طلعة يوم الانتخايات والجو نارررررررررررررررررررر

[فوزى السيد]

السلام عليكم بما انى مقاطع للانتخابات فقررت انى اطلع رحلة وكانت رحلة جميلة لاكن كان الجو صعب جدا درجة الحرارة 45 اتشويت من الشمس وبعد ما روحت بقيت حاسس ان وشى بيطلع دخان واسوديت واثناء الرحلة بقيت حاسس ان الطيور مستخبية فى اى حتة ضل بعيد عن حرارة الشمس وكل فين وفين لما الاقى يمامة بس الحمد لله ربنا رزقنى ب6 يمام و3 حمام برى و1 كروان وطبعا الطلعة ماتخلاش من الغربان وروحت بدرى الساعة 10 لانى مابقتش طايق حرارة الجو واليكم الصور
دة مقط فيديو لقنص غراب واسف لعدم جودتة لانة بالموبايل وانا اللى مصور وبضرب مع بعض
http://youtu.be/fbVldxh3KKs

[Mohamed El-Hadidy]

بسم الله ما شاء الله,و بتقول اليمام كام مستخبي؟امال لو مكنش مستخبي يا باشا كنت عملت ايه,بالتوفيق دايما يا رب

[فوزى السيد]

بسم الله ما شاء الله,و بتقول اليمام كام مستخبي؟امال لو مكنش مستخبي يا باشا كنت عملت ايه,بالتوفيق دايما يا رب

هو فعلا كان قليل جدا مش ذى كل مرة انا كنت بشوف اعداد كبيرة داخل الاراضى والجناين غير اللى طاير فى الجو انما المرة دى هما دول اللى شوفتهم بالعافية بعد المرور على كذا مكان انا كنت بروح مكان واحد بس وارجع اروح اليوم دا بقا لفيت على كل الامكان
شكرا لمرورك الكريم ولك خالص تحياتى

[aymank2]

تسلم ايدك يا فوزى باشا بعكس يوم الجمعه كان مفيش شمس لحد الساعه 8.30 وكان الجو جميل .

[القبطان المصرى 77]

تسلم ايدك ياكبير والله
وان شاء الله الجاى احسن

[عادل عبده]

معالى الباشا
تسلم ايدك
صياد بمعنى الكلمه انك توقع كروان بالنمره 1
ولو انها مش اى نمره 1يعنى ربنا يباركلك فيها يارب
وبالتوفيق دائما

[samraghost]

تسلم ايدك يا قناص وفعلا الجو بدا يبقى نااااار ربنا يخفف عننا ويرحمنا برحمته

[ابو مروان]

طلعة ممتازة _بالف هنا وشفا الصيد والكروان حضرتك بتاكلة وطريقة طبخة ازاى؟_ الجو لما بيكون حر ممكن تصتاد بردة بس هاتروح اى مكان جنب الغيطان فية شجر كثيف من الكازوارين والفيكس الكبير دة اليمام بيحب يقف علية وحضرتك بقى تلبد فى الضل تحت الشجر وما تكونش باين_الميه الساقعة بتاعتك_سجايرك_بسكويت او قرص وتقعد بقى مستنى رزق ربنا اليمامة اللى تنزل _تنشها_من غير اللف فى الغيطان لان اليمام والحمام بيريح فى الحر وبيكون فطر بدرى وممكن يطير على العصر كدا عشان ياكل قبل ما يبيت

[Karim Eid]

تسلم ايدك بس لازم تعرف صيد الكروان في حرمانية ولا لا

[Champion]

تسلم ايدك
و بالهنا و الشفا
بس ليه الكروان؟ليه ؟ :(

[Ahmed salama]

طلعة زي الفل ي باشا ربناا يباركلك
بس فعلاً الكروان حلال صيدة ولا ايه وبيتاكل ولا لا؟

[jimmy_awad]

تسلم ايدك ياقناص

[فوزى السيد]

شكرا لمشاركاتكم جميعا وبالنسبة للكروان صيدة غير محرم وبالنسبة لطريقة طهية زية زى اى طير تانى مايفرقش حاجة اما بقا بالنسبة لاكلة انا عايز اللى ما جربش يجرب بنفسة وهو هيعرف انة جميل جدا بس هو فى حاجة احسن من طعمة وهو صوتة وفى اقاويل بتقول ان الكروان بيقول الملك لك لك لك يعنى بيسبح ربنا عشان كدة الناس بتقول ان حرام صيدة ولو اعتمدنا على الحجة دى يبقا مش هناكل ولا هنصتاد اى حاجة على وجة الارض لانة يسبح لله ما فى السموات والارض مش الكروان بس وعموما اللى عندة دليل على الحرمانية او عدم صلاحيتة للاكل فليتفضل بذكرة عسى ان نستفيد جميعا ولكم تحياتى

[فوزى السيد]

الفيديو مش راضى ينزل

[فوزى السيد]

اخيرا تم تنزيل مقط الفديو لقنص الغراب بالسلافيا http://youtu.be/fbVldxh3KKs

[ابو مروان]

الغراب على ما هو كبير كدا بس ما بيستحملش الرشايه_هههههههههههه_اليمام ابن لزينه بياخد النمرة 2 ويطير بعيد