حيران ومش عارف أختار

[mohmed]

السلام عليكم أعضاء المنتدي المحترمين أنا عضو جديد ومحتار ومش عارف أختار بين مسدسين ولتربي99 وبين إيكول جاكال ديوال من حيث السعر والجودةوإمكانيةضرب البلي وكل شئ أفيدوني

[mohmed]

إه أعضاء المنتدي فيييييييييين؟

[hemi afifi]

لو جايبه للصوت يبقي والتر بدون نقاش بس لو الماني مش مصري و مشكلته الوحيده ان اللي موجود 8 مللي و ال8 مللي معروف ان صوته اقل من ال9 و الماسوره مقفوله و قطع غياره مش متوفره الجاكال كويس في البلي و 9 مللي و قطع الغيار موجوده الي حد ما اكتر من الوالتر بكتير و ممكن تفكر في الريتاي البارون و الايجل برده كويسين بس ونبي بلاش تهور لو حتستخدمه بلي عشان ده موضوع محتاج عقل و له اصول و متخلنيش اندم اني دليتك عليه

[ابو هنا]

السلام عليكم

انا بصراحه مش خبير فموضوع البلى لكن انا افضل الجاكال و انصحك بية

[mohmed]

شكرا ليكم كلكم ومتخافش مش هخليك تندم

[mohmed]

ممكن حد يفيدني أكتر معلش مع إحترامي لكل من علق

[tamer_tatow]

انا معايا الـ 2 الالماني والتركي
طبعا من حيث الشياكة والوجاهة يبقي الالماني
لو جايبه علشان الواقعية والشكل القريب للحي يبقي التركي
بالنسبة للمشاكل مع الداخلية وانت شايله ( الكلام ده من ظباط ) اي مسدس تركي يبقي صاحبه جايبه للمشاكل
طبعا المتانة والعمر الطويل الالماني يتفوق علي التركي بمراحل
درجة علو الصوت الاتنين تقريبا واحد ولو ضربت بالاتنين في نفس الوقت مش ح تعرف تميز انهي فيهم الـ 8 وانهي الـ 9 ملي

[mohmed]

أفدنا ياأستاذ شريف وأستاذهشام فين الناس دي كلها

[mohmed]

أفيدونا يا جماعة بشكل أكبر

[M.SHADY]

بصراحه ولا ده و لاده . البرونى 9000 او الفيرات ماجنوم

[hemi afifi]

محمد باشا صاحب الموضوع الردود اللي اتردت عليك وافيه جدا فسرنالك المميزات و العيوب و الاعطال و المتانه و توافر قطع الغيار و انهي ينفع بلي و انهي لا حضرتك كنت ممكن تبعت رساله خاصه للناس اللي انت عايزها تدخل تجاوبك استاذ شريف و استاذ هشام حيردو عليك بأذن الله و هم اكيد اكتر درايه بس الناس اللي ردت عليك بردو بيفهموا و ردو عليك لمصلحتك و ناس معروفه في المنتدي مش حيقلولك حاجه تضرك

[mohmed]

أنا أسف بس أنا كان قصدي كلنا نستفيد منهم للأنهم أصحاب خبرة في عالم المسدسات الصوت

[mohmed]

أستاذ شادي معلش هو البيروني9000 بيحشر الطلق ولو سمحت ممكن معلومات أكتر عن البيروني9000

[EZEL]

انا مع الاستاذ شادي ان الفرات ماجنم احسن من الاتنين فيه هيبة المسدس البريتا الحي وكمان يكاد يكون بدون اعطال مع التنظيف والاهتمام بيه دائما وهو يصلح للصوت والبلي ايضا