احلى واسهل تمويه ممكن تعمله ^_^

[sniper falkon]

طبعا انا لقيت مواضيع كتير في المنتدى عن التمويه ، ولقيت ناس بتتعب اوي في الحكاية دي الوان وفرش ورسم وتعب ويمكن تطلع حلوه ويمكن لا .
المهم انا بالصدفه لقيت طريقه سهله جدا ومريحه ونتايجها مضمونه 100 % , روحت عند واحد صاحبي بتاع كماليات سيارات عشان اروق العربية بتاعتي لقيت عنده حاجه اسمها ( فورمايكه ) طبعا عملت العربيه منها ولقيت من الفورمايكه دي الوان كتير من ضمنهم اللون المموه اللي عامل زي لبس الجيش .. مكدبتش خبر تاني يوم اخدت التل بتاعتي وروحتله وكسيت الدبشك كله بيها وزي ما هتشوفوا في الصور بقت تحفه منها تمويه ومنها حفاظ على الدبشك من اي خربشه او خدش وفي نفس الوقت تقدر تشيلها وقت ما تحب من غير ما تسيب اثر على الدبشك زي الدهان .
ويارب الفكره تعجبكوا زي ما عجبتني . . واسيبكم مع الصور

http://www.9wr.me/uploads/13378141381.jpg (http://www.9wr.me/)
http://www.9wr.me/uploads/13378141382.jpg (http://www.9wr.me/)
http://www.9wr.me/uploads/13378141383.jpg (http://www.9wr.me/)

[محمود القاضى]

الله عليك فكره رائعه

[sniper falkon]

الله عليك فكره رائعه

يسلم مرورك الاروع يا باشا

[Bebeto]

فكرة جميلة بس دي عملت في حدود كام ؟؟

[ahmed yasser]

هو بيلزق ازاى واتكلف كام ولو بيتشال من غير اى اثر يبقى ممتاز جداا

[sniper falkon]

والله يا جماعه بالنسبه للتكلفة فهي كانت ( مجانا ^_^ والحمد لله ) بس معتقدش تكون مكلفة كتير بالمقارنة بموضوع الالوان والرسم والحاجات دي .
اما بالنسبة للزق فده زي نظام الاستيكر بس ده بيحتاج سخان عشان يتلزق كويس ويمشي مع المنحنيات ولما بيتشال مالوش اي اثر خالص عشان كده انا لقيت ان الفكره دي ممتازه فعلا

[Bebeto]

يعني افك الدبشك و اوديه للراجل و اقوله ايه ؟

[sniper falkon]

لا مش محتاجه فك الدبش ولا حاجه انا عملتها زي ما هي انت بس اسأل على حاجه اسمها فورمايكه بتتلزق على صاج العربيات ودور على اللون المموه زي اللي في الصورة ده وقوله انا عايز اغطي الدبشك كله بالفورمايكه وخليك واقف معاه مش هتاخد وقت خالص وسهله جدا وهتلاقيها عند اي حد بتاع كماليات سيارات .
وظبط وادعيلي ^_^

[Bebeto]

يا باشا انا ادعيلك من غير حاجة و ان شاء الله اجرب و اقولك

[jhoncarbntr]

تحفة ماشاء الله ....فكرة جميلة جدا

[mohamed salah hassan]

والله فكره جميله جدا وشكرا على افادتك لأعضاء المنتدى

[hogan]

http://up.3dlat.com/uploads/13317635074.gif

[sniper falkon]

يسلم مرورك الاروع يا باشا

هو بيلزق ازاى واتكلف كام ولو بيتشال من غير اى اثر يبقى ممتاز جداا

لا مش محتاجه فك الدبش ولا حاجه انا عملتها زي ما هي انت بس اسأل على حاجه اسمها فورمايكه بتتلزق على صاج العربيات ودور على اللون المموه زي اللي في الصورة ده وقوله انا عايز اغطي الدبشك كله بالفورمايكه وخليك واقف معاه مش هتاخد وقت خالص وسهله جدا وهتلاقيها عند اي حد بتاع كماليات سيارات .
وظبط وادعيلي ^_^

ربنا يخليك .. وربنا يوفقك ان شاء الله:)

[sniper falkon]

والله يا جماعه انا اسعدني مروركم .. واهم حاجه فعلا اني اكون قدرت افيد الاعضاء بحاجه ولو كانت بسيطه
بس كنت طمعان في التقييم لو امكن :p

[القبطان المصرى 77]

الله عليك ياباشا وعلى افكارك
البندقيه بقت تحفه والله
بس ملحوظه
الموضوع ده بيحتاج تسخين بالبورى على البندقيه او الدبشك
ياترى حضرتك عندك فكره ايه هى النتيجة والاثار السلبيه اللى هايسببه التسخين على اللون الاصلى بتاع الدبشك؟؟؟

[sniper falkon]

