رساله الى كارهى الكرال

[القبطان المصرى 77]

بسم الله الرحمن الرحيم
رساله الى كارهى الكرال
اولا وقبل كل شىء
احب اشكر جميع الاخوه المحترمين اللى عارفين نفسهم
اللى نصحونى انى ماضربش بيها كتير غير لما افكها واشحمها الاول
عشان وهى لسه جديده بتكون ناشفه من الداخل و مفهاش شحم
وده ممكن يأثر على الاجزاء الداخليه ويسبب خدوش ومشاكل فى الكانون والبستم
اهداء لاعضاءنا العظام ومحترفينا الكرام
وجهة نظر مأخوذه عن الكرال مطلوب تغييرها
انا احتارت كتير قبل ماكتب الموضوع ده
لكن حسيت انه واجب عليا اشارك اخواتى واساتذتى الاراء حتى نستفيد جميعا
اولا طبعا كلنا متابعين اخبار الكرال وعارفين ان فيه صيادين كتير محترفين شايلينها
وفيه صيادين اكتر خايفين منها وبيقولو سمعتها وحشه
وفيه ناس قالو فيها اشعار هجاء توديها فى داهيه وتخليها ملهاش لازمه
هههههههههههههههههه
لكن اللى مجننى ان فيه ناس كتييييييييييير اوى اشتروها وبيشكرو فيها
وبعد حيره كبيره وفترة مراقبه لأحوال البندقيه مع الناس
قررت اخوض التجربه
انا طبعا شاريها من شهرين تقريبا بـ 1650 جنيه
http://www11.0zz0.com/2012/05/31/11/759577705.jpg (http://www.0zz0.com)
هى اينعم اشتريتها غاليه شويه لكن انا عملت بنصيحة واحد محترم قاللى
( بص ياصديقى لو مجبتش الكرال دلوقت بالسعر ده هاتندم لأنك كمان سنه ممكن تلاقى سعرها وصل فوق الـ2800 لأنها اثبتت وجودها وخليك فاكر كلمتى دى )
ومتهيئلى عنده حق بسبب جنون الاسعار اللى احنا عايشينه دلوقت
وانا كمان عن نفسى ليا وجهة نظر فى الموضوع وهى
وهى ان البندقيه دى حتى لو طلعت فى مستوى متوسط فى الاداء فهى سعرها رخيص ومش هاتضرنا كتير
احنا عندنا النوريكا 61 اللى سرعتها 170 وصلت 1600 جنيه دلوقت
والنوريكا سبورت اللى سرعتها 160 على ما اعتقد وصلت 1750 دلوقت
بالزمه ده مش حرام يعنى
وكمان سعر الكرال قريب من المعادى اللى بـ 1250 جنيه مع الفرق طبعا
لأننا لو قارناها بالمعادى هانعمل زى اللى بيقارن الطياره بالجمل
وطبعا المقارنه فى صالح الكرال من جميع النواحى
ده زائد انى مقتنع تماما انها كمان سنه هايبقى فعلا سعرها رهيب
المهم
اول ماخرجتها من الكرتونه يوم ماجبتها بصراحه شكلها شيك اوى والدبشك بتاعها عجبنى جداااااااااا
ولفت نظرى وزنها
انا كنت اسمع ان وزنها تقريبا 2.400
لكن وزنتها لقيتها حوالى 2.700
وبعد تغيير القاعده الفايبر بقاعده معدن اصبحت 2.925
القاعده المعدن فرقت فى الوزن شويه

المهم اول حاجه فكرت فيها هى الضرب..
كسرت البندقيه وعمرت رشايه ولاحظت ثقل كبير اوى اثناء الكسر
لكن محطتش فى دماغى وطنشت
وكان قدامى نص بلاطه ( مزايكو ) على مسافة 11 متر تقريبا نشنت عليها وضربت
بسم الله مشاء الله تقريبا كانت هاتفرتك البلاطه من قوتها
والطلقه حركت البلاطه من مكانها حوالى 15 سنتى للخلف
وبكده تبقى قوتها كويسه
وعشان اتأكد جبت قطعة خشب سمكها 4 سنتى ووقفتها على سيفها
وغرزت فيها دبوس مكتب كبس عشان انشن واضرب عليه على بعد 10 متر وضربت طلقتين
الطلقتين غرزو داخل الخشب حوالى 1.5 سنتى ونص
ودى صورة الطلقتين عامل عليهم زوم بالكاميرا
http://www11.0zz0.com/2012/05/31/11/330855274.jpg (http://www.0zz0.com)
واستخدمت مع البندقيه رش ديابلو تركى ودى صورتة
http://www11.0zz0.com/2012/05/31/11/504514300.jpg (http://www.0zz0.com)
كده قوتها حلوه اوى
فاضل بقى نشوف باقى الامكانيات والبندقيه من الداخل
وطبعا كنت مرعوب من اللى باسمعه عنها من مشاكلها الداخليه سواء فى التقفيل
او النظافه والتشحيم
او القاعده اللى طبيعى هاتكون مكسوره
او السوسته اللى طبيعى هاتكون بايظه ومعووجه ومحتاجه تغيير
او الجلبه اللى بتكون مشققه او تالفه
وبعد نصايح بعض الاخوه الكرام سواء فى المنتدى او خارجه قمت بفك البندقيه وبرده وانا مرعوب
وكانت اول مفجأه
السوسته رهييييييييييبه بمعنى الكلمه
مش ناشفه ولا حاجه ( يعنى كويسه وتأدى الغرض )
ومعدوله زى المسطره وحلقاتها متساويه تماما
والمسافه بين كل حلقه وحلقه مظبوطه جدا جدا
وبرغم ذالك حطيت فى دماغى انى هابقى اجبلها سوسته اسبانى لزيادة الكفائه
ولسه جايبها من يومين
ودى صورتها
http://www11.0zz0.com/2012/05/31/11/786184221.jpg (http://www.0zz0.com)
كده خلصنا من السوسته واطمنا عليها الحمد لله
نيجى للقاعده الفيبر
لقيتها سليمه وعشره على عشره وبتلمع كمان لكن برده حسيت انها ضعيفه ومش هاتتحمل ضغط السوسته مع الاستخدام
قمت واخد القاعده تانى يوم ورايح عند ورشة خراطه محترمه وقلتله عاوز زيها بالظبط بنفس المقاسات ولكن معدن او المونيوم
وعملهالى معدن واتكلفت بالظبط ( 20 جنيه ) بس
ودى صورة القاعده الفيبر وصورة القاعدة المعدن
http://www11.0zz0.com/2012/05/31/11/676181741.jpg (http://www.0zz0.com)
http://www9.0zz0.com/2012/05/31/11/308974404.jpg (http://www.0zz0.com)
كده اطمنت على القاعده
وبعدين بقى نيجى للبستم والجلبه
فكيت البستم وخرجته ومتنسوش انى لسه مرعوب
ههههههههههههههههه
لقيت البستم فى منتهى النظافه ومفهوش رايش ولا اى حاجه
وكل مافى الامر انه عاوز يتشحم مش اكتر
بصيت على الجلبه برده وانا مرعووب كالعاده
لقيتها عشره على عشره برده وزى الفل ومفهاش اى مشاكل
كده بدأ الرعب يخف شويه شويه
مسكت البندقيه وشحمتها كويس اوى اوى لانها مكانش فيها ولاااااااااا فتفوتة شحم صغننه
زى مايكون تركيا مفهاش شحم او يمكن عندهم ازمة شحم
ههههههههههههههه
قفلت البندقيه وتمام
وعشان تنسى موضوع فك مسامير الدبشك لوحدها اثناء الضرب
اشتريت تلاته اولسيه صغيرين من محل قطع غيار سيارات
وحطيت تحت كل مسمار اولسيه وربط عليه جامد
وكل سنه وانت طيب
بقالى شهرين باضرب بيها ومفيش مسمار اتنفس
http://www11.0zz0.com/2012/05/31/11/376999584.jpg (http://www.0zz0.com)
المهم
قمت عشان اجرب و اشوف نتيجة تعبى
وبرده كنت لسه مرعوب شويه
وكانت اول صدمه وانا باعمر
زراع التعمير عند الكسر بيحتك بالكانون بعنف فى الجزء اللى الزراع بينام عليه على جسم الكانون من الخارج
http://www11.0zz0.com/2012/05/31/11/796447121.jpg (http://www.0zz0.com)
وده طبعا مش كويس وعيوبه هاتكون
( ثقل كبير فى الكسر) ..
صوت مش حلو ومش طبيعى اثناء الكسر
( الاحتكاك بالكانون سيأدى حتما الى تضرر جسم الكانون من الخارج مستقبلا)
لأن الزراع الحواف بتاعته المقابله للكانون حاميه جدا
وهما كانو حاطين قطعتين فيبر صغيرين جدا بين الزراع وجسم البندقيه عشان يمنعو الاحتكاك
لكن بعد كسر وتعمير حوالى خمس رشات قطعتين الفيبر دول كل سنه وانت طيب (( اتمسحو ))
http://www11.0zz0.com/2012/05/31/11/134177048.jpg (http://www.0zz0.com)
وقعدت افكر...هاتعمل ايه ياواد هاتعمل ايه ياواد........................
وبعد تفكير عميق
شغلت دماغى وقمت رايح عند اقرب حداد واخدت منه حتة صاج مجلفن سمكها حوالى 2 مللى وطولها حوالى خمسه سنتى وعرضها حوالى 3 سنتى
وقمت بالشاكوش وصنعت على ايدى واقى للكانون ومظبطه وخليته بالشكل ده
http://www11.0zz0.com/2012/05/31/11/353438427.jpg (http://www.0zz0.com)
وسيبت تجويف فى نص الواقى بسيط عشان المسمار اللى فى نص الزراع ده يبات فيه
http://www9.0zz0.com/2012/05/31/11/717397152.jpg (http://www.0zz0.com)
وجيت بالمبرد وقمت بأزالة الحواف من الواقى نهائيا حتى اصبحت ملساء جدا من الظهر و الاطراف
وبالذات الظهر و الاطراف اللى فى المؤخره وفى المقدمه عشان هما دول اللى هايكون عليهم قوة احتكاك
ولبستها بطريقة الكبس فى اسفل الزراع من الناحيه اللى بتحتك بالكانون
بالشكل ده اللى انا معلم عليه باللون الاصفر فى الصوره
http://www11.0zz0.com/2012/05/31/11/917589895.jpg (http://www.0zz0.com)
وحطيت تحت الواقى شوية شحم بينه وبين جسم البندقيه
وقفلت البندقيه وجرب يامعلم البندقيه
الله واكبر الله واكبر
لقيت البندقيه بقت حرير فى الكسر
مفيش صوت احتكاك
مفيش صوت للكسر
الكسر بقى خفيف جدا وفى منتهى السهوله
صوتها فى الضرب اصبح معقول ومش قوى زى الاول عشان اتشحمت
وجربتها بكام رشايه لاحظت ان النشان بيخلف كل كام رشايه
ايه السبب بقى؟؟
هاقولك اهو
المشكله دى سببها احتكاك البكره اليمين بتاعة الناشنكاه فى جسم الدبشك مع كل كسره وتعميره
فى الجزء الداخلى من الدبشك اللى انا معلم عليه بالاصفر ده
http://www6.0zz0.com/2012/06/04/18/392755040.jpg (http://www.0zz0.com)

