معادى شكلها غريب

[zezo bose]

النهاردة كنت راجع من الشغل ووقفت العربية وانا معدى على محل سلاح فى طنطا لقيت فيه بندقية معادى نمرة 2 جديدة بالكرتونة شكلها الدبشك بنى افتكرتها فى الاول نوريكا او جامو وليها حلقتين ربط للحزام الحامل واحد فى الماسورة وواحد فى الدبشك الخشب زى الجامو الهنتر الكلاسيك وشكلها جميل والخامة جميلة وسالت الراجل قاللى دول طوروها حتى لقيت الماسورة قصيرة شوية عن الاول وتخينة فهل فعلا طوروها وده اصدار مطور على فكرة شكلها تحفة وبسالة بكام قاللى 1000 ولكن لما تيجى تشترى هظبطلك السعر ايه حكاية تطوير البندقية المعادى اللى عنده معلومات يفدنى من الاخوة الاعضاء عشان عاوز اشتريها لابنى وتحياتى

[عبووود]

اه يا ريت حد يفيدنا يا رجاله

[zezo bose]

فين الردود يا جماعة

[M.Hatem]

!!!!!!!!!!!!!!!!!!! وانا في انتظار الردود معاك :)

[ahmed yasser]

ياااااه اخيرا ابتدو يطورو عقبال ما يعملو انواع جديدة بس حضرتك ماصورتهاش ليه ؟

[Bebeto]

ياريت حد يقدر يفيدنا و يفيدك

[mohamed salah hassan]

والله شكل ماحدش يعرف حاجه عن تعديل المعادي بس ما اظنش

[M.Hatem]

يعني دبشك جديد فقط ولا البندقيه كا كل؟؟

[zezo bose]

البندقية كلها يا جماعة دبشك بنى شيك جدا والماسورة تخينة خالص عن الشكل القديم والناشينكهات ظبطو خلمتها خالص وفيه حلقتين لحزام حامل واحد فى الماسورة وواحد فى الدبشك زى الجامو الهنتر بالظبط بس رجاء تاكيد كلام التاجر ان فعلا فيه اصدارات جديدة نزلت السوق منها ومنتظر تاكيد المعلومة

[محمد حافظ بك]

يا ريس طالما انت مشوفتهاش قبل كده يبقي مؤكد محدش شافها غيرك او حتي جربها

[samraghost]

ماعتقدش انهم طوروها ولا حاجه واعتقد انها بندقيه تانيه والله اعلم ولكن كان من الافضل تصويرها وعلى العموم فى انتظار الخبر الاكيد من الخبراء

[القبطان المصرى 77]

وممكن يكون الصين قلدت المعادى ونزلتها مصر بشكل جديد
مانتو عارفين ان الصين مش بتسيب حاجه غير لما يقلدوها

[راغب]

ياريتك كنت صورتها

[zezo bose]

عموما انا هصورها وهرفعها لحضراتكم وهى مش صينى خالص دى مكتوب عليها مصنع 54 الحربى حتى على الطابان اللى فى اخر الدبشك هحاول اصورها وانزل صورها

[mohamed_salim75]

عموما انا هصورها وهرفعها لحضراتكم وهى مش صينى خالص دى مكتوب عليها مصنع 54 الحربى حتى على الطابان اللى فى اخر الدبشك هحاول اصورها وانزل صورها

اولا شوف طول الصدر بتاعها وقطره واوعى المنظر والشكل الخارجى يغرك