المساعد الشخصي الرقمي

مشاهدة النسخة كاملة : للبيع بندقية ديانا 52 ويست جرمانى سوبر لوكس

marco8520
10-08-26, 02:46 AM
للبيع بندقية ديانا 52 ويست جرمانى سوبر لوكس رقم 2
جديده بالكرتونة
السعر 6000 جنية
للمزيد من المعلومات والاستفسار تليفون : 0183166186


3284

3285

3286

3287

3288

3289

3290
abosamer
10-08-26, 05:25 AM
اعتقد انها غالية لأن ديانا الماجنوم ب 6000
galal khalifa
10-08-26, 10:37 AM
برجاء وضع صورة للبندقية حسب تعليمات الادارة وفي حالة عدم وضع صورة يتم حذف المشاركة
مصطفى قناص الليل
10-08-26, 01:00 PM
مش سعرها عالى حبتين ولا انت شايف اية ...
momo44
10-08-26, 01:03 PM
سعرها عالى جداااااااااااا
mimic
10-08-26, 10:32 PM
البندقية دي من المنيا مش ألمانيا ؟؟؟؟؟ ههههههههههههههههههه!!!! على العموم دي سعرها مبالغ فيه شويتين وبعدين ايه موضوع اللوكس ده ؟؟؟ برجاء التوضيح ... وبرجاء وضع صورة للبندقية ...
شكلها وارد المنيا يا حودة أكيد انت فاهمني ؟؟؟
momo44
10-08-26, 10:37 PM
البندقية دي من المنيا مش ألمانيا ؟؟؟؟؟ ههههههههههههههههههه!!!! على العموم دي سعرها مبالغ فيه شويتين وبعدين ايه موضوع اللوكس ده ؟؟؟ برجاء التوضيح ... وبرجاء وضع صورة للبندقية ...
شكلها وارد المنيا يا حودة أكيد انت فاهمني ؟؟؟

ههههههههههه
اكيد طبعا فاهمك
ادريس الترهونى
10-08-27, 12:27 AM
السعر اغلى من الجديد الرجاء المراجعة فى السعر وبالتوفيق
marco8520
10-08-28, 03:00 PM
............................
marco8520
10-08-28, 03:02 PM
................................
town sniper 1
10-08-28, 05:31 PM
طبعا هو مفيش حاجة اسمها سوبر لوكس في 52
في حاجة اسمها سوبريور
والبندقية ديه عادية مش سوبريور
marco8520
10-08-28, 05:40 PM
اسال فى محل السجلابى وهى موجودة ب7500 و6000 سعرها مش هتسمعوا تانى من اى حد.
دة يعتبر عرض خاص بمناسبة شهر رمضان الكريم.كل عام وانتم بحير
محمد عز
10-08-28, 05:49 PM
وانت بحير يا عزيزي
ما تزعلش من بعض التعليقات ده سوق المنتدى
يعني عرض وطلب
ومن حق كل واحد يقول رأيه، صح؟
والبندقية لا غبار عليها ومعروفة بقوتها وربنا يوفقك في البيع
marco8520
10-08-28, 05:59 PM
دة على فكرة احسن سعر واسال وانا تحت امرك دى فى المحل ب7500 دى wast garmney
marco8520
10-08-28, 06:06 PM
صدقونى يا جماعة اللى يلف فى بعض المحلات يلاقى سعر البندقية دى
فى تخفيض عالى جدا
وكل شى بيبقى نصيب من اللة
وكل عام وانت بخير .....................
marco8520
10-08-28, 07:26 PM
اللى معترض على السعر يجبلى اختها بسعر اقل
Youssef
10-08-28, 10:17 PM
اسال فى محل السجلابى وهى موجودة ب7500 و6000 سعرها مش هتسمعوا تانى من اى حد.
دة يعتبر عرض خاص بمناسبة شهر رمضان الكريم.كل عام وانتم بحير

أولا كل عام وانت بخير
ثانيا بمناسبة السجلابى كنت بجيب رش النهارده وعلشان ميشيل عازر كان مغلق لحد الساعة 12 ظهراً لسه مافتحش روحت للسجلابى ومن باب الفضول ليس الا سألت على البنادق وكانت الصاعقة
CFX Royal بـ 6500 جنيه
ديانا 52 بـــــــــــــــــ 7500 جنيه

