موضوع انما اية عبقرى

[محمد كابو]

السلام عليكم يناس يعسل
ناس كتير اوى كل مروح حتت معينى تئلى المكان دى الصبح شب ردود و من بليل للفجر بلطى كبير ب ريم و انا بئا عمرى مشفت الريم دا ولا اعرف دا غماذ ولا حداف و شكلو عامل اية و لونو و بتشبك اذاى فى السن لو حد يفدنى بالكلام ماشى اعسل انما بئا يبئا جميل اوى لو حطات فديو هستفهم اكتر
و السلام عليكم و رحمة الله و بركاتو

[جولدن ايجل]

الريم دي طحال لونها اخضر بتتلف علي الخطاف وتتساب منها حته مدليه صغيره وبتطلع بلطي 10 علي 10

[جولدن ايجل]

سوري طحالب خطاء كتابي

[محمد كابو]

ماشى برضو محدش فدنى انا عايز اعرف دا حداف ولا غماز و شكلو عامل اذاى

[احمد العوضى]

دا بيشتغل بالغماذ وبيكون غماذ صغير نسبا وبتجيبه من عند بتوع ادوات الصيد

[احمد العوضى]

وعلى فكره بيلف من فوق السناره وحوليها وبيتم انذال جذا صغير من تحت السناره عند الصيد يتم تجاهل تنقير السمكه حتى تقوم السمكه بابتالع الطعم كامل ودا بيكون بان عند اهتذاذ الغماذ هذات خفيفه تتركه ولا تسحبه اما اذا غطس بالكامل بتسحب بالنطر فى عكس الاتجاه وبعدها بتقيم حجم السمكه وتتعامل معها

[محمد كابو]

بجد الف شكر يجميل بس الريم مينفعش حداف خالص

[cono]

ماشى برضو محدش فدنى انا عايز اعرف دا حداف ولا غماز و شكلو عامل اذاى
دا غماز ياباشا بس غماز صغير ورصاصة تكون وزناه على الأخر والوش بيكون صغير جدا وبعيد عنن الرصاصة برضه والريم طحالب لونها اخضر بيكون موجود فى المية الراكدة اكتر زى المصارف على شكل شعر أخضر

[cono]

بجد الف شكر يجميل بس الريم مينفعش حداف خالص

هى المشكلة ان غمزة الريمة خفيفة جدا مش هتحس بيها فى الحداف وكمان الريم من الطعوم اللى بتكون شبه طافية على المية

[cono]

وعلى فكره بيلف من فوق السناره وحوليها وبيتم انذال جذا صغير من تحت السناره عند الصيد يتم تجاهل تنقير السمكه حتى تقوم السمكه بابتالع الطعم كامل ودا بيكون بان عند اهتذاذ الغماذ هذات خفيفه تتركه ولا تسحبه اما اذا غطس بالكامل بتسحب بالنطر فى عكس الاتجاه وبعدها بتقيم حجم السمكه وتتعامل معها

كياد كبير يا استاذ احمد كلام سليم جدا

[wael_samy1]

الريم : هو نوع من انواع الطحالب الى بتنموا فى المياه وبياكلها السمك
وانا جبت لك صورة قريبة ليها
بتتباع الفه ( لورقه ) بحاولى 1.5 : 2 : 2.5 جنية حسب شطرتك وحسب البياع وحسب الكمية
بتكون عبارة عن ورقة جرايد مبلوله ومحفوظة فى التلاجه فيها لفه من شعر لونه اخضر
والريم يفضل عايش طول ما ورقة الجرايد مبلله بالمية وموجوده فى التلاجه

الامكان الى ينفع فيها الصيد ( هى الاماكن الى فى النيل فيها زرع اخضر ، بوص ، ورد النيل ، عشب خارج من النيل ) ،،، طب لية ؟؟ لان السمك فى الحته دى بيكون متعود ياكل من الورق الاخضر

الريم بيشتغل الصبح تمام ، وفى اوقات الصيف كمان تمام اوى

الريم بيطلع انواع معينه من السمك ، البلطى (بكثرة ) ، البنى ( فين وفين ) ، المبروكه ( نادراً)

السنون الى بنصتاد بيها لما بنصتاد بريم صغيرة ( 12 : 10 : 14 )
لان السمكه علشان تشبك معاك لازم تبلع السن كله

الغماز بيكون صغير ، والتقال بيكون مناسب بحيث أنك لما ترمى يكون مش ظاهر الشفاطه من الغماز

وزى مشرح لحضرتك باقى الاعضاء ، طريقة لف الريم و ازاى تعرف ان السمكه لضمت