طلعة ساعة الا ربـــــع علي الماشي

[NEW_Year]

السلام عليكم ورحمة الله و بركاتة

كنت سهران ومخنوق وبفكر في حاجات كتير دعواتكم انها تتحقق باذن الله

المهم قررت اني انزل اصطاد حتي لو وقت قليل اهو اهوي نفسي شوية
وعلي فكرة دي اول مرة انزل اصطاد لوحدي من غير ما حد من اصدقائي الصيادين يكونوا معايا
نزلت سميت الله وتوكلت علي ربنا وقعدت الف شوية حولين المنطقة
المهم حصل 3 مواقف وانا ماشي بالبندقية
واحد قعد يندة عليا بصوت عالي
ياكابتن يا كابتن
بصيت وقولتة حضرتك بتندة عليا انا ؟
قالي ايوة انت
قولت بس هيقولي اية الي انت بتعملة دا وهيتكلم وانا مخنوق ومش ناقص اصلا
لقيتة بيقولي شد حيلك
قولتة ربنا يخليك يافندم
قالي علي فكرة انا عندي بندقية نمرة 2 لو مش رايح الشغل دلوقتي كنت جبتها وطلعت اصطاد معاك
ههههههههههههههههههه قولت كويس اهو طلع راجل كويس
وانا ماشي بردو لقيت واحد في عربية بيقولي بايع الجامو دي ههههههههههههه
وهي كرال اصلا :) قولتة لا مش بايع والله
راح ضاحك وماشي
قولت كلام جميل وزي الفل
كل دا قبل ما ابتدي اصطاد سميت وابتديت
اول يمامة نزلت الحمدلله مقفولة
قبلني واحد الله لا يسامحة راجل امن قعد يقولي انت بتعمل اييييييييييية
قولتة بصطاد
قالي مش حرام عليك وحسسني اني عملت جريمة قتل
قولتة حضرتك طلاما بتتاكل خلاص وبعدين انا مش بعمل حاجة غلط
قالي لا غلط
ياعم يمين شمال اقنع فية ياسيدي يهديك يرضيك
ابدا
رحت قولتة طيب ماشي انا مقتنع اني مش بعمل شيئ غلط فخلاص وكل واحد مريحة عقلة وتفكيرة
سلام عليكم
وبعدها ضربت يمامة ووقعت فوق تكيف معرفتش اجبها :( بس الحمدلله
ويمامة تالتة ضربتها من مكان مودي علي شارع تاني فضربتها ووقعت الحمدلله
علي بال ما لفيت علشان اجبها ملقتهاش
قولت بس هو الراجل قفل اليوم كدا وشكرا علي كدا
ورحت مروح بس الحمدلله هديت شوية من الخنقة الي كنت فيها
وقولت اعمل الموضوع واحكلكم علي الي حصل


http://i49.tinypic.com/32zluno.jpg


http://i50.tinypic.com/t8sok3.jpg



علي فكرة دي اول مرة اخد قرار اني انزل لوحدي اصطاد
عاوز تشجيع بقي ليا وبالتوفيق يا ميزو وكدا بقي ههههههههههه

ومتنسوش التقيم بقي ههههههههه
اخوكم في الله / ميزو

[د. محمد حسن]

طلعة جميلة يا ميزو و تستحق تحيّة كبيرة جداً
وانت معاك بندقيّة ممتازة ومظبوطة تمام من تجربتى ليها

[عادل عبده]

اولا تسلم ايدك يا مسزو يا خطير بالاووووى
ثانيا خد بقى نصيحه من واحد كان بيضرب فى مساكن
لو فى حاجه على عمود او تكييف او تندا اضربها جناح هترفرف وهتقع يامعلم
انت كده اصلى
بس الصياد اللى بجد ميخليش حد يقفله اليوم ويرجع بسرعه
بالتوفيق يا ميزو واحلى تقييم يامعلم

[aymank2]

تسلم ايدك يا ميزو احلى تقييم.

