مطواة قرن غزال - للتقييم -

[Shooter1]

السلام عليكم ورحمة الله وبركاته اعضاء منتدى الصيد فى مصر الكرام

انا اشتريت المطواة دى من صديق ليا وكنت عاوز اعرف سعرها كام

الحالة العامة بتاعها كويسة جدا والضهرية بتاعها سليمة والخشبة بتاعها قوية جدا ومافيهاش اى كسور

السلاح زى ماحضرتكم شايفين فى الصور فيه شغل كتير

ارجو من الخبراء التقييم

اسيبكم مع الصور

http://www.9wr.me/uploads/13372038611.jpg

http://www.9wr.me/uploads/13372038622.jpg

http://www.9wr.me/uploads/13372038633.jpg

http://www.9wr.me/uploads/13372038644.jpg

http://www.9wr.me/uploads/13372038655.jpg

[mr_ms1985]

تحفه جدا

[isaad]

شكلها محترم بس الشغل الي فيها ده مقلل من قيمتها شويه هي احسن مطوه الي تبئا بحالتها مفيهاش شغل بس مبروك عليك و ربنا يكفيك شرها

[AhmeD EslaM]

لو جنوب افرقيا تعمل فى حدود 25 او 30 ولو بايع انا شارى وابعتلى على الخاااااااااص

[Shooter1]

تحفه جدا

ياباشا والله ماتغلى عليك والف شكر على المرور

[Shooter1]

شكلها محترم بس الشغل الي فيها ده مقلل من قيمتها شويه هي احسن مطوه الي تبئا بحالتها مفيهاش شغل بس مبروك عليك و ربنا يكفيك شرها

والله يا فندم انا خدتها لان حالتها الخارجية حلوة جدا ومافيهاش كسور وضهرية سليمة ومش ملحومة وبالنسبة للسلاح انا معايا سلاح بتاع مطواة قرن غزال خشب قديم برده هاركبه فيها

بس كنت عاوز اعرف تعملها كام ؟

[Shooter1]

لو جنوب افرقيا تعمل فى حدود 25 او 30 ولو بايع انا شارى وابعتلى على الخاااااااااص

ايوة يا باشا هى جنوب افريقى من القديم بس للأسف انا جايبها للأقتناء وليست للبيع وشكرا لمرور حضرتك

[حاتم حسنين]

لو جنوب افرقيا تعمل فى حدود 25 او 30 ولو بايع انا شارى وابعتلى على الخاااااااااص


انا اسف مع احترامى الكامل لحضرتك بس القرن الصينى التعبانة عاملة من 40-50 جنيه انما دى لو افريقى !!!!!!!!!!!!!

[أحمد الغندقلي]

لو جنوب افرقيا تعمل فى حدود 25 او 30 ولو بايع انا شارى وابعتلى على الخاااااااااص

إزاي يا باشا ... هوه بقى في مطاوي ب 30 جنيه اصلا ... ده الصيني إللي اسمه صيني بيتباع ب 40 جنيه

وبعدين لو دي جنوب افريقيا يعني ليبي قديم أو حتى جديد تبقى ف حدود 70 مش 30

ولو لاقيت ليبي على 30 جنيه ... انا شاري منك إتنين ولا تلاته

تقبل مروري

[حاتم حسنين]

لاستاذى صاحب الموضوع الف مليون مبروك ربنا يرزقك خيرها و يكفيك شرها و نصيحة ركبلها السلاح السليم بس خالى بالك و حضرتك بتدق عالمسمار البرشام الجديد بعد التركيب عشان الايد و ربنا يكرمك إن شاء الله و تجيب اكتر من واحدة

[أحمد الغندقلي]

المطوه حلوه جداً على فكره وبالزات الشرشره إللي ف السلاح ... بجد روعه انا اول مره اشوف شرشره بالإحتراف والشكل الجامد ده

ربنا يباركلك فيها

تحياتي

[Shooter1]

