طلعة لمدة ساعتين وذات الاسدال

[القناص فليفل]

مساء الخير على كل قناصى المنتدى الشرفاء قررت اليوم اطلع طلعة صيد بعد العمل وبدات الطلعة فى حوالى الرابعة بعد الظهر وكانت طلعة جميلة وموفقة فقد اصطدت عدد ثلاثة حمامات وثمان يمامات بخلاف الذى لم استطيع ان اتحصل علية والجميل ان اغلب الاهداف قد حصلت عليها حية فاصابتها ما بين اصابة فى الجناح او اصابة مباشرة فى الجسد الا انها جميعا كانت حية وبينما كنت اتجول شاهدت يمامة على احد اعمدة الانارة فضربتها فاصيبت فى جناحها فطاردتها واثناء مطاردتى لها فوجئت بسيدة كانت تشاهدنى من البلكونة فنزلت مسرعة وكانت ترتدى اسدال ومعها زوجها وبدات بالصياح حرام عليك انت بتصطاد الطيور دى لية دول عندهمم بيبهات فقلت لها اية؟ قالت بيبهات يعنى يمام صغير وانت كدة بتقتل يامامتهم يا باباهم حرام عليك وشاهدت وكان زوجها يقف بجوارها وهو من الاخوة الملتحين فنظرت لة لة نظرة عسى ان يهدى زوجتة ففوجئت بة يقول يا اخى ربنا يهديك هذا الطير امن ويسبح للة فكيف تقتلة وهنا لم اتمالك نفسى فقلت لة ياشيخ القرأن حلل الصيد حيث قال فى كتابة (وحلل لكم صيد البر والبحر) فرد قائلا ايوة صيد البر يعنى تصطاد غزلان ارانب لكن اللى بتعملوا دة صيد هواء ودة حرام فلم اتمالك نفسى وقلت لة انا بقى باحب اكل حرام ولعلمك انا متربى على اكل الحرام للانى بصطاد واكل يمام من زمان وانتى يا مدام هاتى بزازة علشان ترضعى بيبهات اليمام اليتامى ولم اشأ ان ادخل معهم فى مناقشة عقيمة وجدال باهت وتذكرت حكمة تقول اذا ناقشت عالما لغلبتة واذا ناقشت جاهلا لغلبك اسف للاطالة وشكر لكم وارجو التقييم محمود

[اسلام البحراوى]

الله ينور بس بلاش الحمام ده عشان ده مش بري ده بلدي بتاع ناس

[قناص المنوفيه]

مشاء الله طلعه جميله وصور تحفه يا عمو
وسيبك من المتأسلمين دول ما بيفهموش حاجه اساسا فى الدين
قال صيد غزلان وارانب وطيور لا ههههههههههههههههههه
أحلى تقييم يا برنس

[قناص المنوفيه]

الله ينور بس بلاش الحمام ده عشان ده مش بري ده بلدي بتاع ناس

هو بيصطاد دايما الحمام اللى على مصانع
او مبانى مهجوره او جوامع وده ميه فى الميه
بيبقى حمام بلدى طفشان من صحابه ومولف ع البرى

[Orabi]

والله ما عارف أبطل ضحك .. علي موضوع بيبيهات و باباهم و ممامتهم ..
أحلي تقييم مني يا باشا علشان الموضوع حلو بجد ..
أرجو من سيادتك أن تسرع في ذبح الطير و تزكيته سريعاً حتي لا يتألم كثيراً بعد الضرب..
و كما قال رسول الله صلي الله عليه وسلم "أحسنوا الذبحه"

تقبل تحياتي و تقييمي :)

[القناص فليفل]

استاذ اسلام تحياتى لك بس لازم تعرف انى باتحرى الدقة المطلقة اثناء صيدى ولايمكن ان اضرب حمامة بتاعة ناس والحمام دة معشش فى مصنع يونى ليفر مصر وشكرا ليك

[القناص فليفل]

اشكرك يا دكتور احمد وطول ما احنا بنصطاد ياما هانشوف ونسمع المشكلة ان كل واحد بيفتى ربنا يهدينا اجمعين

[القناص فليفل]

