صياد قديم ولكني عضو جديد

[ahmedmark777]

بسم الله الرحمن الرحيم

السلام عليكم ورحمه الله وبركاته

أخوكم صياد قديم بس وسط انشغالات الحياه والزواج والاولاد والمسؤليات هوايات كتير الواحد بيتخلى عنها

بس بجد عايز اقولكم الموضوع بدء لما كنت بدور على مسدس رش غاز وبدور في جوجول لاقيت المنتدى الجميل ده وأعضائه الاجمل بجد حاسس انكم عيله واحده كلكم الناس اللي تعرف بعض او متعرفش بعض بجد بينكم روح مشاء الله عليها وربنا يديم المحبه والمعروف بينا جميعا

المهم سجلت والحمد لله اشتريت مسدس رش غاز من عضو فاضل معانا في المنتدى هنا وبجد شخصية لا تقل احتراما عن اي عضو موجود


والنهااااااااااارده اخيرا اشتريت الكرال التركي الدبشك الفايبر الاسود من الاستاذ محمد ياقوت وطبعا دي شخصيه غنيه عن التعريف من تجار المنتدى وبجد الراجل ده مشفتش في ادبه واحترامه ومواعيده بجد

فا اتمنى تقبلوني عضو خفيف معاكم وباركولي على البندقيه كانت عندي اهم من المسدس وفعلا البندقيه مدفع مشاء الله عليها وربنا يجعل رزقها كويس في الصيد طبعا مفيش صور جاهزة بس وعد هنزلهالكم بالليل الفرحه مخلياني بكتب لكم بس والله لسه ما غيرت هدومي دخلت كتبت لكم الاول


انا من المقطم واللي معايا هنا في المقطم انا تحت امره لو يحب نطلع نصتاد مع بعض


تقبلوا تحياتي ومبارك عليكم الشهر الكريم

[TheLegnedkiller]

الف الف مبروك علي البندقيه الجديده

واهلا وسهلا بيك في المنتدي

مع تحياتي

[MBadr]

اهلا بيك يا باشا وسط اخوانك ونورت المنتدى

[MBadr]

الف مبرووووووك على البندقية ربنا يعطيك خيرها ويكفيك شرها

[NEW_Year]

الف الف مبروك
وربنا يرزقك بيها
ومنور وسط اخواتك هنا

[Mahmoud@Sniper]

اهلا بيك يا باشا و الف مبروك على المدفع الجديد

[ahmedmark777]

ألف شكر ليكم على الترحيب الحار ده والتمنيات الاجمل وفعلا انا حاسس اني وسط اخواتي فعلا


اما بخصوص التجربة الشخصية للمدفع الكرال دي ظبط النيشان بتعها بسم الله مشاء الله بالظبط تلات رشات الرابعه كانت اتظبطت لو اقول 99.9٪ مش هتصدقوني جبت ورقه بيضه ورسمت خط طول وخط عرض وعلا مسافه 10 متر تقريبا الضربه الاولى جت مظبوطه في الارتفاع بس شمال ظبط وضربت التانيه جت يمين شويه التالته جت على خط الدائره الرابعه لغايه السابعه كلهم في الدائره


طبعا قالت انزل ازفرها بقى على الحامي كده اني الاقي حمامه توحد ربنا ابدا طبعا استنتاجي ان الساعه كانت 6 فا الحمام خلاص كل وروح عششه فا بكره بعد الشغل على الساعه 3 الظهر كده وهبلغكم بالتفاصيل ولو ربنا رزقها هصورلكم الصيد

تحياتي لكم اخوتي الافاضل

[عادل عبده]

الف مليون مبروك عليك ربنا يباركلك فيها ويكفيك شرها ويعطيك خيرها
ويجعلها مرزقه وخيرها واسع يارب

[moorey]

اهلا بيك يا باشا

[Shooter1]

اهلا بيك وسط اخواتك ونورت المنتدى يا باشا

[hogan]

http://nor3yni.com/vb/imgcache/2/17251nor3yni.gif

[mustafa-amer]

اهلا ب سعادتك و سط اكبر تجمع من نوعه

[ahmedmark777]

تسلموا جميعا علي الترحيب الحار ده بجد مش عارف ارد اقول ايه

نزلت صور للكرال والحمامتين اللي اتزفرت بيهم في تلت ساعه ومستخملتش الحر ضربت بالظبط 3 رشات اتنين تمام واحده قلشت
اللي حابب يشوف الصور يدخل علي قسم الرحلات هيلاقي موضوع باسم

تزفير الكرال....

[mohamed.ayman67]

الف مبروك ليك يا جميل وعقبال لما تكمل باقي المجموعه