الله عليك ياباشا وعلى افكارك
البندقيه بقت تحفه والله
بس ملحوظه
الموضوع ده بيحتاج تسخين بالبورى على البندقيه او الدبشك
ياترى حضرتك عندك فكره ايه هى النتيجة والاثار السلبيه اللى هايسببه التسخين على اللون الاصلى بتاع الدبشك؟؟؟


لالا عملية التسخين بتم في المنحنيات بس عشان الفورمايكه تلين وتمشي مع المنحنى كويس وصدقني ملهاش اي تأثير خالص على الدبش لان التسخين اصلا بيتم باستخدام سخان كهربائي عامل السيشوار بتاع الشعر .. يعني درجة الحرارة مش مرتفعة لدرجة انها تأثر على الدبش او حتى لونه ,, وزي ما قلت انا في البداية الفورمايكه عامله زي لزق الاستيكرات وبتتشال بسهوله وبدون اثر خالص

[محمد حافظ بك]

بجد بجد الله ينور

[sniper falkon]

بجد بجد الله ينور

الله ينور عليك يا بك .. نورت الموضوع كله :)

[ahmed said]

فكرة ممتازة جدا ورائعة

[sniper falkon]

فكرة ممتازة جدا ورائعة

ربنا يخليك يا ابوحميد والحمدلله اني قدرت قدم حاجه عجبت الناس وفادتهم

[M.Hatem]

مفهمتش والله الفكره موصلتنيش بوضوح نوعا ما

[sniper falkon]

مفهمتش والله الفكره موصلتنيش بوضوح نوعا ما

بص حضرتك الفورمايكه دي حاجه عاملة نظام الاستيكرات اللي بتتلزق على اي حاجه زي الحيط والخشب و الصاج ودي موجود عند بتوع كماليات السيارات .. لحسن الحظ موجود منها اللون المموه ده عشان كده فكرت اني استخدمه على البندقيه بدل اساليب التمويه التانيه اللي متعبه شويه .. والحمدلله الفكره نجحت زي ما حضرتك شايف

[pooforever_2010]

ممكن حضرتك تتعب وتسألنا المتر المربع بكام
ومكان البيع فين


لانى محتاج متر لو سمحت
ولك جزيل الشكر

[hema777h]

ممكن حضرتك تتعب وتسألنا المتر المربع بكام
ومكان البيع فين


لانى محتاج متر لو سمحت
ولك جزيل الشكر

نفس السوال حضرتك

[saheremara]

السلام عليكم يا جماعه
انا سالت على المتر المربع والراجل قالى 25ج لانه الخامة بتاع المموه دى غالية حبتين عن الانواع العادية والله اعلم
المهم قالى هات البندقية وانا اعملهالك عملتها على الدبشك فقط زى الاخ صاحب الموضوع واتكلفت 10ج فقط وكنت ممكن اعمل الماسورة بس ترددت قليلا ومعملتوش بس ناوى اعمله ان شاء الله

[pooforever_2010]

السلام عليكم يا جماعه
انا سالت على المتر المربع والراجل قالى 25ج لانه الخامة بتاع المموه دى غالية حبتين عن الانواع العادية والله اعلم
المهم قالى هات البندقية وانا اعملهالك عملتها على الدبشك فقط زى الاخ صاحب الموضوع واتكلفت 10ج فقط وكنت ممكن اعمل الماسورة بس ترددت قليلا ومعملتوش بس ناوى اعمله ان شاء الله
متورينا صورة يا كبير‏وفين مكان الراجل مع الشكر

[Bebeto]

سألت عند بتوع الكماليات و ده المتر عامل 60 جنيه و كان فيه عند بتوع الديكورات المتر بأربعة جنيه اللي بيتلزق علي الاخشاب ..... بس انا كنت عايز اعملها علي الكرال

[saheremara]

انا عملت اللى بيتلزق وكمان البندقية كرال خشب
ودى صورتهاhttp://www10.0zz0.com/2012/05/26/21/950494163.jpg

[Alessandro]

مشكور على الموضوع الجميل ده
و أحلى تقييم ليك

[sniper falkon]

انا عملت اللى بيتلزق وكمان البندقية كرال خشب
ودى صورتهاhttp://www10.0zz0.com/2012/05/26/21/950494163.jpg

مبروك يا باشا البندقية شكلها بقا تحفه بجد

[sniper falkon]

مشكور على الموضوع الجميل ده
و أحلى تقييم ليك

مرسي جدا على التقييم وشرفتني بمرورك ع الموضوع

[sniper falkon]

سألت عند بتوع الكماليات و ده المتر عامل 60 جنيه و كان فيه عند بتوع الديكورات المتر بأربعة جنيه اللي بيتلزق علي الاخشاب ..... بس انا كنت عايز اعملها علي الكرال

انا عملت بتاعتي من اللي المتر بـ 60 جنيه لانها اقوى وافضل من التانيه بكتير .. وانت مش هتحجتاج اكتر من ربع تقريبا يعني هتكلفك حولي 20 او 25 جنيه وتبقا زي الفل انشاء الله :)

[EL MOGY]

تسلم ايدك عالفكرة الجامدة دي
+++++تقييم

[atef2]

