ايه الي حصل في مصر

[TheLegnedkiller]

ياجماعه هو ايه الي حصل في سوق السلاح

من مده كان السلاح تمنه رخيص اوي

يعني مثلا كان الايكول جاكال ب 600 جنيه

دلوقتي وصل 1600 جنيه

ونفس الحكايه كانت مع البنادق الرش

يعني البندقيه الرمسيس الجديده كانت ب 300 جنيه بالكتير اوي

دلوقتي توصل جديده ب 700 جنيه او اكتر

ايه السبب يا جماعه الي يخلي الاسعار تعلي بالطريقه ديه

ومحدش يقولي يا جماعه الاستيراد واقف

انا سألت محل في المنصوره اسمه القناوي علي السبب مرداش يقولي

ايه السبب يا جماعه ان الاسعار تعلي اوي كده

وهل ممكن ان تنزل الاسعار تاني ولا ايه

واسف علي التطويل

مع تحياتي للجميع

[TheLegnedkiller]

منتظر رد الاعضاء

[TheLegnedkiller]

ايه يا جماعه مفيش حد يعرف ولا ايه

[marwan]

ههههههههههه امال لو رحت الخليج حه انت حتجيلك ازمه نفسيه

[TheLegnedkiller]

منتا بتاخد فلوس كتير في الخليج

هنا في مصر بتاخد فلوس قليله والاسعار غاليه

[magdyfer3on]

انا شايف والله ان السبب في المحلات لأنهم بيبيعوا الحاجه أزيد من تمنها بكتير وعايزك تتابع الأسعار علي المنتدي وتسأل عليها في المحلات وهتشوف الفرق بنفسك

[TheLegnedkiller]

يعني المحلات الي زودم الاسعار بالطريقه ديه ولا عيب في المصانع ولا ايه

[magdyfer3on]

المحلات ياباشا وأنا عايزك تخوض التجربة

[marwan]

ده في السعوديه الديانا ماجنوم 350 من اقوي البنادق الالمانيه ان لم تكن الاقوي ب 1900 ريال يعني تقريبا 2800 و التاجر بيبيعها ب7000 جنيه

[Mahmoud@Sniper]

فى الغالب جشع تجار و عدم وجود رقابة من الحكومة

[_SAIKO_]

حضرتك بكل بساطة قبل الثورة كانت الاسعار معقولة .. و حصلت الثورة و الانفلات الامني و كانت البلطجية و ترويع المدنين قايمين بدورهم علي اكمل وجه

المهم كل واحد عايز يأمن بيتة واهل بيتة من البلطجية ف كان المواطنين بيشتروا السلاح اي كان سعرة و طبعا التجار لما لاقوا الاقبال الشديد عالسلاح ف راحو رافعين الاسعار و كلة عرض و طلب و من ساعتها الاسعار عالية زي مانت شايف كدة

امتي بقي الاسعار تنزل الله اعلم

[loverlover]

ان شاء الله ياجماعة خلال الشهرين اللى جايين دول الاسعار هتنزل تماماً بس قولوا يارب

[TheLegnedkiller]

طب الكل موافق ان لما الطلب يزيد الاسعار تغلي

يعني تغلي 100 او 200 جنيه

او بالكتير اوي اوي 500 جنيه

بس مش تغلي لدرجه 1000 او اكتر من كده

ده في المسدسات بس

اما بقي لو دخلنا في البنادق الرش هندخل في 2000 او اكتر كمان

ربنا علي المفتري والطماع

ويارب الاسعار ترجع تاني زي زمان والتجار يبطلم طمع شويه

وان شاء الله الرئيس مرسي يحاول يعمل حاجه

ادعوا يا جماعه وقولوا يارب

[zezo bose]

منتا بتاخد فلوس كتير في الخليج

هنا في مصر بتاخد فلوس قليله والاسعار غاليه
مين قلك ان المصرى ليه وضعه فى الخليج ولا بياخد فلوس كتير زى ما حضرتك فاهم المصرى هناك يا مشى جنب الحيط يا ياخد بال --------- واللى يترميله ياخده وللاسف المصريين نفسهم مش عاملين كرامه لنفسهم يا خايف يرجع الناس تضحك عهليه يا اما بيقول لنفسه حسنه قليله تمنع بلاوى كتيره انا كنت منتدب فى تحقيقات شركة شحن عالمية فى الكويت ودبى لمده 8 سنوات وشوفت المصريينبيتعمل فيهم ايه عشان تاخد برستيجك ووضعك لازم يكونو همه طالبينك وبخبرتك ومكانتك كده تعرف تظبطهم انما اسفا على المصريين فى الخارج غلابة بجد ومنهم من فرط فى كرامته وبالنسبة للاسعار احنا اللى خلينا التجار يعملو كده حد يلاقى دلع وميدلعش السبب احنا وليس هم لو قاطعنا واستخدمنا المتاح معانا هترجع كل حاجة ويبقو يبيعو بصل يبقى

[TheLegnedkiller]

يارب الكلام ده يحصل للتجار

والله نفسي الاسعار ترجع زي زمان

[TheLegnedkiller]

طب منيجي يا جماعه نعمل مظاهره عشان نرجع الاسعار تاني

هههههههههههههه ربنا يسهلها والاسعار ترجع زي زمان

[M.SHADY]