والله زمن العجايب وياما هنسمع ههههه
بس أحب اقول للعضو الكريم ان ده محل يتيم عنده بندقية يتيمه هيفرض هذا السعر المبالغ فيه على الناس؟؟؟؟ !!!!!!!!
طب ما هو العضو الكريم الأستاذ وليد الشيمى لسه جايب اخت البندقيه ده (ربنا يباركله ) من حوالى 10 ايام فيما اظن وكانت بـ 5500 ودى برده مش قاعده لأن فيه ناس معاها الـ 5500 دول ودايخين ومش لاقيين .
انا فاكر انى قرأت مشاركة لأحد اساتذتنا انه شاف البندقية الرمسيس لما كانت جديدة بـ 6 جنيه بس للأسف ماقلش الديانا الـ 52 كنت ايامها بكام هههههههههههه
بس انا برده مع العضو الكريم فى شق اننا مش هنسمع الأسعار ده تانى لأننا فى فى مرحلة التصافى يعنى اللى عنده بندقية من حقة يطلب اللى هو عايره (حسبى الله ونعم الوكيل فى اللى كان السبب)
واخيراً لو حد جدى فى الشراء ممكن يتواصل مع العضو الكريم ويقرب المسافات معاه
وبالتوفيق
momo44
10-08-28, 10:39 PM
انا اعلى سعر سمعته فيها كان 5500
وفى واحد اعرفه اشترى بندقيتين
الاولى بسعر 5400
والثانية بسعر 5350
والكلام ده من حوالى 3 اسابيع
المستشار
10-08-28, 11:08 PM
مومو الحق هات الاير كينج قبل ما تسمع بكره فيها 9000
المستشار
10-08-28, 11:11 PM
طبعا هو مفيش حاجة اسمها سوبر لوكس في 52
في حاجة اسمها سوبريور
والبندقية ديه عادية مش سوبريور

من كتر ما عقلك مرتب علميا مش واخد على الالفظ دى الا من الناحيه العلميه
يا اس يا اخويا سوبر لوكس يعنى مفهاش خربوش زى الشقه السوبر لوكس يعنى حمام قيشانى وقنال تكس وحجات يتاعه زمان دى ودمتم بخبر
momo44
10-08-29, 03:03 AM
مومو الحق هات الاير كينج قبل ما تسمع بكره فيها 9000

انا كنت نويت عليها خلاص
بس جبت اللى اقوى منها
المدفع ديانا 48-52 بروفيشنال كلاسيك الاصدار الامريكى rws
المستشار
10-08-29, 03:19 AM
الف الف الف يعنى ثلاثه الاف مبروك عليك المدفع الجديد
المستشار
10-08-29, 03:36 AM
بس والله ان مش فاهم حاجه ايه الفرق بين الديانا 48 /52 وبين الديانا 52
amlabib
10-08-29, 04:10 AM
الف مبروك, و الله فرحتلك صبرت و نلت :)
ابو عامر
10-08-29, 10:00 AM
ايه يا عم انت فاكرنا كوايتا ولا ايه غاليه جدا اااا
انا جايب المجانيوم 350 ب 6000 زيرو من عند ميشيل وكانت 5500
gasser
10-08-29, 01:27 PM
يا جماعة الديانا 52 نزل منها عادية و لوكس الاختلاف فى نوع الخشب و هى لوكس فعلا واضح من الصورة يبقى السعر دة كويس عليها بشرط ان تكون جديدة و الديانا تسطيع ان تعرف انها جديدة بسهولة جدا
Youssef
10-08-29, 01:53 PM
بس والله ان مش فاهم حاجه ايه الفرق بين الديانا 48 /52 وبين الديانا 52

هو الفرق الوحيد اللى أعرفه انها لها 2 سوسته جوه بعض مش سوسته واحدة زى الـ 52 يمكن فى فروق تانية الله اعلم
Youssef
10-08-29, 02:16 PM
طبعا هو مفيش حاجة اسمها سوبر لوكس في 52
في حاجة اسمها سوبريور
والبندقية ديه عادية مش سوبريور

فعلاً الكلام صح 100 % واضافة لهذا الكلام الإصدارين الـ 52 و الـ 52 Superior متطابقين تماماً فى المواصفات فيما عداً نوعية خشب الدبشك
وليد الشيمى
10-08-29, 02:53 PM
الف مبروك يا مومو عليك ال 52
marco8520
10-08-29, 04:57 PM
واللة ياجماعة التعلقات كتير وانا معرتهاش ب6000 علشان ازعل بعض اخواتى الاعضاء
وانشاللة كل واحد ربنا يوفقة فى مبيعاتة وشرائة.
وكل عام وانتم بخير .ورمضان كريم
momo44
10-08-30, 12:53 AM
الف الف الف يعنى ثلاثه الاف مبروك عليك المدفع الجديد

