اسعار البنادق ناار علي الفاضي

[tmme1978]

شوفو يا رجالة موضوع الاسعار ده في مصر كله عارف انه مبالغ فيه بس انا اشتغلت 10 سنين في مجال التصنيع و مجال مالماكينات اللي بتعمل ب الهواء و الزيت و كل الفرق ما بين ارخص بندقية و اغلي بندقية ساعات بتكون حاجات ممكن تتعدل في مصر و بسعر ارخص كتير فمثلا الدبشك فيبر او خشب انت ممكن نشتري حتة خشب زان اصلي و تعطيها لواحد من اللي بيحفر علي العفش و دول مليين البلد و اعطيه الدبشك القديم علشان المقاسات و اديله صورة افخم دبشك نفسك فيه حيعملك اخوه و ميتكلفش 200 جنيه الباقي كله بيكون نوع السستة و دي ليها محلات بتبيع كل المقاسات جديد او مستعمل في معدات مستورده و بتكون احسن من المستورد الجديد كل الي عليك تايف طولها و تصروخها و تبقي تمام الجلب و المكابس تشتري اجدع حتت صلب مستورد خرده و توديها لخراط يعملك اجدع من اللي في البنادق الغلية الاويل سيل او كما يسميه الناس خطاء اويسيه في محلات متخصصه بتبيع كل المقاسات يعني تروح تشتري واحد ضغط عالي مضاد للاحتكاك مش حيعمل 50 جنيه و لو ملقتش نفس المقاس ياتعدل المكبس يا تخليه يصنعلك واحد من خامات مستورده انا كنت بشتريهم و بتستحمل 400 بار فاضل اية الماسوره كله واحد الفرق في الصلابة و تكنلوجيا طريقة المجاري الداخلية و الناشينكانات بتتباع في اي محل بنادق و لو عاوز تنكل اي جزئ منها دي سهلة , الكلام ده مش من فراغ ده انا عملته لواحد صحبي ايام ماكنت بشتغل الشغلانه دي من 7 سنين و كانت بندقية مصري جربانه خليناها تحفه و مدفع و حتي الان معاه مفيش حاجة باظت فيها .
اخواني اللي يدور مايتوهشي و كل حاجة طالما حديد اسهل حاجة تعدلها بس تعرف تعمل اي ز

[Angel of Death]

إيه الكلام الحلو ده يا فندم.. :) شكلك كنت شغال بتصنع مدافع لمدة طويله يا باشا.. :)

[tarekvb]

اكتبلينا التفاصيل اللى انت عملتها فى البندقية اللى عدلتها ونوعها وايه اللى غيرته فيها .. تقبل تحياتى

[ِAhmedAlaa2007]

كلام رائع وموضوع جميل
بس طالما كده يا باشا ليه متعملش لينا بنادق مصري الصنع واعملها بالطلب وخد نسبة الربح اللي تقول عليها بس تكون حاجة زي اللي بتحكي عليها دي

[tmme1978]

اخواني الموضوع بجد سهل في تعديل الجزئ الخاص بالمكبس و السستة و الدليل يعني مثلا لو بندقيتك قديمه و سيل المكبس فيها نوعه جلد زفر و ده دائما نسبة منع التسريب فيه عالية و مش بيستحمل ضغط عالي فالحل سهل اوي لتغييره باويل سيل جديد ضغط عالي كل اللي تهمله تقيس مقاس السلندر من الداخل بس ببوكوليس و ده عند اي خراط معادن بعدين تاخد المقاس بتاع المجموعة من اول المكبس مرورا بالسستة و الدليل حتي جلبة التثبيت و تروح لمحل اويل سيل تشتري واحد القطر الخارجي له نفس مقاس السلندر من الداخل و طبعا مش حيركب علي المكبس القديم فتروح للخراط يعملك مكبس جديد المونيوم او حديد بحيث يركب عليه الاويل سيل و من الخلف يركب علي السستة بس يكون طول المجموعة الجديده نفس طول القديمة و شحم بشحم خفيف و ركب و جرب حتلاقي الموضوع اختلف تماما في قوة الضربة فكل حاجة سهل تتعدل جدا ماعدا الماسورة علشان دي موضوعها مختلف و معقد شوية ف خلي تعديلك في الجزئ الخاص بالضغط بس اهم حاجة يكون السلندر من الداخل ناعم و القطر الداخلي له ثابت علي طوله كلة علشان لو غير كده حيهرب ضغط و يضعف كفائة البندقية بس هو ايضا ممكن يتصنع بس اهم حاجة تلاقي ماسورة صلب خامتها ممتازة .
اتمني اكون قربت الموضوع لكم و انا مستعد للرد علي اي استفسار :)