دخول بندقيه ضغط هواء من المطار

[mohamed2010habib]

السلام عليكم و رحمة الله و بركاته
واحد زميل ليا مشا فى الاجراءات دى و استلم بندقيه ديانا 350ماجنوم
كان نازل بيها من الامارات و كان معاه فاتورة شرائها
عندما استلم حقائبه و توجه للجمرك
و قبل الشنط ما تدخل على الجهاز
سأله المأمور معاك حاجه تتجمرك
قال له انا معايا بندقيه رش
فقاله هتتحجز و تأخد ايصال و تعرض على الخبير( دى الاجرائات ) ليحدد انها مش سلاح نارى
ثم تعرض على لجنه لتحديد الجمارك و الضريبه و الرسوم
ثم حضرتك تروح تدفع و تستلم....قاله ماشى و أخد الايصال
و بعد حوالى اسبوع الراجل راح و استعلم عن البندقيه بالايصال اللى معاه
و دفع الرسوم و استلم بندقيته
ومفيش تصريح من امانة وزارة الدفاع( لان ده موش سلاح ناري)
و (المعلومه دى من مديرية امن الدقهليه قسم تراخيص السلاح)
و طبعا لو كان الراجل مقالش ان معاه حاجه كانت هتبان على الجهاز زي القشطه
و كان هيتعمله محضر تهرب جمركى و تهريب سلاح لحد ما يتأكدوا انه موش نارى
و هترسى برضه على التصالح بس هيدفع الضعف و هيستلمها...
(ايضا المعلومه دى انا سألت عليها فى المطار شخصيا)
انا حبيت اوضح التجربه دى لأن ناس كتير بيسألوا عن الموضوع ده و ناس بتفيدهم خطأ
و تحياتى للجميع

[mohd_wafik]

طب ممكن تقولنا الرسوم و الضرائب كام بعد اذنك وهل هوه نزل من مطار دبي و لا ابوظبي؟؟

[Angel of Death]

طب لو عاوز أستورد حاجة.. أصلي كنت عاوز أشتري حاجة من على النت؟

[mohamed2010habib]

طب ممكن تقولنا الرسوم و الضرائب كام بعد اذنك وهل هوه نزل من مطار دبي و لا ابوظبي؟؟

1500 جنيه
مطار ابو ظبى
(بس شاريها من دبي بحوالى 1800 درهم)

[mohamed2010habib]

طب لو عاوز أستورد حاجة.. أصلي كنت عاوز أشتري حاجة من على النت؟

موضوع النت دا مقدرش افتى فيه,,,

[tarekvb]

جزاك الله كل خير

[mohd_wafik]

1500 جنيه
مطار ابو ظبى
(بس شاريها من دبي بحوالى 1800 درهم)

يا سيدي انا لا اشكك في كلامك بس من مطار ابوظبي استحاله لانهم لو شافوها في شنطته هتتصادر على طول و هيه من الصياد ألى في دبي بي 1600 جنيه .. انا اعتقد ان نزل من مطار دبي لانه مطار دبي مفتوح اكتر من ابوظبي ... يا ريت حضرتك تتأكد منه من اي مطار بالتحديد ؟؟ و جزاك الله كل خير ...

[samraghost]

مش عارف بصراحه اول مره اسمع ان فيه بندقيه رش عدت من المطار ولينا اخ هنا فى المنتدى له تجربه فى الشراء من النت واتحجزت واتصلوا بيه وراح خد الايصال واتعرضت على اللجنه وكل حاجه لكنه لم يستلمها لانها اتحجزت نهائى لكن موضوع ان البندقيه ممكن تعدى من المطار مش عارف غريبه شويه لكن الله اعلم

[M.Hatem]

اجمالي الرسوم الي دفاعها كام يافندم؟

[mohamed2010habib]

مش عارف بصراحه اول مره اسمع ان فيه بندقيه رش عدت من المطار ولينا اخ هنا فى المنتدى له تجربه فى الشراء من النت واتحجزت واتصلوا بيه وراح خد الايصال واتعرضت على اللجنه وكل حاجه لكنه لم يستلمها لانها اتحجزت نهائى لكن موضوع ان البندقيه ممكن تعدى من المطار مش عارف غريبه شويه لكن الله اعلم

بعد التحيه,,,
لو حضرتك قريب من المطار او رايح توصل حد
اسأل حد من الجمارك و متسألش حد من الامن و الظباط لانهم بيفتوا و خلاص...
و موضوع البريد ده مختلف معرفش حاجه عنه بصراحه انا حتى عايز اشترى فلاش لايت من النت و متردد جدا فى التجربه,,,

[mohamed2010habib]

يا سيدي انا لا اشكك في كلامك بس من مطار ابوظبي استحاله لانهم لو شافوها في شنطته هتتصادر على طول و هيه من الصياد ألى في دبي بي 1600 جنيه .. انا اعتقد ان نزل من مطار دبي لانه مطار دبي مفتوح اكتر من ابوظبي ... يا ريت حضرتك تتأكد منه من اي مطار بالتحديد ؟؟ و جزاك الله كل خير ...

وجزاكم خيرا مثله,,,
من مطار ابوظبي,,,
(الراجل شغال محاسب لشركه تمتلك كافاتيريات فى مطارات الامارات ممكن يكون اتظبط هناك)..

[mohamed2010habib]

اجمالي الرسوم الي دفاعها كام يافندم؟

1500 جنيه
تقبل تحياتى

[mohd_wafik]

وجزاكم خيرا مثله,,,
من مطار ابوظبي,,,
(الراجل شغال محاسب لشركه تمتلك كافاتيريات فى مطارات الامارات ممكن يكون اتظبط هناك)..

ااه وضحت الرؤى يا فندم ربنا يديله خيرها و يكفيه شرهااااا

[Angel of Death]

موضوع النت دا مقدرش افتى فيه,,,
سيادتك عارف غباء بتوع البريد,,,

شكرا يا أستاذ... ما هو عندنا شغالين من غير تفكير.. :)

[hema777h]

هي الديانا 350 بتباع بكام هنا في مصر

[mohamed2010habib]

هي الديانا 350 بتباع بكام هنا في مصر

الجديده اخر سعر سمعته 7000 جنيه

[AMR EBID]

أنا ان شا الله ناوي انزل فايروخ 80 معايا ويكن اشتريها الاسبوع ده

كونت عاوز اعرف الشنطه العلي الطياره وهيا دخله مصر بتعدي علي جهاز قبل ماتوصل للمسافر

ولا اليدوي فقط وانتا يتركب من بره مصر علشان أنا عديت مرتين من المطار محدش يسألني خالص