سرااااااااااااااااااااب العنز

[أبو صفية]

السلام عليكم

إمبيرح 21 / 5 حوالى الساعة 9 صباحا كنت واقف على السطح عندنا و شفت مجموعة من العنز ( اللقلق الأبيض ) و لقيتهم بيلفو حوالى المصرف الى بصطاد منه ما كدبتش خبر و رحت جرى واخد البندقية و الموتوسيكل و رايح أصطاد لكن قبل ما أمشى قلت أخد الهلب بتاعى عشان على الأقل أضمن السمك ما أرجعش خالى الوفاض و ما شاء لقيت سرب فيه أكتر من 100 واحدة طايرة و بيلفو فى الهوا فضلت ماشى وراهم يجى ساعة فردين جناحتهم بس مش بيرفرفوا و مجرد تميل جسمها بس ألاقيهم يبعدوا عنى يجى 2 و لا 3 كيلوا و أنا أجرى و راهم بالموتوسيكل لحد ما زهقت أنا و الموتوسيكل و قلت من فات قديمه تاه و العنز ليه ناسه و رجعت للسمك و الحمد لله ربنا عوض عليا فى السمك و كمان حبتين طير بنسميهم عندنا لباد و دول طعمهم بالضبط زى فراخ المية دا غير غراب لقيته نايم فى العش ضربته مات فى العش حتى ما وقعش و سبحان الله ربنا رزقنى بعنزة طايرة لوحدها بعد السرب و على إرتفاع منخفض سبت السمك و أعدت أجرى وراها يجى ساعة لحد ما الشمس لحستنى و قلت لنفسى دا سراب العنز إقنع بالسمك و روح و روحت بس عينى كانت حتطلع عليها و يلا بارك الله فيما رزق أهو السمك حلو برده
و على رأى المثل العنز حصرم و السمك مستوى

و أسيبكم مع صور السمك الجميلة

http://img525.imageshack.us/img525/2637/dscf2501d.jpg

http://img401.imageshack.us/img401/6049/dscf2500g.jpg

http://img707.imageshack.us/img707/4066/dscf2499j.jpg

[dr_mohasan]

بسم الله ما شاء الله

[عادل عبده]

ماشاء الله ولا قوه الا بالله
تسلم ايدك يا باشا واحلى تقييم

[mohamed2010habib]

ما شاء الله
ربنا يزيد و يبارك
بس انتا عايز ايس تانك او كولمن عشان السمك ما يفسدش

[aymank2]

الف هنا وشف ايا ابو صفيه وسمكه فى ايدك احسن من سرب فى السما ههههههههههههههه ده حتى انا قريت قبل كده ان العنز ده فيه كلام على اكله وبعدين السمك زى الفل اهه وهتحلى بجوز من الطير كمان تسلم ايديك .

[ابو مروان]

هههههههههه_سمك فىى اليد احسن من عنز فى السما_اكيد فعلا_طريقة طيران العنز (اللقلق) بيطير على تيارات الهواء الساخن ويفرد جناحة فقط حتى لايبزل مجهود كبير لضخامة جسمة وبيكون فى شكل دواير ويصعد لطبقات الهواء العاليه_بس اعتقد انه ما بيتاكلش لان معظم اكلة ديدان وفئران وحشرات _السمك احسن يا عم بالهنا والشفا

[الزمر]

ماشاء الله ربنا يزيدك

[أبو صفية]

شكرا للجميع على الكلام الطيب و هوا فعلا أنا عارف إن فيه كلام على أكله لآنى قرأت عنه فى ويكوبيديا بس بصراحة كان نفسى أصيد وحدة حتى لو مش حكلها كنت حديها لناس حتكلها هيا و الفران الى وكلاها بس أبقى صدتها

[samraghost]

احلا تقيم ليك يابو صفيه دايما كده تغيب وترجع بطلعه جميله وبعدين يا راجل حد يسيب شويه السمك الى زى الفل دول ويجرى ورا طائر بياكل حشرات وفئران احسن بردوا انك ماصطدتوش وسلامى ليك

[وليد سعد زغلول]

بسم الله ما شاء الله وبألف هنا وشفا

[hema777h]

انا عايز اجي اصطاد سمك معاك

[hogan]

تسلم الايادى

[أبو صفية]

انا عايز اجي اصطاد سمك معاك

تشرفنا يا باشا حدد اليوم الى يناسبك بس المهم يكون شمس و مفيش هوا و ربك يرزق