لكن خليك فاكر انا قلت من الجزء اللى من الداخل فى الدبشك
ولحل المشكله
هاتجيب سكينه حاميه او موس او قطر حامى
وتبدأ فى الكشط الخفيف فى المكان اللى بيحتك فيه الناشنكاه
تقشط شويه وتجرب تكسر البندقيه بالراحه واحده واحده وانت مركز على الناشنكاه
ولو لسه فيه احتكاك طبعا هاتشوفه بعنيك
وتكرر الكشط تانى لغاية ماتيجى تكسر وتلاقى الناشنكاه مش بيحتك بالدبشك تانى
وان شاء الله المشكله هاتتحل
كده البندقيه بقت زى الفل
تعالى بقى يامعلم على التجربه المهمه اللى بترعب اى صياد لسه شارى بندقيه جديده
وهى تجربة الدقه فى التجميع
طلعت من جيبى جنيه معدن
قصيت حتة ورقه بيضاء على قد الجنيه المعدن ولزقتها على قطعة خشب على مسافة 15 متر
وضربت خمس طلقات بدون تلسكوب طبعا وكانت النتيجه
تلات رشات ملتصقين داخل الورقه.
1رشايه جنبهم قليلا ولكن داخل الورقه ايضا
ورشايه بجانب الورقه من الخارج
ودى نتيجه متهيألى مرضيه جدااااااا
مع الاسف نسيت يومها اصور الورقه
طيب دلوقت انا عاوز اجربها عملى لكن مع الاسف مكنتش عارف اطلع للصيد وقتها اول ما اشتريتها
بس برده ايدى بتاكلنى وعاوز اجربها عملى
اخدتها معايا تانى يوم الشغل ولما وصلت فى المنطقه اللى شغال فيها
لقيت يمامه مستنيانى على سلك الكهربه على مسافه حوالى 23 متر نشنت وتوكلت على الله وانا برده مرعوب
الحمد لله نزلت خالصه
اتشجعت اكتر ومشيت كمان شويه لقيت يمامه على شجره على بعد 28 تقريبا ونشنت
اللهم لك الحمد نزلت مفرفره
مشيت كمان شويه لقيت يمامه تانى على شجره وكانت قريبه جدا حوالى 14 متر ونشنت لكن مفيش نصيب طارت عشان ايدى اتهزت وانا باضرب
بصيت فى الساعه وحسيت انى هاتأخر على شغلى قمت راجع
وانا فى طريقى فى الرجوع لقيت يمامه واقفه على الارض حوالى 20 متر
سميت ونشنت والحمد لله ماتحركتش من مكانها واتقفلت
وعلى فكره دى مكانتش طلعة صيد
دى كانت تجربه عمليه للبندقيه وتسليكة زور بس مش اكتر
هههههههههههههههههه
التلات يمامات الضحايا اهم
http://www11.0zz0.com/2012/05/31/11/171197743.jpg (http://www.0zz0.com)
الكلام ده كان من شهرين
وانا حاليا ضربت بيها اكتر من 2500 رشايه
والحمد لله اصطادت بيها الفتره اللى فاتت كتير اوى
سواء يمام
او غربان
او عصافير
او فراخ ميه
او حتى سمك
وممكن كمان تصطاد بيها بنى ادمين لو عاوز
http://www9.0zz0.com/2012/05/31/11/300742951.jpg (http://www.0zz0.com)
هههههههههههههههههههه
وسؤالى لاخواتى وحبايبى دلوقت
هو الصياد مننا يهمه ايه فى البندقيه غير انها
تكون دقيقه
تكون سريعه وقويه
تكون شيك
تكون رخيصه
وترفع راسك فى كل مكان تصطاد فيه
وده كله موجود فى الكرال ان شاء الله
مااااااااعلينا بقى
كده انا عملت اللى عليا وانتو حرين
ياترى فيه حد عنده اى سؤال قبل ما امشى واقفل
انا شايف واحد رافع ايده فى الصف الاخرانى وعاوز يسأل
اتفضل ياسيدى اسأل انا سامع
س سؤال
ياقبطان انت بتقول انها سريعه وقويه ودقيقه ومش عارف ايه
دى بندقيه تعبانه وخامتها وحشه ومتتقارنش بالاسبانى ولا الالمانى
وبعدين هو انا اروح اشترى بندقيه جديده وفى اول يوم اغيرلها سوسته وجلبه ومش عارف ايه
امال هى جديده ازاى
ج جواب
حبيب قلبى خليك معايا وانا هافهمك واحده واحده
اولا
فيها ايه يعنى لما تجيب الكرال بــ 1400 مثلا
وتصرف عليها كمان 300 سوسته وجلبه وخلافه
يعنى المجموع هايبقى 1700 جنيه
بس بعد كده هاتحس انك ماسك بندقيه محترمه
واسأل خبرائنا عنها هنا وشوف هايقولولك ايه عنها بعد التعديلات
وكمان انت عندك اقل بندقيه هاى باور الالمانى والاسبانى سعرها فوق الـ3000
وبعدين تعالى هنا
اولا خاماتها مش وحشه اوى يعنى
وبعدين شوف انت دافع فيها كام ياحبيبى1700 بالتعديل (تراب الفلوس ) بالنسبه للهاى باور
وبعدين ابقى تعالى كلمنى فى خامات
سبحان الله عليك يا اخى
متعصبنيش بقى
هههههههههههههههههههه
ماااااااعلينا
ها حد عاوز يسأل تانى غير الاخ ؟؟
اتفضل حضرتك يابو نضاره سوده عاوز تقول ايه
س سؤال
انت بتقول انها دقيقه جدا
حضرتك جبت الكلام ده منين
انا كان عندى كرال وجربتها بدل المره عشرين ومفيش دقه خالص
وكنت كل ماضرب بيها الاقيها طلقه يمين وطلقه شمال
وحبه فوق وحبه تحت
وكأننا فى فرح العمده
ال دقيقه ال
ج جواب
ياباشا الموضوع بتاع التشكيل فى الضرب ده ليه اسباب كتير
ممكن من ال سوسته وممكن جلبه وممكن من انواع الرش اللى بتستخدمها
وعشان اثبتلك وجهة نظرى اتفضل انا جربت عليها 6 انواع رش مختلفه
وكانت دى النتايج مع كل نوع فى الدقه
جبت جنيه معدن
وعملت 5 دواير بحجم الجنيه المعدن على لوح خشب
http://www9.0zz0.com/2012/05/31/11/700325908.jpg (http://www.0zz0.com)
وضربت فى كل دايره 5 رشات من كل نوع
مع الوضع فى الاعتبار انى كنت باظبط البندقيه اولا فى كل مره على كل نوع رش هاضرب بيه
والضرب كان على مسافه 15 متر بدون تلسكوب طبعا
وادى النتيجه بعد تركيب السوسته الجديده
انا جربت عليها خمس انواع رش
http://www9.0zz0.com/2012/05/31/11/555075876.jpg (http://www.0zz0.com)
التجربه على رش جامو ماتش ويعتبر هو البريمو مع الكرال فى التجميع معايا
خمس رشات فى الدايره
4 رشات فوق بعض ورشايه جنبهم
مع الوضع فى الاعتبار ان اول رشه اللى هى على حرف الدايره
كانت قبل ماظبط البندقيه على الجامو ماتش عشان نسيت
يعنى المفروض الخمسه فوق بعض
http://www11.0zz0.com/2012/05/31/11/954688221.jpg (http://www.0zz0.com)
تااااااانى تقييم كان للديابلو الالمانى وبصراحه الرشه دى ممتازه مع الكرال برده
خمس رشات
4 فوق بعض
وواحده جنبهم
http://www9.0zz0.com/2012/05/31/11/962560414.jpg (http://www.0zz0.com)
تالت تقييم كان للجامو هانتر
خمس رشات
تلاته فوق بعض
واتنين جنب بعض
http://www9.0zz0.com/2012/05/31/11/863413351.jpg (http://www.0zz0.com)
رابع تقييم كان لل(هدف مان) المصرى
وده عمل فرح العمده اللى حضرتك تقصده اهو
اتنين فوق بعض
وتلاته فرح العمده
ههههههههههههههه
http://www9.0zz0.com/2012/05/31/11/141066934.jpg (http://www.0zz0.com)
خامس تقييم كان للديابلو التركى
وبرغم انه كان شغال معايا حلو فى السوسته القديمه
لكن بعد تركيب السوسته الجديده مش نافع معايا
فرح العمده برده
خمس رشات
اتنين فوق بعض
وتلاته بره
http://www9.0zz0.com/2012/05/31/11/682878863.jpg (http://www.0zz0.com)
وبكده المفروض حضرتك تكون فهمت وجهه نظرى طبعا فى موضوع التشكيل ده
ولو مكنتش مقتنع برده دى حريه شخصيه
ومن حقك تعترض وتعمل اللى يريحك
احنا فى بلد ديموقراطى ومحدش مننا هايكلمك
ياصيادين لو شفتوه فى الحرب اقتلوه
ههههههههههههههههههه
واخيرا اتمنى اكون وفقت فى وصف كل شىء
وبرغم ان سمعت عن البندقيه دى حجات كتير منها المؤيد ومنها الناقد لكن
هافضل دايما اتذكر مقوله من احد الصايدين بيقول فيها
( البندقيه الكرال دى بالذات عامله زى البطيخه )
ياتطلع معاك رهيبه وجميله ياأما تطلع ملهاش لازمه وفيها مشاكل كتير
والحمد لله ان ربنا اكرمنى وطلعت من الصنف الاول
وكمان كل مشاكلها كانت فى السوسته والجلبه والقاعده وعدم ثبات المسامير
وكل المشاكل دى خبرائنا حلوها قبل كده فى المنتدى واحنا برده قلنا عليها دلوقت الحمد لله فى موضوعنا
وانا الحمد لله لسه مغيرلها سوسته النهارده
وكمان عملتلها تمويه وبقت تحفه اهى
http://www9.0zz0.com/2012/05/31/11/187421897.jpg (http://www.0zz0.com)
وبعدين كمان الاعمال بالنيات
وانا طيب وغلبان وابن حلال كمان
انا مش هاتكلم عن نفسى تانى بقى
عشان مش باحب اتكلم عن نفسى كتير
هههههههههههههههههههه
اجمل واحلى تحيه لكل قناصين وصيادين مصر


من مواضيعى
بالذمه ده اسمه كلا يارجاله
http://www.egypthunt.net/showthread.php?t=30091
مذبحة الجمعه بالكرال
http://www.egypthunt.net/showthread.php?t=28543
رساله الى كارهى الكرال
http://www.egypthunt.net/showthread.php?t=29417
كنا هانروح فى شربة ميه
http://www.egypthunt.net/showthread.php?t=30036
الشرح الكامل لقنص الاسماك بالبندقيه
http://www.egypthunt.net/showthread.php?t=29067
طلعة النهاره اهداء للرئيس المصرى القادم
http://www.egypthunt.net/showthread.php?t=30185
طلعة ساعه متنوعه
http://www.egypthunt.net/showthread.php?t=28988
طلعة ساعتين الصبح قبل الشغل
http://www.egypthunt.net/showthread.php?t=29990
الموضوع الشامل عن صيد اليمام ودجاج الماء ليلا
http://www.egypthunt.net/showthread.php?t=29886
نص ساعه صيد والقطه الشقيه
http://www.egypthunt.net/showthread.php?t=29646
شرح متكامل عن تمويه البنادق تجربه على الكرال والبى اس ايه
http://www.egypthunt.net/showthread.php?t=28907
تمويه الbsa بتاعتى وارجو التقييم
http://www.egypthunt.net/showthread.php?t=28570[/COLOR][/SIZE]

[Bebeto]

السلام عليكم ..........
اولا موضوع اكثر من رائع
ثانيا احلي تقييم
ثالثا و دي اكتر حاجة عجبتني طريقتك في كتابة الموضوع
رابعا و اخيرا ارجو التثبيت

[القبطان المصرى 77]

السلام عليكم ..........
اولا موضوع اكثر من رائع
ثانيا احلي تقييم
ثالثا و دي اكتر حاجة عجبتني طريقتك في كتابة الموضوع
رابعا و اخيرا ارجو التثبيت

وعليكم السلام ورحمة الله وبركاته
ازيك يابيبيتو عامل ايه يابن بلدى
يارب تكون تمام وفى احسن حال
ومشكور جدى ياغالى على تقييمك وتشجيعك ليا باستمرار

[hesham[MaFya]a]

لا اجد كلام اقوله غير ان حضرتك استاذ بجد :) و ان شاء الله هجيبها بس ايه رأى حضرتك فى الدبشك الفيبر هل فعلاً ضعيف؟

[samraghost]

موضوع جامد جدا وبجد تعبت فيه ووضحت فيه كل حاجه احلى تقيم يا باشا

[مصطفى ابواسماعيل]

الله عليك يا قبطان

[مصطفى ابواسماعيل]

وكمان تقيم منى ياباشا

[Bebeto]

وعليكم السلام ورحمة الله وبركاته
ازيك يابيبيتو عامل ايه يابن بلدى
يارب تكون تمام وفى احسن حال
ومشكور جدى ياغالى على تقييمك وتشجيعك ليا باستمرار

الحمد لله تمام يا غالي
انت عامل ايه ؟؟؟ ان شاء الله بخير
منا مقدرش اشوف كل ده و من ابن بلدي بالذات و مدعمهوش .... الناس تقول مفيش انتماء ؟

[القبطان المصرى 77]

a;377060']لا اجد كلام اقوله غير ان حضرتك استاذ بجد :) و ان شاء الله هجيبها بس ايه رأى حضرتك فى الدبشك الفيبر هل فعلاً ضعيف؟
ربنا يكرمك ياباشا
وبالنسبه للدبشك
هو لغاية دلوقت كويس معايا
لكن الخشب برده اكيد امتن وافضل
وبصراحه الدبشك الرمايه بتاعها جميييييييييل اوى لو تعرف تعمله خشب بنفس التفاصيل يبقى عشره على عشره

[القبطان المصرى 77]

موضوع جامد جدا وبجد تعبت فيه ووضحت فيه كل حاجه احلى تقيم يا باشا
ربنا يخليك ياجميل
وتسلم على مرورك وتقييمك

[القبطان المصرى 77]

وكمان تقيم منى ياباشا
حبيبى والله يامصطفى بك
تسلملى ويسلملى تقييمك

[diiie_hard]

موضوع بصراحة انا استفدت منه كتير
جزاك الله كل خير يا اخي

[Elnagar2]

اولا الف شكر ياغالى على المعلومات الجميله
ثانيا انا من الشرقيه وحابب اشترى بندقيه كرال
اشتريها منين
وجزاكم الله خيرا ..

[أحمد عطاالله إبراهيم]

بجد يا باشا الله ينور .. موضوع جميل جدا جدا .. واحلى تقييم كمان !!

وعلى فكرة عايز اقولك على سر .. انا من كارهى الكرال بس شكلى كده هغير رأيى بسبب الموضوع الجامد ده ..

ومعلش عندى سؤال رفيع .. ايه كمية الرعب دى يا باشا !! ههههههههههههههه

تحياتى وارجو التثبيت ..

[pooforever_2010]

تسلم ايديك يا باشا
موضوع مميز كعادتنا بك
تحياتى والا الامام
واضم صوتى لتثبيت الموضوع الممتع

واحلى تقييم يا نجم

[amr naser]

موضوع جميلا جدااا والله العظيم لازم يتثبت

[Egyptian_Destroyer]

موضوع رائع ... احلي تقييم لحضرتك و ارجو تثبيت الموضوع :)

[Egyptian_Destroyer]

باشا انا ان شاء الله في احتمال اجيب واحد جديده علي قريب و علي فكره انا مبتدئ و معرفش حاجه عن الصيد اساسا بس ححاول ان شاء الله و اجيب واحده و انت بقي تبقي تديني التعليمات اللازمه علشان تبقي كويسه معايا بس انا طبعا حظبطها عند واحد ... بس حضرتك تبقي تقولي جيب سوسته نوع كذا او كذا و غير كذا و متغير كذا معلش بقا حتقل عليك علشان انا بحب الهاي بور ههههههههههه :)

[Mohamed Abd El-Hamid]

موضوع رائع بس ما جاوبش برده على اسئلتى

http://www.egypthunt.net/showthread.php?t=29381

[القبطان المصرى 77]

موضوع بصراحة انا استفدت منه كتير
جزاك الله كل خير يا اخي
انا تحت امرك ياباشا والله

[القبطان المصرى 77]

اولا الف شكر ياغالى على المعلومات الجميله
ثانيا انا من الشرقيه وحابب اشترى بندقيه كرال
اشتريها منين
وجزاكم الله خيرا ..
والله اهم حاجه عندى هى دعواتك الحلوه دى ياباشا
وبالنسبه للبندقيه تجيبها منين
انا شايف ان الاستاذ محمود شلبى فى القاهره صاحب سمعه كويسه
هاتها من عنده وخليه يعملك التعديلات اللازمه وانت بتشتريها
وان شاء الله هاتكون تمام

[القبطان المصرى 77]

بجد يا باشا الله ينور .. موضوع جميل جدا جدا .. واحلى تقييم كمان !!