اشكرك عرابى بك على تعليقك الجميل الست كانت عايشة دور الحنية اوى على اليمام وحسستنى انى دموى ودراكولا وانى السبب فى المأساة الاسرية التى تحدث لليمام طبعا اولاد اليمام اللى بيموت بباهم بيسرحوا فى الاشارة وبنات اليمام بينحرفوا فى شارع الهرم ههههههههههههههههههههههههههههههههه

[القناص فليفل]

الحمد للة ذبحتة فور عودتى للبيت شكرا استاذ عرابى

[Orabi]

الحمد للة ذبحتة فور عودتى للبيت شكرا استاذ عرابى

يا فندم أنا أسف للأطاله، بس حضرتك لازم يكون معاك مطوه أو سكينه تذكي بها الطير فوراً إذا أدركته حياً حتي تُٰريحُه سريعاً و لا تتركه يتعذب لأن هذا من شروط حسن الذبحه كما أوصانا رسولنا الكريم.
فمينفعش حضرتك تسيبهم لحد ما ترجع البيت :)

أسف مره أخري للإطاله و تقبل تحياتي

[القناص فليفل]

حاضر يا استاذ عرابى ان شاء اللة اذبحهم فور صيدهم وشكرا على المعلومة القيمة تحباتى

[Orabi]

حاضر يا استاذ عرابى ان شاء اللة اذبحهم فور صيدهم وشكرا على المعلومة القيمة تحباتى

أنا أسف يا فندم و الله للإطاله.. أنا عارف إن حضرتك صياد قديم و عارف الكلام ده كله .. و أنا شخصياً و غيري ينال منا السهو. ما ذكرته ليس إلا تذكره كما يذكرني عند سهوي أصدقائي.

تقبل تحياتي :)

[dr_mohasan]

واضح أن حضرتك أصبحت عاشق للصيد , بسم الله ماشاء الله

ولكن يجب أن تسارع بذبح الطير بعد صيده مباشرة ولا تتركه يتعذب بإصابته طول هذه الفترة حتى رجوعك للبيت

ونصيحة للإخوة اللى كل شــوية يقولوا أن الحمام ده بتاع ناس , الحمام بتاع الناس مش بالشكل و لكن بمكان صيده , واحنا كتير جداً بنشوف و نصطاد حمام زى ده من أماكن صحراوية مافهاش بنى آدم , بلاش يا جماعة نكرّه بعضنا فى الهواية ولتكن النصيحة بالحســـنى

والغريب أن معظم الأعضاء اللى بيقولوا كدة مش صيّادين أصلاً و عمرنا ماشفنالهم أى طلعات صيد فى المنتدى
( انا بتكلم بشكل عام ولا أقصد هذا الموضوع بالذات )

[القناص فليفل]

اشكرك استاذ عرابى فانا اعتدت ان اتقبل النصائح بصدر رحب وخصوصا ان كلام حضرتك اقرب للمنطق والشرع تحياتى لشخصك الكريم

[القناص فليفل]

اللة اكبر عليك دكتور محسن فعلا انت صياد ذو خبرة كبيرة فعلا الحمام بمكان صيدة وليس بشكلة تعبير محترم يحسم القضية برمتها وشكرا على نصيحتك بذبح الصيد فورا تحياتى لحضرتك

[hema777h]

اشكرك عرابى بك على تعليقك الجميل الست كانت عايشة دور الحنية اوى على اليمام وحسستنى انى دموى ودراكولا وانى السبب فى المأساة الاسرية التى تحدث لليمام طبعا اولاد اليمام اللى بيموت بباهم بيسرحوا فى الاشارة وبنات اليمام بينحرفوا فى شارع الهرم ههههههههههههههههههههههههههههههههه

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههه
مش قادر امسك نفسي من الضحك

[القناص فليفل]

ههههههههههه دوم الضحكة اخى هيما

[hesham[MaFya]a]

ههههههههههههههه لا بجد اسلوب سرد تظلمه كلمة رائع :) دائماً نتعلم من حضرتك أ/محمود و بالنسبة للشخصية الملتحية ديه فقابلنا منهم و العدد فى اللموووووون و كنت بحاول اتجنبه احسن لأنه شايف نفسه فاهم و بدون اى ادله!!

