نادى الرماية بوادى النطرون

[Muhamed Ismail]

السلام عليكم

ما حدش يعرف عنوان او تليفون نادى الرماية بوادى النطرون . و ياريت لو حد عنده معرفه داخل النادى للاشتراك .

جزاكم الله كل خير

محمد اسماعيل
01221025500

[hema777h]

الي اعرفو ان الاشتراك بيتكلف تقريبا 4000 جنية الي 5000 وداا بيشمل الاشتراك والاجرات هعرف ليك التفاصيل وهرد عليك ان شاء الله

[Muhamed Ismail]

الف شكر ياهيما باشا :)

[hema777h]

العنوان بتاع الادارة خلف مستشفي جراحات اليوم الواحد في وادي النطروان

[Muhamed Ismail]

الف شكر و جزاك الله كل خير ياهيما

[hema777h]

هحاول اجيب رقم التليفون \

[The last knight]

الادارة فى اسكندرية -سبورتنج على الترام العمارة اللى فيها عصير مكة/اللواء علاء برغوت
الاشتراك المفروض انه كان 3500-4000 للمدنيين والمفروض يوصل 10000 او 15000
لو عندك استفسار تانى ابقى ابعتلى

[another_day]

طيب ايه الخدمات اللي بيوفرها للأعضاء؟

يعني فيه ميادين ضرب نار ؟

ورش ولا فيه حي وخرطوش ؟

وهل بيوفروا طلق بأسعار مخفضة للأعضاء ؟

نرجو الافادة إذا تكرمتم

[احمد فتحي]

وبالنسبه لابناء العسكرين ايه النظام

[The last knight]

وبالنسبه لابناء العسكرين ايه النظام
لو الوالد موجود خلى العضوية باسمه وانت تابع
بالنسبة لثمن العضوية المفترض ان هى بقت 10000 او اكتر كمان نظرا للظروف اللى احنا فيها زى ما كل نوادى الصيد غلت عشان التراخيص زى السلاح...
بالنسبة للرماية والكلام ده فيه بس على قده يعنى هو من الاخر شبه مركز الشباب اللى دخله عادل امام فى التجربة الدانمركية
بالنسبة للدعم فى الطلقات الخرطوش.....لايوجد مخزن لهم وبالتالى مش حاتستفيد بحاجة زى اى حد معاه تصريح شراء
بالنسبة للسؤال بقى اللى فى دماغ كل واحد وبيفرك عليه يعنى انت لو عضو حايطلعوا لك ترخيص؟
صعب جدا اولا لعدم الثقة فيه بمعنى ان الداخلية عارفة ان كل واحد حايروح يدفع ولا هو عضو ولا حاجة ويجى يقول انه بطل رماية.....فمش بيدوا ترخيص طبنجات وممكن ممكن فى بعض الاحوال مع الوسايط يدوا ترخيص خرطوش

[Muhamed Ismail]

انا معابا ترخيص مسدس و عاوز اشترى بندقية خرطوش و موظف التراخيص هو اللى نصحنى انى اشترك فيه لانه ارخص نادى و معتمد عندهم علشان اخد موافقة على الخرطوش .

[waleedrahmy]

لو الوالد موجود خلى العضوية باسمه وانت تابع
بالنسبة لثمن العضوية المفترض ان هى بقت 10000 او اكتر كمان نظرا للظروف اللى احنا فيها زى ما كل نوادى الصيد غلت عشان التراخيص زى السلاح...
بالنسبة للرماية والكلام ده فيه بس على قده يعنى هو من الاخر شبه مركز الشباب اللى دخله عادل امام فى التجربة الدانمركية
بالنسبة للدعم فى الطلقات الخرطوش.....لايوجد مخزن لهم وبالتالى مش حاتستفيد بحاجة زى اى حد معاه تصريح شراء
بالنسبة للسؤال بقى اللى فى دماغ كل واحد وبيفرك عليه يعنى انت لو عضو حايطلعوا لك ترخيص؟
صعب جدا اولا لعدم الثقة فيه بمعنى ان الداخلية عارفة ان كل واحد حايروح يدفع ولا هو عضو ولا حاجة ويجى يقول انه بطل رماية.....فمش بيدوا ترخيص طبنجات وممكن ممكن فى بعض الاحوال مع الوسايط يدوا ترخيص خرطوش

حضرتك قلت الخلاصة

[The last knight]

انا معابا ترخيص مسدس و عاوز اشترى بندقية خرطوش و موظف التراخيص هو اللى نصحنى انى اشترك فيه لانه ارخص نادى و معتمد عندهم علشان اخد موافقة على الخرطوش .
والله لو حضرتك مع رخصة سلاح حاتبقى الخرطوش سهلة انما معظم الناس معهاش حاجة وفاكرين انهم لاقوا حاجة لقطة او ماحدش واخد باله منها وخلى بالك بيطلب كمان شهادة الاتحاد المصرى للرماية عشان لو ناوى تعمل العضوية تسأل على الموضوع ده

[محمد عبدون]

ربنا يوفقك

[Muhamed Ismail]

الف الف شكر . و ان شاء اول ما اروح لهم ساروى لكم الاحداث