وعلى فكرة عايز اقولك على سر .. انا من كارهى الكرال بس شكلى كده هغير رأيى بسبب الموضوع الجامد ده ..

ومعلش عندى سؤال رفيع .. ايه كمية الرعب دى يا باشا !! ههههههههههههههه

تحياتى وارجو التثبيت ..
ههههههههههههههه
طبيعى يابو حميد الواحد لما بيكون جايب حاجه جديده بيبقى مرعوب احسن تطلع فشنك
وبعدين البندقيه بدون دقة تجميع بتكون زيها زى نبوت الغفير

[القبطان المصرى 77]

تسلم ايديك يا باشا
موضوع مميز كعادتنا بك
تحياتى والا الامام
واضم صوتى لتثبيت الموضوع الممتع

واحلى تقييم يا نجم
تسلم ياغالى على التقييم
واشكرك على كلامك الجميل
واتمنى دايما اكون عند حسن الظن

[القبطان المصرى 77]

موضوع جميلا جدااا والله العظيم لازم يتثبت
مسائك عسل ياعمرو بك
ويسعدنى جدا ان الموضوع عجبك

[القبطان المصرى 77]

باشا انا ان شاء الله في احتمال اجيب واحد جديده علي قريب و علي فكره انا مبتدئ و معرفش حاجه عن الصيد اساسا بس ححاول ان شاء الله و اجيب واحده و انت بقي تبقي تديني التعليمات اللازمه علشان تبقي كويسه معايا بس انا طبعا حظبطها عند واحد ... بس حضرتك تبقي تقولي جيب سوسته نوع كذا او كذا و غير كذا و متغير كذا معلش بقا حتقل عليك علشان انا بحب الهاي بور ههههههههههه :)
الف مبروك مقدما ياغالى
وان شاء الله لما تجيبها انا تحت امرك فى اى شىء
والمنتدى هنا كمان ملئ بالخبراء اللى افضل منى

[loverlover]

بجد ياباشا مجهود جبااااااااااار ، وموضوع موسوعة بجد ويستحق أعلى تقييم ,, ولازم يتثبت طبعا ,, لأهميته
انا بصيت على الموضوع الصبح وقريت فيه شوية بس كنت فى لاشغل واول حاجة كنت مقررها أول ما أروح
إني أكمل قراءة الموضوع الجاااااااااااامد دة ، لأن بصراحة أنا من الناس اللى معلوماتها عن البنادق " صفر "
وكنت نفسي اجيب حتة كرال اتعلم فيها شوية ,, وكنت كل مانوي اجيبها ألاقي واحد داخل يلطم من الكوارث اللى بتطلع له فيها هههههههههههههههههه
بس انت كدة كبرتها فى دماغي جداااااا , وان شاء الله اجيب واحدة
وأبرشط عليك بم انك ابن جيهتي عشان تدينى كورساااااات
وأسف جدا على الإطالة
وتقبل خالص احترامي وتقديري على مجهودك الأكثر من رائع

[pooforever_2010]

تسلم ياغالى على التقييم
واشكرك على كلامك الجميل
واتمنى دايما اكون عند حسن الظن
والله يا كبير كلامى مش قد مواضيعك وقيمتها بجد

تحياتى

[القبطان المصرى 77]

[QUOTE=Mohamed Abd El-Hamid;377215]موضوع رائع بس ما جاوبش برده على اسئلتى

[يا جماعة انا نفسى اشترى بندقية صيد فى حدود 1300 جنية
و انا عمرى فحياتى ما مسكت بندقية صيد فاكيد مش فاهم حاجة بس بعد ما قريت مواضيع المنتدى فكرت اجيب الكرال التركى و من ساعتها احترت
انى الاحسن الخشب ولا الفايبر ولا الرماية ولا الكومفلاج
و اللى حيرنى اكتر اجيب انى احسن نمرة 1 ولا نمرة 2
و بعد ما اجيبها بقى محتاج اجيب ايه تانى لوازم للبندقية
مع العلم ان انا ناوى اتعلم الصيد لوحدى عشان مش لاقى حد يعلمنى فى اسكندرية

ملحوظة مهمة جدا: انا سمعت ان البندقية ليها اصدارين و ان الاصدار القديم لازم يتغيرله سوستة و جلبة
اما الاصدار الجديد فاتغلبوا فيه على عيوب البندقية و ما بقاش ضرورى يتغيرلها سوستة و جلبة
فهل الكلام ده صح ولا غلط؟
*****************
بص ياباشا لو عاوز نصيحتى
هات الكرال دبشك خشب تعتبر افضل الكرال
بس انا جبت الفايبر عشان عجبنى
وكل واحد وزوقه
واضمن واحد ممكن تجيبها من عنده هو الاستاذ محمود شلبى فى القاهره
هاديهالك بالتعديلات مع فرق السعر طبعا بعد التعديل
والتعديل عباره عن تغيير سوسته وجلبه وقاعده سوسته
وده اللى انا عملته
وطبعا نمره2

[hesham[MaFya]a]

طب معلش يا كبير كمان سؤال بئة ايه رأي حضرتك فى الكرال الرماية يعنى هل فيه فرق جامد بينها و بين الفيبر طبعاً من حيث شكل الدبشك انا شايف بصراحة ان الرماية شكلها احلى و واقعى كدة :) بس خايف لتطلع مسكتها مش كويسة

[pooforever_2010]

a;377251']طب معلش يا كبير كمان سؤال بئة ايه رأي حضرتك فى الكرال الرماية يعنى هل فيه فرق جامد بينها و بين الفيبر طبعاً من حيث شكل الدبشك انا شايف بصراحة ان الرماية شكلها احلى و واقعى كدة :) بس خايف لتطلع مسكتها مش كويسة
يا باشا حسب راحتك النفسيه

من وجهى نظرى الكرال ماجنوم الاسود احلى كرال
شكلى احلى من المخرمه دى
مش طالعين نصتاد ففلم خيال علمى
هههههههههههههه
حبيبى يا اتش

[القبطان المصرى 77]

بجد ياباشا مجهود جبااااااااااار ، وموضوع موسوعة بجد ويستحق أعلى تقييم ,, ولازم يتثبت طبعا ,, لأهميته
انا بصيت على الموضوع الصبح وقريت فيه شوية بس كنت فى لاشغل واول حاجة كنت مقررها أول ما أروح
إني أكمل قراءة الموضوع الجاااااااااااامد دة ، لأن بصراحة أنا من الناس اللى معلوماتها عن البنادق " صفر "
وكنت نفسي اجيب حتة كرال اتعلم فيها شوية ,, وكنت كل مانوي اجيبها ألاقي واحد داخل يلطم من الكوارث اللى بتطلع له فيها هههههههههههههههههه
بس انت كدة كبرتها فى دماغي جداااااا , وان شاء الله اجيب واحدة
وأبرشط عليك بم انك ابن جيهتي عشان تدينى كورساااااات
وأسف جدا على الإطالة
وتقبل خالص احترامي وتقديري على مجهودك الأكثر من رائع
وانا تحت امرك طبعا يابن بلدى فى اى وقت
وبجد بجد كلامك اسعدنى جدا
ومتقلقش ياعم من موضوع الكورسات ده
انا مش هاخد منك فلوس كتير
هههههههههههههههههه
مسائك ورد ياصاحبى

[loverlover]

وانا تحت امرك طبعا يابن بلدى فى اى وقت
وبجد بجد كلامك اسعدنى جدا
ومتقلقش ياعم من موضوع الكورسات ده
انا مش هاخد منك فلوس كتير
هههههههههههههههههه
مسائك ورد ياصاحبى

الامر لله يازعيم
وانا عارف انك ابن بلد ومش هتاخد فلوس اصلا هههههههههههه
وان شاء الله اول مايبقى فى ايدي كاشات هتصل بيك وتنزل معاية نجيبها " عافية "
ونشوف بقى شوية الحاجات الغريبة اللى انت عملتها دي بتتعمل ازاى ,, اوك
ومساء الجمال عليك ياكبير

[القبطان المصرى 77]

a;377251']طب معلش يا كبير كمان سؤال بئة ايه رأي حضرتك فى الكرال الرماية يعنى هل فيه فرق جامد بينها و بين الفيبر طبعاً من حيث شكل الدبشك انا شايف بصراحة ان الرماية شكلها احلى و واقعى كدة :) بس خايف لتطلع مسكتها مش كويسة
حبيب قلبى ياغالى
التلات انواع كرال كلهم نفس الامكانيات فى الاداء
والفرق الوحيد بين التلاته هو فى الدبشك
وبصراحه دبشك الرمايه رهيييييييب ومسكته محكمه
وان شاء الله هاحاول اشوف نجار كويس ويعملى واحد زيه

[hesham[MaFya]a]

يا باشا حسب راحتك النفسيه

من وجهى نظرى الكرال ماجنوم الاسود احلى كرال
شكلى احلى من المخرمه دى
مش طالعين نصتاد ففلم خيال علمى
هههههههههههههه
حبيبى يا اتش

هههههههههههه و الله انت الى حبيبى يا عم محمد :) اصل الواحد كان محتار بينها و بين البنى :rolleyes:

[القبطان المصرى 77]

يا باشا حسب راحتك النفسيه

من وجهى نظرى الكرال ماجنوم الاسود احلى كرال
شكلى احلى من المخرمه دى
مش طالعين نصتاد ففلم خيال علمى
هههههههههههههه
حبيبى يا اتش
هههههههههههههههههه
هو بصراحه الدبشك شكله حلو ياكبير ومغرى
وبرده الكرال الاسود جميله جدا ومنسقه المظهر

[عادل عبده]

ههههههههههههههههههههههههههههههههههههههههههههههه
بجد انت ملكش حل احلى تقيييم فى الدنيا كلها على الاسلوب بس مش على التعديلات
تعديلات جميله وافكارك حلوه بجد تسلم ايدك
السوسته بتبقى ارزاق وعلى حسب حظك هى من اللى بقو يتفكو ولا اللى جايين زى ما هما
الجلبه بقى يا معلم هتتغير هتتغير هى كويسه اه بس مش ده الاداء الكامل بتاعها
اكسر الماسوره وزحقك صباعك الصغير على مكان خروج الهوا وكمل تعمير لو شفطت صباعك تبقى اصلى لو مشفطتش يبقى مش ده الاداء الكامل
فكره تلبيسه دراع التعمير جميله بس فى اسهل منها
هوه انك تفصل حتتين بلاستيك
انا بعمل كده عن نفسى
اعمل حدافه بقى والبندقيه مش هيبقى ليها حل
التجميع جميل والماتش جميل والديابلو جمع بين رخص السعر ونضافه المستورد وسرعته عاليه
الجامو هانتر برده رشايه محترمه جدا
بالتوفيق يا كبير وتسلم ايدك ودماغك وانا عن نفسى مبهور بطريقه سرد الموضوع
اما عن اللى بيحب الكرال
انا بعشقها ومن حبى فيها جبت وحده نمره واحد (عيار 4.5)
ادعيلى بقى اظبطها وهبقى اقولك بعد التظبيط
لك منى احلى تحيه

[pooforever_2010]

هههههههههههههههههه
هو بصراحه الدبشك شكله حلو ياكبير ومغرى
وبرده الكرال الاسود جميله جدا ومنسقه المظهر
والله السودا العاديه عندى احسن بص على مسكتها فايد اخونا هاشم
انا اوقات حد بيشوفها معايا
بيجيب ورا بس نفى اكمل تمويهها زيك بس مش لاقى قماش زرعى تانى
هههههههههههههههه

http://im30.gulfup.com/2012-05-31/1338486762841.jpg (http://www.gulfup.com/show/X6jl1bwelo5z5)

[القبطان المصرى 77]

ههههههههههههههههههههههههههههههههههههههههههههههه
بجد انت ملكش حل احلى تقيييم فى الدنيا كلها على الاسلوب بس مش على التعديلات
تعديلات جميله وافكارك حلوه بجد تسلم ايدك
السوسته بتبقى ارزاق وعلى حسب حظك هى من اللى بقو يتفكو ولا اللى جايين زى ما هما
الجلبه بقى يا معلم هتتغير هتتغير هى كويسه اه بس مش ده الاداء الكامل بتاعها
اكسر الماسوره وزحقك صباعك الصغير على مكان خروج الهوا وكمل تعمير لو شفطت صباعك تبقى اصلى لو مشفطتش يبقى مش ده الاداء الكامل
فكره تلبيسه دراع التعمير جميله بس فى اسهل منها
هوه انك تفصل حتتين بلاستيك
انا بعمل كده عن نفسى
اعمل حدافه بقى والبندقيه مش هيبقى ليها حل
التجميع جميل والماتش جميل والديابلو جمع بين رخص السعر ونضافه المستورد وسرعته عاليه
الجامو هانتر برده رشايه محترمه جدا
بالتوفيق يا كبير وتسلم ايدك ودماغك وانا عن نفسى مبهور بطريقه سرد الموضوع
اما عن اللى بيحب الكرال
انا بعشقها ومن حبى فيها جبت وحده نمره واحد (عيار 4.5)
ادعيلى بقى اظبطها وهبقى اقولك بعد التظبيط
لك منى احلى تحيه
ههههههههههههههههههه
حبيبى ياعادل بك والله
وطبعا حضرتك من الناس الجميله اللى كلنا بنستفيد منها وبالاخص فى الكرال
وبالنسبه لموضوع قطعتين الزراع ان شاء الله هاحاول اعمل زى حضرتك واكيد طبعا هايكون افضل
وبالنسبه لجلبة البستم انا فعلا عملتلها الاختبار ده وكانت زى الفل والله
اما بقى موضوع الحدافه فياااااااااااريت حضرتك تعمل معايا واجب وتبعتلى المواصافت والمقاسات بالظبط عالخاص عشان انفذها لو مفيش مانع
وتبقى كده عملت معايا احلى واجب
وهافضل ادعيلك من هنا للسنه الجايه
ههههههههههههههههههههه