[القناص فليفل]

هشام بك اشكرك على ردك المحترم العفو انا اخوك وكلنا بنتعلم وانا اول تلميذ فى هذا المنتدى وتأكد ان فية ناس بتفتى دون علم علينا ان نتجنبهم واذا اردنا الفتوى فكتاب اللة وسنة رسولة لم يتركا شىء الا ووضعا لة احكاما وذا التبس الامر فدار الفتوى موجودة ولا ناخد الفتوى من هؤلاء اشكرك على ردك

[hesham[MaFya]a]

بص حضرتك بصة على الفيديو ده

http://www.youtube.com/watch?v=pPn0M_kbEEg

[akel]

السلام عليكم ورحمة الله وبركاته .
تحية طيبة لجميع أعضاء المنتدي المحترمين وخاصة الأستاذ (القناص فليفل ) .
رغم أني دائما أكتفي بمتابعة المواضيع فقط دون التعليق عليها نظرا لضيق وقتي الا أن موضع حضرتك من المواضيع الهامة (تعليقات العامة والجهلاء علي هواية الصيد) . ولكنك أضفت الي الجهلاء جاهل خاص وهو الأخطر علي الأطلاق والذي يفسر الدين والنص القرآني حسب فهمه ومزاجه الخاص وللأسف الشديد مظهره متدين هو السيدة حرمه المصون والمحروسة من العين بتاعة الببيهات . لحية واسدال . ياسلااااام ...ليس طعنا أبدا في الأفتداء بالسنة النبوية المطهرة ولكن أقصد أن يكون الأقتداء ليس بالمظهر فقط ولكن عملا أيضا .
ونصيحة أخوية من صياد قديم محروم من ممارسة هوايتة من سنين طويلة . أن تتجنب المناطق السكنية قدر الامكان واذا لزم الأمر تتحلي بالصبر واللباقة وحسن التصرف مع العامة والجهلاء ويكون الرد علي جهلهم بالحسني .
ووالله الذي لا اله الا هو .هذه التعليقات الجاهلة منعتني ومنعت الكثير من غيري وحرمتهم من ممارسة هواية الصيد الجوي . هههههههههه طبعا حسب المفهوم الحديث للصيد .وتصحيحا لآية الصيد الذي ذكرها الأستاذ فليفل في بداية موضوعه. قوله تعالى : { أحل لكم صيد البحر وطعامه متاعا لكم وللسيارة وحرم عليكم صيد البر ما دمتم حرما واتقوا الله الذي إليه تحشرون } .الآية 96 من سورة المائدة .
أخوكم في الله محمد

[مصطفى ابواسماعيل]

تسلم ايدك الله ينور عليك

[hogan]

واللهى مش عارف ارد اقولك اه بس واللهى تسلم ايدك
ههههههههههههههههههههههههههههههه

[NEW_Year]

اشكرك عرابى بك على تعليقك الجميل الست كانت عايشة دور الحنية اوى على اليمام وحسستنى انى دموى ودراكولا وانى السبب فى المأساة الاسرية التى تحدث لليمام طبعا اولاد اليمام اللى بيموت بباهم بيسرحوا فى الاشارة وبنات اليمام بينحرفوا فى شارع الهرم ههههههههههههههههههههههههههههههههه


هههههههههههههههههههههههههههههههههههه
طلعة موفقة وطريقة حكايتك للطلعة طريقة جميلة
بالتوفيق

[aymank2]

طلعه موفقه والف هنا وشفه والله انا فرحان انى بنتمى لنفس المنتدى الى حضرتك فيه بالنسبه لرد الدكتور محسن رد من الاخر احييك عليه يادكتور فعلا جبت من الاخر.وفعلا ياباشا لازم تدبح الطير اول متمسكه بس ياريت تفيدنا بقى لو الواحد اتمسك ومعاه السكينه بتاعت التذكيه ايه الموقف القانونى .

