عايز اعرف السبب ايه

[man.man115]

اخوانى الاعزاء السلام عليكم جميعا انا كنت بضرب بالهانتر 440 على كتاب من 460 صفحة برش برو ماجنوم نمرة 2 من مسافة 15 متر تقريبا الرشة الاولى اخترقت الكتاب بالكامل وخبطط فى الحيطة من الناحية التانية والرشة التانية اخترقت 350 صفحة والرشة الثالثة اخترقت 340 صفحة فقط علما ان البندقية جديدة معملتش 100 رشة ايه سبب اختلاف وضعف الاختراق مش المفروض يكون متساوى فى الرشات الثلاثة ولا ايه ................................

[mimic]

ياباشا قيس على طير .... يعني مثلا نشن على طير معين وليكن حمامة وبعد ما تشوف الطير شوف الرشاية مخترقاه ولا لأ .... انما الكتاب بيتهيألي انك لازم تكون مسبت البندقية وبتضرب في نفس المكان ومش على كتاب لأ جرب على ملة سرير او خشبة سمكها 5 سم وشوف الدنيا فيها ايه وبعدين يا باشا متقلقش نفسك علشان لو حطيت الوساوس دي في راسك هتحس ان بندقيتك مع انها جديدة انها مش بتخترق كنزاية ببسي فاضية .... وتقبل مروري

[man.man115]

شكرا mimic بس الكتاب وعدد صفحاته وضحت ان فى اختلاف فى مسافة الاختراق بين كل رشاية والتانية وده مش هيبقى واضح فى الطير لانه هياخد رشة واحدة وهيموت

[مصطفى قناص الليل]

مظبوط ياميمس كلامك صح متحتش فى دماغك يامان بندقيتك روعة وجميلة جداً وموضوع الكتاب داة لازم يحصل

ايلى حصل داة وخليك فى هدف ثابت او اى طير وهاتشوف الفرق صدقنى . بس عايزين نشوف صور صيدك فى اقرب

فرصة يامان . ماشى .

............... وتحياتى لك ............ قناص الليل ...........

[galal khalifa]

اخوانى الاعزاء السلام عليكم جميعا انا كنت بضرب بالهانتر 440 على كتاب من 460 صفحة برش برو ماجنوم نمرة 2 من مسافة 15 متر تقريبا الرشة الاولى اخترقت الكتاب بالكامل وخبطط فى الحيطة من الناحية التانية والرشة التانية اخترقت 350 صفحة والرشة الثالثة اخترقت 340 صفحة فقط علما ان البندقية جديدة معملتش 100 رشة ايه سبب اختلاف وضعف الاختراق مش المفروض يكون متساوى فى الرشات الثلاثة ولا ايه ................................

هو موضوع محير بس التفسير الوحيد لية ان تخزين البندقية كان مش كويس وممكن يكون حدث تنفيس او تأكل بسيط في الجلبة الداخلية ولو امكن ممكن تجرب مرة تانية علشان نعرف

[hoka]

بص هى نصيحه زى ما اميمك ومصطفى قالو
وانت بتضرب خلى روحك فى البندقيه وخليك واثق من ان الرشه ديه قنبله مش مجرد رشه
صدقنى اعمل كده ونشن صح وانت هاتلاقى نفسك بتجيب اهداف عمرك ما تتصورها ولا تتخيلها
وما دام البندقيه جديده ومن راجل موثوق منه يبقى خلاص
مجتش على 50 ولا 60 صفحه يعنى
ابقى زاكرهم يا عم واخرمهم بالقلم
ههههههههههههههههههههههههههههه

[هشام سمير]

الاخ العزيز مان مان عند ارتفاع درجة حراره الجلبه بسبب الاحتكاك من الضرب المتواصل فأن دفع الهواء يكون اقل من سابقيه
اقصد بكلامى ان لا تضرب ازيد من ثلاث ضربات خلال دقيقه ونصف
اى انك اذا ضربت الرشه الاولى واخترقت 450 صفحه انتظر قليلاً واضرب الثانيه ستجد ان انها نفس عدد الصفحات 450 صفحه
وان لم تجد هذه النتيجه فأن تعلم ان الاستيراد موقوف ومعظم البنادق الموجوده مركونه منذ فتره طويله فلعل الجلبه تكون تلفت او اى شى مثل ذلك
ام عن الهنتر 440 فهى رائعه ولا غبار عليها ولا تقلق منها
تقبل مرورى

[man.man115]

هى البندقية كويسة وبحس بقوتها اثناء الضرب يمككن تفسير الاستاذ هشام سمير منطقى لان الرشتين الثانية والثالثة كانوا وراء بعض بوقت قليل فعلا

[man.man115]

استاذ جلال كل سنة وحضرتك طيب الجلبة دى لازم فك البندقية ولا ممكن اشوفها من الخارج وعموما انا هعيد التجربة تانى مع قطعة خشب وهسيب فاصل زمنى بين كل رشة والتانية وهشوف النتيجة وربنا يستر

[المستشار]

وممكن زاويه الضرب بتختلف او زاويه الاختراق