طلعه اليوم 27/4 مع ابنى جاسر.

[aymank2]

تحياتى لكل الاعضاء المحترمين النهارده طلعت طلعه ساعتين ونصف مع ابنى جاسر طلعت المكان المعتاد بس الطيور كانت قليله جدا والنشان عملها معايه واخد حوالى 20دقيقه عقبال مظبطه بس الحمد لله طلعت فى دماغى اغير المكان خالص روحت مكان جديد ولاقيت حمام فيه الضرب كان على مسافه 40متر على الاقل انشاء الله اركب الاسكوب الجديد البوشنال ال40 وابقى اطلعله طلعه مخصوص الحصيله 4 حمامات متغذيين كويس زى حلاتى كده ههههه ويمامتين والطلعه كلها كانت اقل من ساعتين ونصف وادينى بعمل الموضوع قبل الساعه 10.30. الميمورى بتاع الموبايل كان مليان معرفتش اصور فى مكان الصيد بس صورت لما رجعت البيت. تحياتى للجميع

[عادل عبده]

يا جمالو يا جملو يابو جاسر
ايه الجمال ده ياعم ايمن
تسلم ايدك
وبأذن الله هتركب الاسكوب وتفكك من النشان والحورات ديه بقى
ورائع جدا انك تضرب من 40 متر ابون سايد
ولا تقلق بحاول استعد عشان نروح نبيد الحمام ده مع بعض بدل هوه متغذى كده
وربنا يخليلك جاسر يارب ويباركلك فيه
نهارك جميل يا باشا

[pooforever_2010]

ايه الجمال ده ياعم ايمن
تسلم ايدك

[أبو صفية]

ما شاء الله يا أبو جاسر بالهنا و الشفا و ربنا يبارك فى جاسر

[قناص المنوفيه]

مشاء الله طلعه جميله تسلم ايدك

[NEW_Year]

ما شاء الله يابو جاسر
طلعة موفقة وحمدلة علي السلامة
بالف هنا وشفا ياباشا

[Dodo dababa]

تسلم الأيادي على فكره أنا عندي نفس البلاط و الرخام ده في مطبخي

[Orabi]

ما شاء الله مزيد من التوفيق في الطلعات الجايه

[القناص فليفل]

تسلم الايادى طلعة جميلة ماشاء اللة

[محمد حافظ بك]

طلعة جميلة و جاسر اجمل ربنا يخليهولك

[aymank2]

يا جمالو يا جملو يابو جاسر
ايه الجمال ده ياعم ايمن
تسلم ايدك
وبأذن الله هتركب الاسكوب وتفكك من النشان والحورات ديه بقى
ورائع جدا انك تضرب من 40 متر ابون سايد
ولا تقلق بحاول استعد عشان نروح نبيد الحمام ده مع بعض بدل هوه متغذى كده
وربنا يخليلك جاسر يارب ويباركلك فيه
نهارك جميل يا باشا
حبيبى يا عادل باشا ده بس علشان وشك الحلو ياعدول والله انتا حبيبى ونفسى تنورنى ويبقى ليا الشرف انى اطلع معك طلعه حلوه زيك كده والله فى عماره زلتنى انا واستاذ وليد زغلول يوم الاربع عليها على الاقل بتاع تلاتين فرد حمام فى الدور التلاتاشر !!!!!! خلصنا عليه بتاع 100رشايه وجابت لينا تيبس فى فقرات الرقبه ديه مش عاوزه الا النجم عادل عبده هو الى يخلص مش واحد غلبان زى حلاتى اجهز يا كبير علشان الحمام مزغلل فى عنيه اشوفك على خير انشاء الله.

[aymank2]

ايه الجمال ده ياعم ايمن
تسلم ايدك
تسلم انتا ياباشا وشرفنى مشركت حضرتك.

[aymank2]

ما شاء الله يا أبو جاسر بالهنا و الشفا و ربنا يبارك فى جاسر

ربنا يخليك ياباشا ويبارك فيك نورت الموضوع.

[aymank2]

مشاء الله طلعه جميله تسلم ايدك

تسلم انتا ياكبير وشرفنى مشركتك.

