شوفو السمك و صلو على النبى

[أبو صفية]

السلام عليكم و رحمة الله

و رمضان كريم و كل سنة و إنتم طيبين جميعا

طبعا معظم الناس صايمة و الجو نار و محدش بيخرج يصطاد و أنا أول الجميع يمكن بقالى يجى شهرين ما إصطدتش لكن فى الفترة دى بدا عندنا موسم التشكيم و دا بيكون بالصنارة و بيحتاج غابة شديدة و متور قوى للصنارة و شعر ما يقلش عن سمك 70و بنربط فيه مجموعة شكامات و إسمها السبحة فى الغالب بتكون 8 شكامات و دا عندنا فى دمياط على منبع ترعة السلام من النيل الى بيكون فيها تيار المية قوى جدا و دا بيسحب عليه السمك الكبير و الحمير ( الفاس أو قشر البياض ) و دا السمكة الكبيرة الى فى الصورة و بنرمى السبحة فى المية الجارية جمب الجدران بتاعة عيون المية و بتشد عشوائى و زى ما ربك يرزق و الحمد لله ربنا رزقنى اليوم بشبارة وزنها كيلو و حبيتين حمير واحد 1.5 و التانى 4 كيلو و إمبيرح واحد نص كيلو و سمكة تيجى 3/4 كيلو بس بصراحة الجو نار و الواحد ريقه بينشف و الصيام عامل أحلى شغل بس كله يهون فى سبيل الحمير و أسيبكم مع الصور

http://img16.imageshack.us/img16/7162/dscf2624gy.jpg

http://img341.imageshack.us/img341/4789/dscf2618u.jpg

http://img339.imageshack.us/img339/4017/57513144.jpg

[NEW_Year]

بسم الله ما شاء الله
اللهم صلي علي النبي
بالف هنا وشفا ورمضان كريم يا شيخ

[محمد ناصر]

اللهم بارك
بالهناء والشفاء إن شاء الله

لكن قولك (صلوا على النبي) لن تنفعك ولن تحميك من العين
فوصية النبي صلى الله عليه وسلم (إذا رأى أحدكم من أخيه ما يعجبه فليدع له بالبركة) يعني يقول (اللهم بارك)

نسأل الله أن يبارك لك

[محمد ناصر]

هذا حديث صحيح ، صححه الشيخ الألباني رحمه الله

[ahmedmark777]

اللهم بارك فيما رزقت

[ابو عامر]

بسم الله ما شاء تسلم ايك سمك عسل من صياد ماهر بس ما تنساش نصيبى انا بحبه مشوى

[محمد يونس]

بسم الله ما شاء الله جريت ريقنا يا شيخ حرام كده بس بصراحه ربنا يرزقك كمان وكمان والله حاجة تفرح
والله ولى التوفيق ..............

[أبو صفية]

شكرا للجميع على المرور الكريم و الكلمات الطيبة و بالنسبة لموضع صلو على النبى بصراحة أنا كتبتها للفت الإنتباه مش خوف من الحسد و بالنسبة للحسد نقول زى ما قال تعالى ( بسم الله ما شاء الله و لا قوة إلا بالله

[القبطان المصرى 77]

بسم الله ماشاء الله
تسلم ايدك يابو صفيه
وفعلا الجو صعب جدا للصيد
وعشان كده انا سعات باطلع قبل الفطار بساعه مثلا
وطبعا الوقت مش بيسعفنى والرزق بيكون قليل

[أبو صفية]

بسم الله ماشاء الله
تسلم ايدك يابو صفيه
وفعلا الجو صعب جدا للصيد
وعشان كده انا سعات باطلع قبل الفطار بساعه مثلا
وطبعا الوقت مش بيسعفنى والرزق بيكون قليل

الله يسلمك ما أقولكش شوف الساعة الوقتى 10:30 مساءا و الله حاسس إن وشى بيطلع نار من ساعت ما كنت بصطاد دا غير المية و العصاير الى بشربها كتير جدا و ما أرتويش

[القبطان المصرى 77]

ههههههههههههههههههههههههههه
معلش يابو صفيه استحمل بقى شويه
والحصيله بسم الله ماشاء الله تستاهل التعب ده كله

[_SAIKO_]

اية الحلاوة دي .. بسم الله ما شاءالله الله اكبر .. ربنا يزيدك و تصطاد حوت المرة الجاية هههه

انت اصطدت كلة شبار .. اصطدت عيلة شبار .. الاب و الام و الاولاد ههههههههههه

[moorey]

الله عليك و بالف هنا و شفا عقبال الطلعه الجايه

[hogan]

بسم الله ما شاء الله
اللهم صلي علي النبي
بالف هنا وشفا ورمضان كريم يا شيخ

[mustafa-amer]

صلينا و سمينا

بطل و الله

[M.SHADY]

بسم الله ما شاء الله . و ربنا يبارك لك و عقبال طلعات تانيه

[amr naser]

طب مش كنت تقول حتى اتشرف انى اشوفك على العموم قريب ان شاء الله

[ابو مروان]

بسم الله ما شاء الله لاقوة الا بالله_انت حريف تشميط يا باشا ....انا عمرى ما جربت التشميط لان المية عندنا فى معظم الشرقية فيها زبالة وحاجات كتير فى الترع_شوية سمك بالهنا والشفا

[Peace Missile]

ماشاء الله ..صيد ممتاز ..على فكرة انا من دمياط ..ومن فارسكور ..اتمنى لو نطلع طلعات صيد مع بعض

[amr naser]

ماشاء الله ..صيد ممتاز ..على فكرة انا من دمياط ..ومن فارسكور ..اتمنى لو نطلع طلعات صيد مع بعض
يا باشا انا معاك والله وياريت نتفاعل

[مصطفى ابواسماعيل]

ولولا اذ دخلت جنتك قلت ماشاء الله لاقوة الابالله

[sakr2010]

تسلم ايدك وربنا يبارك

[أبو صفية]

شكرا لكم جميعا على المرور الكريم و الكلمات الطيبة و ربنا يوفق الجميع فى طلعاته

و بالنسبة للجماعة الى من دمياط الشرف يكون لينا لو طلعنا نصطاد معاكم إنتوا بس تأشروا و إحنا تحت الأمر و الطلب

[عـمـر]

بارك الله لك يا ابوصفية ... وماشاء الله لا قوة الابالله ... انت بتفتح نفسنا على السمك .... لكن كما قال الشاعر:
ما عشقت صيد البحر لولاك *** يا ابوصفية يا ملك الاسماك
ههههههههههههه ... بارك الله لك وتقبل تحياتي اخي الحبيب

[أبو صفية]

الله يبارك فيك و ربنا يرزقك الصيد الى تحبه

و كما قال الشاعر

بصلة المحب خروف ***و لتعليقك يا سي عمر نحب نشوفش

[أبو صفية]

شكرا لكم جميعا على المرور بالنسبة للإخوة الأفاضل الى من دمياط أو قريبين منها و عاوزين يصيدوا معانا أهلا بهم جميعا و يحصلنا الشرف

بالنسبة لجميع الإستفسارات الخاصة بطريقة الصيد بالتشكيم برجاء زيارة الموضوع فى قسم ( صور و فيديو الصيد ورحلاته ) تحت عنوان طريقة الصيد بالتشكيم