طلعة الجمعة 11|5 بعد طول غياب

[ابو مروان]

انه فى يوم الجمعة الموافق11|5|2012 وبناحية قرية قريبة من مركز فاقوس
وبناء على طلب الحاح هواية الصيد قمت بالتاريخ المذكور باعلاة وبعد صلاة العصر بالتوجه الى الناحية المذكورة مستخدما بندقية ماركة شنغهاى نمرة 2 ورش مصرى نوع الرماية واسفرت تللك الطلعة عن اصابة عدد(عشر يمامات معظمهم زغاليل) وعدد (2 فرد حمام برى) ومرفق طية صور لمكان الصيد وبعض الحصيلة
بناء علية
انا الصياد سالف الذكر يشرفنى ويسعدنى تلقى ردودكم وتشجيعكم ولا مانع عندى من بعض المدح ................وتفضلوا قبول وافر الاحترام والتقدير
لاجل العلم الصياد
(ابو مروان)

[hesham[MaFya]a]

بسم الله ما شاء الله صياد جميل و و طريقة سرد راااااائعة

[ابو عامر]

بسم الله مشاؤء الله تسلم ايدك واعتبر ده اعتراف بخط ايك ههههههههه بس لو طلعت بدرى يكون افضل

[قناص المنوفيه]

طلعه جميله واحلى تقييم ..

[mohamed2010habib]

طلعه رائعه من صياد أروع,,, تقبل تحياتى

[محمود القاضى]

ههههههههههههههههههههه بس الاعلان ده جايب اجابه
مشاء الله
مبروك الصيد

[mohamed2010habib]

طلعه رائعه من صياد أروع,,, تقبل تحياتى

[القناص فليفل]

هههههههههههههه تسلم ايدك ياباشا بس اسلوبك اسلوب محامين انت محامى صح ؟

[أبو يوسف المصري]

تحية طيبة وبعد
بالإطلاع علي المستندات والصور سالفة الذكر
وبعد اثبات أدلة المذبحة في مضبطة المنتدي
وبناءاً عليه قررنا نحن اعضاء المنتدي دعوة انفسنا لوليمة علي شرفكم
وبالهنا والشفا
ههههههههههه

[وليد سعد زغلول]

بسم الله ما شاء الله طلعة جميلة وموفقة وبألف هنا وشفا

[مصطفى ابواسماعيل]

تسلم ايدك اهو ده الكلام

[Orabi]

مزيد من التوفيق بإذن الله

[mustafa-amer]

ما احلى طلعتك في الريف المصري الرائع

[أبو صفية]

ما شاء الله أبو مروان
بالهنا و الشفا و الزيادة إن شاء الله فى المرات القادمة

[aymank2]

تسلم ايدك ياقناص %100

[ابو مروان]

السادة الزملاء القناصين الاتى اسماؤهم مع حفظ الالقاب(هشام مافيا_ابو عامر_قناص المنوفية_محمد حبيب_محمود القاضى_القناص فليفل_ابو يوسف المصرى_وليد سعد زغلول_مصطفى ابو اسماعيل_عرابى_مصطفى عامر_ايمن_ ابو صفية مللك السمك) اشكركم جميعا على تعليقاتكم المشجعة لى خصوصا وللقناصين عموما فى جميع الموضوعات التى تجعل المنتدى منتدى صيد وتعارف اقوى من الفيسبوك_تبادل الخبرات لايقدر بثمن والتشجيع يحفز الصيادين على الخروج والاستمتاع واشباع الهوايه التى وقعنا جميعا فى عشقها

[ابو مروان]

رد خاص_اى نعم محام _القناص فليفل

[ابو مروان]

بس الملاحظ ان اليمام معظمة زغاليل دلوقتى يعنى اكبر من العفور الكبير شوية _اعتقد كدا ان مافيش يمام لسة راقد على بيض والا لسة ؟ سؤال لاحبائى الخبرة
والزغاليل دى طيبة جدا وما بتديش خوانة خالص اما اليمام العجوز لئيم لؤم الابل_هههههههههه

[samraghost]

ايه يا باشا الحلاوه دى تسلم ايدك بس هو المكان الى حضرتك كنت بتصطاد منه ده فيه فعلا حمام برى مش عارف

[هشام سمير]

ابو مروان الغالى .... وحشتنا طلعاتك يا راجل .... القسم نور بصورك يا غالى

[البطل]

بسم الله مشاء الله ....... تسلم الايادي .... بتوفيق ديما

[ابو مروان]

استاز هشام شرفنى مرورك _ والله الواحد كان مستنى من زمان طلعة كدا بس الطلعة دى ما كنتش مرتب لها جت كدا واحلى حاجة اللى بتيجى بظروفها ان شاء الله هاحاول اطلع ......بعد الطلعةو دى الواحد سخن_ههههههههه

[ابو مروان]

سمارت جوست_المكان دة فية ابراج حمام مهجورة بس كان فيهم جوز وفرد اخدت الجوز والفرد التالت خد رشاية فى جنبة بس طار بعيد مافيش نصيب

[ابو مروان]

البطل_الف شكر ياباشا شرفنى مرورك وتعليقك