المساعد الشخصي الرقمي

مشاهدة النسخة كاملة : رحله العيد والقمرى الابيض المطوق

Gamohunter
10-09-16, 01:44 AM
السلام عليكم
قمنا برحله صيد ثالث ايام العيد وكان معانا هانتر 1250 ونوريكا ويست وكان الرزق وفير بحمد الله وفى اخر ضربه لقيت انها مش يمامه عاديه لقيت لونها ابيض وحجمها كبير ولها طوق حول الرقبه صورتها وده كان فى منطقه شرق بلطيم ودى صورها
وبعدين صورت القمر وهوه هلال بتكبير عشرين مره فى المساء واخر صوره بقه دى صوره قديمه من رحله فى رمضان بعد الفجر والشمس لسه بتشرق
اتمنى انها تعجبكم
Gamohunter
10-09-16, 01:56 AM
واللى عايز يشوف الصور اوضح يعمل عليها كليك يمين ويفتحها فى صفحه جديده عشان تظهر بالحجم الطبيعى
طبعا كلكم عارفين الكلام ده بس انا بقول لان لما بدوس على الصوره نفسها ما بتظهرش عندى كبيره فقولت ابين الطريقه مش اكتر
المستشار
10-09-16, 02:40 AM
بسم الله ماشاء الله ربنا يزيد
NewSomeBody
10-09-16, 03:54 AM
ما شاء الله رحلة موفقة

اليمام ده مستأنس وبيتباع فى محلات طيور الزينة
وصوته جميل لما بيزوم
محمد رضا العبد
10-09-16, 05:44 AM
صور زى الفل واكيد صياد جامد............
ellithy2009
10-09-16, 09:45 AM
ما شاء الله رحلة جميلة وصيد أجمل
galal khalifa
10-09-16, 10:01 AM
السلام عليكم
قمنا برحله صيد ثالث ايام العيد وكان معانا هانتر 1250 ونوريكا ويست وكان الرزق وفير بحمد الله وفى اخر ضربه لقيت انها مش يمامه عاديه لقيت لونها ابيض وحجمها كبير ولها طوق حول الرقبه صورتها وده كان فى منطقه شرق بلطيم ودى صورها
وبعدين صورت القمر وهوه هلال بتكبير عشرين مره فى المساء واخر صوره بقه دى صوره قديمه من رحله فى رمضان بعد الفجر والشمس لسه بتشرق
اتمنى انها تعجبكم

حمد لله علي السلامة يا دكتور وبالهنا والشفا
ابو عامر
10-09-16, 10:04 AM
تسلم يا معلم
وليدخليل صديق
10-09-16, 11:50 PM
ده دك
ر قمرى اوروبي بس لسه صغير
Oonyx
10-09-17, 12:21 AM
الله يباركلك في بنادقك ويرزقك كمان وكمان إن شاء الله
ده اسمه قمري مطوق وده مستوطن في مصر بس ليه أيام ظهور بيكتر فيها في العام
عامر حسني
الجزار
10-09-18, 10:50 AM
ربنا يزيدك من نعيمه
مصطفى قناص الليل
10-09-18, 12:31 PM
الرحلة دى باين عليها كانت جميل اوى ربنا يحميكم وصورك روعة ...

........... وتحياتى لك ..... قناص الليل .......
محمد الحلوانى
10-09-19, 01:03 AM
الله ينور ويبارك
golden eagle
10-09-19, 01:10 AM
الله ينور وبالهنا والشفا
hassanshokrof
10-09-26, 09:44 AM
السلام عليكم
يا حضرات هذا الطائر هو ( حمام قمري مطوق ) بالفعل وياتي مهاجرا من اوروبا وروسياهربا من البرد القارص في فصل الشتاء هناك وهذا الفرد في الصورة لا يزال صغيرا والبير منه يصل الى حجم الحمام البلدي الكبير ويواجد الحمام القمري في هذا الوقت من السنة في المدن الساحلية ومع دخول الشتاء يبدأ في التوغل داخل مصر طلبا للدفء
انا يوم الخميس والجمعة اللي فاتو الحمد لله ربنا كرمني بحوالي 7 او 8 قمري احجام مختلفة ودا كان في بورفؤاد فية شجر كثيف بس للاسف الدخول فية صعب ويتطلب شوية اتصالات للسماح بالدخول وكان بقالي حوالي 24 سنة مصطادوش اخر مرة اصطادته على ما اذكر كان في المنيا في مغاغة في شهر 1 , 2 وكنت صغير ايامها ( 11 او 12 سنة ) والحمد لله برضو ربنا كرمني اليومين اللي فاتو بموليحة ( وهي تشبة السمانة الي حد كبير ذات ارجل طويلة نسبيا ودائما تتواجد على الارض او داخل الهيش ) و خضير و صفير ويمام و دقانشة بأنواعها و طائر اسود يشبية (الطير ) بحجم فرخة صغيرة هذا خلاف صقر و غرابين والعصافير و لم يخطر ببالي ان اقوم بتصويرهم لوضعهم هنا للاسف ولكن ان ربنا كرمنى ورحت تاني وعرفت ادخل المكان الهايل دة اوعدكم اني حصورهم وانزلهم في المنتدى
بس ادعولي ربنا يبعد عني الناموس المتوحش اللى هناك
الجزار
10-09-26, 01:11 PM
ده مستانث وغالي اوي وطعمه سكر
هشام سمير
10-09-26, 04:45 PM
على فكره يا جماعه القمرى الموسم ده نادر جداً
لدرجة ان اللى يصتطاد قمريه المفروض يتصور جنبها
Gamohunter
10-09-27, 12:37 AM
اشكركم جميعا على الردود
لكن لى ملاحظه
انا ضربت هدا النوع من القمرى قبل كده من حوالى سنتين فى فصل الشتاء وكنا بالليل ---- انا فاكر كويس عشان كان يومها مطر
فربما يكون هدا النوع مستوطن لكنه نادر وقليل ويتميز بالدر الشديد لانه دايما بيطير قبل ما يكون فى مجال الضرب
مره اخرى اشكركم جميعا