دقة الجامو expo 2100 و المسافات البعيد

[محمد أنور]

النهاردة الجامو expo 2100 عملت معايا أحلى واجب فى الصيد لدرجة أن فيه يمامة نزلت مقفولة من حوالى 50 متر
اللى يتفرج يسمى و ما يحسدش :)

[mohamed_salim75]

ما شاء الله عليك

[zezo bose]

الله ينور ماشاء الله ولا قوة الا بالله قناص حقيقى تحياتى

[أحمد عطاالله إبراهيم]

يا باشا الصيد مش بالبندقية .. الصيد بالصياد .. وباين انك قناص كبير ..

الى الامام ..

تحياتى ..

[ابو مروان]

الله ينور عليك _بس ياريت معلومات عن البندقية اللى مع حضرتك سرعتها ويا ترى تمنها كام جديدة وهل متوفرة ام لا ؟

[محمد أنور]

الله ينور عليك _بس ياريت معلومات عن البندقية اللى مع حضرتك سرعتها ويا ترى تمنها كام جديدة وهل متوفرة ام لا ؟
تأمرنى يا باشا
بسم الله الرحمن الرحيم
النوع gamo expo 2100 أسبانى الصنع - دبشك خشب و نظام التعمير كسر ماسورة.
نيشان أمامى وخلفى فسفورى جامو أصلى.
سوستة جامو 40 حلقة و جلبة جامو أصلى بتاعة المصنع
الطول الكلى للبندقية: 103 سم
طول الماسورة : 45 سم
وزن البندقية : 2.5 كيلو يعنى خفيفة
السرعة على علبة البندقية : 160 متر/ث وعلى حد علمى أنها وارد الخارج و ليست فيرجن f يعنى ممكن تكون سرعتها حوالى 190 م/ث مستريح
والجامو معروفة بجبروتها :)
أما بالنسبة لتمنها فأنا بحثت عالنت لقيت المستعمل بتاعها خارج مصر يتراوح سعره بين 250 و300 دولار فأكيد الجديد منها لن يقل عن 2500 جنيه مصرى ومش عارف موجود منها جديد و لا لأ بس دور و أن شاء الله تلاقى و أنا بصراحة واخدها من واحد حبيبى و أنسان محترم هنا عالمنتدى
و لو عايزها ما تغلاش عليك نوصلها لحد البيت و وصل تمنها كمان :)
و على فكرة مش عزومة مراكبية عشان أحنا أسكندرانية :)

[محمد المهدى]

بسم الله ماشاء الله ربنا يبارك

[ابو مروان]

استاز محمد انور شكرا جزيلا على الشرح الوافى الدقيق وقدها وقدود والله من اجدع ناس الاسكندرانية احنا نزودهالك والله يا باشا بس اصل النوع بتاعها موش منتشر وبعد لما عرفت مواصفاتها تعتبر بندقية ممتازة ربنا يرزقك خيرها ويكفيك شرها

[محمد أنور]

استاز محمد انور شكرا جزيلا على الشرح الوافى الدقيق وقدها وقدود والله من اجدع ناس الاسكندرانية احنا نزودهالك والله يا باشا بس اصل النوع بتاعها موش منتشر وبعد لما عرفت مواصفاتها تعتبر بندقية ممتازة ربنا يرزقك خيرها ويكفيك شرها

الله يعزك و يحفظلك مروان :)

[adel152]

بأسم الله ما شاء الله.حاجة جميلة فعلا.
بس على فكرة الصيد %70 صياد و%30 سلاح وبالتأكيد %100 توفيق من ربنا سبحانه وتعالى.
تحياتى للجميع.

[محمد أنور]

بأسم الله ما شاء الله.حاجة جميلة فعلا.
بس على فكرة الصيد %70 صياد و%30 سلاح وبالتأكيد %100 توفيق من ربنا سبحانه وتعالى.
تحياتى للجميع.

أشكرك جزيل الشكر على مشاركتك اللى منورة الموضوع :)

[البطل]

بسم الله مشاء الله بتوفيق ديما

[محمد أنور]

بسم الله مشاء الله بتوفيق ديما

الله يعزك يا بطل :)

[وليد سعد زغلول]

بسم الله ما شاء الله قناص كبير والله ينور عليك وبألف هنا وشفا

[محمد أنور]

بسم الله ما شاء الله قناص كبير والله ينور عليك وبألف هنا وشفا

تسلم يا وليد باشا :)

[LionHeart]

بسم الله الرحمن الرحيم

[Mahmoud@Sniper]

بسم الله ماشاء الله

[moorey]

بسم الله ما شاء الله انت قناص بجد