجمة يكبر حينزل و يطلع عادى
جدا السلم الصعودة محتاج تدريب هو السلم الزى بتاع المطافى طبعا دا بيبقى صعب شوية
على الكلب صعودة و فى الاول ممكن رجل تقع بين الفتحات الموجودة بين الدرج علشان
كدا حتفضل جنبو فى التدريب دا مستعد انك تلحقة فى اى وقت حنعمل اية بقى
حتنيم السلم على الارض و تحاول تمشى الكلب علية براحة حيعد يستهبل ويبعد
و يحت رجلة على الارض البين الدرج تسحبة برضة او تجيب حتة اكل تحتها فى اخر الدرج
وتمشى بية ناحيتها و براحة ها تمشى بية براحة علشان الكلب يركز ويحت رجلو على
درجات السلم واحدة واحدة كام مرة بس كدا لحد الكلب ما يحفظ السلم و ميخافش منو
و بعدين بعد كدا اليو التانى غالبا ترفع طرف السلم على حاجة منخفضة زى كرسى مثلا
بس ونبى تثبت السلم حلو و الارض تحتة متبقاش ناعمة تزحلق السلم بدل ما ياخد الكلب
وينزل الكلب يخاف و حورات بقا خلاص نثبت السلم و بالحب كدا نمشى الكلب حتلاقى
الكلب بيحاول ينزل من علية و يمشى شيلو حطو فى الحتة المرتفعة شوية حط رجلية
الاتنين الورا على درجة سلم و رجلية القدام على الدرجة القدامها او لو القدامها كمان لو
الكلب حجمة كبير و بعد كام درجة حط اكل باين و يكون الكلب جعان علشان دا يبقى حافز
شد الكلب بالسلسلة بس براحة اوى ناحية الاكل حتلاقى الكلب بيصلك و يرجع ودنو لورا
بيقولك اعمل اية تشيل رجل من قداو تحتها على الدرجة القدامها و رجل من ورا على القدامها و بعدين القدام تانى وبعدين الورا تانى و تقول الامر بتاعك (اطلع ) او (up) حتكرر الموضوع
دا كذا مرة لحد ما الكلب يطلع لوحدو بعد كدا تعلى السلم شوية فشوية لحد ما السلم يقف
كامل