طب الكل موافق ان لما الطلب يزيد الاسعار تغلي

يعني تغلي 100 او 200 جنيه

او بالكتير اوي اوي 500 جنيه

بس مش تغلي لدرجه 1000 او اكتر من كده

ده في المسدسات بس

اما بقي لو دخلنا في البنادق الرش هندخل في 2000 او اكتر كمان

ربنا علي المفتري والطماع

ويارب الاسعار ترجع تاني زي زمان والتجار يبطلم طمع شويه

وان شاء الله الرئيس مرسي يحاول يعمل حاجه

ادعوا يا جماعه وقولوا يارب

يا باشا انا معاك فى كل اللى بتقوله ما عدا انك دخلت الدكتور محمد مرسى فى الموضوع .و بعدين لمعلومات سيادتك .الاخوان طول عمرهم فى منهم كتير تجار سلاح .قبل الثوره و بعديها

[M.SHADY]

و بعدين يا باشا هى دى بلدنا مصر .اللى قمنا بالثوره علشانها . واللى بيغلى فيها مش بيرخص تانى .والا بقى كانت الشقق رخصت و العربيات و الاكل و الهدوم . انا مش عايز احبطك . بس انسى يا باشا

[احمد صابر حسن]

و الله انا من وجهه نظرى المتواضعه شايف ان السبب الاساسى هو تخاذل و سلبيه المستهلك مع التاجر
يعنى بالبلدى كده اما الواحد يبقى نفسه يشترى بندقيه معينه و هوه عارف ان تمنها ميعديش 1000 جنيه
و يروح يشتريها يلاقى التاجر بيقوله 1500 جنيه
اول حاجه بيفكر فيها ازاى يتصرف فى ال500 جنيه الباقيه مش انه يقول للتاجر يا اخى اتقى الله او يقاطعه و يهدده انه هيخلى كل الى يعرفه يقاطعه
زى المثل الى بيقول
يا فرعون ايش فرعنك قال ملقيتش حد يلمنى
ولا ايه ؟؟؟؟

[TheLegnedkiller]

يعني مافيش امل ان الاسعار ترخص تاني

يلا ربنا علي الطماع والجشع

وربنا يهدي حال مصر يا جماعه

[محمد أنور]

ياجماعه هو ايه الي حصل في سوق السلاح

من مده كان السلاح تمنه رخيص اوي

يعني مثلا كان الايكول جاكال ب 600 جنيه

دلوقتي وصل 1600 جنيه

ونفس الحكايه كانت مع البنادق الرش

يعني البندقيه الرمسيس الجديده كانت ب 300 جنيه بالكتير اوي

دلوقتي توصل جديده ب 700 جنيه او اكتر

ايه السبب يا جماعه الي يخلي الاسعار تعلي بالطريقه ديه

ومحدش يقولي يا جماعه الاستيراد واقف

انا سألت محل في المنصوره اسمه القناوي علي السبب مرداش يقولي

ايه السبب يا جماعه ان الاسعار تعلي اوي كده

وهل ممكن ان تنزل الاسعار تاني ولا ايه

واسف علي التطويل

مع تحياتي للجميع

بقالك كتير غايب عن البلد!!!!!!!!!!!!!

[hunter store]

انا اتكلمت فى الموضوع ده قبل كده

السبب الاول فى الموضوع ده هو المستهلك لو كان قاطع الاسعار العالية من الاول عمرها متطلع لكده خالص

السبب التانى الدولة لما تخلى الرمسيس ب 1000 جنيه من المصنع يبقى طبيعى ان الاسعار كلها تترفع بالتبعية

ربنا يرفع عنا هذا الغلاء

[the ghost]

السبب معروف وواضح جدا بالنسبة للمقارنة زمان محدش كان بيشترى الحاجات دى ولا حد كان يعرفها دلوقتى طوب الارض بيجيب كل يوم تانى حاجة طول ما الناس بتشترى بالاسعار دى شى طبيعى ان الاسعار هتزيد

[مجدي خضـر]

جشع تجاررررررررررررررر

[hogan]

من امتى الجكال 600 جنيه قبل الثوره انا جيبه اول منزل من شريف ابو ضيف 1200 ازاى 600 كلام مش مظبوط

[TheLegnedkiller]

لا انا مش قصدي 600

انا قصدي انه كان سعره رخيص مش عالي اوي زي اليومين دول

وربنا يرفع عننا غلاء التجار ويرجع الاسعار زي زمان

[احمد زكى]

فى الغالب جشع تجار و عدم وجود رقابة من الحكومة و استغلال الظروف

[shahyn]

لو تسمحولي ياشباب....
طبعا جشع التجار والتكويش سبب من الأسباب بس مش السبب الأساسي....
بس كمان البيع من إيد لإيد سبب تاني بيزود السعر....
السبب الرئيسي هو إن الأمن المصري "على ما تفرج"، يعني تروح تشتري آلي من مطروح وتتمسك بيه كمان أسهل بكتييييير من إنك تكون محتاج ترخيص وتقدر تتحصل عليه، وبعدين الاستيراد حتى لأسلحة وذخائر الصوت موقوف بدون سبب حقيقي من 2009 والخرطوش شرحه، يعني التداول في السوق لبضائع محدودة موجودة في السوق وطبيعي الأسعار تطير.....
لو عندنا معمل جنائي محترم وكلمته مسموعة يبقى يقدر يحكم تداول واستيراد الأسلحة وتصنيفها بشكل صارم لمحدثات صوت وأسلحة صيد غير نارية وأسلحة صيد وأسلحة حماية شخصية وأسلحة حربية....