الجامو و السمك

[أبو صفية]

طلعت أشم النسيم و قلت أخد البندقية معايا
و مشينا على مصرف فى الأراضى الزراعية و كانت الشمس حامية
و السمك طالع يتحمص و ما كدبتش خبر بقيت أضرب على قد ما أقدر و دى العينة غير الى غطس و ما عرفتش أجيبه
http://img337.imageshack.us/img337/9530/16090625.jpg
http://img198.imageshack.us/img198/679/48574819.jpg

و كمان فيه شوية جبتهم النهارده يدوب دالوقتى

http://img705.imageshack.us/img705/5972/97879009.jpg
http://img839.imageshack.us/img839/2933/dscf2222ia.jpg

[hogan]

الف هنه وشفه تسلم ايدك

[NEW_Year]

معلش استفسار غريبة شوية اصلي لسة جديد وكدا :(

هو ينفع بالبندقية الرش تصطاد سمك ؟؟؟
وبتعملها ازاي دي اصلي بحب السمك :)

طلعة جميلة وبالتوفيق
بس ياريت توضحلي بتضربهم ازاي وبتجبهم بعد لما تضربهم ازاي

شكرا

[أحمد عطاالله إبراهيم]

الله ينور يا باشا .. الف هنا وشفا ..

تحياتى ..

[محمد حافظ بك]

معلش استفسار غريبة شوية اصلي لسة جديد وكدا :(

هو ينفع بالبندقية الرش تصطاد سمك ؟؟؟
وبتعملها ازاي دي اصلي بحب السمك :)

طلعة جميلة وبالتوفيق
بس ياريت توضحلي بتضربهم ازاي وبتجبهم بعد لما تضربهم ازاي

شكرا

ايوة يا ريس في المناطق الريفية بيكون السمك في المصارف او الترع ذات مستوي مياه منخفض ..فتلاقي السمك طالع علي وش المية .. انت بس تضرب عشوائي او حتي تنشن لو سمكة كبيرة و ان شاء الله هاتيجي و ممكن تجيب كمية كمان ..و عن تجربة..

[محمد حافظ بك]

الله ينور يا ابو صفية و بالتوفيق دائما و التغيير حلو برضه

[ابو مروان]

الله ينور وتسلم ايدك والاحسن بقة لو حضرتك تجيب شقاطة للسمك ما فيش حاجة هاتروح منك ان شاء الله

[وليد سعد زغلول]

بسم الله ما شاء الله والله أكبر عليك وبألف هنا وشفا وتقبل تحياتي ودمت في أمان الله

[أبو صفية]

بالنسبة لصيد السمك بالبندقية الرش بالتفصيل كالأتى مع إحترامى للأخ الى بيقول السمك كتير و ممكن تضرب عشوائى

صيد السمك بالبندقية الرش بيكون فى الأيام المشمسة لأن مع إرتفاع درجة حرارة الماية بتقل نسبة الأكسجين فى المية فيطلع السمك يفقم أو يتنفس من السطح دا بصفة عامة و لكن فى الفترة الى إحنا فيها دى دا موسم تكاثر
ذكور السمك الكبيرة بتكون قريبة من الشط و كذلك الأمهات عشان تبخ البيض
المهم لو عاوز تصيد سمك لازم تكون رأس السمكة واضح لك و ما يكونش تحت المية بأكتر من سنتى أو إثنين عشان ظاهرة إنكسار الماء
و عموما الرشاية لو جات فى أى مكان فى جسم السمكة غير مركز رسهاما حتموتش و دا طبعا سمك فى مية
و طين و عكارة
لازم تيجى فى مركز الرأس و السمكة بتتشل و تطف على وش المية

أما بخصوص بجبهم إزاى بعد ما تتضرب
أنا عامل صنارة من غابة بلدى طولها 4 متر و فيها خيط شعر 80 قوى جدا و رابط فيها هلب ( 3 صنارات فى بعض )
و بقرب الخيط من السمكة و بالطبع الهلب بيجى تحتها و تنتش جامد شوية و الهلب يجيبها إن شاء الله
بس دى حتكون صعبة شوية فى الأول لحد ما تبدأ تركز إيدك

أنا بالنهار ما بصدش غير السمك و فى الليل فراخ الماية و للأسف أنا ما كنتش بصور صيدى قبل كدا و لكن إن شاء الله فى أول طلعة فراخ راح تتبسط برده بالصيد
و أنا من دمياط و رقمى 01146577553و إن شاء الله طالع بكرة برده أصيد سمك بس ربنا يسهل و الشمس تكون ساطعة لأن لو فيه غيوم حتى لو السمك موجود مش بتشوفه و لو حضرتك مهتم ممكن تيجى معايا

[محمد حافظ بك]

حقك عليا انا اسف

[أبو صفية]

لا أسف و لا حاجة يا أخ محمد أنا الى أسف لو كنت زعلتك أو أحرجتك
الموضوع غريب فعلا أنا حتى أصحابى بيستغربوه و ما بيصدقوش غير لما يجوا معايا

[قناص المنوفيه]

الله ينور يباشا وانا برضه اصطدت كذا مره بنفس
الطريقه وبنفس البندقيه ومره جبت بلطيه وزنها كيلو الا ربع
باصابه فى راسها

[Orabi]

ما شاء الله حاجه جميله جداً من صياد جميل زي حضرتك يستاهل أحلي تقييم :)

[mohamed2010habib]

اصلى يا ابو صفيه ,,,انا سجلت رقمك معايا و هنظبط طلعه سويا ,, واحلى تقييم لحضرتك

[أبو صفية]

يكون لنا الشرف يا دكتور محمد المعرفة و الصيد معاك

[أبو صفية]

يكون لنا الشرف يا دكتور محمد المعرفة و الصيد معاك

[ahmed yasser]

ماشاء الله داللى حضرتك جبتو بالبندقية دا انا عمرى ماجبت زيو بالسنارة هههههههههه بالهنا والشفا

[ابو مروان]

يا باشا يا ريت تجرب بقة الشقاطة دى زى ما باقولك انتة ممكن تعملها وممكن تشتريها جاهزة بس عمايلها سهلة وهاتكون احسن من الهلب والخيط لانك ممكن تستنى شوية لما السمك يظهر تانى وتضرب اكتر من واحدة وبعدين تلمهم كلهم بالشقاطة

[أبو صفية]

تسلم يا أبو مروان على الإقتراح بس أنا بصراحة مش عارف الشقاطة دى إيه يا ريت توصفها و لو فيه صورة يكون لك جزيل الشكر