[NEW_Year]

طلعة جميلة يا ميزو و تستحق تحيّة كبيرة جداً
وانت معاك بندقيّة ممتازة ومظبوطة تمام من تجربتى ليها


ربنا يكرمك يادكتور
شرفني مرورك والله
والحمدلله فعلا البندقية ما شاء الله عليها

[NEW_Year]

اولا تسلم ايدك يا مسزو يا خطير بالاووووى
ثانيا خد بقى نصيحه من واحد كان بيضرب فى مساكن
لو فى حاجه على عمود او تكييف او تندا اضربها جناح هترفرف وهتقع يامعلم
انت كده اصلى
بس الصياد اللى بجد ميخليش حد يقفله اليوم ويرجع بسرعه
بالتوفيق يا ميزو واحلى تقييم يامعلم


ربنا يخليك يا دولا
انت الي تسلم ايدك علي التظبيط الي انت عاملة في البندقية
وطبعا اكيد هاخد بنصحتك وبنصايح كل الصيادين وشرف علي دماغي والله
تسلم حبيب قلبي علي التقيم كلك زوق يادولا

[NEW_Year]

تسلم ايدك يا ميزو احلى تقييم.

ربنا يخليك استاذ ايمن
شكرا لزوقك يافندم
وشرفني مرورك

[القبطان المصرى 77]

بالتوفييييييييييييييييق ياميزو
اى خدمه ياعم
هههههههههههههههههههههه
بس بينى وبينك دى احسن حاجه الواحد يعملها لما يكون مخنوق
ياخد ابندقيه ويطلع يصطاد

[NEW_Year]

شكرا قبطان
شرفني مرورك ياصديقي

[salas0010]

تسلم ايدك وربنا يبارك لك فى الصيد وكل سنه وحضرتك طيب

[NEW_Year]

تسلم عمرك يارب
ويباركلك
وحضرتك طيب وبالصحة والسلامة
شكرا لزوق حضرتك وشرفني مرورك يافندم

[WEKA]

احلى حاجه انك غيرت مودك وده المطلوب

بالتوفيق

[وليد سعد زغلول]

بسم الله ما شاء الله عليك يا ميزو
طلعة جميلة وحظ أوفر في المرات القادمة إن شاء الله

[moorey]

الف مبروك علي الصيد و علي انك طلعت لوحدك كده بالنسبالي قرار صعب اوي و بالتوفيق

[hesham[MaFya]a]

خيااااااااااااانة :d :d ههههه ايه الجمال ده يا كبير الله ينور امال ايه مكسل و بتاع ده كان تمويه بئة :)

[NEW_Year]

احلى حاجه انك غيرت مودك وده المطلوب

بالتوفيق

الحمدلله يافندم
شرفني مرورك

[NEW_Year]

بسم الله ما شاء الله عليك يا ميزو
طلعة جميلة وحظ أوفر في المرات القادمة إن شاء الله


ربنا يخليك استاذ وليد
شرفني مرورك يا باشا

[NEW_Year]

الف مبروك علي الصيد و علي انك طلعت لوحدك كده بالنسبالي قرار صعب اوي و بالتوفيق


الله يبارك فيك يافندم
لا انزل واطلع واحدة واحدة هتلاقي نفسك نزلت
انا كنت كل شوية اقول هنزل لا مش نازل
بس النهاردة كنت مخنوق شوية فاخدت البندقية وتوكلت علي الله والحمدلله
شرفني مرور حضرتك

[NEW_Year]

a;401871']خيااااااااااااانة :d :d ههههه ايه الجمال ده يا كبير الله ينور امال ايه مكسل و بتاع ده كان تمويه بئة :)

هههههههههههههههههههه حبيبي يا اتش
منور ياواد
شرفني مرورك ياحبي

[tarekvb]

بلاش صيد المساكن ممكن تتكعبل فى خنافة وحوادييت

[NEW_Year]

ماشي يا طارق من عنيا
تسلم ياحبي علي النصيحة

[M.SHADY]

طلعه 100/100 و ان شاء الله ربنا يوفقك و الحاجات اللى انت كنت بتفكر فيها تتحقق لك

[NEW_Year]

ربنا يخليك يافندم
دا من زوقك والله ويشرفني مرورك علي الموضوع اخي الحبيب
وربنا يوفقك انت كمان وكل الاخوة في المنتدي هنا يارب
والحمدلله علي اي حال ربنا يحقق لكل انسان كل الي بيتمناة يارب

[خالد مدكور]

تسلم يمينك يا بطل

[NEW_Year]

متشكر علي زوق حضرتك يافندم
نورت الموضوع ومرورك شرف ليا

[مصطفى ابواسماعيل]

الله ينور وتسلم ايدك

[LionHeart]

اهم حاجه ان الخنقه راحت ربنا معاك