الطبة ... قفشت

[_SAIKO_]

السلام عليكم

مشكلة ل خبراء المنتدي يرجي ابداء الرأي و الحلول

انا كنت بجرب ال ريتاي ايجل .. و الحمدلله صوتة عالي و عالي بجد مع البلي

بس انا وقعت ف مشكلة ..انا ربطت الطبة بتاعت البلي و ماقرطش عليها اوي بحيث اني اعرف افكها

و بعد ما ضربت بالمسدس جيت افك الطبة مش راضية تتفك لدرجة انها فورت مفتاح ال الانكية

اية العمل ؟

[محمد ياقوت]

بص يا سيدى عند بتوع العدد فى طقم اسمو ايزى اوت عباره عن مجموعه من المسامير السعر حوالى 25 او 30 جنية هما حوالى 5 مقاسات هتشترى الطقم و هات معاه اليد المخصصه ليه وهتلاقيها عند اللى بيبيع الطقم هتركب المسمار بتاع الطقم حسب مقاس الطبه وهتربط عكس بمعنى هتحط المسمار وتفك بمجرد ما يتم لمس المسمار مع الطبه تفك تفك فى الحاله دى بيتم حدوث حركتين الاولى ربط المسمار فى الطبه والثانيه فى نفس الوقت هتلاقى الطبه تتفك فاااااهم ملحوظه المسمار رقم 3 فى ترتيب الطقم فى العلبه بتاعتو هو اللى انت محتاجو هو ده مقاس الطبه بتاعت الايجل وان شاء الله هتتفك معاك بسهوله متقلقش ولو انت نازل القاهره فى القريب لو تحب افكهالك تعالى طبعآ انت عارف انى متآخرش عنك ابدآآآآآآ
وروح لخراط خليه على الصاروخ يقطع الجزء التالف من المفتاح الالنكيه على قد الجزء التالف وبكده مفتاح الالنكيه هيرجع جديد ويمكن استعمالو تانى
وياريت تضع نقطه زيت على الطبه قبل الفك

[المحارب5]

بص يا باشا باختصار شديد اقولك الحل بس قبل لما اقولك الحل اقولك انت غلط فى اية علشان خليت الطبة تقفش المفروض قبل ما تربط الطبة تشحمها او تحط على اماكن اللف زيت اسمو wd40 اتلاقية عند اى محل الكترونات والحل انك ترش زيت اللى فى الانبوبة اللى كتبتلك اسمها فوق مكان الطبة من ناخية بيت النار وناحية الربط وتسيب الزيت نصف ساعة او ربع ساعة لو مستعجل وانشاء اللة تتفك معاك وحصل مير وانا تحت امرك وتنساش تزيت الطبة قبل ما تربطها علشان الرايش اللة بيطلع من البة مبتركمشى فيها وكل سنة واتت طيب واانا تخت امرك فى اى شىء

[المحارب5]

متنساش تجيب مفتاح الانكية مقاس الطبة المتركبة حيب الطقم كلو وخلية معاك رخيص مش ايعدى عشرة جنية ولوحطيت الزيت وسبتو شوية ايفك معاك بالمفتاخ القديم بس جيب واحد جديد علشان متبوظى الطبة وقولى عملت اية لما تخلص

[michohat]

هل تشحيم مكان الطبه بأي نوع شحم ولا شحم معين؟

[_SAIKO_]

مش بقولك يا استاذ محمد ياقوت دايما لاحقني

ربنا مايحرمناش منك ابدا ياااارب

[_SAIKO_]

المحارب 5

فعلا عندك حق ..لاني اتسرعت و ماشحمتهاش او زيتها بس هل الطبة ممكن تقفش بس قوة الضربة

بمعني هل السنون بتاعت الطبة ممكن تقفش ف السنون بتاعت الماسورة - القلاووظ - بسبب قوة الاندفاع بتاعت الضربة ؟؟؟

[_SAIKO_]

المحارب 5

جزيت خيرا عالمساعدة ربنا يكرمك

[المحارب5]

هل تشحيم مكان الطبه بأي نوع شحم ولا شحم معين؟

المحارب 5

فعلا عندك حق ..لاني اتسرعت و ماشحمتهاش او زيتها بس هل الطبة ممكن تقفش بس قوة الضربة