[msa_79]

أستاذ فليفل واضح ان حضرتك صياد كبير وبصراحه بتعجبني جدا مواضيع حضرتك ولعل ربنا ييسر ونتقابل مره في طلعة صيد ولو حتي طلعة سريعة
بس ياريت تدبح الحمام علطول عشان تريحه
:)يعني هيا جت عليا لازم اقولها انا كمان

[أبو صفية]

بسم الله ما شاء الله على الصيد و بالهنا و الشفا

بس بصراحة و كحال الكثير من الإخوة المحترمين تعليق بس على سرعة الذبح لتريح الذبيحة

و أنا عن نفسى كنت بصطاد النهاردة و قابلنى فلاح على المصرف و أنا بصيد سمك و قللى حرام عليك تضرب السمك بالنار السمك يا يتصاد بالشبك يا بالصنارة ضرب النار للطيور و الحيوانات زهئت شرح له إنه مش حرام
ولا حياة لمن تنادى كان معايا واحد صحبى قاله ما هوا السمك بيطير برده و كدا صيده حلال الراجل زعل و قال ما تضربوش قبالى

[messam]

الله اكب انت بتصطاد الحمام واليمام صاحى... ياريت تقولى بينيى وبينك كدا من اى فرارجى جايبهم ومتخفش احنا ستر وغطا على بعض .. الله ينور ودايما للأمام ياقناص

[mohamed2010habib]

بسم الله ما شاء الله على الصيد و بالهنا و الشفا

بس بصراحة و كحال الكثير من الإخوة المحترمين تعليق بس على سرعة الذبح لتريح الذبيحة

و أنا عن نفسى كنت بصطاد النهاردة و قابلنى فلاح على المصرف و أنا بصيد سمك و قللى حرام عليك تضرب السمك بالنار السمك يا يتصاد بالشبك يا بالصنارة ضرب النار للطيور و الحيوانات زهئت شرح له إنه مش حرام
ولا حياة لمن تنادى كان معايا واحد صحبى قاله ما هوا السمك بيطير برده و كدا صيده حلال الراجل زعل و قال ما تضربوش قبالى


:)ههههههههههههههههههههههههههههههههههه:)
حلوه السمك بيطير برده,,,, و الله هنتجنن قريب

[zezo bose]

اخى العزيز اولا طلعة موفقة ثانيا كل منا له وجه نظر يجب ان نحترمها وانا معك ان الرجل وامراته قد يفهمون الامر فهم خاطىء او مزودينها شوية ولكن انا احييك على لباقتك فى حوارهم وانهائك للموضوع بهدوء ولكن انا مع راى الاستاذ محمد ( akel)تماما وهو ان نبتعد قدر الامكان عن الاماكن السكنية فى الصيد وده لاسباب كتير لان ممكن تلاقى الفاهم ويتجاوب معك بل يحييك فى الصيد ويرحب بك وفيه اللى مش فاهم وممكن يعاملك بطريقة لا ترضيك وفى الاخر ممكن تحصل مشاكل لايحمد عقباها فيجب ان نتجنب قدر الامكان المناطق السكنية وان نتعامل مع الناس بهدوء وابتسامة تغنى عن الدخول فى مهاترات نحن فى غنى عنها وكثير منا تعرض لمثل هذه الامور وعموما موفق فى صيدك وبالهنا والشفا وحاول تزكى الصيد بذبحة لو نزل فيه الروح وتحياتى

[ابو مروان]

طلعة موفقة وسرد رائع للقصة والملاحظ يا باشا ان طلعات حضرتك تتميز بالصيد وفى نفس الوقت المواقف الكوميدية هى كوميديا سوداء ولكن هى ما نحيا فية الان البعض تاخذة الشفقة باليمام والحمام ولا تاخذة مثل هذة الشفقة بالبشر الذين يقتلون على ارض مصر الامنة _رجاء خاص عند وجود حضرتك مرة اخرى بالقرب من الست شفيقة وزوجها الاستاز شفيق قولهم _ انتخبوا احمد شفيق خير من يمثلكم_هههههههه

[WEKA]

أنا أسف يا فندم و الله للإطاله.. أنا عارف إن حضرتك صياد قديم و عارف الكلام ده كله .. و أنا شخصياً و غيري ينال منا السهو. ما ذكرته ليس إلا تذكره كما يذكرني عند سهوي أصدقائي.

