اقوي kral في مصر للبيع

[Andria]

اقوي kral في مصر للبيع او للبدل ببام 21 جديده

1- البستم صلب (متغير و البستم القديم موجود)
2- مجموعه الزناد جامو معدله بسن صلب عشان تستحمل السوسته القويه
3- السوسته تيتن ديانا 54
4- الجلبه جامو
5- جلبه بيت الرش جامو
6- حدافه ابو ذيب الطويله لغايه الدليل
7- دليل صلب بالكامل مع رجلاش لتغيير السرعه
8- مسوره معدله من الخارج


يعني من الاخر غيرت كل حاجه من جوه الي الاحسن و الاقوي ، و البندقيه بتصطاد من مسافات بعيده جدا جدا و مش محتاجه اي حاجه خالص او اي تعديل اخر

السرعه بالرش الخفيف 890 قدم يعني حوالي 272 متر في الثانيه و الرش الثقيل حوالي 225 متر في الثايه
المهم الدقه البندقيه بقت دقيقه جدا جدا و سريعه و كمان اهم حاجه خفيفه

سعر البندقيه 1900 من غير سكوب و يوجد سكوب بوشنيل 3x9x50 يباع لوحده بسعر 350 جنيه مع العلم ان البندقيه تشتغل سكوب بس عشان التعديل بتاع المسوره ولن يباع السكوب من غير البندقيه

الاستعلام علي الخاص

[Peace Missile]

موفق فى البيع ان شاء الله التعديلات تعديلات محترف بجد وتستاهل اكتر من السعر

[احمد العوضى]

موفق فى البيع ان شاء الله

[ashraf_f]

يا اختراعاتك يا اندرو بص تغيير السوست و القواعد و كل دة سهل و متوافر لكن عيب الكرال القاتل ضعف مجموعة الذناد و بما انك ركبت مجموعة الجامو الاصلية تبقى كدة بروفوسير . و حليت المشكلة الاساسية
مبروك مقدما للشارى تاخدها و انتا مغمض و ربنا يباركلك فيها

[hemi afifi]

ما شاء الله بجد انت معلم لو تقول علي اسعار التعديلات و منين و لو في حاجه كانت صعبه في التعديلات دي تكسب ثواب في اخواتك الكتيييييير اللي معاهم كرال

[ashraf_f]

بعد اذن اندريا
سوستة تايتن 300
مجموعة ذناد غير موجودة بمصر تاتى من الخارج ب 300
الجلبة 60
القاعدة و الدليل 50
البستم 75
جلبة بيت الرش 20
المصنعية لا تقل عن 100
هذا غير تعديل الماسورة \ التعديل بحوالى 1000 جنيه تقريبا لكن تحولت الى شادو 1000 معدلة اللى سعرها 4000

[hemi afifi]

شكراااا اشرف باشا التعديل بجد تحفه بس غالي كده الفرق في التمن بينها و بين الشادو بقي بسيط جدا و علي كده السعر اللي معروضه بيه تحفه بالنسبه للي اتصرف فيها

[ashraf_f]

اندريا هاوى و مبتكر مش تاجر بل بالعكس هو يصرف على الهواية و مش محتاج يكسب منها و هو صديق لى من احسن الناس اللى اتعرفت عليهم من المنتدى

[ali comandos777]

اندرا باشا تسلم ايدك يا فنان علي التعديلات الجامدة دي . بالتوفيق ان شاء الله

[tarekvb]

الله ينور .. تعديلات جامدة

[smsm2020]

هي الماسورة دي ممكن اجيبها منين

[Griffin]

معلش يا أستاذ أندريا
أنا عاوز أعرف أيه التعديل في الماسوره؟؟
الواضح في الصوره أنه Shroud أو moderator يا ترى ده حقيقي و لا مجرد حليه زي الموجوده على ال TH56 ؟؟؟
و ياريت لو حضرتك تقولي جبتها أزاي أو منين لأني بدور على ماسوره بقالي يمكن ثلاثه أشهر علشان أستعملها في بندقيه PCP من تصنيعي
الصوره الرمزيه بتاعتي فيها 350 كلاسيك متركبلها شراود من تصنيعي فياريت لو موجود شراود بيتباع جاهز برده تعرفني منين؟؟