بمعني هل السنون بتاعت الطبة ممكن تقفش ف السنون بتاعت الماسورة - القلاووظ - بسبب قوة الاندفاع بتاعت الضربة ؟؟؟

المحارب 5

جزيت خيرا عالمساعدة ربنا يكرمك

التشحيم اسمو شحم اسمر اتلقية فى اى حتة واى شحم ممكن يقضى الغرض

بص يا باشا طلاما مشحم ومزيت قلاوظ وسنون الطبة لو ضربت الف طلقة او سبت المسدس 5 سنوات متعان عمرها ما تقفش وكلامى دة مجرب واكيد

والمفروض اللى عملك او اللى باعلك الطبة يقولك على الاساسيات دى وتشحيم الطبة قبل ربطها على العموم الحمد للة حصل خير ممكن يكون نسى وانا انزل موضوع شامل كل الاختبارات دى لافادة كل الاعضاء وانا تحت امرك ومقولتليش فكيت الطبة ولا لسة طمنى عليك

[_SAIKO_]

هو فعلا استاذ محمد قالي اشحم الطبة قبل ما اركبها و كمان كمان قالي اركب الطبة ازاي .. بس الغلط عندي انا لاني اتسرعت و ركبتها من غير تزيت و لا تشحيم .. ف الخطأ عندي مش عند حد تاني

و الحمدلله انا فكتها و الطبة طلعت و هخلي بالي المرة الجاية

هي دي اكتساب الخبرات .. جرب تغلط تصلح تتعلم تكسب خبرة

جزيتم خيرا عالمساعدة

[M.SHADY]

الف مبروك ان الطبه طلعت انا بقى كان حصل معايا الموضوع ده . رحت جبت مبرد ذيل فار و نشرتها . اهاهااهاهااهاهاهاهاهاهاهاهاهاهاهاهاهاهاهاهاهاهااها . و طلعت برضه بس 60 حته

[_SAIKO_]

استاذ شادي الله يبارك فيك يارب .. الشعب المصري ما بيغلبش ههههههههههههه

استاذ محمد ياقوت قالي اجيب عدة اسمها ايزي اوت .. العدة موجودة فعلا بس الراجل صاحب المحل شكلة ما بيفهمش انجليزي ..

اقولة : عندك عدة كذا كذا
يقولي : هااااة .. بتاعت اية دي .. بتعمل اية
اقولة : بتعمل كذا كذا كذا
يقولي : لا ماعنديش و دي مش موجودة اصلا .. انت مصري ؟
قولتلة : خلاص خلاص هات طقم الانكية بس يكون شديد عشان انا فورت الطقم اللي عندي .. طقم تعبان

و جبت الطقم الجديد و عزمت عالطبة و خلعتها ههههه .. الحمدلله .. محدش بيتعلم بالساهل هههههه

رمضان كريم

[محمد ياقوت]

بص يا سيد علشان تكون فى امان
1 --- يتم وضع اى نوع من الشحم على الطبه
2 --- عدم الربط بقوه مفرطه بمعنى بمجرد ما تدخل الطبه على اخر الماسوره انتهى
3 --- لا تضرب اكتر من 10 طلقات بالطبه 10 طلقات فقط ويتم فكها وتغيرها تغيرها
لو محتاج الطقم ده قولى وانا ابعتو بالشحن متوفر جدااااا فى شارع الجمهوريه عندنا لو عايز قولى اشحنو

[michohat]

استاذ محمد ياقوت
حصل معايا موضوع ان الطبه الطويلة انكسرت او تصدعت وده وانا كنت ضارب طلقات صوت
ومش عارف الطبه مش استحملت مع انها من مصدر مشهور ارجو منك مراجعه الصور فى الموضوع التالي
http://www.egypthunt.net/showthread.php?t=32146

[محمد ياقوت]

اعتزر اخى الحبيب لا اقوم بالتعليق على شغل احد اسف جدآآآآآ

[_SAIKO_]

و الله يا استاذ محمد انا مش عارف ارد جمايلك دي ازاي ..الله يخليك يااارب

انا ان شاءالله نازل مصر قريب عشان اجراءات التخرج .. هكلم حضرتك عشان عايز من حضرتك طلق و طبب صوت

و جزاك الله كل الخير .. فعلا حضرتك انسان رائع .. الله يديم المحبة و المعرفة