انا جديد على المنتدى والصيد, محتاج مساعده يا رجاله.

[Carbon]

احب الاول اقول ان فعلا الموضيع اللى انا قرأتها هنا حببتنى فالصيد وعرفت منها معلومات كتير
و انا نويت انزل بقى اشترى العده عشان اصتاد لأول مره
معلش كان عندى كذا سؤال
1-انا مش عارف اشترى انواع ايه و منين وبكام عشان حاسس اننى اكيد هيضخك عليا عشان اول مره فقولت اسئل اهل الخبره, عايز اجيب حاجه تنفع للبحر لو هصطاد من فوق كبرى مثلا او من السان اللى فى راس البر
2-لو فكرت اصطاد من النيل بنفس السناره ينفع ولا لأ
3-اقرب محل كويس اسعاره كويسه يكون قريب من منطقه المعادى
4-الطعم الصناعى احسن ولا الطبيعى
5- لقيت فيه ناس بترش كده ببخاخه على الطعم ديه بتعمل ايه ؟ :d: D
6- لو انا عايز ابعد عن السمك الصغير فالصيد اكبر حجم الطعم ولا اعمل ايه ؟


شكرا ومعلش على الاسئله الكثيره .... :(

[SHARKY]

السلام عليكم و رحمة الله و بركاته

حضرتك فى محل بعد قسم مصر القديمة القديم و بعد البنك الأهلى على الكورنيش و إسمه

تيتو فيشنج تاكل و بلغهم إن حضرتك من طرف أحمد الشرقاوى و ستجد الإجابات على كل الأسئلة

و كل ماتحتاجه من أدوات الصيد .

مع تحياتى

[Mohamed omer]

اولا اهلا بيك

حضرتك لو قريب من المعادي يبقي عندك الجبلاوي اسعارو حلوه

مكانو في ضهر نادي المعادي شارع 77

ولو حابب اني اجي معاك تحت امرك محمد عمير 01116606071
بس ياريت يبقي يوم خميس او جمعه

[elmasrya2]

Sharky
ازيك يا أستاذ ياريت تقولي الوصول للمحل عن طريق المترو أزاي

[محمد كابو]

يا استاذى انشاء الله هئدر ارد على بعض الاسئلى بتعتك ماشى
النهرى يفضل الطعم الطبيبعى عن الصناعى و الصناعى اصلا زى التلو فى العزب و يرات تحجيب صنارة للبحر و وحدة تانى للنهرى يعنى انتا هتجيب صنارة 7 للبحرة هتروح تسطاد بيها من علا كوبرى مش هينفع
و البخاخة دى فيها مية عدية بتبخ علا الطعم علشان يصحا و يفوء و بتوع المحلات سعات بيحمو يرئ علا الطعم مية الطعم يفضل يتحرك و يخرج عن بعضو يبان انو حطتلك حبة كتار
و علا فكرة مشكل السمك الكبير و الصغير دى حاجة بتاعت ربنا بس برضو لازم ناخد بالاسباب لو جات علا الاطراف و الاماكن الى المية فيها مش بتجرى بسرعة هتلائتى شر و حجارى و بلطى صغير ماشى اما المية السرعة و الغويطة بتاعت السمك الكبير بس مين عالم ممكن تجيب من مياة راقضة سمك كبيييييير و المهم انك ترضا بنصيبك و تئول الحمد لله اما بئا حتت الاسعار و المحلات دى فا مش هعرف اتكلم فيها علشان انا مش بشترى انا ببعت ناس تجبلى الحجات دى من عندهم علشان هما تجار بس تعاملى معاهم مش كتير
و السلام عليكم