[aymank2]

ما شاء الله يابو جاسر
طلعة موفقة وحمدلة علي السلامة
بالف هنا وشفا ياباشا

تسلم يا ميزو انشاء الله تكون معك البندقيه وتبقى معايه انشاء الله بس خلص فى البندقيه الى قولتلك عليها علشان ديه ملهاش حل .

[aymank2]

تسلم الأيادي على فكره أنا عندي نفس البلاط و الرخام ده في مطبخي

تسلم ياباشا وطلما البلاط زى البلاط يبقى ذوقنا واحد والحمد لله نورتنى يا باشا.

[aymank2]

ما شاء الله مزيد من التوفيق في الطلعات الجايه

تسلم يابشا نورت الموضوع ياكبير.

[aymank2]

تسلم الايادى طلعة جميلة ماشاء اللة

شكرا يا سياده المستشار شرفنى مشاركه حضرتك.

[aymank2]

طلعة جميلة و جاسر اجمل ربنا يخليهولك
اانتى الى اجمل والله يا محمد بك نورت الموضوع ياكبير.

[تامر عصام]

حضرتك أول واحد يضع صور الجمعة دى هو ده الشغل اللى بجد مبتضيعش وقت

[aymank2]

حضرتك أول واحد يضع صور الجمعة دى هو ده الشغل اللى بجد مبتضيعش وقت

ربنا يخليك ياستاذ تامر علشان منساش بس او اكسل وبعدين انا راجع تقريبا الساعه 9.15.

[كيمو الصعيدي]

انا شايف ان الناس هنا عمالة تبارك للراجل وناسيين ان الحمام الي في الصور ده حمام اهالي بتاع ناشس شارياه بفلوس وده باين من لون الأبيض في اسود او ابيض بس
مش فاهم
الي يحس بحرقة الدم الي عنده غية حمام مكلفها ودافع فلوس في كل ريشة في الغية ويجي واحد يصطاده بكل بساطة
ياريت نخلي بالنا
ونبعد عن الشبهات
بالذات في حاجة الأكل
عشان حتي اللقمة تتبلع
وبعدين اليمام مالي الدنيا والحمام البري علي قفا مين يشيل في بدر والشروق والحمام البري بيتعرف انه بيكون اكبر حاجة بسيطة جدا عن اليمام ولونة اسود ورمادي وبيكون في اماكن مهجورة ماغيهاش بيوت

اللهم قد بلغت اللهم فاشهد

[وليد سعد زغلول]

بسم الله ما شاء الله والله ينور عليك يا أستاذ أيمن وسلامي لجاسر وإن شاء الله بالتلسكوب تبقى الحصيلة كبيرة وتقبل تحياتي ودمت في أمان الله

[aymank2]

انا شايف ان الناس هنا عمالة تبارك للراجل وناسيين ان الحمام الي في الصور ده حمام اهالي بتاع ناشس شارياه بفلوس وده باين من لون الأبيض في اسود او ابيض بس
مش فاهم
الي يحس بحرقة الدم الي عنده غية حمام مكلفها ودافع فلوس في كل ريشة في الغية ويجي واحد يصطاده بكل بساطة
ياريت نخلي بالنا
ونبعد عن الشبهات
بالذات في حاجة الأكل
عشان حتي اللقمة تتبلع
وبعدين اليمام مالي الدنيا والحمام البري علي قفا مين يشيل في بدر والشروق والحمام البري بيتعرف انه بيكون اكبر حاجة بسيطة جدا عن اليمام ولونة اسود ورمادي وبيكون في اماكن مهجورة ماغيهاش بيوت

