طلعة سمك .................كالعادة

[أبو صفية]

السلام عليكم و رحمة الله و بركاته

خرجت النهاردة أنا و واحد صحبى نصطاد و لكن بصراحة ما قابلناش طيور خالص
مش عارف جايز عشان الحر الجامد طبعا ما كدبناش خبر و قلتله إن شاء الله ما رحش نرجع إدينا فاضية أنا كدا كدا جايب الهلب معانا و رحنا صيدين سمك أهوا أحسن من مفيش و أنا بصراحة معنتش حصيد طيور دالوقتى خالص لأنى آخر مرة طلعتها بالرغم من إنى كنت حريص فى صيد الفراخ إنى ما ضربتش حاجة على العشوش لكن بصراحة أثناء التنضيف كان أكتر من نصهم فيه بيض
لذلك حخلينى مع السمك و إستحملونا بقا شوية كدا راح نزفرلكم المنتدى لحد ما موسم التفريخ يعدى

http://img848.imageshack.us/img848/174/dscf2268j.jpg

http://img708.imageshack.us/img708/1305/dscf2267u.jpg

[aymank2]

والله تسلم ايديك و سمك زى الفل بالهنا والشفا وفعلا الطيور بقت قليله بسبب الحر .

[ابو مروان]

تسلم ايدك والا زفارةوالا حاجة يا عم بس انتة زفر على قد ما تقدر احنا موافقين_بالهنا والشفا

[samraghost]

الف هنا وشفا يا باشا وبعدين هو الواحد يطول يلاقى شويه سمك زى الفل كده ويقول لا هو حضرتك بتصطاد من ترعه صغيره ولا بحر كبير والمياه بتبقى ماشيه ولا واقفه

[أبو صفية]

الف هنا وشفا يا باشا وبعدين هو الواحد يطول يلاقى شويه سمك زى الفل كده ويقول لا هو حضرتك بتصطاد من ترعه صغيره ولا بحر كبير والمياه بتبقى ماشيه ولا واقفه

الله يهنيك و إن شاء الله ربنا يرزق الجميع

أنا بصيد من مصارف أو ترع صغيرة و الماية بتكون شبه واقفة

[NEW_Year]

طلعة موفقة ياباشا
اعزم بقي علينا بطبق سمك مشوي كدا ههههههه
بالتوفيق ياباشا

[diiie_hard]

ماشاء الله
ربنا يباركلك اخي

[وليد سعد زغلول]

صيد جميل بسم الله ما شاء الله وبألف هنا وشفا وتقبل تحياتي ودمت في أمان الله

[القناص فليفل]

ماشاء اللة بالهناء والشفاء

[تامر عصام]

عايز أسأل حضرتك عن طعم السمك الموجود بالترع و المصارف بيكون زى السمك الموجود بالنيل لأن المياه بتكون ضحلة و السمك قريب من الطين بناع الترعة

[أبو صفية]

عايز أسأل حضرتك عن طعم السمك الموجود بالترع و المصارف بيكون زى السمك الموجود بالنيل لأن المياه بتكون ضحلة و السمك قريب من الطين بناع الترعة

هوا السمك طعمه حلو بس بصراحة مش فى حلاوة سمك النيل