الريتاى بارون مسدس فعلا جامدولا الايكول فيرات ارجو الرد بسرعه لو سمحتم

[sniper falkon]

مرسي يا باشا على مرورك وعلى التقييم

[pooforever_2010]

يا جماعه انا شفت المموه والراجل قالى المتر 75 ج بس انا اصلا محتاج المموه الغامق الزرعى
حد يعرف مكانه ومين اللى بيبيع رخيص كده
شكلى حنزل التوفيقيه
والخامه اسمها كاربون استيكر

[الأداره]

موضوع مميز
تم التثبيت

[samraghost]

موضوع جامد وتسلم ايدك والتمويه بقى على الكرال الخشب شكلها جميل وخلى البندقيه شكلها حلو عن الاول

[sniper falkon]

موضوع مميز
تم التثبيت

الف شكر يا باشا على التثبيت واتمنى اني اكون فعلا قدمت حاجه تفيد الاعضاء

[sniper falkon]

موضوع جامد وتسلم ايدك والتمويه بقى على الكرال الخشب شكلها جميل وخلى البندقيه شكلها حلو عن الاول

ربنا يخليك يا باشا ومرسي جدا على مرورك الرائع:)

[pooforever_2010]

يا جماعه انا شفت المموه والراجل قالى المتر 75 ج بس انا اصلا محتاج المموه الغامق الزرعى
حد يعرف مكانه ومين اللى بيبيع رخيص كده
شكلى حنزل التوفيقيه
والخامه اسمها كاربون استيكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[sniper falkon]

يا جماعه انا شفت المموه والراجل قالى المتر 75 ج بس انا اصلا محتاج المموه الغامق الزرعى
حد يعرف مكانه ومين اللى بيبيع رخيص كده
شكلى حنزل التوفيقيه
والخامه اسمها كاربون استيكر

على فكره المتر بـ 60 او 65 بالكتير اوي الراجل ده حب يستغلك مش اكتر وبعدين البندقية مش هتحتاج متر ده البكتير اوي ربع متر او نص متر لو كنت هتعملها كلها يعني هتكلفك حوالي 30 جنيه بالكتير اوي ده لو راجل عنده ضمير .. لكن بالنسبه للون اللي انت بتتكلم عنه انا بصراحه مشفتوش لكن في واحد هنا في الموضوع عمل الكرال بتاعته بس بخامه تانيه لونها قريب من اللي بتتكلم عنه وكمان السعر اقل بكتير بس طبعا الخامه مش قد كده .. وبالتوفيق ان شاء الله:)

[Bebeto]

يا جماعه انا شفت المموه والراجل قالى المتر 75 ج بس انا اصلا محتاج المموه الغامق الزرعى
حد يعرف مكانه ومين اللى بيبيع رخيص كده
شكلى حنزل التوفيقيه
والخامه اسمها كاربون استيكر

انا سألت برضو الراجل بتاع اكسسوارات العربيات اللي المتر للمموه ب 65 جنيه برضه

[حسين ابراهيم حسين]

بصراحة الفكرة حلوة

[حسين ابراهيم حسين]

لو عاوز تشترى الورق المموه فى محلات فى شارع الشهداءبالاسكندرية متخصصة فى جميع انواع الورق

[ghammazat]

بجد تحفة ......عجبتنى فعلا بجد خصوصا انى ظابط جيش ......جارى التجربة ان شاء الله

[عبووود]

انا مش لاقي عندي الفرونايكه ده ... انت حبتو منين .؟؟

[mody_kamal]

ان شاء الله اجيب البندقيه واعملها عليه ان شاء الله بالذات انا جمبي بتوع اكسسورات عربيات كتير جدااااااااا

عندي حوالي 4 او 7 محلات واكتر كمان وفي منه الاسود كمان جامد جداااا

[مورو]

تحفة جداااااااااااااااا

[moorey]

الله ينور تحفه

[ahmadkader]

موضوع رائع جزاك الله خيرا

[Karim Eid]

طيب الراجل ده مكانه فين

[tag]

فكره ممتازه
الله ينور

[mameab]

تمام الله ينور

[خالد القناص]

فكرة ممتازة الله يحفظك

[جولدن ايجل]

فكره جميله جدا تسلم ايدك

[M.SHADY]

فكره حلوه جدا بصراحه

[sniper falkon]

شرفتوني ونورتوني بمروركم جميعا

[دكتور عابدينوف]

ماشاء الله بقت عروسة

[sniper falkon]

ماشاء الله بقت عروسة

مرسي يا دكتور ربنا يخليك:)

[د. محمد]

فكرة ممتازة و ان شاء الله اجربها على الكرال بتاعتي و شكرا ليك يا كبير

[abdelrahman elshiemy]

فكرة جملية جداً
جزاك الله خيراً

[mhmoud6699]

ايه الحلاوه دى يا جامد فورمايكه

[Desert storm]

الله ينور عليك

[sniper falkon]

[bوالله يا جماعة اللي اروع من الفكرة هو مروركم اللي شرفني واسعدني [/b]