اللهم قد بلغت اللهم فاشهد
اول حاجه الحمام البرى بيبقى لونين مفصص زى ال 3 حمامات الى فى الصوره اسود+فصوص بيضه وازرق ازاز بيبقى لونه رصاصى وفيه خطين وده ونفس الالوان ديه بتبقى فى الحمام الغيه بس واسمه الجمعيات والفرق بين الاثنين المنقار والخنشور بتاع الجمعيات بيبقى كبير ومعقوف اما البرى بيبقى منقار صغير مدبب واسود والخنشور صغير جدا وده عرفته علشان انا كنت زمان مربى حمام جمعيات وبلدى والبلدى مفيهوش الالوان ديه اما بالنسبه للحمامه الابيض فى احمر انا ضربطها علشان هيا مقيمه فى العماره المهجوره وده دكر ومتجوز منهم هو الوحيد الى لونه كده عرفت ازاى علشان راقبت الحمام وشفته بالبلدى كده وبلغه اصحاب الحمام بيكسر نتايه تانيه منهم.تانى حاجه الحمام مقيم فى عماره مهجوره جوه شقتين فى الدور السادس والسابع فى مصر الجديده واظن ان صعب حد يربى حمام فى مصر الجديده. تالت حاجه انا سالت بواب فى المنطقه وقالى الحمام موجود بصفه مستمره فى المكان ده جوه الشقتين دول ومش بتاع حد.رابع حاجه انا حريص اكتر منك انى مضربش حاجه مش بتاعتى والحمد لله بخاف ربنا.خامس حاجه ياريت مشركتك ديه تبقى فى موضوع لوحده على الصيد العام علشان تبقى فايده للكل.

[well12m]

ربنا يبارك / كمان وكمان

[ابو مروان]

طلعة جميلة يا باشا _وبالتوفيق ولكن عندى ملاحظة فرد الحمام الابيض دة بلدى يعنى بتاع ناس يا ريت حضرتك تخلى بالك المرات الجاية

[dr_mohasan]

اول حاجه الحمام البرى بيبقى لونين مفصص زى ال 3 حمامات الى فى الصوره اسود+فصوص بيضه وازرق ازاز بيبقى لونه رصاصى وفيه خطين وده ونفس الالوان ديه بتبقى فى الحمام الغيه بس واسمه الجمعيات والفرق بين الاثنين المنقار والخنشور بتاع الجمعيات بيبقى كبير ومعقوف اما البرى بيبقى منقار صغير مدبب واسود والخنشور صغير جدا وده عرفته علشان انا كنت زمان مربى حمام جمعيات وبلدى والبلدى مفيهوش الالوان ديه اما بالنسبه للحمامه الابيض فى احمر انا ضربطها علشان هيا مقيمه فى العماره المهجوره وده دكر ومتجوز منهم هو الوحيد الى لونه كده عرفت ازاى علشان راقبت الحمام وشفته بالبلدى كده وبلغه اصحاب الحمام بيكسر نتايه تانيه منهم.تانى حاجه الحمام مقيم فى عماره مهجوره جوه شقتين فى الدور السادس والسابع فى مصر الجديده واظن ان صعب حد يربى حمام فى مصر الجديده. تالت حاجه انا سالت بواب فى المنطقه وقالى الحمام موجود بصفه مستمره فى المكان ده جوه الشقتين دول ومش بتاع حد.رابع حاجه انا حريص اكتر منك انى مضربش حاجه مش بتاعتى والحمد لله بخاف ربنا.خامس حاجه ياريت مشركتك ديه تبقى فى موضوع لوحده على الصيد العام علشان تبقى فايده للكل.

بارك الله فيك يا استاذ أيمن , تعليق ممتاز استفدت منه كتير
مبروك الطلعة الجميلة وربنا يباركلك فى جاسر

[ابو مروان]

انا قريت تعليق حضرتك واعتقد انك كنت بتربى حمام يا باشا وفاهم فية كويس ......بالتوفيق

[كيمو الصعيدي]

