اعزائى الاعضاء ممكن حد يئلى الصنارة دى تنفع للصيد البحرة

[محمد كابو]

اعزائى انا جبت الصنارة الى صورها فى اخلا الموضوع و كنت بصطاد فيها فى النسل عادى بس مش عارف لو رحت الاسكندرية ينفع الصنارة دى للصيد
و استفسار تانى هوا فى الاسكندرية مياة النيل ولا لا
و شكراً
http://www10.0zz0.com/2012/06/06/13/812310429.jpg

http://www10.0zz0.com/2012/06/06/13/378025043.jpg

:eek::eek::eek::eek::eek::eek::eek::eek::eek::eek: :eek::eek::eek::eek::eek:

[الرحاله]

شوف يا باشا اسكندرية فيها بحر ( مالح ) يعنى ده عاوز تصطاد بالرصاصه على الارض ( على الراكز ) او تركب رصاصه تقيله على فله كبيرة حسب السمك اللى موجود وبرضة اعرف النظام من الصيادين اللى موجودين هناك .... بالتوفيق

[محمد كابو]

اكيد هركب رضاض ذتون كبير يعنى يوصل معايا للقاع
بس هيا كا مكنة و بوصة هيشتغلو معايا

[M.Hatem]

اه هايشتغل ميشتغلش ليه يعني!!!

[محمد كابو]

اوك اصلى بشوف كل الى بيسطادو علا البحر بيبئا معاهم مكن و بوص بحجم اكبر من الى معايا بكتير

[farouk]

بص حضرتك
البوصه الطويله علشات تصطاد من شاطيء بيكون الوعر فيه كتير يعني علشان متشبكش في الصخر لكن لو بعيد عن الصخر او تسقيط من مركب تبقي البوصه اللي معاك زي الفل

[shahryar33]

السلام عليكم انا هرد عليك من واقع خبرتى المتواضعه جدا فى عالم الصيد

بالنسبه للبوصه حضرتك بتسأل عن اذا كانت تنفع فى الصيد البحرى (الاسكندريه ) ام لا و هذا يعتمد على الطول البوصه و جودتها و حسب طريق التى سوف تستخدمها فى الصيد فاذا كان الصيد من الشاطى فسوف تحتاج بوصه على الاقل طول 4.5 متر و تكون جبرة شويه اى ناشفه شويه عشان بيكون التعامل مع السمك وسط امواج الشاطئ بيكون صعب شويه و بالنسبه للمكنه هتحتاج مكنه كبيرة شويه تشيل خيط 40 او 50 على حسب مكان الصيد اما لو هتنزل تسقيط من على مركب هذة البوصه غير مناسبه لأنك فى هذة الحاله بوصه اقصر و اصلب شويه فهتحتاج بوصه صب بطول قليل لسهوله الاستخدام على المركب و لأنك سوف تحملها فترة لذلك يجب ان تكون مريحه فى الصيد و بالنسه للمكنه ستحتاج مكنه كبيرة تشيل خيط 60 و 70 على حسب الاسماك الى هتصتادها و عمق المياة


بالنسبه بقى للبوصه الى معاك انت مش حاطط مواصفات ليها خالص لذلك مش هعرف احددلك بالظبط فهى لو 4 متر على الاقل و ناشفه شويه (جبرة ) مش بوصه غماز يعنى ممكن تنفع معاك فى صيد الشاطئ من الاسكندريه بس تجيب مكنه اكبر شويه و دى مش هتبقى اوى فى انواع صينى جيده جدا و سعرها مناسب و فيها المواصفات المطلوبه
انما لو البوصه صغيرة ممكن تشترى بوصه و مكنه جداد يكونو مناسبين لصيد المالح

ارجو انك تكون فهمت قصدى و ان اكون اجبت على سوألك بالطريقه الصحيحه

[اسلام البحراوى]

بص ياصحبي البوسه دى متنفعش في البحر لانها بوصه شعبي 3م ومتستحملش ولا المكنه و بلنسبه للنوع هي والمكنه شعبي وبيعملو 50 ج مع بعض

[محمد كابو]

لا يا اخى هيا المكنة مش عارف نوعها بس مكتوب عليهها sy200 و العود 3 متر

[اسلام البحراوى]

ماشي ياباشا ماهما شعبي وميستحملوش البحر

[محمد كابو]

يعنى اسطاد بيهم فى النيل بس

[haney_taha]

تصطاد من شاطيء