المساعد الشخصي الرقمي

مشاهدة النسخة كاملة : عايز تصطاد بط تعال ...

mimic
10-09-13, 11:37 AM
يا جماعة الأول احب اعيد عليكم واقولكم كل سنه وانتو طيبين........ انا ان شاء الله هروح بكره او بعدو اتجاه النيل او بالعربي على الكورنيش وهأجر قارب هنزل بيه الميه وهخليه يوديني لأبعد مكان ممكن لعل وعسى ان اجد بط او حتى ب بس بدون ال ط .... بدام احنا كلنا متعنترين ومش عارفين اماكن فيها بط .... لأني سألت اهلي في الريف قالولي ان في موسم البرسيم على شهر 11 و 12 و 1 و 2 .. بيكون فيه فراخ ميه في الغيطان بأعداد كبيرة ولما سألتهم عن البط قالولي بيبقا موجود بس بأعداد صغيرة ... فأنا قررت اني استكشف الأماكن اللي فيها بط لأني وانا على الدايري وانا متجه للهرم مثلا بلاقي قبل نزلت دار السلام وفي وسط النيل بيوت في وسط النيل على يميني وشمالي فأكيد لو نزلت ناحية القرية الفرعونية هلاقي بط هناك على العموم انا هروح استكشف ولو ربنا وفقني هطلع يوم الجمعه او السبت واللي عايز ينضملي يبعتلي ونظبط مع بعض ... وعلى العموم هتكون محاولة يمكن تنفع لأن الواحد زهق من صيد الحمام ...
galal khalifa
10-09-13, 11:42 AM
اكتشف يا محمد واحنا معاك و وراك علي طول ولازم تصور يالقمر الصناعي علشان كتيبة الاعدام لما تنزل تكون عارفة ها تبيد اية ههههههههه كل سنة وانت طيب
mimic
10-09-13, 11:54 AM
ياعم الصيادين كل سنه وانت طيب ... وكل الناس في المنتدى طيبين انا والله استنيت انك تظبطلنا مكان نطلع نصطاد فيه انشالله بالفلوس ههههههههههههههههه الواحد زهق من الحمام واليمام ومش عارف يعمل ايه بس انا عارف ان مشغولياتك كتير فالله يكون في العون بس متبقاش تتقل علينا اوي كده ظبطنا في الأماكن واحنا هنرفع راسك هههههههههههههههه...
hoka
10-09-13, 08:14 PM
بص يا باشا
انا حديثا اكتشفت ان عندى قرايب صيادين
وكمان بيضربو بخرطوش وحى وكل اللى نفسك فيه
وصحرا ثعالب ودياب وكل حاجه
ووز عراقى واعتقد بط كمان
فانا هاشوف نظامهم ايه واروحلهم مره واصطاد معاهم
ولو اتفقنا على حاجه هانظم رحله للمنتدى هناك معاهم
وهم اصلا وحوش فى الرمايه والصيد وابطال مصر
بس زى ما تقول الواحد مكنش يعرف غير اللى عينه شايفاه لكن الحمد لله عرفت كل حاجه وجارى البحث
وان شاء الله قريبا هاقولك الخبر اليقين
هشام سمير
10-09-14, 01:44 AM
الموسم شغال يمميك بس بطبيعه الحال مفيش طيور مهجره بتنزل عندكم فى القاهره غير الرجيع او التايه حدد انتا عايز تصيد ايه واحنا ممكن نسعدك يعنى الوجود دلوقتى خضير والسمان وابو بشير والقمرى
اما لو عايز بط فعليك وعلى والفيوم او ادكو حيكون موجود فى الايام دى الشرش والخضيرى
محمد عز
10-09-14, 03:02 AM
معاك يا محمد بك ومع العمدة
شوف عاوز تروح امتى وقول وياريت السبت
عشان الجمعة مافيش نيابة لو اتمسكنا جنب القرية الفرعونية
ههههههههههههههههههه
باهذر طبعا
اخبار غرفة الاطفال ايه اوعى تشتريها دلوقت
اشوفك على كل خير
mimic
10-09-14, 09:34 AM
hoka ظبط وانا مستني بس اوعا تنام علشان الموسم ميهربش مننا ... الاخ هشام سمير ياعم انا عندي استعداد اسافر الواحات بس الواحد يغير عن الحمام ... وبالنسبة للقميري انا برضو زهقت منو مش لأني اصطدت منو كتير لأ انا يدوبك موقع منو 4 او 3 فرد بس برضو شرحو شرح الحمام او اليمام ... انما لما تدخل البيت ومعاك دكرين بط اكيد مختلفة ههههههههههههه وهتحس ان البندقية اللي معاك ليها فايدة ...

عمي وعم عيالي محمد بك عز .... والله مأجل موضوع الغرفة دي لما جلال بيك ينزل حاجة من الحاجات اللي قال عليها لبعد العيد ... وعموما ياباشا عيب محدش يجرؤ يقرب وان حد قرب اول من هيفك هوا انا ههههههههههههههههه.. والله انا بقترح نطلع يوم السبت الجاي الفيوم ونشوف هناك الدنيا عامله ايه ... ولا انتو ايه رأيكم ولو حد يا جماعه معانا في المنتدى من الفيوم او يعرف أماكن البط هناك يقلنا علشان منبقاش طلعين عمياني .... وبعدين عيزين نعرف كمان هوا هناك الصيد ممنوع يعني ولا شغال ولا ايه الحكاية ؟؟؟ ا
الجزار
10-09-14, 10:35 AM
انا بصطاد بط من شهر 8الي شهر4 من بحيره البرلس و المنزله من الساعه 6 صباحا الي الساعه 2 ظهرا ولكن ببندقيه خرطوش وانا عاوز اصطاد بالهوائيه والبط هناك زي الفل والحمام والفري(السمان) والقميري والاوز والصيادين هناك زي الفل
ايهاب رمزى
10-09-14, 10:51 AM
ربنا يكرمنا ونشترى بندقية كويسة فى الاول ويبقى ليى الشرف نطلع مع بعض
Oonyx
10-09-14, 03:17 PM
الله معاك ومعاك قلوبنا :d
إن شاء الله ربنا يوفق حضرتك ونكون معاك إن شاء الله
عامر حسني