الحقوني هتجنن !!!!!!!!

[sniper falkon]

الموضوع باختصار اني خلصت علبتين رش عشان اظبط الاسكوب عشان النشان كان بايظ خالص بعد ما فكيت الاسكوب وركبته تاني ..
المهم انا اللي هيجنني اني رسمت علامة + عشان اضبط عليها النشان على قطعة خشب وبعد ما ظبطت النشان على الخط الرأسي اللي هو اتجاه يمين وشمال .. ابتديت اضبط النشان على الخط الافقي اللي هو فوق وتحت لان النشان كان بيرمي فوق بحوالي 5 سم وانا طبعا كنت بظبط النشان على بعد 15 متر تقريبا ..
اللي حصل اني لما ظبت النشان على الخط الرأسي ابتديت اظبط على الافقي والحمدلله اتظبت بس في نفس الوقت النشان ع الخط الرأسي حدف يمين بحوالي 3 سم ..
وهكذا بقا اظبط اتجاه يبوظ التاني لحد لما خلصت علبتين رش وفي الاخر اليأس حطمني وقررت اني انسى الموضوع لحد ما اشوف حل ..
وطبعا مفيش احسن اخواتي الكبار في المنتدى واللي عندهم خبرة يفيدوني في الحكايه ..

واسف للاطالة .. واتمنى المساعده في اقرب وقت

[Dodo dababa]

نوع البندقيه أيه؟
في الغالب حضرتك فكيت المفاتيح بتوع الضبط أكثر من اللازم للتأكد ممكن
1- تضبط الأرتفاع على النصف بالضبط و المفتاح اللأفقي كمان
2- تضرب مجموعه من عشر طلقات
3- المجموعه المفروض تطلع أوطى من مكان مانشنت بس مش مشكله مش هو ده الي بندور عليه
4- شوف شكل المجموعه مدوره يبقى الحل بسيط لكن لو المجموعه في شكل بيضاوي أو خط يبقي السكوب محتاج تصليح
5- لو المجموعه مدوره فك السكوب و و ضع كرت ورق تحت الحامل الخلفي

[اسلام البحراوى]

وممكن حاجه ابسط بكتير ممكن نوع الرش وحش

[dr_mohasan]

إيه نوع البندقية و الســـكوب ؟

[hogan]

اتمنى ان الاعضاء يفيدوك

[sniper falkon]

إيه نوع البندقية و الســـكوب ؟

البندقية : تل lg527 صناعة مجري
نوع الاسكوب : نوريكا 4*15 صتاعة اسبانية
الرش : مارسمان ، رماية

[messam]

السلام عليكم ازيك يا باشا اولا انصحك بتغيير الرش واستخدم جامو ماتش ديابلو .. ثانيا اضبط التليسكوب على مسافة 20 متر ويكون الهدف على شكل دائرة فى منتصف الهدف بالضبط لأن المسافة دية هية زيرو بوينت وان شاء الله هيظبط معاك .. ولو محصلش يبقى فية مشكلة فى الأسكوب .. ويارب اكون افدتك وادعيلى بعدها

[sniper falkon]

شكرا يا جماعه على افادتكم ليا وعلى اهتمامكم
وانا الحقيقة قررت اني اشتغل شوية من غير سكوب .. يعني في عتقادي اني هكتسب مهارة اكتر في التصويب من غير الاسكوب

[mohamed2010habib]

شكرا يا جماعه على افادتكم ليا وعلى اهتمامكم
وانا الحقيقة قررت اني اشتغل شوية من غير سكوب .. يعني في عتقادي اني هكتسب مهارة اكتر في التصويب من غير الاسكوب

ببصراحه هوا دا الكلام الخلاصه
الاسكوبات دى بتخيل الواحد و كل شويه تشك انها موش مظبوطه

[Mohamed Mahmoud]

حبيب قلبى انت كاتب نوعين رش
لو انت بتبضظ بالنوعين دة خطاء بالغ اضبط بنوع واحد ويكون نوع مستورد زى الماتش ولو غيرتة بنوع تانى يبقى لازم تضبط تانى ولازم تضرب من مسافة 15 الى 20 متر

[أبو شمس]

حبيب قلبى انت كاتب نوعين رش
لو انت بتبضظ بالنوعين دة خطاء بالغ اضبط بنوع واحد ويكون نوع مستورد زى الماتش ولو غيرتة بنوع تانى يبقى لازم تضبط تانى ولازم تضرب من مسافة 15 الى 20 متر

++++++++++++++++++++1