االه يبارك فيك يا باشا

بس والله ان مش فاهم حاجه ايه الفرق بين الديانا 48 /52 وبين الديانا 52

الفرق ان ال48-52 فيها 2 سوستة
وهى اقوى من ال52
واللى معايا rws
وده اصدار للسوق الامريكى
لانهم بيحبو القوة
وكمان الماسورة اصغر من ال52 ب 3 سم (معرفش ليه بصراحة)
انا معرفش اى اختلاف تانى
لو عرفت حاجة هقولوكو ان شاء الله

الف مبروك, و الله فرحتلك صبرت و نلت :)

الله يبارك فيك

هو الفرق الوحيد اللى أعرفه انها لها 2 سوسته جوه بعض مش سوسته واحدة زى الـ 52 يمكن فى فروق تانية الله اعلم

فعلا ده فرق من الفروق

الف مبروك يا مومو عليك ال 52

الله يبارك فيك يا استاذ وليد
المستشار
10-08-30, 01:45 AM
2 سوسته يعنى سرعتها كام
mimic
10-08-30, 02:19 AM
سيادة المستشار على ما اظن سرعتها 305 متر في الثانية ... وقوتها كمان عالية خرمت ملة سرير عرضها مش اقل من 5 سم ودخلت في جركن محطوط ورا الملة مليان فبر وحاجات قوية .........
momo44
10-08-30, 12:39 PM
سيادة المستشار على ما اظن سرعتها 305 متر في الثانية ... وقوتها كمان عالية خرمت ملة سرير عرضها مش اقل من 5 سم ودخلت في جركن محطوط ورا الملة مليان فبر وحاجات قوية .........

الاستاذ جلال قالى ان سرعتها تقريبا 314 متر/ثانية

وبعدين انت بتقر ولا ايه يا عم محمد
ربنا يستر
هههههههههههههه
ده انا لسة ممسكتهاش
galal khalifa
10-08-30, 12:40 PM
الاستاذ جلال قالى ان سرعتها تقريبا 314 متر/ثانية

وبعدين انت بتقر ولا ايه يا عم محمد
ربنا يستر
هههههههههههههه
ده انا لسة ممسكتهاش

ربنا يحميها لك ويكفيك شرها بس السرعة دية علي نوع معين من الرش خفيف الوزن
momo44
10-08-30, 04:15 PM
ربنا يحميها لك ويكفيك شرها بس السرعة دية علي نوع معين من الرش خفيف الوزن