[القبطان المصرى 77]

والله السودا العاديه عندى احسن بص على مسكتها فايد اخونا هاشم
انا اوقات حد بيشوفها معايا
بيجيب ورا بس نفى اكمل تمويهها زيك بس مش لاقى قماش زرعى تانى
هههههههههههههههه

http://im30.gulfup.com/2012-05-31/1338486762841.jpg (http://www.gulfup.com/show/x6jl1bwelo5z5)
ههههههههههههههههههه
والله انت لو كنت قريب منى كنت جبتلك القماش لغااااااااااية عندك
وحتى كانت تبقى فرصه جميله اتعرف على حضرتك
لكن مع الاسف بين اسكندريه وشبرا مسافات ومسافات وبلاد وبحار وجبال وسكة سفر
هههههههههههههههههههه
وعلى العموم لو تعرف تبعتلى حد انا ممكن ابعتلك القماش هديه معاه
وبجد مش عزومة مراكبيه

[pooforever_2010]

ههههههههههههههههههه
والله انت لو كنت قريب منى كنت جبتلك القماش لغااااااااااية عندك
وحتى كانت تبقى فرصه جميله اتعرف على حضرتك
لكن مع الاسف بين اسكندريه وشبرا مسافات ومسافات وبلاد وبحار وجبال وسكة سفر
هههههههههههههههههههه
وعلى العموم لو تعرف تبعتلى حد انا ممكن ابعتلك القماش هديه معاه
وبجد مش عزومة مراكبيه
الله يكرمك يا باشا
وعلى فكره التكاتك خلت مصر قريه واحده
يعنى توكتوك من اسكندريه لهنا مش قصه
هههههههههههههههههههههه


بس يا باشا انا مش عايز قماش فاتح زى حضرتك
اصلى بعيع عنك كءين وبحب الغوامق
ههههههههههه

تحياتى يا كبير
وعشان اشوفك اجيلك جرى يا باشا

[chernobyl]

اولا الف الف الف الف مبروك على الكرال والله عليك بجد وموضوع ممتاز

[Mohamed Abd El-Hamid]

[quote=mohamed abd el-hamid;377215]موضوع رائع بس ما جاوبش برده على اسئلتى

[يا جماعة انا نفسى اشترى بندقية صيد فى حدود 1300 جنية
و انا عمرى فحياتى ما مسكت بندقية صيد فاكيد مش فاهم حاجة بس بعد ما قريت مواضيع المنتدى فكرت اجيب الكرال التركى و من ساعتها احترت
انى الاحسن الخشب ولا الفايبر ولا الرماية ولا الكومفلاج
و اللى حيرنى اكتر اجيب انى احسن نمرة 1 ولا نمرة 2
و بعد ما اجيبها بقى محتاج اجيب ايه تانى لوازم للبندقية
مع العلم ان انا ناوى اتعلم الصيد لوحدى عشان مش لاقى حد يعلمنى فى اسكندرية

ملحوظة مهمة جدا: انا سمعت ان البندقية ليها اصدارين و ان الاصدار القديم لازم يتغيرله سوستة و جلبة
اما الاصدار الجديد فاتغلبوا فيه على عيوب البندقية و ما بقاش ضرورى يتغيرلها سوستة و جلبة
فهل الكلام ده صح ولا غلط؟
*****************
بص ياباشا لو عاوز نصيحتى
هات الكرال دبشك خشب تعتبر افضل الكرال
بس انا جبت الفايبر عشان عجبنى
وكل واحد وزوقه
واضمن واحد ممكن تجيبها من عنده هو الاستاذ محمود شلبى فى القاهره
هاديهالك بالتعديلات مع فرق السعر طبعا بعد التعديل
والتعديل عباره عن تغيير سوسته وجلبه وقاعده سوسته
وده اللى انا عملته
وطبعا نمره2

و الله انا خايف جدا من حكاية البندقية ديه عشان مجبش كرال وحشة و اتعقد من الصيد
بس خلاص انا حعمل بنصيحتك و اجيب الخشب بس ايه الفرق بقى بين نمرة 1 و نمرة 2 وانى الاحسن فيهم
و انت اشتريتها من حد عندنا فى اسكندرية ولا من استاذ محمود شلبى اصل انا كنت بفكر فى استاذ هشام سمير

[القبطان المصرى 77]

اولا الف الف الف الف مبروك على الكرال والله عليك بجد وموضوع ممتاز
الله يكرمك ياباشا
وشكرا على كلامك الجميل وردك الاجمل

[القبطان المصرى 77]

[quote=القبطان المصرى22;377247]

و الله انا خايف جدا من حكاية البندقية ديه عشان مجبش كرال وحشة و اتعقد من الصيد
بس خلاص انا حعمل بنصيحتك و اجيب الخشب بس ايه الفرق بقى بين نمرة 1 و نمرة 2 وانى الاحسن فيهم
و انت اشتريتها من حد عندنا فى اسكندرية ولا من استاذ محمود شلبى اصل انا كنت بفكر فى استاذ هشام سمير
الاستاذ هشام سمير طبعا راجل محترم وذو سمعه جيده جدا
لكن انا قلت على الاستاذ محمود شلبى عشان هايعملها التعديلات
ومش عارف بصراحه الاستاذ هشام بيعمل التعديلات دى ولا لا
وانا من راى تجيب نمره 2 احسن وافضل
وطالما هاتجيب الكرال وتعملها التعديلات اللازمه يبقى مفيش تعقيد ان شاء الله

[القبطان المصرى 77]

وانا كنت وصيت صديق ليا اشترهالى من عند نبيل فتح الله محطة مصر اسكندريه
بس طبعا كانت من غير تعديلات

[Mohamed Abd El-Hamid]

و بتصطاد منين بقى
مع العلم ان انا ساكن فى ك21 و ادامى اراضى تين بتاعت عرب بس لو اصطدت فيها هم اللى حيصطدونى بس بحى مش رش

[adel152]

الاخ العزيز القبطان بعد التحية.
أحلى تقييم لموضع حضرتك المميز خاصة فكرة تلبيسة دراع التعمير.
ماعندكش فكرة عن مدى سعادتى كلما رأيت موضوع جديد عن الكرال وافكار جديدة وتعديلات جديدة لهذه البندقية لأنى بأحس اننى كنت على حق فى تقييمى لهذه لبندقية منذ اكثر من 20 شهر عندما ظهرت هذه البندقية فى الاسواق المصرية وكان عليها هجوم شرس لدرجة ان البعض أكد انها صناعة صينى وليست تركى.
اخى العزيز هذه بعض الروابط القديمة حتى يعلم محبى الكرال كيف كانت بداية هذه البندقية فى الاسواق المصرية وكيف وصلت الى ماهى عليه الان بفضل الاخوة الاعضاء وتعديلتهم.

http://www.egypthunt.net/showthread.php?t=3171

http://www.egypthunt.net/showthread.php?t=3019

خالص تحياتى للجميع.

[mohamed salah hassan]

والله انا مش عارف اقولك ايه بجد موضوع جميييييييييييييييييل جدا عشان البندقيه دي فعلا مظلومه وانا معايا الرمايه بتاعتها وشغاله وعايه ميهي ميه موفق ياباشا ان شاء الله وعايزينك كده تملالنا المنتدى مواضيع جميله زي دي

[وليد سعد زغلول]

بسم الله ما شاء الله موضوع أكثر من رائع ومجهود كبير وربنا يجازيك كل خير

[القبطان المصرى 77]

و بتصطاد منين بقى
مع العلم ان انا ساكن فى ك21 و ادامى اراضى تين بتاعت عرب بس لو اصطدت فيها هم اللى حيصطدونى بس بحى مش رش
انا ياباشا شغال فى مدينة النوباريه
وهناك طبعا زى مانت عارف مناطق زراعيه كتير
انا بقى باصطاد دايما هناك لما ظروف شغلى بتسمح

[القبطان المصرى 77]

الاخ العزيز القبطان بعد التحية.
أحلى تقييم لموضع حضرتك المميز خاصة فكرة تلبيسة دراع التعمير.
ماعندكش فكرة عن مدى سعادتى كلما رأيت موضوع جديد عن الكرال وافكار جديدة وتعديلات جديدة لهذه البندقية لأنى بأحس اننى كنت على حق فى تقييمى لهذه لبندقية منذ اكثر من 20 شهر عندما ظهرت هذه البندقية فى الاسواق المصرية وكان عليها هجوم شرس لدرجة ان البعض أكد انها صناعة صينى وليست تركى.
اخى العزيز هذه بعض الروابط القديمة حتى يعلم محبى الكرال كيف كانت بداية هذه البندقية فى الاسواق المصرية وكيف وصلت الى ماهى عليه الان بفضل الاخوة الاعضاء وتعديلتهم.

http://www.egypthunt.net/showthread.php?t=3171

http://www.egypthunt.net/showthread.php?t=3019

خالص تحياتى للجميع.
الف الف شكر ليك ياعادل بك على مرورك الجميل
وردك الاكثر من رائع
وفعلا حضرتك من اول الناس اللى كانت ليها وجهة نظر محترمه عن الكرال
وانت من اكتر الناس اللى مواضيعها شجعتنى على شرائها

[القبطان المصرى 77]

والله انا مش عارف اقولك ايه بجد موضوع جميييييييييييييييييل جدا عشان البندقيه دي فعلا مظلومه وانا معايا الرمايه بتاعتها وشغاله وعايه ميهي ميه موفق ياباشا ان شاء الله وعايزينك كده تملالنا المنتدى مواضيع جميله زي دي
متقولش حاجه يااستاذ محمد
كفايه عليا مرورك اللى زود الموضوع تألق وحلاوه
ربنا يكرمك ومايحرمنى من ردودك المشجعه ابدا

[القبطان المصرى 77]

بسم الله ما شاء الله موضوع أكثر من رائع ومجهود كبير وربنا يجازيك كل خير
الله يكرمك يا وليد بك ويخليك لينا
وردك ده اكبر دليل على ان الكرال فعلا محترمه
لأنك من مالكيها

[Bebeto]

يا ادارة .... اطالب بغلق الموضوع ......... عشان الراجل ده و الموضوع
احب اقوللو منك لله .... عقدتنا كلنا ........ روح يا شيخ ربنا يجعلك في كل خطوة يمامة

[adel_7768]

الله ينور عليك يا قبطان موضوع جميل واحلي تقييم
يا تري السوستة طلعت كويسه واخبارها ايه معاك

[Angel of Death]

أيه يا قبطان الكلام ده؟؟؟
ده يا فندم من أحسن المواضيع اللي شوفتها في المنتدى الحلو ده... و حياة الكرال عندك ثبتو... تقييم 100/10 :)
تقبل مروري.. :)

[Mohamed Mahmoud]

اية الجمال والحلاوة دية مشكووووووووووووووووووووووووووووووووووووووووووور يا قبطان موضوع ممتااااااااااااااااااز

[الأداره]

تم تثبيت الموضوع

[محمد حافظ بك]

شغل عالي يا قبطان و مبروك التثبيت

[Bebeto]

مبروووووووووووووووك التثبيت

[القبطان المصرى 77]

يا ادارة .... اطالب بغلق الموضوع ......... عشان الراجل ده و الموضوع
احب اقوللو منك لله .... عقدتنا كلنا ........ روح يا شيخ ربنا يجعلك في كل خطوة يمامة

حرام عليك يابيبو غلق ايه ياراجل
هههههههههههههههههه
وبخصوص الدعوه الاخيره طبعا هافضل اقول اميييييييييييييين لغاية السنه الجايه

[القبطان المصرى 77]

الله ينور عليك يا قبطان موضوع جميل واحلي تقييم
يا تري السوستة طلعت كويسه واخبارها ايه معاك
الله يبارك فيك يا استاذ عادل وشكرا على التقييم
والسوسته اللى كنت كلمتك عنها طلعت مضروبه
لكن جبت واحده تانيه والحمد لله عشره على عشره
وعلى فكره انا بعد ماكلمتك اتصلت بالاستاذ عادل عبده برده

[القبطان المصرى 77]

أيه يا قبطان الكلام ده؟؟؟
ده يا فندم من أحسن المواضيع اللي شوفتها في المنتدى الحلو ده... و حياة الكرال عندك ثبتو... تقييم 100/10 :)
تقبل مروري.. :)
ربنا يخليك ياباشا
والله ده وسام على صدرى كلامك
واكبر واحلى تحيه لحضرتك

[القبطان المصرى 77]

اية الجمال والحلاوة دية مشكووووووووووووووووووووووووووووووووووووووووووور يا قبطان موضوع ممتااااااااااااااااااز
اشكرك استاذ محمد جدااااااااا
واتمنى يكون فعلا عجبك الموضوع

[القبطان المصرى 77]

تم تثبيت الموضوع
ربنا يخليك لينا يامشرفنا الغالى

[القبطان المصرى 77]

شغل عالي يا قبطان و مبروك التثبيت
الله يبارك فيك يامحمد باشا
فينك كده مختفى ليه من فتره؟؟

[القبطان المصرى 77]

مبروووووووووووووووك التثبيت
حبيبى يابيبيتو والله
ده بفضل دعواتك وتقييماتك الجميله دايما

[Angel of Death]