المطوه حلوه جداً على فكره وبالزات الشرشره إللي ف السلاح ... بجد روعه انا اول مره اشوف شرشره بالإحتراف والشكل الجامد ده

ربنا يباركلك فيها

تحياتي

اتفضل ياباشا مش تغلى عليك بس كنت محتاج اعرف سعر ليها ؟

[AhmeD EslaM]

يا جماعة كل واحد وعلى حسب مكانو انا عندى بتتباع كدا

[NEW_Year]

مبروك عليك
وربنا يكفيك شرها
من تقديري انا تعملها في رنج من 50-60 بالكتير اوي 70 جنية
لان اللعب في السلاح بيقلل من قيمتة وكمان في كتابة بالحفر علي الخشبة بتاعت المطوة
بالتوفيق

[mostafatawhed]

شكلها جميل جدا

[صياد المنيل2011]

الشغل الى معمول فيها متقن وحلوه ربنا يكفيك شرها

[Shooter1]

مبروك عليك
وربنا يكفيك شرها
من تقديري انا تعملها في رنج من 50-60 بالكتير اوي 70 جنية
لان اللعب في السلاح بيقلل من قيمتة وكمان في كتابة بالحفر علي الخشبة بتاعت المطوة
بالتوفيق

الله يبارك فيك ياباشا
بالنسبة للعب اللى فى السلاح دى سهلة انا معايا سلاح تانى لمطواة قرن غزال قديم برده هاشيل ده واحتفظ بيه واركب السلام التانى بالنسبة للخشبة بتاعها هى سليمة مافيهاش كسور ولا شروخ بجانب ان الضهرية سليمة وغير ملحومة

[Shooter1]

شكلها جميل جدا

الف شكر ياباشا ماتغلاش عليك ومستنى تقييمك بالسعر

[Shooter1]

الشغل الى معمول فيها متقن وحلوه ربنا يكفيك شرها

الله يخليك يا باشا وفعلا احلى حاجة عجبانى فيها بجانب ان ده بيقلل من قيمتها هو الشغل اللى فى السلاح معمول بطريقة جامدة جدا

[Shooter1]

انا اسف مع احترامى الكامل لحضرتك بس القرن الصينى التعبانة عاملة من 40-50 جنيه انما دى لو افريقى !!!!!!!!!!!!!

متشكر جدا لحضرتك على التوضيح والاسعار عندنا فى المحلة رخيصة شوية يعنى القرن الليبى اللى هى خشب قديم بتعمل 60 جنيه جديدة بس بصراحة الواحد يقلق يشتريها من اى حد لان انتا فاهم العملية مش مستحملة الايام دى ههههههههه

[Shooter1]

لاستاذى صاحب الموضوع الف مليون مبروك ربنا يرزقك خيرها و يكفيك شرها و نصيحة ركبلها السلاح السليم بس خالى بالك و حضرتك بتدق عالمسمار البرشام الجديد بعد التركيب عشان الايد و ربنا يكرمك إن شاء الله و تجيب اكتر من واحدة

السلاح موجود بتاع قرن غزال قديمة برده بس سلاحها سليم ومش مسنون لسه هاحاول افك القديم واركبه الف شكر ياباشا على المعلومات

[جولدن ايجل]

المطوه دي ياباشا قرن غزال جنوب افريقي خشب احمر الي احنا بنقول عليها ليبي وانا كنت في العتبه من يومين بامانه الصيني هناك اول كلمه من البياع ب 30 جنيه وسالته علي واحده عضم جابلي زي الي معاك وقالي ب 80 جنيه اول كلمه يعني ممكن تهزها 10 15 جنيه مش اكتر بس سلاحها سليم وقالي بالنسبه للعضم صعب تلاقيها دلوقتي ومبروك عليك وركب السلاح السليم الي معاك مش علشان الشكل بس علشان لقدر الله لو اتمسكت بيها الشرشره دي بتزود في العقوبه

[Shooter1]