شكراااااااااا يا استاذ جلال
طيب على الرش العادى اللى احنا بنستخدمه تبقى سرعتها كام
وتفرق عن ال 52 بحوالى كام متر
المستشار
10-08-30, 10:01 PM
الاصدار الحديث من الديانا 52اعلى سرعه ليه 260 متر لرقم 2 و350 متر لرقم واحد اما الاصدار القديم فلا يتعدى 230 متر
galal khalifa
10-08-31, 01:09 AM
يا جماعة لو الديانا سرعتها 260 تبقا مدفع بجد حتي ولو 230 متر زي ما الناس بتقول بردة مدفع ولو 200 متر حتي بردة دية ديانا
marco8520
10-09-14, 01:09 AM
.........................................
شلاطه سكوووب
10-09-15, 01:51 PM
لا انا شايف ان سعره كويس بشرط لو كانت جديده زى ماهو بيقول لاني لفيت على محلات السلح وكانت الديانا 52 ارخص حاجات بسيطه كانت 5500 عند فتح الله في الاسكندريه بس كانت نوفي وشكرااااا
الصياد الكبير
10-09-15, 11:11 PM
ممكن اعرف السعر النهائى للبندقيه ولا السعر سعر نهائى
marco8520
10-09-15, 11:22 PM
على فكره يا جماعه سيكون هناك تخفيض لكل الجادين للشراء ولمزيد من المعلومات يوجد الرقم فى رأس الموضوع
fugativ
10-09-16, 09:11 PM
هية ناقصة ولعة
marco8520
10-09-16, 11:52 PM
كلامك مظبوط واضح من اوجههم الشر اللى فى داخلهم
القناص2010
10-09-17, 02:56 AM
السعر كام بعد التخفيض
marco8520
10-09-17, 05:26 PM
السعر 5800 لان واللهى انا مشتريها ب 6500 من فوزية ضيف وسبب البيع انها زيادة عندى وهى عند السجلابى ب 7500
rock
10-09-18, 12:12 AM
يا استاذى العزيز دى بندقيه واحده ومفيش غيرها عند السجلابى عشان كده هو مغلى سعرها ..... والسى اف اكس رويال عنده 6500 ج وهى هى عند ميشيل ومن لسان ملاك 3500 ج يعنى فرق 3 الاف ج السجلابى مش مثال نوزن عليه ........ و متزعلش منى لو انت جايبها بالسعر ده يبقى مش تمام لانه كده واخد منك 1000 ج زياده .
تحياتى .
marco8520
10-09-18, 01:22 AM
مساء الفل على الناس الحلوين .هى فى المحلات فى الوقت الحالى تعمل 6500 وانا مش استغليلى ولا حاجة هى بامانة واقعة عليا ب 6500 وهى سعرها معقول كدة
واى واحد جد فى الشراء اعتقد ان دة سعرها مناسب جدا جدا........:)
momo44
10-09-18, 04:21 AM
مين قال انها فى المحلات ب 6500
الاستاذ وليد لسة جايبها ب 5500
وكلام احمد صح
السجلابى اسعاره عالية جداااااااا ومينفعش نقارن بيها
ولو انت جايبها ب 6500 يبقى حرام تخسر فبها المبلغ ده كله
سلامى لكل اهل المنيا
marco8520
10-09-18, 04:25 PM
استاز مومو التدخلات بتاعت سعتك انا عاوز افهم اة المقصود منها لو عندك كلام فى البندقية قلى وعرفنى نيتك اة.....تحياتى:d
marco8520
10-09-18, 04:26 PM
استاز مومو التدخلات بتاعت سعتك انا عاوز افهم اة المقصود منها لو عندك كلام فى البندقية قلى وعرفنى نيتك اة.....تحياتى
momo44
10-09-19, 02:39 AM
استاز مومو التدخلات بتاعت سعتك انا عاوز افهم اة المقصود منها لو عندك كلام فى البندقية قلى وعرفنى نيتك اة.....تحياتى:d

انا بقول نفس كلام الاعضاء اللى معانا ان سعر السجلابى عالى جداااااااااا
وبقولك نصيحة لو انت اشترتها ب6500 زى ما انت بتقول يبقى حراااااااام تبيعها ب 5800
بس سورى كده حضرتك اخدتها بسعر اعلى من سعرها وكان لازم تسأل الاول
وبقولك سلامى لكل اهل المنيا
مش حضرتك الاستاذ هانى برده :rolleyes: :D:D
الجوكر
10-09-19, 05:34 AM
بقولك ايه ياعم محمود هدى اللعب شوية

الراجل عايز يبيعها 5800 هوا حر البيع عرض وطلب ان شالله واحد يشتريها منه ب 7000 اللى يلزمه يشيل

وربنا يوفق الجميع
rock
10-09-19, 09:08 AM
خلاص يا جماعه ........ مبروك عاللى هايشيل ........ موفق فى البيع ......... تحياتى .
المستشار
10-09-19, 09:48 AM
الساده المحترمين المنتدى ملك لنا جميعا والهدف الاول توفير كل الدعم الفنى والمعنوى للاعضاء والمنتدى ليس فقط سوق للسلاح اى حد يعرض فيه اللى هو عايزه ويحط السعر اللى هو عايزه هذا المنتدى لخدمه اعضاءه فلازم اى حد بيشترى بياخد الدعم والنصيحه والباش مهندس لم يرد الا الاصلاح واحنا مش فاتحين مزاد ده منتدى يعنى صالون لثقافه السلاح والصيد الديانا ال 52 لو هى الوحيده فى العالم لا تتجاوز 6000 جنيه باى حال وهذا ليس راى بل هو اقصى سعر لها لو مفيش غيرها والا هتبدا 5500 اذا كان هناك اكثر من واحده فى العرض البندقيه المعروضه بسم الله ماشاء الله جميله جدا ولكن نحن لا نسمح بان يكون هذا المنتدى مجال للاعلان المستغل او ساحه للسخريه من اعضاءه حضرتك لو شارى البندقيه دى 10000 جنيه دى حريتك الشخصيه انما للعرض فى هذا المكان نرجو الالتزام بروح الاخوه وطبعا احنا متبعين كل مشاركات حضرتك امال هتطلب كام فى الويبلى باتريوت واخيرا اتمنى ان تبيع بندقيتك باعلى سعر يتناسب مع الاعضاء من ناحيه ومن ناحيه اخرى مع طبيعه وواقع السوق
وتقبل تحياتى من منتدى الالفه والاخوه منتدى الصيد فى مصر
محمد حافظ
10-09-19, 12:43 PM
بقولك ايه ياعم محمود هدى اللعب شوية