ربنا يخليك ياباشا
والله ده وسام على صدرى كلامك
واكبر واحلى تحيه لحضرتك

الله يخليك يا فندم, و أنا كده الحمد لله وجهتني للكرال تأكدت و إن شاء الله أجيبها قريب أوي.. :)

[M.O.R]

يا جماعه انا ازاى ممكن اعرف ان البندقيه الكرال اللى قدامى دى كويسه (مش بطيخه قرعه )وخصوصا انى من اسيوط يعنى هضطر انى انزل مصر ومفيش ابدا امل انى بعد ما اشتريها ارجع علشان اغير فيها حاجه يا ريت يا جماعه تفيدونى لو سمحتم

[القبطان المصرى 77]

يا جماعه انا ازاى ممكن اعرف ان البندقيه الكرال اللى قدامى دى كويسه (مش بطيخه قرعه )وخصوصا انى من اسيوط يعنى هضطر انى انزل مصر ومفيش ابدا امل انى بعد ما اشتريها ارجع علشان اغير فيها حاجه يا ريت يا جماعه تفيدونى لو سمحتم
الحل الوحيد انك تشوف محل مضمون يكون بيبيعها وبيعملها التعديلات فى نفس الوقت تجيبها من عنده
وبكده مش هاترجع مصر تانى عشان التعديلات

[M.O.R]

طب بعد اذنك يا سيادة القبطان وبعد اذن الاعضاء ممكن حد يقولى فين ممكن الاقى اضمن محل فى مصر وبرضه يعنى تكون اسعاره معقوله ولكم منا وللسادة الخبراء والاعضاء خالص تحياتى

[القبطان المصرى 77]

انا اسمع عن محل الاستاذ محمود شلبى فى القاهره انه راجل محترم
اسأل على عنوانه فى المنتدى هنا وروح له

[darkshaft]

اى حكاية النشان البيتغير بعد كل ١٠ رشات مثلا و كل شوية لازم بتظبط تانى؟

[القبطان المصرى 77]

اى حكاية النشان البيتغير بعد كل ١٠ رشات مثلا و كل شوية لازم بتظبط تانى؟
مساء الخير ياباشا
اتمنى تكون فى احسن حال
بص ياباشا
المشكله دى سببها احتكاك البكره اليمين بتاعة الناشنكاه فى جسم الدبشك مع كل كسره وتعميره
فى الجزء الداخلى من الدبشك اللى انا معلم عليه بالاصفر ده
http://www6.0zz0.com/2012/06/04/18/392755040.jpg (http://www.0zz0.com)

لكن خليك فاكر انا قلت من الجزء اللى من الداخل فى الدبشك
ولحل المشكله
هاتجيب سكينه حاميه او موس او قطر حامى
وتبدأ فى الكشط الخفيف فى المكان اللى بيحتك فيه الناشنكاه
تقشط شويه وتجرب تكسر البندقيه بالراحه واحده واحده وانت مركز على الناشنكاه
ولو لسه فيه احتكاك طبعا هاتشوفه بعنيك
وتكرر الكشط تانى لغاية ماتيجى تكسر وتلاقى الناشنكاه مش بيحتك بالدبشك تانى
وان شاء الله المشكله هاتتحل

[pooforever_2010]

مساء الخير ياباشا
اتمنى تكون فى احسن حال
بص ياباشا
المشكله دى سببها احتكاك البكره اليمين بتاعة الناشنكاه فى جسم الدبشك مع كل كسره وتعميره
فى الجزء الداخلى من الدبشك اللى انا معلم عليه بالاصفر ده
http://www6.0zz0.com/2012/06/04/18/392755040.jpg (http://www.0zz0.com)

لكن خليك فاكر انا قلت من الجزء اللى من الداخل فى الدبشك
ولحل المشكله
هاتجيب سكينه حاميه او موس او قطر حامى
وتبدأ فى الكشط الخفيف فى المكان اللى بيحتك فيه الناشنكاه
تقشط شويه وتجرب تكسر البندقيه بالراحه واحده واحده وانت مركز على الناشنكاه
ولو لسه فيه احتكاك طبعا هاتشوفه بعنيك
وتكرر الكشط تانى لغاية ماتيجى تكسر وتلاقى الناشنكاه مش بيحتك بالدبشك تانى
وان شاء الله المشكله هاتتحل
تمام وحلها عند البرنس عادل عبده
بيعمل حاجه انسى النيشان يخلف ولو بعد مليون رشه

[Egyptian_Destroyer]

طيب يا جماعه ايه نظام الناس اللي في اسكندريه ؟؟؟؟؟؟؟؟؟؟

[القبطان المصرى 77]

تمام وحلها عند البرنس عادل عبده
بيعمل حاجه انسى النيشان يخلف ولو بعد مليون رشه
ابسط ياعم وااااااااااادى كمان حل لنفس المشكله عند الاستاذ عادل عبده
لو انت قريب منه ممكن تاخد البندقيه وتروحله يظبطهالك

[القبطان المصرى 77]

طيب يا جماعه ايه نظام الناس اللي في اسكندريه ؟؟؟؟؟؟؟؟؟؟
بالنسبه للناس اللى فى اسكندريه يبقى عليك وعلى الاستاذ adel 152
اكيد هو هايفيدك فى الموضوع ده

[pooforever_2010]

بالنسبه للناس اللى فى اسكندريه يبقى عليك وعلى الاستاذ adel 152
اكيد هو هايفيدك فى الموضوع ده
++++++++++++++++++++1

[yasser222]

لو سمحت ممكن تعرفنا حضرتك عملت التموية اللي على بندقيتك ازاي؟؟؟

[yasser222]

لو سمحت بعد اذنك ممكن تعرغني حضرتك عامل التمويه اللي على البندقية ازاي؟

[Bebeto]

لو سمحت بعد اذنك ممكن تعرغني حضرتك عامل التمويه اللي على البندقية ازاي؟

بعد اذن صاحب الموضوع
راجع الموضوع ده يا باشا
http://www.egypthunt.net/showthread.php?t=28907

[darkshaft]

مساء الخير ياباشا
اتمنى تكون فى احسن حال
بص ياباشا
المشكله دى سببها احتكاك البكره اليمين بتاعة الناشنكاه فى جسم الدبشك مع كل كسره وتعميره
فى الجزء الداخلى من الدبشك اللى انا معلم عليه بالاصفر ده
http://www6.0zz0.com/2012/06/04/18/392755040.jpg (http://www.0zz0.com)

لكن خليك فاكر انا قلت من الجزء اللى من الداخل فى الدبشك
ولحل المشكله
هاتجيب سكينه حاميه او موس او قطر حامى
وتبدأ فى الكشط الخفيف فى المكان اللى بيحتك فيه الناشنكاه
تقشط شويه وتجرب تكسر البندقيه بالراحه واحده واحده وانت مركز على الناشنكاه
ولو لسه فيه احتكاك طبعا هاتشوفه بعنيك
وتكرر الكشط تانى لغاية ماتيجى تكسر وتلاقى الناشنكاه مش بيحتك بالدبشك تانى
وان شاء الله المشكله هاتتحل
الف شكر يا كبير،و اتمنى ان ا/نبيل فالاسكندرية ممكن يسعدنى فالموضوع ده ان شاء الله.

[yasser222]

شكرااااااااااااااااااااا جزيلا

[yasser222]

معلش لو فيها غلاسة مني
انا اليوم كنت رايح اشتري واحدة كرال بس انا عايز دبشك خشب والراجل عمال يوقلي مفيش فرق بينهم بس انا صممت على الخشب راح قالي استنى اسبوع كدة عشان اجيبهالك
حضرتك رايك اية هل الدبشك الخشب افضل فعلا خصوصا ان رد فعل البندقية وصوتها عالي شوية
ولية الديانا دايما بتصنع البندقية دبشك خشب ما كانت عملتها فايبر مثلا
ولك جزيل الشكر

[darkshaft]

معلش لو فيها غلاسة مني
انا اليوم كنت رايح اشتري واحدة كرال بس انا عايز دبشك خشب والراجل عمال يوقلي مفيش فرق بينهم بس انا صممت على الخشب راح قالي استنى اسبوع كدة عشان اجيبهالك
حضرتك رايك اية هل الدبشك الخشب افضل فعلا خصوصا ان رد فعل البندقية وصوتها عالي شوية
ولية الديانا دايما بتصنع البندقية دبشك خشب ما كانت عملتها فايبر مثلا
ولك جزيل الشكر
١++++++++++++
كنت حابب اسأل هل عيوب الكرال العتله اقل من الكسر؟ و قطع غيار العتله متوفره مثل الكسر؟

[قناص المنوفيه]

الكرال بندقيه كويسه بالنسبه لتمنها فقط
لان خامتها زى الزفت سواء حديد او دبشك وخصوصا الفيبر
ومجموعه الزناد تحس انها صفيح جمب الالمانى والاسبانى
ده غير عيوب السوست من الاخر بندقيه عامله زى العربيات الكورى

[القبطان المصرى 77]

معلش لو فيها غلاسة مني
انا اليوم كنت رايح اشتري واحدة كرال بس انا عايز دبشك خشب والراجل عمال يوقلي مفيش فرق بينهم بس انا صممت على الخشب راح قالي استنى اسبوع كدة عشان اجيبهالك
حضرتك رايك اية هل الدبشك الخشب افضل فعلا خصوصا ان رد فعل البندقية وصوتها عالي شوية
ولية الديانا دايما بتصنع البندقية دبشك خشب ما كانت عملتها فايبر مثلا
ولك جزيل الشكر
هو فعلا كلهم نفس الامكانيات
لكن الفرق فى الدبشك بس
وطبعا الدبشك الخشب اقوى من الفايبر

[القبطان المصرى 77]

الكرال بندقيه كويسه بالنسبه لتمنها فقط
لان خامتها زى الزفت سواء حديد او دبشك وخصوصا الفيبر
ومجموعه الزناد تحس انها صفيح جمب الالمانى والاسبانى
ده غير عيوب السوست من الاخر بندقيه عامله زى العربيات الكورى
طيب وهو مين قال لحضرتك اننا قارناها بالالمانى او بالاسبانى؟؟؟
وبعدين هى الديانا الالمانى والنوريكا او الجامو الاسبانى بكام؟؟ والكرال بكام؟؟
مع احترامى لرأى حضرتك طبعا

[darkshaft]

كنت حابب اعرف هل الكرال نمره ٢ قادره على قتل كلاب او ثعالب مثلا؟ و انا قصدى للمعرفه،تحياتى و بشكرك على متابعتك المستمره للموضوع.

[محمد حافظ بك]

كنت حابب اعرف هل الكرال نمره ٢ قادره على قتل كلاب او ثعالب مثلا؟ و انا قصدى للمعرفه،تحياتى و بشكرك على متابعتك المستمره للموضوع.

ايه يا دكتور :) الكرال طبعا تقتل لكن المهم تضرب فين و بايه ؟ و المسافة ...لك تحياتي

[darkshaft]

ايه يا دكتور :) الكرال طبعا تقتل لكن المهم تضرب فين و بايه ؟ و المسافة ...لك تحياتي
يا محمد بيه بشاور عقلى اليومين دول مبين العربية او البندقيه عشان كده بسأل اليومين دول،شكلى كده حعملها و حجبها رمايه و ربنا يسهل،ادعيلى بس.

[Bebeto]

الكرال بندقيه كويسه بالنسبه لتمنها فقط
لان خامتها زى الزفت سواء حديد او دبشك وخصوصا الفيبر
ومجموعه الزناد تحس انها صفيح جمب الالمانى والاسبانى
ده غير عيوب السوست من الاخر بندقيه عامله زى العربيات الكورى

مع احترامي لحضرتك طبعا .... الدايو لانوس اول ما نزلت اتقال عليها كدة .... ما هي كوري لكن شوف دلوقتي عاملة ازاي ؟؟ و سمعتها ؟؟ و سعرها بقي عامل ازاي ؟؟؟ بعد ما كان سعرها في الارض و اثبتت جدارتها ....... اتقلوا علي الكراااال شوية كدة

[حسين ابراهيم حسين]

ازيك ياقبطان اخبارك ايه بصراحة الموضوع جميل وريحنى كتير لانى اللى حصل معاك فى الاسعار والشراء هو اللى حصل معايا بالظبط لكن الله ينور عليك ياراجل ياطيب فاضل بقى اجيبهالك تظبطهالى ههههه

[Dodo dababa]

معلش أنا عندي سؤال فني شويه بخصوص ماسوره الكرال و ياريت حد عنده الكرال يساعدني

عدد الشخشنات كام؟ و طول و عرض الماسوره أيه؟
و الماسوره سهل تتفك و تتقصر ولا ملحومه ؟

[القبطان المصرى 77]

كنت حابب اعرف هل الكرال نمره ٢ قادره على قتل كلاب او ثعالب مثلا؟ و انا قصدى للمعرفه،تحياتى و بشكرك على متابعتك المستمره للموضوع.
اكيد طبعا ياباشا ان شاء الله تقتل ونص
بس المهم زى مامحمد باشا قالك
الضرب يكون فى الرأس ومن مسافه قصيره
لأن مهما كان الكلاب عندها قوة تحمل عاليه ولازم تضرب فى مقتل

[القبطان المصرى 77]

مع احترامي لحضرتك طبعا .... الدايو لانوس اول ما نزلت اتقال عليها كدة .... ما هي كوري لكن شوف دلوقتي عاملة ازاي ؟؟ و سمعتها ؟؟ و سعرها بقي عامل ازاي ؟؟؟ بعد ما كان سعرها في الارض و اثبتت جدارتها ....... اتقلوا علي الكراااال شوية كدة

اشطه عليك يابيبو ياجامد

[القبطان المصرى 77]

ازيك ياقبطان اخبارك ايه بصراحة الموضوع جميل وريحنى كتير لانى اللى حصل معاك فى الاسعار والشراء هو اللى حصل معايا بالظبط لكن الله ينور عليك ياراجل ياطيب فاضل بقى اجيبهالك تظبطهالى ههههه
هههههههههههههههه
ياباشا انا تحت امرك طبعا
بس المهم الوقت
لأنى زى مانت عارف شغال بره اسكندريه ومش باكون موجود باستمرار

[القبطان المصرى 77]

معلش أنا عندي سؤال فني شويه بخصوص ماسوره الكرال و ياريت حد عنده الكرال يساعدني

عدد الشخشنات كام؟ و طول و عرض الماسوره أيه؟
و الماسوره سهل تتفك و تتقصر ولا ملحومه ؟
مع الاسف والله انا محاولتش اعد الشخشخنات بتاعتها قبل كده بس على ما اعتقد انها ممكن تكون 8
وطول الماسوره 45.5

[darkshaft]

انا الحمد لله لسه شارى بندقية كرال رماية،بس بعد ضرب رشتين شميت ريحه شيات فاى رأيكم مع العلم انى مشحمتهاش؟؟؟
تانى حاجه ممكن صوره لمكان الكاتم بتاع الكرال الجديده و ازاى افرق هل ده جديده ولا قديمه و لو ممكن صور اكون شاكر ليكم.