[Andria]

لا دي مجرد حليه من ماده الارتيلون

[Griffin]

لا دي مجرد حليه من ماده الارتيلون

طب بالنسبه للماسوره؟؟
أنا بدور على ماسوره أفضل أنها تكون choked و لو مش كده أنا ممكن أعملها choke بس المشكله أني مش لاقي ماسوره محترمه
حضرتك عندك فكره ممكن أجيب ماسوره منين؟

[illustrator]

لا دي مجرد حليه من ماده الارتيلون

يعنى مش كاتم صووووووووووت
طيب لو مجموعه الزناد القديمه موجودة ومش لازماك ممكن تبيعها

[Griffin]

يعنى مش كاتم صووووووووووت
طيب لو مجموعه الزناد القديمه موجودة ومش لازماك ممكن تبيعها

(كاتم الصوت) سهل في تصنيعه جدا و لو عاوز تعمل واحد شوف الموضوع ده:
http://www.egypthunt.net/showthread.php?t=31207

[Andria]

يعنى مش كاتم صووووووووووت
طيب لو مجموعه الزناد القديمه موجودة ومش لازماك ممكن تبيعها

لا مش موجوده

[illustrator]

(كاتم الصوت) سهل في تصنيعه جدا و لو عاوز تعمل واحد شوف الموضوع ده:
http://www.egypthunt.net/showthread.php?t=31207

تسلم ياباشا

[illustrator]

لا مش موجوده

انت بتكلمنى كده ليه انت مش عارف انا مين هههههههههه
هكلمك فى التليفون

[Andria]

انت بتكلمنى كده ليه انت مش عارف انا مين هههههههههه
هكلمك فى التليفون

ليه بس عادي ، مانا برد عليك اهو

[illustrator]

ليه بس عادي ، مانا برد عليك اهو

ماشى هكلمك برضه ولا انت مش عايز تسمع صوتى ده فى يوم من الايام كنت جارك فى ميدان لبنان وبجيلك الشغل ومش هقول اكتر من كده

[gmslem]

اندريا باشا .... حضرتك قلبت ال 128 الي فيراري !!!!

[Andria]

ماشى هكلمك برضه ولا انت مش عايز تسمع صوتى ده فى يوم من الايام كنت جارك فى ميدان لبنان وبجيلك الشغل ومش هقول اكتر من كده

ههههههه ، مانا بقول الرخامه دي مش غريبه عليا ، حبيبي يا وائل

[Andria]

اندريا باشا .... حضرتك قلبت ال 128 الي فيراري !!!!

يا باشا الله يخليك، هيا فعلا بقت بندقيه جباره

[samooz]

بروفسير اندريا
هو ميتقلش لحضرتك غير كده
الحقيقه ابهرتنا بأبتكاراتك و حلولك الجذريه و الفعاله لمشاكل اى نوع بندقيه
الحقيقه لولا انى متعور لسه من شرى الريتاى كنت خطفتها
بس خيرها فى غيرها
تحياتى يا برو
عيد سعيد

[goodzila]

الله ينور عليك ياكبير تعديلات خرافيه

[M.SHADY]

ماشاء الله . بندقيه تحفه . ربنا يوفق فى البيع

[samooz]

كل سنه و انت طيب

أستاذ اندريا لو سمحت فى امكانية لشراء السكوب لوحده

[mlmk66]

تعديلات جميلة جدا تسلم ايدك لكن لو التعديل في الماسورة مجرد شكل ممكن نركب النشكان العادي بدلا من الاسكوب

[mahmoudsaid]

بصراحة خطيرة
ماشاء الله
والسعر جميل
بالتوفيق ان شاء الله