المطوه دي ياباشا قرن غزال جنوب افريقي خشب احمر الي احنا بنقول عليها ليبي وانا كنت في العتبه من يومين بامانه الصيني هناك اول كلمه من البياع ب 30 جنيه وسالته علي واحده عضم جابلي زي الي معاك وقالي ب 80 جنيه اول كلمه يعني ممكن تهزها 10 15 جنيه مش اكتر بس سلاحها سليم وقالي بالنسبه للعضم صعب تلاقيها دلوقتي ومبروك عليك وركب السلاح السليم الي معاك مش علشان الشكل بس علشان لقدر الله لو اتمسكت بيها الشرشره دي بتزود في العقوبه

لا يافندم حضرتك المطواة دى مش عضم دى خشب بيقوله عليه خشب كبس او خشب قديم بالنسبة للسعر اللى معروض عليك اعتقد انه كويس

بالنسبة للسلاح انا هاغيره ان شاء الله وبالنسبة لو اتمسكت بيها انا اصلا حضرتك عمرى مابنزل بالحاجات دى انا بجيبها للأقتناء بس
شكراُ على المرور

[BOB20102008]

بص ياباشا اوالان الف الف الف الفف الف الف مبرواك وربنا يكفيك شراها ويديك خيرها

اوالان انا عاوزاك تابعتلى السعر الى انتا اشترتها بيه على الخاصصصصصصصصصصص

ثانين دى متغيرلها مسند لان دى المسندكان صلب كربون ودى حاجه متعبهاش تمام

ثلاثان لمع الهلالين وثلاث نجوم باي ملمع نحاس وافضه

رابيعن الشرشراه جميله جدان بس الهوايه الى فى النص هيا الى بيخه

خامساً عبال العضممممممممم الالمانى جرمنيييييييييييييييييي

[Shooter1]

بص ياباشا اوالان الف الف الف الفف الف الف مبرواك وربنا يكفيك شراها ويديك خيرها

اوالان انا عاوزاك تابعتلى السعر الى انتا اشترتها بيه على الخاصصصصصصصصصصص

ثانين دى متغيرلها مسند لان دى المسندكان صلب كربون ودى حاجه متعبهاش تمام

ثلاثان لمع الهلالين وثلاث نجوم باي ملمع نحاس وافضه

رابيعن الشرشراه جميله جدان بس الهوايه الى فى النص هيا الى بيخه

خامساً عبال العضممممممممم الالمانى جرمنيييييييييييييييييي


هههههههههههههههههههه ايه باشا الاسألة دى هو انا دخلت قسم ولا ايه

بهزر طبعا ياباشا اسألتك على العين والراس

اولا: تم ارسال رسالة على الخاص
ثانياُ : انا مش مغيرلها اى حاجة انا واخدها كده وطبعا الكربون كويس
ثالثاُ : هحاول استخدم البوليش او الكمباوند للتلميع
رابعاُ : كده كده انا هاغير السلاح بسلاح تانى بتاع قرن غزال قديم
خامساُ : ربنا يكرم قريب بحاجة عضم المانى انا معايا عضم احمر بس جنوب افريقى عليها 3نجوم وهلالين

[Killeraa]

جامدا قوي بس ياريت تقول جبتها بكام ؟؟؟

[mr vigo]

هو السلاح حلو وشكله مميز

لكن للأسف الاسلحه القديمه زي القرن غزال بتفقد قيمتها وجمالها لما بيتلعب فيه

لأنه بيكون قيم لما بيفضل زي ماهو

عيب الشرشره الخلفيه دي ان الجراب مش بيحتويها بالكامل وبالتالي لو بتخرج السلاح من جيبك حينتش في

قماش الجيب ويعض معاه جامد لأن الجراب هنا لزم يدخل السلاح للأخر

انت شوهت السلاح لأنك عملت الشرشره على الجزء اللي فيه كتابه

وده شوه الشكل الجمالي للمطوه

لكن مبروك الاقتناء

[M.Magic]

