انهي احسن رش نمر 1 ولا 2

[MuHaMeD YaSSeR]

انهي احسن رش نمر 1 ولا 2 ؟؟ لواحد عندو 10 ارجو الرد بسرعة

[salas0010]

وضح وفسر سؤالك اكتر اخى الكريم

عموما الرش نمره 1 ببساطه ينفع تصطاد بيه يمام وعصافير وحمام شرط التنشين فى اماكن حساسه والبنادق نمره 1 بتبقى دقيقه فى النشان والطلقه سريعه
الطلقه نمره 2 قويه ينفع تصطاد بيها يمام وحمام وعصافير وبط عراقى من غير ما تنشن فى اماكن حساسه اوى
اكتب اخى الكريم انت عاوز ايه بالتفصيل وان شاء الله هاجوبك بالتفصيل وبالشرح واكيد باقى الاخوه الافاضل هينصحوك وهيساعدوك
اتمنى ان اكون افادتك ولو بقدر بسيط

[Angel of Death]

انهي احسن رش نمر 1 ولا 2 ؟؟ لواحد عندو 10 ارجو الرد بسرعة

أنا كنت عامل موضوع يا فندم بالتفصيل الممل عن الرش راجع الموضوع يا فندم و إن شاء الله هتعرف تختار يا باشا.. :)

http://www.egypthunt.net/showthread.php?t=30355

[MuHaMeD YaSSeR]

شكرا لكم انا هجيب رمسيس نمرة 1 بس مش عارف مين احسن نمرة واحد ولا اتنين عشان انا اقدر اشيل نمرة واحد و اتنين بس اخويا عندو 10 سنين فا معرفش الاحسن بس شكرا

[mody_kamal]

مفيش رمسيس نمره 2

نمره 2 بيبقي معادي

والاحسن متجبش رمسيس جديد لانه هيبقي اصدار جديد وسعره غالي بالسعر ده تزود عليه وتجيبلك حاجه محترمه

خليك في المستعمل بما انك لسه جديد وبما ان اخوك لسه صغير بلاش احسن لانه ممكن يستعملها غلط

خد بالك جبله حاجه خرز بس محترمه يلعب بيها وكمان سنتين تلاته جبله حاجه رش علشان يا هيعورك يا هيعور الناس في الشارع يا هيكسر اي ازاز عربيه بقي شباك بلكونه لقدر الله يعني وربنا يبعد الشر

[MuHaMeD YaSSeR]

الجديد بكام بس علي فكرة هو عقل مش قصدي حاجة بس هو عندو 10 سنين تحس انو عندو 23 سنة يعني فاهم جد

[MuHaMeD YaSSeR]

عرفت رمسيس 950 من فتح الله

[MuHaMeD YaSSeR]

في محل غير فتح الله؟؟؟؟؟؟؟؟؟؟؟؟؟

[mody_kamal]

في محلات كتير غير فتح الله

انا الي قولته لحضرتك ملهوش دعوه بالعقل انا بتكلم ع السن برضه هوا سن طفل يهزر مع حد مثلا ينشن علي حاجه تيجي في حد يتعور وكمان هتبقي تقيله عليه اي بندقيه رش دلوقتي والرمسيس دلوقتي والمعادي الاصدار الجديد
مش حلو وكمان السعر بعد الثوره بقي غالي جدااا انا كنت جايبها من 5 سنين ب300 جنيه وكانت غاليه تخيل
وصلت ل950 دلوقتي تحطلك 300 جنيه وتجيبلك كرال سريعه وخفيفه شويه علشان الدبشك فيبر فا دي ممكن تكون
خفيفه شويه وانصحك بلاش تجيب رمسيس جديد اشتريها مستعمله اصدار قديم ده لو خلاص هتجيب هتجيب
يتعلم عليها ويتمرن ويتعلم كل حاجه فيها وازاي كمان يفكها ويشحمها ويزيتها طبعا انا مش عارف هوا 10 سنين هيتعامل معاها ازاي انتا البركه فيك برضه تساعده وامسكه وهوا بيضرب وخد بالك وهوا بيعمر علشان لاقدر الله
الماسوره ترد في وشه لو مقدرش يكسرها او يكسرها ويدوس ع الزناد ربنا يسترها عليه ويحميه ويحفظه

[mody_kamal]

المحلات

مشيل عزرا في العتبه قدام سنترال العتبه
وفي وسط البلد عند وزاره الاوقاف في محل
دول الي اعرفهم وفتح الله متشتريش من عنده حاجه لانهم ما يستحقوش الواحد يعبرهم اصلا

[MuHaMeD YaSSeR]

ليه مش حلو و علبة الرش بكام

[MuHaMeD YaSSeR]

و ايه ارخص ما بين المحلات

[MuHaMeD YaSSeR]

مصنع رمسيس قفل من زمان

[salas0010]

لو حضرتك ليك اخ وهتاخد اخوك معاك وتحت عينك وفى منطقه زراعيه او بعيد عن السكان بقصد انك تعلمه الصيد
فعاوز تجيب له بندقيه تعلمه عليها يبقى جيب له بندقيه رمسيس نمره 1 تمنها هتلاقيه فى سوق المنتدى يتراوح بين 350 الى 500 جنيه حسب حالتها واستعمالها لاكن متشتريهاش من محل
اما لو عايز بندقيه لحضرتك يبقى اشترى كرال او نوريكا سبورت وكل اللى يحدد الموضوع ده هو ميزانيتك
ميزانيه حضرتك من كام ؟

ورائى الشخصى حضرتك جيب ليك انت بندقيه محترمه وابقى خد اخوك معاك وانت طالع تصطاد وابقى اديله من وقت للتانى ينشن مره او مرتين لما تكون متأكد ان الهدف متامن ومفيش خطوره على احد وتكلمه وتفهمه المبادئ الاساسيه للصيد

[MuHaMeD YaSSeR]

يا mody انا لسة جي من فتح الله دا قالي 950 و رحت لقت ب 1300 ؟؟؟؟؟؟؟؟؟ ياجماعة اي حد شاري التركي منين و بكام ؟

[MuHaMeD YaSSeR]

انا لسة جي من فتح الله 950 رمسيس في التليفون و في المحل 1300 هههههههههههههههههههههههههههههههههههههههه في حد عندو اي محل بيبع رش تركي؟؟ ارجو الرد

[besho]

ابو ضيف شبرا معامله تحفه وناس حترمه مووووووووووووووووت

[MuHaMeD YaSSeR]

بكام عندو يا besho ولو مش هنديقق

[besho]

اتصل اسئلهم معلش معرفش الاسعار 0106253000

[mody_kamal]

عندك الاستاذ محمد ياقوت بيبيع بفاتوره كمان وب1350 جنيه ومعاها جراب كاموفلاج وجراب يسيع علبتين رش
http://www.egypthunt.net/showthread.php?t=30619 خشله الموضوع ده وكلمه راجل في قمه الزوق والاحترام

ولو البندقيه فيها مشكله صناعه او فيها عطل بتروحله بيديك الفلوس فوراا او بندقيه تانيه حسب الرغبه

[MuHaMeD YaSSeR]

شكلي هشتري من ابوضيف او من الاستاذ محمد يقوات

[MuHaMeD YaSSeR]

انا اتصلت بمحال ابوضيف قلي 1300

[mody_kamal]

خليك في الاستاذ محمد ياقوت ب1375 ومعاها جراب كاموفلاج للبندقيه وجراب للرش يشيل 3 علب وعلبه رش تركي