طلب المشوره بخصوص استرا 1921

[in focus]

الساده أعضاء المنتدي الكرام .......أرجو النصيحه والرأي من حضراتكم بخصوص طبنجه مرخصه استرا اسباني موديل 1921 للشراء بمقتضي ترخيص شراء ........الحاله العامه جيده والسعر المطلوب 15000 جنيه .....ولكم جزيل الشكر مقدما

[bodygard 34]

عيار كام ؟؟ وخزنته كام طلقه؟؟ اما الحاله فأنت اللى تقدر توصفها

[kghazy]

بص يا باشا أنت قصدك على الاسترا 400 اللى بدأ انتاجها فى سنة 1921 وتوقف سنة 1946 بعد انتهاء الحرب العالمية التانية والطبنجه دى بيجمعها هواة التحف واتصنع منها 150 ألف قطعة ولا يوجد لها قطع غيار جديدة وسعرها على حسب ندرة الاصدار وزى ما قلتلك دى تعتبر تحفه للاقتناء وليس للدفاع وإذا كنت مصمم عليها لازم تفكها وتقلبها كويس وتتأكد من سلامة الأجزاء والماسورة والشخشنات، بالنسبة للسعر ممكن تكون تسوى ملايين وممكن تسوى تلاته تعريغة، أبعتلى رقم المسلسل وأنا أقولك قصة حياة القطعة اللى معاك

[kghazy]

وبرضه مع المسلسل حتلاقى على المقبض وعلى كوبرى حرف f أو حرفين rf يا ريت برضه تقولى مع الرقم المسلس الحروف الى على المقبض أو الكوبرى

[in focus]

شكرا جزيلا علي الردود السريعه .....الطبنجه عيار 9 مم طويل والأجزاء والماسوره والشخشخنات بحاله جيده جدا ويبدو انها كانت محفوظه في خزنه لفتره طويله

[in focus]

الأخ الكريم kghazy جاري الاستعلام من صاحبها عن الرقم المسلسل واخطار سيادتك وشكرا للاهتمام وسأحاول رفع صور لها