اول حاجه الحمام البرى بيبقى لونين مفصص زى ال 3 حمامات الى فى الصوره اسود+فصوص بيضه وازرق ازاز بيبقى لونه رصاصى وفيه خطين وده ونفس الالوان ديه بتبقى فى الحمام الغيه بس واسمه الجمعيات والفرق بين الاثنين المنقار والخنشور بتاع الجمعيات بيبقى كبير ومعقوف اما البرى بيبقى منقار صغير مدبب واسود والخنشور صغير جدا وده عرفته علشان انا كنت زمان مربى حمام جمعيات وبلدى والبلدى مفيهوش الالوان ديه اما بالنسبه للحمامه الابيض فى احمر انا ضربطها علشان هيا مقيمه فى العماره المهجوره وده دكر ومتجوز منهم هو الوحيد الى لونه كده عرفت ازاى علشان راقبت الحمام وشفته بالبلدى كده وبلغه اصحاب الحمام بيكسر نتايه تانيه منهم.تانى حاجه الحمام مقيم فى عماره مهجوره جوه شقتين فى الدور السادس والسابع فى مصر الجديده واظن ان صعب حد يربى حمام فى مصر الجديده. تالت حاجه انا سالت بواب فى المنطقه وقالى الحمام موجود بصفه مستمره فى المكان ده جوه الشقتين دول ومش بتاع حد.رابع حاجه انا حريص اكتر منك انى مضربش حاجه مش بتاعتى والحمد لله بخاف ربنا.خامس حاجه ياريت مشركتك ديه تبقى فى موضوع لوحده على الصيد العام علشان تبقى فايده للكل.

انت زعلان اوي ليه كده انا بنصحك مش بشتمك وبعدين ياريت كنت توضح الكلام ده في موضوعك طالما انت راقبت وعملت كل ده عشان لا يلتبس الأمر علي الصياد الجديد مثلا

[aymank2]

بسم الله ما شاء الله والله ينور عليك يا أستاذ أيمن وسلامي لجاسر وإن شاء الله بالتلسكوب تبقى الحصيلة كبيرة وتقبل تحياتي ودمت في أمان الله

ربنا يباركلك يا أستاذ وليد ويباركلك فى الشبل الصغير عبد الرحمن.

[aymank2]

ربنا يبارك / كمان وكمان

ربنا يباركلك ياباشا نورت الموضوع.

[aymank2]

طلعة جميلة يا باشا _وبالتوفيق ولكن عندى ملاحظة فرد الحمام الابيض دة بلدى يعنى بتاع ناس يا ريت حضرتك تخلى بالك المرات الجاية

شكرا ياباشا وانا رديت فوق انا ضربتها ليه شرفنى مشركتك فى الموضوع.

[aymank2]

بارك الله فيك يا استاذ أيمن , تعليق ممتاز استفدت منه كتير
مبروك الطلعة الجميلة وربنا يباركلك فى جاسر
احنا والله الى بنستفيد من شخصيات محترمه زيك يادكتور محسن بتنمى الهوايه بطريقه بسيطه ومحترمه واحنا كمان بنحاول ننقلها للجيل الجديد زى ابنى جاسر .

[aymank2]

انا قريت تعليق حضرتك واعتقد انك كنت بتربى حمام يا باشا وفاهم فية كويس ......بالتوفيق
ربنا يخليك ياابو مروان وفعلا انا كنت بربى الحمام الجمعيات خصوصا للهوايه والبلدى علشان الاكل لفتره طويله والبيت كله كان بتعنا وانا كنت بربى فى الدور الاخير بس لما اتجوزت اتنقلت فى شقه جديده ومينفعش طبعا اربى اى حاجه فى العماره .

[aymank2]

انت زعلان اوي ليه كده انا بنصحك مش بشتمك وبعدين ياريت كنت توضح الكلام ده في موضوعك طالما انت راقبت وعملت كل ده عشان لا يلتبس الأمر علي الصياد الجديد مثلا
ياأستاذ كيمو مش معقوله اكتب كل التفصيل ديه علشان ضربت كام حمامه وبعدين ان اتضيقت علشان الصياد المحترم لازم يكون عنده ثقه فى زميله انه محترم برضه وبعدين احنا بنصطاد هوايه وتنفيس عن نفسنا من ضغوط العمل مش علشان الاكل وكل واحد مكلف بندقيته على الاقل قد ثمن خروفين وممكن يروح اخر الدنيا ويصرف قد الى اصطاده عشر مرات علشان الهوايه بس على العموم حصل خير ومفيش اى مشكله.