الراجل عايز يبيعها 5800 هوا حر البيع عرض وطلب ان شالله واحد يشتريها منه ب 7000 اللى يلزمه يشيل

وربنا يوفق الجميع
أؤيد كلام أخى سيادة ألمستشار بكل تأكيد و أحنا هنا لسنا تجار فى سويقة أو مزاد لما حد بيعرض سلعة جيدة بسعر مناسب بندعيله بألتوفيق و بنبارك للبائع و ألشارى و كذلك ألحال لمن يعرض سلعة رديئة أو غالية يجب تنبيهه هو و سائر ألآعضاء ألى ألعيب فى ألعرض
ألآخ ألجوكر صاحب ألعرض نفسه بيتكلم بأسلوب متزن فمن فضلك أنتقى عباراتك و تدخل بألآصلاح أو بالكلمة ألطيبة
و تقبلوا تحياتى جميعا
galal khalifa
10-09-19, 01:14 PM
نرجو من الاخوة الاعضاء اتاحة فرصة للرائ والرائ الاخر وايضا التحلي بسعة الصدر والرد باسلوب معقول ومقبول وعدم التطرق الي اي امور اخري الا للموضوع المراد ابداء الرائ فية لان ابداء الرائ في قضية معينة وا عامة مكفول للجميع شرط ان نلتزم باداب الحديث وعدم استفزاز الاخرين فالمنتدي وجهة حضارية لنا جميعا ولبلاد اخري ومرجع يختزا بة بين المنتديات المصرية والعربية وبه من الخبرات الرائعة والصادقة النوايا هدفها الرئيسي امداد الاعضاء بالمعلومات عن انواع البنادق والاسعار الارشادية
فترجو ادارة المنتدي الالتزام بذلك
الجوكر
10-09-19, 01:36 PM
ألآخ ألجوكر صاحب ألعرض نفسه بيتكلم بأسلوب متزن فمن فضلك أنتقى عباراتك و تدخل بألآصلاح أو بالكلمة ألطيبة
و تقبلوا تحياتى جميعا


غريبة

انا مش شايف انى قلت اى كلام غير لائق

على العموم انا هخرج منها خالص

بالتوفيق للجميع
احمد المنياوى
10-09-19, 02:41 PM
أولا تحياتى للجميع
ثانيا momo 44 شخص يقظ وخطر
momo44
10-09-19, 05:23 PM
ياااااااه كل ده حصل بسبب رد منى
انا اسف يا جماعة اذا كنت قلت اى حاجة تضر باى احد
الاستاذ هانى كلمنى على التليفون عشان الهجوم اللى انا عامله(ده رأيه)
وانا قلتله لا هجوم ولا حاجة
وربنا يوفق الجميع ان شاء الله

أولا تحياتى للجميع
ثانيا momo 44 شخص يقظ وخطر

يقظ !!
يعنى زى خط الصعيد مثلا:D:D
انما خطر ؟؟؟:confused::eek:
ابدااااااا
مش عارف دى معناها ايه
marco8520
10-09-19, 07:05 PM
خلاص يا جماعا حصل خير الواحد مش داخل يعمل مشاكل بين الناس و بعضيها و خلاص اللى عاوز البندقية و جد فى الشراء يتصل بى و انا سوف نتفاهم فى السعر بامر الله
Youssef
10-09-23, 01:37 PM
ستييييييييييييييييييين مشاركة والبدقية ما زالت معروضه للبيع
ده احنا بنتكلم كتييييييييييييييييييييير أوى وبنشتغل قليييييييييييييييييييييييييل أوى
shref
10-09-28, 09:33 PM
خلاص يعنى دة رايك النهائى خلاص هتصل بك قريباً جداً بامر الله لان انا فعلا محتاج البندقية واكيد ليا اكرامية لما اتصل