الجامو و السمك 2

[أبو صفية]

زى ما قلت إمبيرح إنى طالع النهاردة للسمك و لله الحمد الجو شمش و مفيش سحاب جو نموزجى لصيد السمك بالبندقية لكن تأتى الرياح بما لا تشتهى السفن الفلاحين روا الأراضى و طبعا صرف الرى ملا المصارف مية و كانت المية ماشية و السمك قليل جدا
بس الحمد لله رزقنا شوية صحيح دا مكنش المتوقع بس فضل و عدل من عند ربنا
و فى الصورة صورة الهلب الى كنت إتكلمت عنه الى قلت بجيب به السمك الى بصيدهو فيه بعض السمك باين فيه مكان الرش فى رأسه و عينه

[قناص المنوفيه]

ياريتنى كنت معاك صيد السمك بالبندقيه ملوش حل
ممتع بجد ولك احلى تقييم

[hazeeeeem]

هو ده التجديد ههههه
صيد سمك بالبندقيه
تحياتى ليك

[dr_mohasan]

ما شـــــــاء الله

فكرة جديدة , تســــــــلم إيدك

[mohd_wafik]

انته بتتكلم بجد ولا بتهزر بتصطاد السمك بالبندقيه هههههههههههههه فكره جامده و احيييك عليها

[samraghost]

بسم الله ماشاء الله طيب ليه ماجرتش تصطاد سمك من البحر احسن من الترع اكيد السمك هايكون اكبر ومتنوع

[NewSomeBody]

ما شاء الله .. صيد مميز
ربنا يباركلك
انا جربت كذا مرة اصيد سمك بالبندقية ولكن للاسف السمك بعد الضرب كان بيغرق بسرعة ومش بلحق اطلعه

بس عندي سؤال
هل يجب التسمية والتكبير قبل الضرب ؟؟

[أبو صفية]

بالنسبة للسمك المضروب عشان ما يغرقش لازم يكون مضروب فى الرأس و يفضل يكون جمب البر مش فى نص الميه عشان حتى لو غرقت تكون باينة و يا ريت لو عملتلك هلب زى الى كنت وصفته و دا سريع مع السمك بس المشكلة فى ثبات يدك و تعودك عليه

و بالنسبة للتسمية مفيش مشكلة فيها بس مش واجبة لحلة ميتة البحر و هيا السمك

[NewSomeBody]

بالنسبة للسمك المضروب عشان ما يغرقش لازم يكون مضروب فى الرأس و يفضل يكون جمب البر مش فى نص الميه عشان حتى لو غرقت تكون باينة و يا ريت لو عملتلك هلب زى الى كنت وصفته و دا سريع مع السمك بس المشكلة فى ثبات يدك و تعودك عليه

و بالنسبة للتسمية مفيش مشكلة فيها بس مش واجبة لحلة ميتة البحر و هيا السمك

تسلم يا غالي ,, هجرب الضرب فى الرأس
والهلب ده حبيبي من ايام الطفولة .. الصيد بيه ممتع جدا
بس اعتقد ان الشماط هيكون افضل .. حاول تجربه وتقولنا النتيجة
او تستخدم لقافة

[adel_7768]

تسلم ايدك يا باشا قناص في البر والبحر وافضل اوقات صيد السمك بالبندقية في ايام الجفاف

[وليد سعد زغلول]

بسم الله ما شاء الله والله ينور عليك وبألف هنا وشفا وتقبل تحياتي ودمت في أمان الله

[أبو صفية]

تسلم يا غالي ,, هجرب الضرب فى الرأس
والهلب ده حبيبي من ايام الطفولة .. الصيد بيه ممتع جدا
بس اعتقد ان الشماط هيكون افضل .. حاول تجربه وتقولنا النتيجة
او تستخدم لقافة

الله يسلمك بالتوفيق للجميع إن شاء الله

بس رجاء تورينى صورة الشماط أو اللقافة لأنى بصراحة مش عارفهم لأن بعض الأشياء بيختلف إسمها من مكان لآخر

و لك جزيل الشكر و التقدير

[NewSomeBody]

الله يسلمك بالتوفيق للجميع إن شاء الله

بس رجاء تورينى صورة الشماط أو اللقافة لأنى بصراحة مش عارفهم لأن بعض الأشياء بيختلف إسمها من مكان لآخر

و لك جزيل الشكر و التقدير

الشماط عبارة عن سبحة فيها مجموعة سنون تحت بعضها حوالي سبع سنون او اكتر او اقل

http://img859.imageshack.us/img859/8943/95992003.jpg

ودي صور اللقافة والجدالة

http://t0.gstatic.com/images?q=tbn:ANd9GcSkT23f9vc6Y2quJCkvWgx_HIsAtd62l 3NbGjUVVQYbuJeinUtLHCYutIy4Lg
http://www.mekshat.com/pix/upload05/images216/mk208054_cfdxcs%20%281%29.jpg
http://n4hr.org/up/uploads/n4hr_12843113493.jpg
http://www.salmoneye.net/vancouver_island_fishing.jpg
وممكن تخلي جسم اللقافة يكون عود فيبر بتاع صيد السمك عشان تقدر تفرده وتلمه بيراحتك بدون ما يدايقك وانت ماشي

وبالتوووفيق

[أبو صفية]

ألف شكر و تسلم على الصور بس بالنسبة للشماط دا عندنا فعلا و بنستخدمه مع الماية الجارية و بيكون مع السمك الكبير الى شادد على المية أو فى تجمعات الأسماك و ما يمشيش معايا لأن المصارف بيكون فيها جزور نباتات كتير و أكياس يشبك كتير و دا بيكون النتش بيه عشوائى

بالنسبة لللقافة أو الجدالة هيا فعلا ممتازة مع السمك العايم بس أنا مشكلتى السمك الى بيغطس و بكون شايفه على القاع القريب دا بمجرد ما حاجة بتلمسه معنتش بشوفه و القاع مش مستوى و به جزور نباتات و فروع

يلا خير و الله الموفق للجميع و ألف شكر على النصيحةو ما نتحرمش من نصايحكم الغالية

[NewSomeBody]

العفو يافندم .. مفيش شكر على واجب

وطالما السمك بيرقد على الارض ومش بيكون عايم
يبقي استخدم جدالة سنها مفرود .. او هات عصاية واربط فيها من اولها حاجه زى راس السهم عشان لما تخترق السمكة ماتفكش منها فممكن تشتري سن كبير (اكبر حجم) وتدق عليه بشويش لحد ما يتفرد شوية وهيبقي تمام معاك ان شاء الله لو اترشق فى السمكة مش هيخرج منها
بس خلي بالك من المسائلة القانونية
وبالتوفيق

[القناص فليفل]

ماشاء اللة حاجة جميلة جداااااااااااااااااااااااا

[أبو صفية]

ألف شكر على الإقتراح إن شاء الله حجربه
و الله الموفق

[راغب]

انا طول عمرى باستخدم اللقافه بس اول مره اسمع عن موضوع الهلب ده بس عايز اعرف منك الاسرع فيهم فى تطليع السمكه اللقافه ولا الهلب
كمان المناسب اكتر للصيد فى مياه غويطه اللقافه ام الهلب ولا الاتنين واحد وبالمناسبه انت بتصطاد فين بالظبط نيل ولا ترعه