[dr_mohasan]

زملائى و أساتذتى الأعزاء

هذه هواية للترفيه , ولا يجب أن تكون مصدر للمشاكل بيننا

ينبغى ان نفترض فى بعضنا حسن النوايا

و ينبغى على الصياد الجديد أن يسأل و يستفسر ممن هم أكثر منه خبرة قبل ان يهاجم أحد من زملائه , ثم يتضح فى النهاية انه هو المخطىء

واذا كان هناك خطأ من أحد من الزملاء فإن خير وسيلة هى النصح والارشاد بالحسنى و بأسلوب جميل يحبب المتلقى فى النصيحة وفيمن ينصحه , وليس بأسلوب الهجوم الذى غالبا ما يأتى بنتائج عكسية

وإلا محدش بعد كدة هايعمل مواضيع عن رحلات الصيد علشان يتجنب المشاكل ووجع الدماغ

أنا لا أقصد أحد بكلامى , ولكن الكلام للجميع حتى تسود بيننا روح المودة والرحمة
ولأن الصيد أخلاق قبل أن يكون بندقية و رش و حمام

[كيمو الصعيدي]

ياأستاذ كيمو مش معقوله اكتب كل التفصيل ديه علشان ضربت كام حمامه وبعدين ان اتضيقت علشان الصياد المحترم لازم يكون عنده ثقه فى زميله انه محترم برضه وبعدين احنا بنصطاد هوايه وتنفيس عن نفسنا من ضغوط العمل مش علشان الاكل وكل واحد مكلف بندقيته على الاقل قد ثمن خروفين وممكن يروح اخر الدنيا ويصرف قد الى اصطاده عشر مرات علشان الهوايه بس على العموم حصل خير ومفيش اى مشكله.



ولو بتصطاد ياباشا عشان الأكل مش عيب
وعموما حصل خير ياباشا ولاتزعل نفسك

[طائرالصرد]

بعد التحيه للاستاذ جاسر و بعد قرائتى لتحليله
من عاشر المستحيلات ان يكون الحمام ده بري
لان حجم الحمام البرى لا يكون مثل اللى حضرتك قمت بصيده
عشان يوصل لهذا الحجم محتاج ياكل كل يوم 200 جرام حبوب للزوجين تقريبا و يكون حركته قليله
و الحمام البرى من كتر الطيران والبحث عن اكله يكون مثل حجم اليمام تقريبا
بعض البوابين لأن الحمام بيقرفهم بفضلاته بيكونوا عايزين يخلصوا منه
لاتقاء الشبهات اخوانى,,, بلاش الحمام اللى هنروح نسأل هو بري ولا لأ
الهوايه ممكن نشبعها حتى لو هنضرب على كانز
اقسم بالله العظيم انا شفت اسراب من الحمام البرى بالجبل و احجامه لا تزيد عن اليمام بشئ
يا ريت مايكونش كلامى تقيل واننى انصح نفسي قبل غيرى
قال رسول الله صلى الله عليه وسلم:
(اتقوا الشبهات فمن اتقى الشبهات فقد استبرأ لدينه وعرضه)
صدق رسول الله
وعن أبي عبد الله النعمان بن البشير -رضي الله عنه- قال: سمعت رسول الله -صلى الله عليه وسلم- يقول: إن الحلال بَيِّن وإن الحرام بَيِّن، وبينهما أمور مشتبهات، لا يعلمهن كثير من الناس، فمن اتقى الشبهات فقد استبرأ لدينه وعرضه، ومن وقع في الشبهات وقع في الحرام.
والله المستعان
ونسأله أن يرزقنا الفهم للرسائل الربانية ويرزقنا العمل وأن يطهرنا على مايحب فى ستره وعفوه وعافية

[dr_mohasan]

اقسم بالله العظيم انا شفت اسراب من الحمام البرى بالجبل و احجامه لا تزيد عن اليمام بشئ


