شهريه الخير لمحبي الغير..من منتدي الصيد في مصر

[عبووود]

السلام عليكم ورحمه الله وبركاته
اخواني اعضاء منتدانا المميز
صلو علي رسول الله
قولو صلي الله عليه وسلم
تكرم اخواننا في موضوع وكانو عايزين يلمو فلوس من المنتدي للمحتاجين
اقولكم ...احنا ما شاء الله عددما كبير في المنتدي صح ... اه صح ... ايه بقي ؟؟
اقولك: احنا نجمع فلوس ماشي ويقوم بتجميعها الناس بتوع الاداره ...طب ليه ؟؟
اقولكم ليه : فيه ناس والله والله والله بتاكل مره واحده في اليوم !!! ده لو كالتها !! مش ريجيم لأ بس مش لاقين ياكلو !!! فعلا ؟؟؟؟ اه فعلا !!:(((
واللي عايش في عشه و و و اللي مخطوبين من 7 و10 سنسن ومش عارفين يتجوزوا ؟؟ووو و
يعني احنا كنا في حته اسمها عزبه ابو حشيش ربنا يحفظكم والله لاتصلح للاستخدام الادمي !!
والناس حالتها صعبه جدااااااااا...كل عشر اسر مثلا عايشين في شقه واحده بعيالهم والحمام مشترك ولا في ميه ولا صرف ولا كهربا ولا اي حاجه ؟؟؟!!
طيب طالما احنا صيادين جدعان ممكن نعمل شهريه الخير من منتدي محبي الصيد
بمعني فلوس تتجمع للخير وكل اللي يقدر يساهم بشئ يساهم بيه
ورحله ميدانيه للمناطق الفقيره ديه وبمساعده ناس من جمعيه رساله للاعمال الخيريه اللي انا عضو فيها فرع حلوان
يورونا الاماكم والناس دول ... ونقدملهم اللي نقدر عليه؟؟
او اي حد من اخواتنا يعرف ناس محتاجه .. نساعدهم واهو تكون صدقه عن نفسنا
ده احنا يا رجاله بنجيب علبه الرش ب 40 جنيه !!
ربنا يبارك ويزيد بس لو نطلع 10 جنيه كل شهر للخير والله والله والله ربنا هيكرمنا اخر كرم :)
وعملا بقول الرسول صلي الله عليه وسلم ((من فرج كربه مسلم ..فرج الله كربته يوم القيامه )) او كما قال رسول الله صلي الله عليه وسلم
عايز رأيكم .. وبجد لازو كلنا نسااااااااااعد بعض
اترككم في رعايه الله وامنه .. وسلام الله عليكم ورحمته وبركاته

[أحمد عطاالله إبراهيم]

فكرة جميلة جدا جدا يا باشا .. ولو الموضوع ده هيبدأ العمل بيه اعتبرنى اول واحد معاكوا ..

تحياتى ..

[عبووود]

طيب يا ؤيت بس الاداره ترد علينا ولو موافقين يكلفوا واحد منهم بعمل جدول ولم التبرعات
وربنا يكرم

[Mohamed El-Hadidy]

طيب يا باشا ما في جمعيات كتير بتعمل نفس الشغل ده.و بتقبل تبرعات من اي حد ..فكره حضرتك هتفرق في ايه؟

[عبووود]

الفكره كلها ان يكون فيه نشاط للخير علي المنتدي بتاعنا ..
يعني اكيد مش كلنا هنا في المنتدي بنعمل اعمال خيريه او بنشترك فيها علي الاقل ؟؟
طب ليه منعملش كده ؟؟
وبعدين الفكره مش فكرتي
انا قايل ان جمعيه رساله وهيدلونا علي الاماكن والناس وو و :)

[عبووود]

خـــيـــــــــــــــــــــــــــــــــــــــــــــ ـــــــــــــــــــــــر :)

[mody_kamal]

فكره حلوه جدااا بس بلاش عزبه ابو حشيش لان كلها تجار مخدرات وكل الي فيها بياعين مخدرات والكلام ده مش

كلام وخلاص انا عرفت ناس من هناك وعارف عاملين ازاي شوف اماكن احسن لان بجد اصلا الي فيها ما يستاهلوش

الربع جنيه وكمان كانو سبب وفاه ولدي منهم لله