دي ياباشا خشب قديم عادي جنوب افريقيا مفيش حاجه اسمها ليبي
اليبي مش بتبقا كده بتبقا دائريه من عند المسمار

بس المطوه دي خشب احمر من الداخل نوع من انواع الزان وممكن تلعب في الخشبه برحتك مش هاتفلق منك

والشغل السلاح عالي معمول علي مكينه مفاتيح زي الكنت انا بعمله ودا بيديها شكل احلي

بالنسبه للسعر دي من 70-80 ونصيحه

السلاح بذات مش تتكلم في سعر الحاجه بقيمتها وده هتشوفو مع الزمن انا كنت شاري اختها من 5 سنين ب 15 جنيه وعملتها الشغل ده ب5 فضلت معيا 4 سنين بس راحت بقا

مبروك عليك وربنا يكفيك شرها .. تحياتي

[عادل احمد]

المطوة كويسة بس الشغل الى فيها بواخة وعلى العموم هى تساوى 40 او50 جنية مش اكتر

[M.SHADY]

المطواه شكلها تحفه و ربنا يبارك لك فيها

[مؤمن المحارب]

السلام عليكم ورحمة الله وبركاته اعضاء منتدى الصيد فى مصر الكرام

انا اشتريت المطواة دى من صديق ليا وكنت عاوز اعرف سعرها كام

الحالة العامة بتاعها كويسة جدا والضهرية بتاعها سليمة والخشبة بتاعها قوية جدا ومافيهاش اى كسور

السلاح زى ماحضرتكم شايفين فى الصور فيه شغل كتير

ارجو من الخبراء التقييم

اسيبكم مع الصور

http://www.9wr.me/uploads/13372038611.jpg

http://www.9wr.me/uploads/13372038622.jpg

http://www.9wr.me/uploads/13372038633.jpg

http://www.9wr.me/uploads/13372038644.jpg

http://www.9wr.me/uploads/13372038655.jpg
انا مؤمن من اسكندريه عضو جديد والمطوه ديه عجباني اوي وعايز اشتريها ب20 وقتي بس متكنش زفرة

[M.SHADY]

جميله ما شاء الله

[اسلام مجاهد]

هو دي لو غزال افريقي هي تقريبا كده مش واضحه عشان الشغل تعمل حوالي من خمسين ل تمانين جنيه ع ما اعتقد ........... عن نفسي شاريها باربعين السنه الل فاتت وجديده بس طبعا مركونه في المحل من فتره

[mido6670]

انا اسف مع احترامى الكامل لحضرتك بس القرن الصينى التعبانة عاملة من 40-50 جنيه انما دى لو افريقى !!!!!!!!!!!!!

لا لا على فكرة يا باشا انا جايب واحدة على 25 جنوب افريقى والخشب بتعها اسود والسلاح عدالة بس المشكلة انك لا زم تجيب من واحد تعرفه عشان ميعملش عليك مصلحة وتكون تعرف تسلك من الحكومة او الاحسن تبعت حد يجبلك عشان الحكومة ;)

[EL DARSH]

الأخ صاحب الموضوع هى المطواه حالتها 60 % واللى مخلى شكلها مش حلو الشغل اللى فى السلاح بالطريقة دى لأن ده شغل صاروخ أما الأخوه اللى بيقولو أن الشغل اللى فى المطاوى مش حلو فأنا هوريلكم مجموعة من مقانياتى من المطاوى القرن وهتحكمو على الشغل اللى فيها لان مش أى حد يقدر يعمله أما بالنسبة للسعر فالمطواة الخشب الأبيض عامله من 30 ل 50 جنيه وهى صينى أما الخشب القديم اللى زى دى بس بالمناسبة دى ليبى رقم 2 وهى أرخص طبعا من الليبى رقم 1 و إن شاء الله هعمل موضوع عن المطاوى القرن غزال وإزاى نحولها لتحف ونثبت انها لسه مرحتش عليها ... وشكرا للجميع