يا جماعة كل واحد مسئول عن نفسه واحنا مش رقباء على اللى بيصطاد , هو احنا هانتحاسب بدل منّه ؟
طالما الراجل قال برّى يبقى هو المسئول عن كلامه , هو احنا كنّا معاه وهو بيصطاد ولا شوفنا منطقة الصيد ولا الحمام اللى هو اصطاده ؟
انتوا كدة هاتخلوا ماحدش يعمل مواضيع صيد تانى
اللى بيطلع يصطاد بيتعب نفسه و يعمل موضوع علشان يفيدنا و يشاركنا معاه بجزء من متعة الصيد من خلال الصور , وبيجذب أيضاً زملاء جدد للهواية , ولو كل واحد هايعمل موضوع هيلاقى الكلام ده يبقى ماحدش هايكلف خاطره و يعمل مواضيع بعد كدة ويريح نفسه من الكلام ده

واسمحلى بسؤال , حضرتك بتصطاد منين الحمام البرى اللى حجمه صغير فى حجم اليمام ؟ .... ولا حضرتك بتشوفه بس وهو طاير ؟

أنا اصطدت حمام من مناطق صحراوية مافيهاش بنى آدمين , وبعيدة عن العمار بعدة كيلومترات , والحمام فيها أكبر من اللى الأخ أيمن اصطاده , الحمامة قد حجم اليمامة اللى احنا نعرفها 5 مرات على الأقل , و عمرنا ما شفنا حمام فى حجم اليمام اللى حضرتك بتقول عليه ده خاااالص

[طائرالصرد]

يا جماعة كل واحد مسئول عن نفسه واحنا مش رقباء على اللى بيصطاد , هو احنا هانتحاسب بدل منّه ؟
طالما الراجل قال برّى يبقى هو المسئول عن كلامه , انتوا كدة هاتخلوا ماحدش يعمل مواضيع صيد تانى

واسمحلى بسؤال , حضرتك بتصطاد منين الحمام البرى اللى حجمه صغير فى حجم اليمام ؟ ولا حضرتك بتشوفه بس وهو طاير ؟

أنا اصطدت حمام من مناطق صحراوية مافيهاش بنى آدمين , وبعيدة عن العمار بعدة كيلومترات , والحمام فيها أكبر من اللى الأخ أيمن اصطاده , الحمامة قد حجم اليمامة اللى احنا نعرفها 5 مرات على الأقل , و عمرنا ما شفنا حمام فى حجم اليمام اللى حضرتك بتقول عليه ده خاااالص

بعد التحيه
انا عرضت وجهت نظرى التى يمليها على ضميري
و بالنسبه للحمام البرى انا رايته بقريه سياحيه تحت الانشاء يحيطها الجبال بسيناء حيث مكان عملى
و متزعلش حضرتك بتهيألى كلامى مفيش فيه تجريح و انا اعلم ان السيد جاسر ضرب الحمام و هو يظن انه بري
ولكن انا عند رأىى الذى قلته مع احترام الجميع

[Mohamed Mahmoud]

يا جماعة كل واحد مسئول عن نفسه واحنا مش رقباء على اللى بيصطاد , هو احنا هانتحاسب بدل منّه ؟
طالما الراجل قال برّى يبقى هو المسئول عن كلامه , هو احنا كنّا معاه وهو بيصطاد ولا شوفنا منطقة الصيد ولا الحمام اللى هو اصطاده ؟
انتوا كدة هاتخلوا ماحدش يعمل مواضيع صيد تانى

واسمحلى بسؤال , حضرتك بتصطاد منين الحمام البرى اللى حجمه صغير فى حجم اليمام ؟ ولا حضرتك بتشوفه بس وهو طاير ؟

أنا اصطدت حمام من مناطق صحراوية مافيهاش بنى آدمين , وبعيدة عن العمار بعدة كيلومترات , والحمام فيها أكبر من اللى الأخ أيمن اصطاده , الحمامة قد حجم اليمامة اللى احنا نعرفها 5 مرات على الأقل , و عمرنا ما شفنا حمام فى حجم اليمام اللى حضرتك بتقول عليه ده خاااالص



كلام لا غبار علية تماما الحمام البرى فية منة احجام كبيرة جداا ممكن اللى الاستاذ يقصدة يا دوك حمام برضة بس دية بتبقى الزغليل يعنى الحمام الصغير حجمة بيقى قريب من اليمام حاجات بسيطة
ثم اكيد الاستذ ايمن عارف الفرق كويس جدا لان صياد متمكن ودية مش اول مرة يصطاد ولو لقدر الله ماختش بالة واصطاد حمام ناس هو اللى هيشيل الوزر مش احنا
تسلم ايديك على الطلعة يا ايمن بك

