العضاء الافاضل أصحاب الخبرة أرجو الإفادة

[old_falcon]

أرحو من الاعضاء أصحاب الخبرة أن يفيدوني بمعلوماتهم القيمة
هل حجم المسدس في مسدسات الصوت المفتوحة يفرق في قوة تأثير الطلقة البلي ودقة النشان
وما الفرق بين أنواع الطلقات الابيض والاصفر
واكون شاكر جدا لو حد من الاعضاء رد علي سؤالي

[جلوك]

اهلا وسهلا بيك ياباشا
هو بنسبة ليا يعنى مبتفرقشى هديك مثال بسيط
الجكال والفولجا
دة بيضرب بلى ودة بيضرب بلى بس نمرة بلية الفولجا 4
والجكال 3
هو ممكن تكون بتفرق وخلى بالك دة على رغبتك عايز تركب طبة بلى نمرة 2اة3او4 براحتك بس الطبة
الطلقات بقى بتختلف فى انواع الطلقات
طلق اوذكريشان الفضى فوهة ضيقة وبتوسخ الماسورة وبيت النار علشان كدة رخيص جدا انمة هو كويس فى الاداء
p, A.kدة اصفر وكمية البارود بابقى زيادة شوية
طلق P.A.K YASهكزا كمية البارود ولونة اصفر وفوهة واسعة

[old_falcon]

أشكرك يا أستاذي علي الاهتمام والرد ومعلوماتك القيمة بجد أنا بستفيد جدا من خبرة جميع الاعضاء المحترمين
وفي انتظار أراء باقي الاعضاء اصحاب الخبرة

[fishtic]

كل ما الماسورة قصرت بقى احسن ف البلي
كل ما الماسورة وسعت كل ما كانت احسن ف البلي
لأنها بتديك ميزتان
ممكن تضرب بلي مقاس كبير
بتخلي سمك الطبة اكبر ف بتستحمل اكتر

واللي جمع الكلام دا الريتاي بارون

[TRIGGER]

اهلا وسهلا بيك ياباشا
هو بنسبة ليا يعنى مبتفرقشى هديك مثال بسيط
الجكال والفولجا
دة بيضرب بلى ودة بيضرب بلى بس نمرة بلية الفولجا 4
والجكال 3
هو ممكن تكون بتفرق وخلى بالك دة على رغبتك عايز تركب طبة بلى نمرة 2اة3او4 براحتك بس الطبة
الطلقات بقى بتختلف فى انواع الطلقات
طلق اوذكريشان الفضى فوهة ضيقة وبتوسخ الماسورة وبيت النار علشان كدة رخيص جدا انمة هو كويس فى الاداء
p, a.kدة اصفر وكمية البارود بابقى زيادة شوية
طلق p.a.k yasهكزا كمية البارود ولونة اصفر وفوهة واسعة

كﻻمك غلط فى الفولجا ﻻنه بيضرب بلى 3 بدون طبة و بلى 2 بطبة. و الجاكال بلى2 بطبة و 3 بدون طبة. بالنسبة للطلقات فالطلقات اﻻورال التركى احسن من اﻻوزكرشان و حتﻻقيها عند مسيو ابو سيف او السنيور الجامد خالد حامد

[عبووود]

الماسوره القصيره واللي قطرها اوسع احسن بكتير عسان دقه النشان..
الطلق بقه كلو زي بعضو بس الدهبي التركي صوته اعلي من الفضي.. والله اعلم

[old hunter]

ازاي يفندم كل ماالمسوره تبقا اوسع يدي نشان احس الكلام ده مش مظبوط الماسوره لما تبقي اوس بيبقي فيها هوا ده لوحد بيبعد البليه عن هدفها عشان كده بيفضل انك تعمل طبه لحد الفوهه اوتركب الطبه وتركب فوقها طبه الصوت بعد توسيعها كل ما الماسوره كانت اطول كل ما كان المدي والقوه افضل لان بطول الماسوره بيزيد الضغط لانه بيتحبس فتره اطول قبل ما يخرج من الفوهه النيشان عشان يبقي مظبوط لازم الماسوره (الطبه) تكون ماسقوله من الداخل كويس جدا لازم لازم تبقي نقطه السنتر في الفتحه لو صلتها بخط مستقيم تبقي علي فتحه الابره مباشره وتي بتتقاس بالنظر ولها طرق تانيه للقياس عشان تبقي بظبط بس يطول شرحها لازم تبقي الماسوره علي مقاس البليه بظبط يعني يفضل البلي تعدي حشر يفضل تشحيم الماسوره بشحم حراري من الداخل لتقليل الاحتكاك بكده النيشان هيطلع معاك بنسبه 95 % غير كده النيشان هيبقي مره يصيب ومره يخيب ده اذا صاب اصلا الكلام ده بعد عشرات التجارب علي الطبب ومسدسات البلي وفبه حجات باظت كتير في التجارب يعني مثلا الفولجا الناس كلها بتقول بيضرب بلي نمره 3 منغير طبه الكلام ده صحيح تعالي بقي نشوف النيشان من بعد 10 متر لو بتضرب علي هدف ولنقل 50*50 سم الطلقه حتي مش هتقرب من الهدف يعني نص متر في نص متر ومش هتعرف تضرب عليه من 10 متر واي حد هيقول لا هتجيب الهدف هقوله انسي ممكن تيجي مره بالصدفه لان انحراف البليه بيبقي عشوائي يعني متقدرش تحسبه بمعني انك ممكن تعمل طبه بلي تعمل انحراف للبليه بس الانحراف ده ثابت مبيتغيرش فتقدر تضرب بيه وتصيب الهدف بعد مراعه نسبه الانحراف انها هرفعلكو صور لبعض التجارب عشان المصداقيه فقط مش اكثر انا بس عشان محدش يقول اني بقول الكلام ده من دماغي او جيبه من علي النت الكلام عن تجارب شخصيه

[old_falcon]

ألف شكر لجميع الاعضاء المحترمين لاهتمامهم وردودهم المفيدة
بجد والله بستفيد كتير جدا من معلومات حضراتكم لاني جديد في الموضوع ولا أملك الخبرة
بس معلش ليا سؤال تاني
ايه موضوع الطبة الي بتبقي بطول الماسورة وهل هي فعلا أفضل للحفاظ علي ماسورة المسدس ودقة النشان
وأقدر أجيبها منين أنا عندي مسدس p 29 ومسدس فولجا أيهما أفضل وايه مقاس البلي المناسب لكل مسدس وهل وجود طبه اقضل ام عدم وجودها افضل
وهل مع الوقت هل البلي ممكن يوئر علي الماسورة