برده مفيش غير سمك

[أبو صفية]

السلام عليكم

برده النهاردة جالى واحد صحبى عشان نصتاد و طبعا سمك
و خرجنا كالعادة و الحمد لله الصيد كان وفير من السمك طبع
لكن أهى بدأت تنقط طيور جبنا حباية بنسميها عندنا لباد
و بالهنا و الشفا للى حيكلهم

http://img832.imageshack.us/img832/2906/dscf2248mp.jpg

http://img716.imageshack.us/img716/8053/dscf2247k.jpg

http://img11.imageshack.us/img11/5937/dscf2246u.jpg

[اسلام البحراوى]

ايه ياعم كده حتخلص السمك ههههههههههههه
انا بطلع برده بس لسه الترع عندنا فضيه مفيهاش ميه لما الدور يجي حطلع علي طول

[قناص المنوفيه]

مشاء الله انت برنس السمك بالبندقيه بجد

[وليد سعد زغلول]

بسم الله ما شاء الله عليك يا قناص وبألف هنا وشفا

[راغب]

بسم الله ما شاء الله , ربنا يزيد ويبارك
حضرتك منين فى فارسكور , لو اسكندريه الجديده يبقى احنا اتقابلنا قبل كده

[أبو صفية]

بسم الله ما شاء الله , ربنا يزيد ويبارك
حضرتك منين فى فارسكور , لو اسكندريه الجديده يبقى احنا اتقابلنا قبل كده

أنا من العطوى بينا و بين إسكندرية الجديدة تقريبا 3/4 ساعة

[أبو صفية]

ايه ياعم كده حتخلص السمك ههههههههههههه
انا بطلع برده بس لسه الترع عندنا فضيه مفيهاش ميه لما الدور يجي حطلع علي طول

لا لو حتطلع تصيد سمك يبقى و الدور مش موجود لأن سرعة المية بتخلط اكسجين فى المية
فمش حتلاقى سمك لكن فى غير الدور المية بتسخن و بتكون شبه واقفة و دا بيقلل الأكسوجين فى المية و دا الى بيخلى السمك يطلع و ياريت لو دورت على مصرف للأراضى الزراعية حيكون أفضل كتير
و ربنا يوفق و يرزق

[NewSomeBody]

انا حاسس ان السمك ده هو الى بيتصور كل مرة هههههه
تسلم ايديك وموفق دائما

[أبو صفية]

انا حاسس ان السمك ده هو الى بيتصور كل مرة هههههه
تسلم ايديك وموفق دائما

إحساس فى غير محله أظن الصور كلها موجودة ممكن تنزلها عندك و تقارن بينها و يا ريت تشوف لون السمك و حجمه فى كل صوره و بعدين دا أنا بصيدمن مصارف و مفيهاش غير بلطى و قراميط

و يا ريت ما تمشيش و را إحساسك دا لآن لو إحساسك صحيح ما حتثقش فى أى حد بيصيد حاجة
و لسه إن شاء الله لما تشوف صور فراخ المية راح تحس إنى شاريهم أو تحس إحساس غريب يا ريت تبقا تقول عليه

بعدين يا سيدى صيد عصفور و صوره من كام ناحية و نزل صورته كل يوم و لك منى أحلى تعليق ههههههههه

[samraghost]

الف هنا وشفا يا باشا والجو النهارده الجمعه نار والسمك كله طالع على الوش والرزق كتير الف هنا وشفا يا باشا

[NewSomeBody]

إحساس فى غير محله أظن الصور كلها موجودة ممكن تنزلها عندك و تقارن بينها و يا ريت تشوف لون السمك و حجمه فى كل صوره و بعدين دا أنا بصيدمن مصارف و مفيهاش غير بلطى و قراميط

و يا ريت ما تمشيش و را إحساسك دا لآن لو إحساسك صحيح ما حتثقش فى أى حد بيصيد حاجة
و لسه إن شاء الله لما تشوف صور فراخ المية راح تحس إنى شاريهم أو تحس إحساس غريب يا ريت تبقا تقول عليه

بعدين يا سيدى صيد عصفور و صوره من كام ناحية و نزل صورته كل يوم و لك منى أحلى تعليق ههههههههه

يوووو سيبني مصدق احساسي
الصور مغرية جدا انى انزل اصطاد سمك ,, خصوصا ان اصحابي بيزنوا عليا انزل معاهم كل يوم
فالسمك هيبقي ورايا هنا وهناك ههههه عشان كده السمك ده مش حقيقي
ده سمك فوتوشوب

[aymank2]

سمك سمك ياباشا هو فى احلى من كده تسلم ايدك.

[أبو صفية]

يوووو سيبني مصدق احساسي
الصور مغرية جدا انى انزل اصطاد سمك ,, خصوصا ان اصحابي بيزنوا عليا انزل معاهم كل يوم
فالسمك هيبقي ورايا هنا وهناك ههههه عشان كده السمك ده مش حقيقي
ده سمك فوتوشوب

بالتوفيق إن شاء الله يا سيدى إنتا و أصحابك مع السمك و لو لا قدر الله ما حصلش نصيب أنا موجود لو تقدر تخرج تصتاد معايا راح أوديك مصرف عندنا إسمه مصرف الفوتو شوب و ربك إن شاء الله راح يوفق و أهى تبقا عدوى الفوتوشوب إنتشرت فى المنتدى

[ابو مروان]

حلو مصرف الفوتوشوب دة وباقترح عليك يا ابو صفية انك تحط جرنال اليوم بجانب الصور_ههههههههههه

[أبو صفية]

تسلم يا أبو مروان على الإقتراح و الله فكرة بس بصراحة أخاف من شرطة الآثار لأن دى الطريقة الى بيتبعها الجماعة الى بيبيعوا الآثار و أجى أنا فى الرجلين و بدل ما يكون مصرف الفوتوشب يطلعونى بصيد سمك أثرى من حمام فرعون
هههههههههههههههههه

[القناص فليفل]

حاجة رائعة جداااااااااااااااااااا وبالهناء والشفاء

[m.gad]

هات حته هههههههههههه:)