تقبل تحياتي :)


الله يفتح عليك و جزاك الله خيرا

[adel_7768]

طلعه جميله بالتوفيق انشاء الله

[م اسامه كمال]

الحمام ده بلدى وبتاع ناس وانته كده فعلا بتاكل حرام

[القناص فليفل]

تدوم االضحكة اخى هيما هههههههههههههههه اهو كويس اننا نضحك فى اليومين دول

[القناص فليفل]

ابو مروان ههههههههههه طيب قولى شفيقة متجوزة شفيق ها يخلفوا اية؟ واللة انت زى العسل

[القناص فليفل]

استاذ عادل اشكرك على ردك الجميل تحياتى

[القناص فليفل]

اشكرك استاذ ويكا على تعليقك المحترم على نصيحة استاذ عرابى الجميلة

[قناص المنوفيه]

الحمام ده بلدى وبتاع ناس وانته كده فعلا بتاكل حرام

ما تعرفناش بحضرتك مين الاخ لو سمحت وفعلا زى ما قال الدكتور محمد حسن
ولا عمرنا شفناهم اصطادوا ولا شفنا ليهم طلعات
وبعدين حسن الفاظك عشان هتاخد منى واحده بروماجنوم بين عنيك ان شاء الله

[القناص فليفل]

دة رايك وبالرغم انة مش صحيح فانا باحترمة وشكرا على زوقك مهندس اسامة كمال

[القناص فليفل]

يادكتور احمد لا تنفعل انا قلت فى اخر كلامى فى القصة اية اذا ناقشت عالما لغلبتة واذا ناقشت جاهلا لغلبك كدة اكيد هو غلبنا هههههههههههههههههههههههههه

[القناص فليفل]

اشكرك اخى زيزو على كلامك الجميل وردك الرائع

[القناص فليفل]

شكرا استاذ محمد على كلامك الجميل ونصائحك المحترمة تحياتى

[القناص فليفل]

استاذ مصطفى اسماعيل اشكرك على ردك المحترم وتشجيعك لى

[القناص فليفل]

القناص هوجا شرفتنى بتعليقك الجميل وبالرغم انى با خاف من هوجن وبحبة فى نفس الوقت هههههههههه

[القناص فليفل]

استاذ نيويير على فكرة انت بتحب الضحك ودمك خفيف ههههههههه وشكرا على تشجيعك لى محمود

[القناص فليفل]

طلعه موفقه والف هنا وشفه والله انا فرحان انى بنتمى لنفس المنتدى الى حضرتك فيه بالنسبه لرد الدكتور محسن رد من الاخر احييك عليه يادكتور فعلا جبت من الاخر.وفعلا ياباشا لازم تدبح الطير اول متمسكه بس ياريت تفيدنا بقى لو الواحد اتمسك ومعاه السكينه بتاعت التذكيه ايه الموقف القانونى .

اشكرك على زوقك ودة شرف الى صداقتك وزمالتك بهذا المنتدى المحترم وفعلا رد الدكتور محسن قاطع ورائع

[القناص فليفل]

طلعه موفقه والف هنا وشفه والله انا فرحان انى بنتمى لنفس المنتدى الى حضرتك فيه بالنسبه لرد الدكتور محسن رد من الاخر احييك عليه يادكتور فعلا جبت من الاخر.وفعلا ياباشا لازم تدبح الطير اول متمسكه بس ياريت تفيدنا بقى لو الواحد اتمسك ومعاه السكينه بتاعت التذكيه ايه الموقف القانونى .

شكرا على ذوقك وانا ها انزل موضوع عن الحكم القانونى لحيازة السكينة

[القناص فليفل]

بسم الله ما شاء الله على الصيد و بالهنا و الشفا

بس بصراحة و كحال الكثير من الإخوة المحترمين تعليق بس على سرعة الذبح لتريح الذبيحة

و أنا عن نفسى كنت بصطاد النهاردة و قابلنى فلاح على المصرف و أنا بصيد سمك و قللى حرام عليك تضرب السمك بالنار السمك يا يتصاد بالشبك يا بالصنارة ضرب النار للطيور و الحيوانات زهئت شرح له إنه مش حرام
ولا حياة لمن تنادى كان معايا واحد صحبى قاله ما هوا السمك بيطير برده و كدا صيده حلال الراجل زعل و قال ما تضربوش قبالى

هههههههههههههههه معلش يا ابو صفية الناس دى بنقابلها كتير وبعدين فين السمك اللى اصطادتة النهاردة هههههههههه

[القناص فليفل]

ما تعرفناش بحضرتك مين الاخ لو سمحت وفعلا زى ما قال الدكتور محمد حسن
ولا عمرنا شفناهم اصطادوا ولا شفنا ليهم طلعات
وبعدين حسن الفاظك عشان هتاخد منى واحده بروماجنوم بين عنيك ان شاء الله