[darkshaft]

ده الجزء الاقصده و ده رمايه،فهل ده اصدار قديم ولا الجديد الرماية بينزل كده؟؟

[Dodo dababa]

شكرا يا باشا على المعلومات المفيده
بس أنا كنت بشوف أمكانيه عمل بندقيه pcp بأستخدام ماسوره الكرال
أنا محتاج ماسوره 12 land أستعمل ماسورة أيه؟ الديانا و الفياروخ كده بس أنا عاوز حاجه رخيصه كتجربه مش لازم يعني أجرب بماسوره lothar walther

[darkshaft]

يجماعه محتاج الرد بسرعه،هل الرماية بالكاتم القديم بتقى نسخه قديمه؟؟ و الصوره فوق

[القبطان المصرى 77]

انا الحمد لله لسه شارى بندقية كرال رماية،بس بعد ضرب رشتين شميت ريحه شيات فاى رأيكم مع العلم انى مشحمتهاش؟؟؟
تانى حاجه ممكن صوره لمكان الكاتم بتاع الكرال الجديده و ازاى افرق هل ده جديده ولا قديمه و لو ممكن صور اكون شاكر ليكم.
الريحه اللى حضرتك بتشمها دى طبيعى لما بتكون البندقيه لسه جديده
كام يوم كده وهاتروح لوحدها
ونصيحه منى ضروووووووووورى لازم تفكها وتشحمها عشان بتبقى ناشفه من جوه وهى لسه جديده
وبلاش تضرب بيها كتير لغاية ماتشحمها
وموضوع الكاتم ده معنديش فكره عنه
ممكن الاستاذ عادل عبده يفيدك
وهو معانا فى المنتدى هنا هاتلاقيه معلق على الموضوع ده فى الصفحات اللى فاتت

[القبطان المصرى 77]

شكرا يا باشا على المعلومات المفيده
بس أنا كنت بشوف أمكانيه عمل بندقيه pcp بأستخدام ماسوره الكرال
أنا محتاج ماسوره 12 land أستعمل ماسورة أيه؟ الديانا و الفياروخ كده بس أنا عاوز حاجه رخيصه كتجربه مش لازم يعني أجرب بماسوره lothar walther
ماهو المشكله انك مش هاتلاقى ماسوره رخيصه ياباشا وبالذات الديانا والفايروخ والبى اس
ممكن تشوف ماسوره صينى بس مش عارف هاتنفع ولا لا

[darkshaft]

الريحه اللى حضرتك بتشمها دى طبيعى لما بتكون البندقيه لسه جديده
كام يوم كده وهاتروح لوحدها
ونصيحه منى ضروووووووووورى لازم تفكها وتشحمها عشان بتبقى ناشفه من جوه وهى لسه جديده
وبلاش تضرب بيها كتير لغاية ماتشحمها
وموضوع الكاتم ده معنديش فكره عنه
ممكن الاستاذ عادل عبده يفيدك
وهو معانا فى المنتدى هنا هاتلاقيه معلق على الموضوع ده فى الصفحات اللى فاتت
انا فعلان سأل ا/عادل،اما بخصوص التحيم فروحت ل ا/نبيل (فتح الله محطه الرمل) و قال لى اوعى تحط شحم كده حتبوظ الجلبه،ف انا احترت و قررت بعد فتره استغدم زيت سلاح ان شاء الله، و لا اى رأيك يا باشا؟

[القبطان المصرى 77]

انا فعلان سأل ا/عادل،اما بخصوص التحيم فروحت ل ا/نبيل (فتح الله محطه الرمل) و قال لى اوعى تحط شحم كده حتبوظ الجلبه،ف انا احترت و قررت بعد فتره استغدم زيت سلاح ان شاء الله، و لا اى رأيك يا باشا؟
اولا نبيل فتح الله فى محطة مصر مش فى محطة الرمل
اللى فى محطة الرمل ده محمد فتح الله
ثانيا مع احترامى للاستاذ نبيل البندقيه لازم تتشحم وبالذات السوسته
واسأل اى خبير من خبرائنا هنا وشوف هايقولك ايه
ونصيحه منى بلااااااااااااااااااااااااش تمشى ورا كلام التجار فى كل حاجه
الشحم بيكون على البستم والكانون والسوسته واوعى تشحم الجلبه من قدام عشان الشحم ممكن يدخل على الماسوره وده مش كويس

[darkshaft]

اولا نبيل فتح الله فى محطة مصر مش فى محطة الرمل
اللى فى محطة الرمل ده محمد فتح الله
ثانيا مع احترامى للاستاذ نبيل البندقيه لازم تتشحم وبالذات السوسته
واسأل اى خبير من خبرائنا هنا وشوف هايقولك ايه
ونصيحه منى بلااااااااااااااااااااااااش تمشى ورا كلام التجار فى كل حاجه
الشحم بيكون على البستم والكانون والسوسته واوعى تشحم الجلبه من قدام عشان الشحم ممكن يدخل على الماسوره وده مش كويس
ايوه فعلان انا غلط بس فالكتابه انا قصدت محطه مصر مش محطه الرمل،تب اى رأيك فى موضوع الزيم بدل من الشحم؟؟

[Angel of Death]

الموضوع يا فندم أكثر من روعة.... و بالذات طريقة الكتابة.. حلوة كدة و ظريفة و خفيفة... تقييم 120%
خالص تحياتي.. :)

[maheradv]

كل شويه ادخل و اقرأ الموضوع
رااااااائع
الله يباركلك يا شيخ

[القبطان المصرى 77]

الموضوع يا فندم أكثر من روعة.... و بالذات طريقة الكتابة.. حلوة كدة و ظريفة و خفيفة... تقييم 120%
خالص تحياتي.. :)
اشكرك جداااااااااا من كل قلبى ياغالى
تحياتى العطره ليك واشكرك على تقييمك الجميل

[القبطان المصرى 77]

كل شويه ادخل و اقرأ الموضوع
رااااااائع
الله يباركلك يا شيخ
ههههههههههههههههه
والله وده شىء يشرفنى ياحبيب قلبى ان الموضوع عاجبك
ووالله انا كنت باكتب الموضوع وانا مستمتع
عشان كده الحمد لله نال رضاكو

[ahmedm2100]

أشكرك جداً على الموضوع الجميل والمفيد دة

[القبطان المصرى 77]

أشكرك جداً على الموضوع الجميل والمفيد دة
متشكر جدا استاذ احمد
انا فى الخدمه دايما

[ahmedm2100]

هى السوستة الاسبانى بكام اذا سمحت... وممكن تحذف الرسائل اللى على الخاص عندك لأن صندوق الوارد ممتلئ ... وكنت عاوز ابعتلك على الخاص

[القبطان المصرى 77]

هى السوستة الاسبانى بكام اذا سمحت... وممكن تحذف الرسائل اللى على الخاص عندك لأن صندوق الوارد ممتلئ ... وكنت عاوز ابعتلك على الخاص
صباحك ورد يا احمد باشا
السوسته الاسبانى عامله 150 جنيه
ومن عنيا حاضر هامسح شوية رسايل

[القبطان المصرى 77]

بسم الله الرحمن الرحيم
ياجماعه بالنسبه لحل مشكلة تحريك الناشنكاه بعد كذا ضربه بالنسبه للكرال
وده بيسبب التشكيل فى الدقه
الحل فى الرابط ده اهو
http://www.egypthunt.net/showthread.php?t=29417&page=8
عشان انا ملاحظ ان فيه ناس كتير فاكره ان العيب من البندقيه نفسها

[Angel of Death]

معلش عندي سؤال هو حضرتك جبتها من إمتى و عملت التعديلات فين يا فندم.. :) :confused: :o:cool:

[Angel of Death]

ههههههههههههههههههههههههههههههههههههههههههههههه
بجد انت ملكش حل احلى تقيييم فى الدنيا كلها على الاسلوب بس مش على التعديلات
تعديلات جميله وافكارك حلوه بجد تسلم ايدك
السوسته بتبقى ارزاق وعلى حسب حظك هى من اللى بقو يتفكو ولا اللى جايين زى ما هما
الجلبه بقى يا معلم هتتغير هتتغير هى كويسه اه بس مش ده الاداء الكامل بتاعها
اكسر الماسوره وزحقك صباعك الصغير على مكان خروج الهوا وكمل تعمير لو شفطت صباعك تبقى اصلى لو مشفطتش يبقى مش ده الاداء الكامل
فكره تلبيسه دراع التعمير جميله بس فى اسهل منها
هوه انك تفصل حتتين بلاستيك
انا بعمل كده عن نفسى
اعمل حدافه بقى والبندقيه مش هيبقى ليها حل
التجميع جميل والماتش جميل والديابلو جمع بين رخص السعر ونضافه المستورد وسرعته عاليه
الجامو هانتر برده رشايه محترمه جدا
بالتوفيق يا كبير وتسلم ايدك ودماغك وانا عن نفسى مبهور بطريقه سرد الموضوع
اما عن اللى بيحب الكرال
انا بعشقها ومن حبى فيها جبت وحده نمره واحد (عيار 4.5)
ادعيلى بقى اظبطها وهبقى اقولك بعد التظبيط
لك منى احلى تحيه

طب طالما حضرتك عندك نمرة 1 و نمرة 2.. ممكن تقولي أي واحدة أفضل.. :)

[القبطان المصرى 77]

الموضوع يا باشا تحفففة.... :) أحلى تقييم ليك يا باشا.. و طريقة سردك للموضوع بجد رهيبة,, بنا يخليهالك و يحليلك صيدها يا قبطان.. :) :d
معلش عندي سؤال هو حضرتك جبتها من إمتى و عملت التعديلات فين يا فندم.. :) :confused: :o:cool:
مسائك عسل ياغالى
انا جايبها من حوالى شهرين ونص كده او تلاته
وعملت التعديل بتاع الواقى على ايدى ياباشا
والقاعده عند الخراط طبعا
واشكرك جداااااااااااااااا على كلامك الجميل ده
دايما زوقك بيغلبنى

[عبووود]

تسلم ايدك.. هيه فعلا كل مدي بيثبت نفسها اكتر :)

[ahmedm2100]

على فكرة البندقية دى أكيد سعرها حيرتفع فى القريب العاجل لأنها أثبتت وجودها

[القبطان المصرى 77]

تسلم ايدك.. هيه فعلا كل مدي بيثبت نفسها اكتر :)
الله يكرمك يا استاذ عبود
شاكر جدا لمرورك

[القبطان المصرى 77]

على فكرة البندقية دى أكيد سعرها حيرتفع فى القريب العاجل لأنها أثبتت وجودها
شووووووووووووور ياباشا طبعا
واكبر دليل على كلامنا ده
انها كانت من اربع شهور بــ1100
دلوقت بـ1400

[aanis]

يا باشا موضوع غايه في الجمال
كامل شامل فعلا
ليك كل الشكر
وانا بفكر فعلا اجيب واحده
بس انتا مش شايف انك جايبها غاليه شويه

[القبطان المصرى 77]

يا باشا موضوع غايه في الجمال
كامل شامل فعلا
ليك كل الشكر
وانا بفكر فعلا اجيب واحده
بس انتا مش شايف انك جايبها غاليه شويه
الله يكرمك يااستاذ انيس
ده بس من زوقك الكريم
وفعلا انا جايبها غاليه
اصل الحكايه بينى وبينك انى كنت باعت صديق ليا يجبهالى عشان انا مكنتش فاضى
وكنت قايلو انها بـ1350 تقريبا
لكن هو لقاها بـ1650 وجبهالى
وطبعا اتكسفت ارجعه بيها
وقلت مش هاتفرق كتير يعنى

[Angel of Death]

مسائك عسل ياغالى
انا جايبها من حوالى شهرين ونص كده او تلاته
وعملت التعديل بتاع الواقى على ايدى ياباشا
والقاعده عند الخراط طبعا
واشكرك جداااااااااااااااا على كلامك الجميل ده
دايما زوقك بيغلبنى

أنا نفسي أطلع معاك طلعة يا قبطان و الله.. :) لكن للأسف خارج مصر حاليا.. :) طب هو حضرتك مغيرتش السوستة؟

[القبطان المصرى 77]

أنا نفسي أطلع معاك طلعة يا قبطان و الله.. :) لكن للأسف خارج مصر حاليا.. :) طب هو حضرتك مغيرتش السوستة؟
والله ده كان يبقى شرف كبير اوى ليا لقائك
انا حاليا مركب اللى هى 40 حلقه دى
قطعت منها خمس حلقات وركبتها وشغاله كويس
لكن برده لسه بادور على السوسته الاسبانى الاصليه لأن اكيد ادائها هايكون افضل
وترجع بالسلامه ان شاء الله
ولو انت فى بلد خليجى دور عليها عندك اكيد هاتلاقيها وارخص من هنا كمان
وهى سوسته الجامو شادو 1000
والسوست مفهاش مشاكل فى مطار على فكره
دى بتيجى قطع غيار عادى

