استفسار ضروري

[TheLegnedkiller]

لو سمحتم يا جماعه

انا سمعت من بعض الناس ان الحدأه من فصيله الصقور


مما يعني اني ممكن اربي حدأه عندي في البيت


بس فيه حديث بيقول اننا لازم نقتل الحدأه ديه لو شفناها


دلوقتي انا اربي حدأه ولا هيبقي حرام عليا

ولا اعمل ايه بالظبط اصل انا عاجبني شكلها اوي

ودول شكلهم الي انا نفسي اجيبهم

بس قلت اسأل الاعضاء المحترمين يمكن استفيد من خبراتهم الواسعه

مع تحياتي للجميع

واسف علي التطويل

[نسرالنيل]

ياخى كلامك جميل المشكلة ان الحداء سوداء الكتف كل متكبر فى السن كل يزيد الغباء تعرف السن بحمرار العين كل مزاد الاحمرار دليل على كبر السن

[TheLegnedkiller]

شكرا ليك علي الرد الجميل ده

بس انا برضه لسه محدش وصلي الاجابه الي انا عاوزها

مع تحياتي

[TheLegnedkiller]

ايه يا جماعه 34 مشاهده

ومافيش الا رد واحد ولا ايه

[TheLegnedkiller]

ايه يا جماعه 69 مشاهده ومافيش الا رد واحد بس

[اسلام الديب]

يا حبيبى ما دام الرسول نهانا عنها يبقى كدة خلاص

[TheLegnedkiller]

يا حبيب قلبي الرسول قلنا اقتلوهم عشان الاشياء السيئه الي بيعملوها

انت ممكن تنربيها من غير اذيه لحد

[mohamed saleh]

شوف ياباشا ده اسمه صقر كوهيه بلغة التجار وزى ماقلك الاخوه المحترمين هو يندرج تحت قائمة الصقور الغير حقيقيه واسمه فعلا الحداه ذات الاكتاف السوداء متتعبش نفسك معاه لانه مستوى ذكاؤه منخفض طيب الحل ايه 00000000000لو تعرف تجيبه زغلول احسن من سوق الجمعه بمصر والله يوفقك

[TheLegnedkiller]

انا بكلم يعني قصدي

ان الرسول عليه الصلاه والسلام

قال في الحديث ان الحدأه يجوز قتلها

انا بقي يعني اربيها وهيبقي حرام عليا ولا ايه

[TheLegnedkiller]

هو ده قصدي

[bodygard 34]

بص ياسيدى..الاول نصلى على النبى عليه الصلاة والسلام الذى لا ينطق عن الهوى..وبعدين الحديث اللى انت سمعته صحيح بخصوص الحدأه والغراب والعقرب والفأر والكلب العقور..بس نفهم الحديث صح .. المقصود هو جواز قتل هذه الكائنات اثناء وجود المسلم فى حالة احرام سواء داخل نطاق الحرم او خارجه اذا تعرضت له بأذى.. او حتى ان لم يكن محرم شرط ان تمثل اذى فعلى للمسلم او لغيره او لماله(كتدمير المحاصيل او نقل الامراض فى حالة الفئران والغربان او الاعتداء على الدواجن فى حالة الحدأه او اللدغ المميت فى حالة العقرب او العقر فى حالة الكلب العقور اى المسعور) ولكن اذا لم تمثل هذه الكائنات اى خطوره على الانسان لوجودها فى مكان بعيد عن العمران ولا يوجد احتكاك بها مباشر فليس فرضا على المسلم ان يتوجه اليها لقتلها.. وطبعا هناك استثناء مثل حالة الكلب العقور لأنه يمثل خطر مستمر على صحة اى انسان او حتى على الكلاب الصحيحه التى قد تكون موجوده لحراسة اى ممتلكات..وهناك حاله مؤخرا سمعنا عنها حدثت فى السويس ان الغربان ازدادت اعدادها بشكل كبير وبدأت فى الاعتداء على الاطفال وخطف الاشياء من البائعين هنا طبعا وجب قتل الغربان لأنها بدأت تمثل اذى للعامه..ولابد من الاخذ فى الاعتبار انه لا يوجد كائن حى خلقه الله سبحانه وتعالى هباء ودون فائده فكل مخلوق له دوره فى الطبيعه ولذلك فأن الصيد الجائر لهذه المخلوقات قد يسبب خلل فيما يسمى التوازن البيئى وهو ما يجب اخذه فى الاعتبار ورأيى الخاص فى سؤالك بخصوص تربية الحدأه وتدريبها انه لامانع من ذلك طالما ستكون تحت سيطرتك بشكل او بأخر ولا تمثل اذى لك او لمن حولك.. والله سبحانه وتعالى اعلى واعلم