دكتور احمد ماتزعلش نفسك شفت انا قلت اية فى اخر قصتى اذا ناقشت عالما لغلبتة واذا ناقشت جاهلا لغلبك اعتبر كلامة صحيح وغلبنا ههههههههههههههههههههههههههه

[القناص فليفل]

الله اكب انت بتصطاد الحمام واليمام صاحى... ياريت تقولى بينيى وبينك كدا من اى فرارجى جايبهم ومتخفش احنا ستر وغطا على بعض .. الله ينور ودايما للأمام ياقناص

ههههههههههههههههه قارى افكارى دايما الحمام دة انا شارية من ام عبدة بتاعة الشاى

[محمد ناصر]

أولا طلعة موفقة ، وبالهناء والشفاء

ثانيا مسألة صاحبنا المفتي دعك منها ولا تلقى لها بال .. وأعلم أنه ليس كل من اطلق لحيته يكون على علم
وهذا ليس تقليلا من شأن اللحية طبعا فهى واجبة على كل مسلم .. ولكن المسألة فيمن يفتي بغير علم فيَضل ويُضل

وأقول لك وصفة طيبة إن شاء الله تعرف بها متانة الرجل في دينه وهل هو على بينة من أمره أم صاحب هوى
وهى وبكل بساطة أن تنظر لأدلة الرجل ، فإذا رأيت رجل يتكلم أمامك بالحجة والبرهان ويقول لك (آية من كتاب الله ويقابها حديث عن رسول الله ويقابل الإثنان شاهد من قول أو فعل أحد السلف أو العلماء الربانيين يؤكد فهمه وحجته)
فإذا رأيت الرجل ينقل عن العلماء الكبار ولا يتدخل بهواه ورأيه العقلى فهو إن شاء الله على خير
وأما إذا رأيته يجادلك (بالعقل والمنطق) فانفض يدك منه ودعه يكلم نفسه

وأخيرا بارك الله لك فى صيدك ، ونسأل الله أن يصرف عنا الجهل وأصحابه

وعلى فكرة أنا مسلم (سلفى) ملتحي بفضل الله ، ولسة واكل يمام امبارح

[akel]

الحمام ده بلدى وبتاع ناس وانته كده فعلا بتاكل حرام

الأخ الفاضل م اسامة كمال . للأسف الشديد جانبك الثواب في تعليقك . وحتي لو كلامك صحيح ومتأكد من صحته يجب أن تكون النصيحة في اطار من الود مثل النصائح الأسرية بين أهل البيت الواحد والذي يمثله هذا المنتدي الراقي . وأعتقد أن معظم الأعضاء هنا ميسورين الحال ومن أعرق الأسر ولن يدني نفسه من أجل حمامة عجوزة وزنها جرامات . والا بماذا تفسر أن يسافر عضوا من الأعضاء بسيارته ويقطع عشرات الكيلومترات ويقضي يومه بحثا عن صيد بضع يمامات لايساوي ثمنهم أي قيمة مادية مقارنة لكل هذه التضحيات . ( مال وتعب جسم ووقت ) فمثل هذا الصياد المحب والمضحي في سبيلها لابد أن يكون من أنبل وأرقي الناس .
محمد أبو عبد الرازق .

[mohamed2010habib]

بعد اذن جميع الاخوه الافاضل
مش كل شويه يطلع اخ و يحكم و يجزم ان الحمام بلدى و بتاع ناس
ومحدش ينسى ان ربنا هو اللى يحاسبنا
قال الله تعالى:
(اليوم تجزى كل نفس بما كسبت لا ظلم اليوم إن الله سريع الحساب )
صدق الله العظيم

[م اسامه كمال]

اخوانى انا اسأت التعبير ارجو ان يقبل الاستاذ فليفل اعتذارى

[محمد صلاح الدين]

اللة ينور عليك محمود باشا

الديانا حولت معاك لبندقية قناصة

[ابو مروان]

شفيق اتجوز شفيقة يخلفوا احمد شفيق_ههههههههههههه

[maheradv]

