استفسار عن جوانتي

[fire king]

سلام عليكم
انا يا جماعة عايز استفسر عن جوانتي اسمه tactical combat gloves
زي ده
http://www.patriotoutfitters.com/img/products/69000/69067.jpg

يا ترى هو موجود في مصر ؟
وهل في محلات متخصصة في بيع الجوانتيات

اتمنى محدش يستهزء
بالنسبة لي الجوانتي هيفيدني كتير في الشغل (بدون تفاصيل)
بشكل عام
للاسف كل اللي نعرفه عن الجوانتي انه بتاع المنتقبات او تلبسه في الشتاء
لكن العملية اوسع من كده والعديد من جيوش العالم المتقدم تعتبره شئ اساسي في تسليح الجنود ويختلف نوعه باختلاف المهمات

[tarekvb]

ممكن توضيح ليه هو شى اساسى لتسليح الجنود ما هى القائدة الكبيرة ليكون بهذه الاهمية ؟

[hogan]

الرابط ده هيفيدك
http://www.egypthunt.net/showthread.php?t=32521

وده لينك من امازون ليه
http://www.amazon.com/s/ref=nb_sb_noss?url=search-alias%3Daps&field-keywords=tactical+combat+gloves

[الزمر]

الجوانتي كان عندي منه كنت جايبه من أبو العلا من عند تجار الموتسيكلات كان نازل كده غلطه تقريبا اسأل عليه هناك أو في محل في المهندسين بيبيع الحاجات دي والخوز بتاعت الموتسيكلات هتلاقيه هناك بس هتلاقيه غالي شويه

[fire king]

الف شكر
+
الجوانتي بالنسبة لتسليح الجنود له استخدامات عدة
اهمها
النزول بالحبال من مباني او من هليكوبتر وبدونه يصبح ذلك صعبا جدا لان الواحد ممكن ايده تولع من الاحتكاك بالحبل
وفي مختلف الاجواء يعمل على جعل اليد جافة وامتصاص العرق ويحسن الامساك بالسلاح
والبعض مزود بجزء صلب ليجعل قوة اللكمة مضاعفة بحيث تكسر بسهولة
وغيرها الكثير حسب طبيعة المهمة

[Egyptian_Destroyer]

اللي اعرفه ان الصاعقه بتلبس جوانتي زي ده ..بس معرفش ليه .............. بالتوفيق

[mr vigo]

القفاز على حسب الاستعمال

لو على الشكل الحلو والاستعمال النضيف ممكن تروح محل هارلي ديفيدسون اللي في المهندسين

حتلاقي هناك كل القفازات الجلديه السميكه والملحقات اللي يمكن تشد انتباهك كمان

لو على الاستعمال الصناعي والكلام ده
ممكن تنزل رمسيس وتشوف محلات المهمات أو ليك حد بيشتغل مهندس بترول حتلاقي عنده
انواع مستورده ونضيفه جدا جدا لأن قفازات البترول بتكون مصممه للأستعمال مع الحراره العاليه والغازات المشتعله

لو استعمالك أكتر من الحاجات دي ممكن لو ليك حد في الخارج يبعتلك في الـ DHL قفازات المهمات العسكريه
وده بيتباع في مصانع الاسلحه والWEAPONS Shops لأن فيه هواه بيستعملوه في حروب الغابات اللي بيستعملو فيها مسدسات بلي الطلاء وبيسموها الاير سوفت
ولو عجبك أصلا ففي نادي هنا في مصر بيجيبها لأنه بيعمل مسابقات حرب الغابات الاير سوفت

http://forums.graaam.com/images/images_thumbs/8c139cce3bc89549e8341fb026510d92.jpg

http://forums.graaam.com/images/images_thumbs/a89f4f471a04ebf94671e415b0bf0539.jpg

اتمنى أكون افدتك ياصديقي

لأن ايديا وجعتني من الكتابه ههههه

[mr vigo]

وممكن تزور المحلات دي

أو
Airsoft Team
كما يمكنك زيارة بعض المتاجر
www.airsplat.com
www.iisports.com
http://www.airsoftmarket.com/en
http://www.tornado-airsoft.ch

[fire king]

شكرا على الافادة

[Zero]

أنا لقيته فى الموقع دة
http://www.airsplat.com/Categories/AC-APP-VK-VTAC.htm

بس عايزين حد يجيبهولنا و يقولنا سعرة فى مصر بكام ؟
هو بره بـ 9 دولار فقط