[dr_mohasan]

بعد التحيه
انا عرضت وجهت نظرى التى يمليها على ضميري
و بالنسبه للحمام البرى انا رايته بقريه سياحيه تحت الانشاء يحيطها الجبال بسيناء حيث مكان عملى
و متزعلش حضرتك بتهيألى كلامى مفيش فيه تجريح و انا اعلم ان السيد جاسر ضرب الحمام و هو يظب انه بري
ولكن انا عند رأىى الذى قلته مع احترام الجميع

يعنى حضرتك بتتكلم كل الكلام ده بناء على الحمام البرى اللى حضرتك " رأيته " من بعيد ؟!!!
وكمان فى سيناء ... يعنى مكان تانى خالص و بيئة مختلفة تماماً عن مكان الصيد بتاعنا (ده لو افترضنا ان كلامك صح بخصوص حجم الحمام)

هو حضرتك بتصطاد من إمتى ؟

[dr_mohasan]

ممكن اللى الاستاذ يقصدة يا دوك حمام برضة بس دية بتبقى الزغليل يعنى الحمام الصغير حجمة بيقى قريب من اليمام حاجات بسيطة


مساء الفل يا باشا , حضرتك صيّاد قديم وأستاذنا , وعارف انك مش ممكن تشوف سرب حمام و يكون كله زغاليل , لازم الأغلبية تكون حمام بالغ

[Mohamed Mahmoud]

مساء الفل يا باشا , حضرتك صيّاد قديم وأستاذنا , وعارف انك مش ممكن تشوف سرب حمام و يكون كله زغاليل , لازم الأغلبية تكون حمام بالغ

الله يخليك يا دوك
كلام حضرتك صحيح وكمان الزغليل نادرا لما تطير وهى صغيرة
اللى انا قصدتة الحجم فقط انها قريبة الحجم من اليمام اما الاسراب فالزغليل لا تطير مع الاسراب
بس الواضح ان طائر الصرد صياد جديد او قديم باكونت تانى هههههههههههههه

[طائرالصرد]

الله يخليك يا دوك
كلام حضرتك صحيح وكمان الزغليل نادرا لما تطير وهى صغيرة
اللى انا قصدتة الحجم فقط انها قريبة الحجم من اليمام اما الاسراب فالزغليل لا تطير مع الاسراب
بس الواضح ان طائر الصرد صياد جديد او قديم باكونت تانى هههههههههههههه

اننى اتكلمت باحترام بالغ يا أ محمود فلا داع للتقليل من شان الاخرين
اولا لمن يربى الحمام يعرف جيدا ان الزغاليل اكبر و اسمن من الحمام اللى طاير
ثانيا انا لو اصدت حمام من صحراء ليس فيها عمران زى ما الدكتور محمد قال يبقا انا ابتعدت عن الشبهات ولا لوم عليا فى ذلك
اما لو الحمام على عماره مهجوره قد يكون حمام بتاع ناس من عماره اخرى تماما و راكن على العماره المهجوره و فيه بواب و مصر الجديده يعنى فيه ناس اهوه
( انا بس حابب اننى اوصل اننا نبتعد عن الشبهات لا اكتر ولا اقل )

[Mohamed Mahmoud]

لا أحد يستطيع التقليل من شأنك سيدى الفاصل وأنا بعتذر لو حضرتك زعلت
المناطق اللى احنا بنصطاد فيها بتكون قرب المناطق الصحراوية

[dr_mohasan]

( انا بس حابب اننى اوصل اننا نبتعد عن الشبهات لا اكتر ولا اقل )

مشكور يا باشا , وجهة نظرك و ضحت و أحب أطمنك اننا كصيّادين عارفين الكلام ده كويس , ولما حد فينا هايغلط هو اللى هايتحمل نتيجة غلطه مش حضرتك

بارك الله فيك و جزاك خيرا