الساده الافاضل
اولا صيد موفق للجميع انا مازلت صياد مبتدئ و لسه بتعلم
و لكن لفت انتباهي ان في نبره سخريه علي اللحيه و الاسدال
اتمني اننا لا نخلط بين كون الشخص ملتحي او زوجته لابسه اسدال او نقاب
لأن الاسلام حجه علي البشر
و ليس البشر حجه علي الاسلام
اتمني ان نحترم بشكل او باخر شكل المسلم الملتزم و نحترم المرأه المستوره التي تلبس زيا شرعيا
يعني لما نقول رأي خطأ لا نربط بين رأيه و بين شكله الذي يمثل المسلم الصحيح
اتمني ان تكون الفكره وصلت
و اتمني لحضراتكم مزيدا من اتقان الرمايه بجانب السباحه و يا ريت ركوب الخيل

[القناص فليفل]

كلام جميل ورائع تسلم اخى العزيز على ردك الجميل

[القناص فليفل]

الساده الافاضل
اولا صيد موفق للجميع انا مازلت صياد مبتدئ و لسه بتعلم
و لكن لفت انتباهي ان في نبره سخريه علي اللحيه و الاسدال
اتمني اننا لا نخلط بين كون الشخص ملتحي او زوجته لابسه اسدال او نقاب
لأن الاسلام حجه علي البشر
و ليس البشر حجه علي الاسلام
اتمني ان نحترم بشكل او باخر شكل المسلم الملتزم و نحترم المرأه المستوره التي تلبس زيا شرعيا
يعني لما نقول رأي خطأ لا نربط بين رأيه و بين شكله الذي يمثل المسلم الصحيح
اتمني ان تكون الفكره وصلت
و اتمني لحضراتكم مزيدا من اتقان الرمايه بجانب السباحه و يا ريت ركوب الخيل

اخى العزيز اننا نحترم الاسلام واللحية والاسدال ولا نسخر من السيدة او زوجها فى مظهرهم ولكننا نتكلم عن الافكار الفقيرة وعن الفتوى التى قد تصدر من ناس غير مؤهلين لها فليس كل ذو ذقن اهل للفتوى فالفتوى تختص دار الفتوى التى تضم علماء المسلمين وشكرا لك

[القناص فليفل]

استاذ اسامة لا داعى للاعتذار فنحن اخوة واوصيك بالا تتسرع فى الحكم على الامور تحياتى لشخصك الكيم

[القناص فليفل]

اللة ينور عليك محمود باشا

الديانا حولت معاك لبندقية قناصة

بعد اذن جميع الاخوه الافاضل
مش كل شويه يطلع اخ و يحكم و يجزم ان الحمام بلدى و بتاع ناس
ومحدش ينسى ان ربنا هو اللى يحاسبنا
قال الله تعالى:
(اليوم تجزى كل نفس بما كسبت لا ظلم اليوم إن الله سريع الحساب )
صدق الله العظيم

واللة تسلم يا باشا على الكلام الجميل دة

[القناص فليفل]

الأخ الفاضل م اسامة كمال . للأسف الشديد جانبك الثواب في تعليقك . وحتي لو كلامك صحيح ومتأكد من صحته يجب أن تكون النصيحة في اطار من الود مثل النصائح الأسرية بين أهل البيت الواحد والذي يمثله هذا المنتدي الراقي . وأعتقد أن معظم الأعضاء هنا ميسورين الحال ومن أعرق الأسر ولن يدني نفسه من أجل حمامة عجوزة وزنها جرامات . والا بماذا تفسر أن يسافر عضوا من الأعضاء بسيارته ويقطع عشرات الكيلومترات ويقضي يومه بحثا عن صيد بضع يمامات لايساوي ثمنهم أي قيمة مادية مقارنة لكل هذه التضحيات . ( مال وتعب جسم ووقت ) فمثل هذا الصياد المحب والمضحي في سبيلها لابد أن يكون من أنبل وأرقي الناس .
محمد أبو عبد الرازق .

استاذ محمد عبد الرازق كلامك ماشاء اللة جميل ومحترم وللاسف فية ناس لا يفهمون هواية الصيد الراقية باسلوب سليم تحياتى اخوك محمود

[darkshaft]

هههههههههههههههههههههه الله ينور.

[Mahmoud@Sniper]

ههههههههههههههه حلوة ببيهات دى ..قلب امك يا احبيبتى