[Angel of Death]

والله ده كان يبقى شرف كبير اوى ليا لقائك
انا حاليا مركب اللى هى 40 حلقه دى
قطعت منها خمس حلقات وركبتها وشغاله كويس
لكن برده لسه بادور على السوسته الاسبانى الاصليه لأن اكيد ادائها هايكون افضل
وترجع بالسلامه ان شاء الله
ولو انت فى بلد خليجى دور عليها عندك اكيد هاتلاقيها وارخص من هنا كمان
وهى سوسته الجامو شادو 1000
والسوست مفهاش مشاكل فى مطار على فكره
دى بتيجى قطع غيار عادى

أهه أنا في بلد خليجي لكن مش عاوز أجيب أي حاجة من برة عشان لو لا قدر لله ما جبتش الكرال ما كنش إتدبست في السوستة.. :)

[ahmedm2100]

يا باشا لو جبت اى قطع غيار من بره ومستعملتهاش من السهل جداً انك تبيعها فى مصر

[القبطان المصرى 77]

يا باشا لو جبت اى قطع غيار من بره ومستعملتهاش من السهل جداً انك تبيعها فى مصر
الله ينور عليك
فعلا هو مش هايغلب يعنى
وبالذات السوسته دى
مطلوووووووبه اوى وقليله فى مصر
ويادوب هايقول عندى سوسته جامو للبيع هايلاقى مصر كلها عنده
هههههههههههههههههههههه

[Angel of Death]

يا باشا لو جبت اى قطع غيار من بره ومستعملتهاش من السهل جداً انك تبيعها فى مصر

بجد؟؟ :) طب على كدة أنا إن شاء الله أجيبها فورا.. :)

[Angel of Death]

الله ينور عليك
فعلا هو مش هايغلب يعنى
وبالذات السوسته دى
مطلوووووووبه اوى وقليله فى مصر
ويادوب هايقول عندى سوسته جامو للبيع هايلاقى مصر كلها عنده
هههههههههههههههههههههه

هههههههههههههههههههههههههههههه :) :)
طب يا باشا أجيب أنهي سوستة.. :) و هل من نوع "يزيد" من قوة الكرال لكن متأثرش على الدقة :p :cool:

[darkshaft]

هههههههههههههههههههههههههههههه :) :)
طب يا باشا أجيب أنهي سوستة.. :) و هل من نوع "يزيد" من قوة الكرال لكن متأثرش على الدقة :p :cool:
عندك يأمه سوسته شادو ١٠٠٠ او سوسته تايتن.

[Angel of Death]

عندك يأمه سوسته شادو 1000 او سوسته تايتن.

هل الشادو هتزيد القوة؟ و لا هتحتفظ بنفس القوة لكن مش هتتكسر بسرعة؟؟ و التايتن رائعة لكن أكيد غالية حبتين :) :eek:

[ahmedm2100]

خليك فى الشادو 1000
وهات منها كام واحدة

[elsayed elghitany]

بجد روعه مقارنا بالفلوس والامكانيات

[القبطان المصرى 77]

بجد روعه مقارنا بالفلوس والامكانيات
تسلم استاذ سيد على رأيك اللى فى محلو
لأن فعلا البندقيه تعتبر ببلاش لو قارنا امكانياتها بسعرها

[ahmedm2100]

ومش كدة وبس الكرال لما تحب تبيعها حتلاقى 100 مشترى علشان امكانياتها معروفة وسعرها ممتاز

[القبطان المصرى 77]

ومش كدة وبس الكرال لما تحب تبيعها حتلاقى 100 مشترى علشان امكانياتها معروفة وسعرها ممتاز
شوووووووووووور طبعا ياحمد باشا
متنساش ميعادنا بكره بقى ان شاء الله
انا هاتصل بيك عالساعه 10 كده اقولك ان انا هاركب دلوقت وجاى
وانت طبعا هاتطلع من اسكندريه على 10 ونص كده تقريبا

[ahmedm2100]

ان شاء الله يا باشا معلش انا بتعبك معايا

[القبطان المصرى 77]

ان شاء الله يا باشا معلش انا بتعبك معايا
عيب عليك ياحمد باشا الكلام ده
احنا اخوات
وبجد كان ليا شرف مقابلتك النهارده

[besho]

يا باشا الصراحه ديه ديه كدا اجمد من الbsa mk7 بجد الكرال نفسي اشتريها بس الفلوس بقي وانت عملت التمويه الزاي

[القبطان المصرى 77]

يا باشا الصراحه ديه ديه كدا اجمد من الbsa mk7 بجد الكرال نفسي اشتريها بس الفلوس بقي وانت عملت التمويه الزاي
الله يكرمك يابيشو ياجميل
وفعلا الكرال دلوقت انا بافضلها عن البى اس وباخرج بيها باستمرار للصيد
واتفضل ياباشا اللنك ده موضوع انا عامله بالتفصيل عن طريقة تمويه البندقيه
http://www.egypthunt.net/showthread.php?t=28907

[Vama]

مجهود كبير تستحق التقييم وبوركت علي هذا الموضوع الخطير :)

[Bebeto]

حضرتك ساكن فين يا قبطان ؟؟؟؟
لازم اتعرف عليك حتي لو غصب عنك مش بارادتك هههههههههههههه
و لازم نطلع نصطاد بقي و ازفر الرماية .

[khaled imam]

موضوع رائع يا قبطان وبصراحة انا بعشق الكرال خاصة مع استخدام الهولو بوينت او الماستر قوتها جبارة

[Bebeto]

حضرتك ساكن فين يا قبطان ؟؟؟؟
لازم اتعرف عليك حتي لو غصب عنك مش بارادتك هههههههههههههه
و لازم نطلع نصطاد بقي و ازفر الرماية .

ماشي يا عم القبطان مش عايز ترد عليا ؟؟ !!
:(

[القبطان المصرى 77]

مجهود كبير تستحق التقييم وبوركت علي هذا الموضوع الخطير :)
تسلم ياغالى
صباحك عسل بقى

[القبطان المصرى 77]

موضوع رائع يا قبطان وبصراحة انا بعشق الكرال خاصة مع استخدام الهولو بوينت او الماستر قوتها جبارة
وياسلام لو تجرب الجامو ماتش والديابلو الالمانى كمان عليها ياخالد باشا
تحفه والله
ربنا يكرمنا جميعا

[القبطان المصرى 77]

ماشي يا عم القبطان مش عايز ترد عليا ؟؟ !!
:(
هههههههههههههههههههه
ايه ياعم بيبو بس زعلان منى فى ايه
هو انتى شايفنى كنت بادخل المنتدى يعنى بقالى فتره
انا ياسيدى ساكن خلف شركة النحاس
شارع عشرين
وبعدين ده احنا فى رمضان ياراجل والدنيا صيام ومفيش صيد
ههههههههههههههههه

[Bebeto]

هههههههههههههههههههه
ايه ياعم بيبو بس زعلان منى فى ايه
هو انتى شايفنى كنت بادخل المنتدى يعنى بقالى فتره
انا ياسيدى ساكن خلف شركة النحاس
شارع عشرين
وبعدين ده احنا فى رمضان ياراجل والدنيا صيام ومفيش صيد
ههههههههههههههههه

هههههههههههه مفيش صيد بالنسبة ليكم انتم
انا بحب الصيد في رمضان قبل الفطار
فين شركة النحاس بقي :d

[د. محمد]

احلى تقييم و الف شكر على الشرح و الاسلوب الجميل و تسلم ايدك يا قبطان. و الله انا اشتريت الكرال مخصوص بعد ما قريت الموضوع بتاع حضرتك و ان شاء الله جاري تنفيذ التعديلات. بس كنت عايز مكان مضمون اجيب منه السوستة و الجلبة.
لو سمحت ممكن تفيدني في الموضوع ده يا باشا؟

[القبطان المصرى 77]

احلى تقييم و الف شكر على الشرح و الاسلوب الجميل و تسلم ايدك يا قبطان. و الله انا اشتريت الكرال مخصوص بعد ما قريت الموضوع بتاع حضرتك و ان شاء الله جاري تنفيذ التعديلات. بس كنت عايز مكان مضمون اجيب منه السوستة و الجلبة.
لو سمحت ممكن تفيدني في الموضوع ده يا باشا؟
بص ياباشا انا فى الاول احتارت نفس حيرتك دى
وهى انى اجيب السوسته منين
وبعد ماسألت عرفت ان اضمن واحد يجيب السوسته الاصليه هو الاستاذ محمود شلبى فى القاهره
وطبعا انا كسلت انزل القاهره زائد انى ماعرفش العنوان بالظبط
قمت مريح دماغى وجبت واحده من عند نبيل فتح الله اسكندريه
وهى اينعم طلعت مش اصليه
لكن شغاله معايا لغاية دلوقت ممتااااااااااااااااازه
وبقالها معايا حوالى اربع شهور

[hassan_portsaid]

موضوع ممتاز
انا شاري بندقيه كرال جديده ب 1400 جنيه من بورسعيد
كنت رحت محل تاني قالي 1600
الديشك شبه الخشب بس انا حاسس انه بلاستيك
انا حاسس انها ضعيفه شويه ونشانها مش اد كده
لاكن بعد قراءة الموضوع استفدت لاكن لو انا عملت التعديلات دي هتظبط معايا؟
الفتره اللي جايه موسم هل ممكن اصطاد بيها بط ؟
كم المدي الموثر للطير البط ؟

[القبطان المصرى 77]

موضوع ممتاز
انا شاري بندقيه كرال جديده ب 1400 جنيه من بورسعيد
كنت رحت محل تاني قالي 1600
الديشك شبه الخشب بس انا حاسس انه بلاستيك
انا حاسس انها ضعيفه شويه ونشانها مش اد كده
لاكن بعد قراءة الموضوع استفدت لاكن لو انا عملت التعديلات دي هتظبط معايا؟
الفتره اللي جايه موسم هل ممكن اصطاد بيها بط ؟
كم المدي الموثر للطير البط ؟

طبعاااااااااااااا ان شاء الله التعديلات هاتخليها عشره على عشره
بس اهم حاجه تغيرلها سوسته محترمه عشان من كلامك ده فهمت ان السوسته ضعيفه
وكمان اكشف على جلبة البستم وجلبة بيت الرش
وعلى ما اعتقد انك ممكن تصطاد بيها بط على مسافة 30 او 40 متر
المهم المكان اللى هاتضرب فيه الطريده يكون مؤثر

[Bebeto]

اخبار طلعة المندرة ايه يا قبطان

[القبطان المصرى 77]

اخبار طلعة المندرة ايه يا قبطان

لسه والله يابيبو
ماكلمتهوش من يومها

[hassan_portsaid]

طبعاااااااااااااا ان شاء الله التعديلات هاتخليها عشره على عشره
بس اهم حاجه تغيرلها سوسته محترمه عشان من كلامك ده فهمت ان السوسته ضعيفه
وكمان اكشف على جلبة البستم وجلبة بيت الرش
وعلى ما اعتقد انك ممكن تصطاد بيها بط على مسافة 30 او 40 متر
المهم المكان اللى هاتضرب فيه الطريده يكون مؤثر
شكرا ياباشا وان شاء الله هجرب و اقولك علي النتيجه

[القبطان المصرى 77]

طبعاااااااااااااا ان شاء الله التعديلات هاتخليها عشره على عشره
بس اهم حاجه تغيرلها سوسته محترمه عشان من كلامك ده فهمت ان السوسته ضعيفه
وكمان اكشف على جلبة البستم وجلبة بيت الرش
وعلى ما اعتقد انك ممكن تصطاد بيها بط على مسافة 30 او 40 متر
المهم المكان اللى هاتضرب فيه الطريده يكون مؤثر
شكرا ياباشا وان شاء الله هجرب و اقولك علي النتيجه

اى خدمه يابرنس
ربنا يكرمك ان شاء الله

[Mohammad Al Qassam]

تسلم على الموضوع الجميل دة و ربنا يجازيك خير عن المجهود الكبير دة
بس الموضوع كدة بقة كبير أوي مع الكرال تعديلات و تظبيطات كتير , أي نعم بعد كدة بقة معايا بندقية ماستر هاي باور بسعر كويس لكن بردو مستقبلاً ممكن التعديلات الكتير دي تعمل مشاكل و خصوصاً إننا مش مهندسين فنيين في تصميم البندقية عشان كدة يا ريت لو في مهندسين فنيين ممكن تقول رأيها في التعديلات دي و تقول إيه اللي ممكن يكون أحسن يبقة كدة الموضوع دة بقة مظبوط على أساس عملي و علمي......
و تسلم على الموضوع الرائع دة و على فكرة كدة إنت المفروض بعد الإحتراف دة كلو تمسك العملاق M4 S- System على أقل تقدير..........

[القبطان المصرى 77]

تسلم على الموضوع الجميل دة و ربنا يجازيك خير عن المجهود الكبير دة
بس الموضوع كدة بقة كبير أوي مع الكرال تعديلات و تظبيطات كتير , أي نعم بعد كدة بقة معايا بندقية ماستر هاي باور بسعر كويس لكن بردو مستقبلاً ممكن التعديلات الكتير دي تعمل مشاكل و خصوصاً إننا مش مهندسين فنيين في تصميم البندقية عشان كدة يا ريت لو في مهندسين فنيين ممكن تقول رأيها في التعديلات دي و تقول إيه اللي ممكن يكون أحسن يبقة كدة الموضوع دة بقة مظبوط على أساس عملي و علمي......
و تسلم على الموضوع الرائع دة و على فكرة كدة إنت المفروض بعد الإحتراف دة كلو تمسك العملاق m4 s- system على أقل تقدير..........
الله يكرمك يا استاذ محمد
متشكر جدا على كلامك الجميل ده اللى اعتز بيه
بس هو فعلا التعديلات دى معظمها قام بيها مهندسين معادن وميكانيكا
وفعلا التعديلات دى فرقت كتير فى الامكانيات فى البندقيه
وعلى فكره التعديلات دى بتتعمل من حوالى سنتين
ومفيش حد اشتكى منها خالص وقال انها اثرت بالسلب على البندقيه
ومتهيئلى سنتين كفايه اوى للتجربه واثبات نجاح التعديلات
ومسائك جميل ياباشا والله

[Mohammad Al Qassam]

الله يكرمك يا استاذ محمد
متشكر جدا على كلامك الجميل ده اللى اعتز بيه
بس هو فعلا التعديلات دى معظمها قام بيها مهندسين معادن وميكانيكا
وفعلا التعديلات دى فرقت كتير فى الامكانيات فى البندقيه
وعلى فكره التعديلات دى بتتعمل من حوالى سنتين
ومفيش حد اشتكى منها خالص وقال انها اثرت بالسلب على البندقيه
ومتهيئلى سنتين كفايه اوى للتجربه واثبات نجاح التعديلات
ومسائك جميل ياباشا والله

الله يكرمك يا باشا و تسلم على الإفادة و المعلومات الجميلة دي و والله انا فعلاً قولت لنفسي أكيد الراجل دة فاهم و عارف و سائل و بيشرح عن فهم مش كتجربة شخصية بس و تسلم يا باشا و ربنا يجازيك خير يا باشا .

[well12m]

تسلم على الموضوع واحلى تقييم

[القبطان المصرى 77]

تسلم على الموضوع واحلى تقييم
مشكور ياكبير على التقييم العسل ده
صباحك عسل برده

[القبطان المصرى 77]

الله يكرمك يا باشا و تسلم على الإفادة و المعلومات الجميلة دي و والله انا فعلاً قولت لنفسي أكيد الراجل دة فاهم و عارف و سائل و بيشرح عن فهم مش كتجربة شخصية بس و تسلم يا باشا و ربنا يجازيك خير يا باشا .

ياباشا انا تحت امرك والله فى اى وقت
تحياتى

[اندرو مفرح]

انا كنت عايز ابعتلك رسالة بس معرفتش فهبعتهالك هنا
انا متابع تقريبا كل موضعاتك و رحلاتك زى رحلة الكلاب لما نطيت فى الترعة هههههههههه و لمل اخذت العجلة بتاعت البقال المهم انا عايزك تفيدنى فى انواع البنادق اللى ممكن اشتريها انا حاليا معايا رمسيس واحد و هى فى الحقيقة بتاعت والدى بس انا اتعلمت عليها الصيد و انا ممكن احوش لغاية 1500 بالميت و فى ناس نسحونى ببندقية نوريكا كماركة مع اختلاف انواعها و لقيت بالصدفة موقع بيبيع بالاسعار التالية
بندقيه نوريكا 56
السرعه 150 م/ث العيار 5.5 الوزن 3 كيلو جرام الطول 95 سم ب1000
بندقيه نوريكا 61
السرعه 170 م/ث الوزن 3.2 كجم الطول 100 سم ب1200
بندقيه نوريكا 73
السرعه 190 م/ث الوزن 3.2 كيلو جرام الطول 1.2 سم ب1300
نوريكا سبورت
السرعه 170 م/ث الطول 97 سم الوزن 3.1 كيلو جرام ب1250
بندقيه نوريكا جيت
السرعه 305 م/ث العيار 4.5 الطول 1.6 سم الوزن 3.6 ب1850
و على حد علمى ان ماركة نوريكا انضف من الصيني
و انا لقيت بندقية صينى قوتها اقوى من النوريكا سبورت مثلا
و انا عايز ابعد عن الكرال لان عيوبها كتير و انا معرفش اعمل اللى انت عملتوا فيها بصراحة علشان معنديش خبرة فى فك البنادق ارجو الرد عن طريق المنتدى او الE_mail
dodaz7@yahoo.com
و شكرا

[القبطان المصرى 77]

انا كنت عايز ابعتلك رسالة بس معرفتش فهبعتهالك هنا
انا متابع تقريبا كل موضعاتك و رحلاتك زى رحلة الكلاب لما نطيت فى الترعة هههههههههه و لمل اخذت العجلة بتاعت البقال المهم انا عايزك تفيدنى فى انواع البنادق اللى ممكن اشتريها انا حاليا معايا رمسيس واحد و هى فى الحقيقة بتاعت والدى بس انا اتعلمت عليها الصيد و انا ممكن احوش لغاية 1500 بالميت و فى ناس نسحونى ببندقية نوريكا كماركة مع اختلاف انواعها و لقيت بالصدفة موقع بيبيع بالاسعار التالية
بندقيه نوريكا 56
السرعه 150 م/ث العيار 5.5 الوزن 3 كيلو جرام الطول 95 سم ب1000
بندقيه نوريكا 61
السرعه 170 م/ث الوزن 3.2 كجم الطول 100 سم ب1200
بندقيه نوريكا 73
السرعه 190 م/ث الوزن 3.2 كيلو جرام الطول 1.2 سم ب1300
نوريكا سبورت
السرعه 170 م/ث الطول 97 سم الوزن 3.1 كيلو جرام ب1250
بندقيه نوريكا جيت
السرعه 305 م/ث العيار 4.5 الطول 1.6 سم الوزن 3.6 ب1850
و على حد علمى ان ماركة نوريكا انضف من الصيني
و انا لقيت بندقية صينى قوتها اقوى من النوريكا سبورت مثلا
و انا عايز ابعد عن الكرال لان عيوبها كتير و انا معرفش اعمل اللى انت عملتوا فيها بصراحة علشان معنديش خبرة فى فك البنادق ارجو الرد عن طريق المنتدى او الe_mail
dodaz7@yahoo.com
و شكرا
السلام عليكم ورحمة الله
اولا اشكرك اخى الكريم على متبعاتك لى فى كل المواضيع زى مابتقول
وده اكيد شرف كبير ليا
اما بالنسبه لسؤالك عن الافضليه فى البنادق اللى انت ذكرتها
افضل الانواع اللى انت كاتبها هى النوريكا جيت
دى بندقيه جميله جدا باعتراف كل الصيادين وتعتبر برده اسرع واقوى الانواع اللى حضرتك قلت عليها
وانا من رأى انك تدوس على نفسك كمان شويه وتكمل المبلغ وتجيبها
لأن باقى الانواع اللى انت كاتبها سرعتها قليله شويه عن تجربه
انا كان معايا نوريكا 56 و61 قبل كده وكان اخرهم فى الصيد 25 متر
مع الوضع فى الاعتبار انك احتمال تلاقيهم اغلى من السعر اللى انت كاتبه ده دلوقت
انا شايف انك تجيب الجيت احسن لو حالتها كويسه

[fadeel79]

السلام عليكم ورحمة الله
اولا اشكرك اخى الكريم على متبعاتك لى فى كل المواضيع زى مابتقول
وده اكيد شرف كبير ليا
اما بالنسبه لسؤالك عن الافضليه فى البنادق اللى انت ذكرتها
افضل الانواع اللى انت كاتبها هى النوريكا جيت
دى بندقيه جميله جدا باعتراف كل الصيادين وتعتبر برده اسرع واقوى الانواع اللى حضرتك قلت عليها
وانا من رأى انك تدوس على نفسك كمان شويه وتكمل المبلغ وتجيبها
لأن باقى الانواع اللى انت كاتبها سرعتها قليله شويه عن تجربه
انا كان معايا نوريكا 56 و61 قبل كده وكان اخرهم فى الصيد 25 متر
مع الوضع فى الاعتبار انك احتمال تلاقيهم اغلى من السعر اللى انت كاتبه ده دلوقت
انا شايف انك تجيب الجيت احسن لو حالتها كويسه


السلام عليكم ، اسف على التدخل بس انا مبحبش الجيت لعده اسباب رد الفعل القوى صعوبة الكسر وخصوصا لو فى عربية صعوبة الحصول على قطع غيار اصليه ليها حتى لو من بره مش هتلاقى اصلا النوع ده ناهيك عن ثقل وزنها الى هو قريب من 4 كيلو .

بعد اذن الاستاذ هانى هات الكرال ولو انت قريب منى اظبتهالك من عينى ، انا معايا كرال بسوسته تيتن والكرونوا عندى وبتجبب 234 م/ث وواحد صحبى لسه جايب كرال رماية وبرضه تيتين ونفس السرعة تقريبا ، القصة انك لازم تصبر عليها

[القبطان المصرى 77]

السلام عليكم ، اسف على التدخل بس انا مبحبش الجيت لعده اسباب رد الفعل القوى صعوبة الكسر وخصوصا لو فى عربية صعوبة الحصول على قطع غيار اصليه ليها حتى لو من بره مش هتلاقى اصلا النوع ده ناهيك عن ثقل وزنها الى هو قريب من 4 كيلو .

بعد اذن الاستاذ هانى هات الكرال ولو انت قريب منى اظبتهالك من عينى ، انا معايا كرال بسوسته تيتن والكرونوا عندى وبتجبب 234 م/ث وواحد صحبى لسه جايب كرال رماية وبرضه تيتين ونفس السرعة تقريبا ، القصة انك لازم تصبر عليها

مسائك عسل يا استاذ فاضل
ماهو انا كمان كنت هاقوله هات كرال برده لكن هو رافض الفكره اصلا
لكن عموما هى الجيت افضل الانواع اللى هو كاتبها كتير
وافضل من الكرال برده فى الخامات
لأن مع الاسف الكرال مش بتنفع مع اى حد
عاوزه واحد يصبر عليها زى مانت بتقول ويعالج عيوبها اول باول
لكن طالما انت قريب منو وهاتظبطهالو يبقى يتوكل على الله
وتحياتى ليك ياكبير على مشاركتك المفيده

[fadeel79]

مسائك عسل يا استاذ فاضل
ماهو انا كمان كنت هاقوله هات كرال برده لكن هو رافض الفكره اصلا
لكن عموما هى الجيت افضل الانواع اللى هو كاتبها كتير
وافضل من الكرال برده فى الخامات
لأن مع الاسف الكرال مش بتنفع مع اى حد
عاوزه واحد يصبر عليها زى مانت بتقول ويعالج عيوبها اول باول
لكن طالما انت قريب منو وهاتظبطهالو يبقى يتوكل على الله
وتحياتى ليك ياكبير على مشاركتك المفيده



السلام عليكم ، يا عم ارحمنى بئا اسمى فضييييييييييييييييييل

[القبطان المصرى 77]

السلام عليكم ، يا عم ارحمنى بئا اسمى فضييييييييييييييييييل
وعليكم السلام ورحمة الله
ياعم مش هاتفرق يعنى فى حرف غلط بدون قصد
ومالك زعلان اوى كده ليه هو انا يعنى كنت شتمتك؟
وعموما انا اسف ياسيدى

[fadeel79]

وعليكم السلام ورحمة الله
ياعم مش هاتفرق يعنى فى حرف غلط بدون قصد
ومالك زعلان اوى كده ليه هو انا يعنى كنت شتمتك؟
وعموما انا اسف ياسيدى


السلام عليكم ، هانى حبيبى انا بضحك معاك ومش قصدى ازعلك ده انت حبيبى من ايام الجيزة

[القبطان المصرى 77]

السلام عليكم ، هانى حبيبى انا بضحك معاك ومش قصدى ازعلك ده انت حبيبى من ايام الجيزة
يارااااااااجل حرام عليك وقعت قلبى
وانا كمان باقول هو داخل فيا شمال كده ليه
ههههههههههههههههه
صباحك زى الورد ياباشا بقى

[amrfathy]

انا اشتريت واحدة بعد ما قريت كل المعلومات الجامدة دي
الف شكر

[القبطان المصرى 77]

انا اشتريت واحدة بعد ما قريت كل المعلومات الجامدة دي
الف شكر
الف الف مبروك عليك يابرنس
وان شاء الله ربنا يباركلك فيها

[amrfathy]

الف الف مبروك عليك يابرنس
وان شاء الله ربنا يباركلك فيها

تسلم ياباشا

[dr.mohamed]

حقيقى وبكل صرحة ودون اى مجاملة حضرتك موسوعة
وربنا يزيدك من علمه ونعمه
وتقبل منى المرور

[القبطان المصرى 77]

حقيقى وبكل صرحة ودون اى مجاملة حضرتك موسوعة
وربنا يزيدك من علمه ونعمه
وتقبل منى المرور

الله يكرمك يا دكتور محمد
كلامك ده كتير عليا اوى والله
ربنا يكرمك ويبارك فيك

[dr.mohamed]

يا سعاده القبطان المصرى دا تواضع شديد من حضرتك
يزيد من حب الاخرين وتقربهم الى حضرتك
بما فيهم المساكين أمثالى
وتقبل منى باقات الورود

[القبطان المصرى 77]

يا سعاده القبطان المصرى دا تواضع شديد من حضرتك
يزيد من حب الاخرين وتقربهم الى حضرتك
بما فيهم المساكين أمثالى
وتقبل منى باقات الورود
والله كلام حضرتك كتير اوى عليا يادكتور وتاج على راسى
ربنا يبارك فى حضرتك

[felo.zero]

الموضوع ده اتعمل من وقت طويل صح ؟؟؟؟؟؟
البندقيه لسه سليمه ؟؟
اصل انا عايز اعرف لو البندقيه لسه سليمه واديلها كام سنه بالظبط انا هشترى واحده كرال على كلامك انها حلوه وبتقعد كتير يرجى الرد السريع اصل هروح اشتريها يوم التنين الى جاى يعنى بعد يومين بس وارجوا انك تساعدنى

[محمد حامد بلتاجى]

الكبير كبير

[مونتير]

ممتاز
ولكن التعليق ع السعر بس انا اشتريتها بدون تعديل ب 1700 فى رمضان اللى فات


فيها ايه يعنى لما تجيب الكرال بــ 1400 مثلا
وتصرف عليها كمان 300 سوسته وجلبه وخلافه
يعنى المجموع هايبقى 1700 جنيه