اقتراح بسيط

[man.man115]

السلام عليكم جميع اعضاء المنتدى الرائع ده انا عضو جديد لى الشرف ان انضم لهذا المنتدى الشيق انا لسة بفكر اشترى بندقية كويسة وانضم بيها لهذه الرياضة الرائعة وشارك بيها فى المنتدى لى اقتراح بسيط ياريت نضيف على المنيو بار بجوار الرئيسية مثلا( كتالوجات) ونحط فيها جميع انواع الاسلحة الهوائية الموجودة فى مصر واللى نفسه فى نوع معين يقدر يوصله بسهولة ويعرف امكانياته ومواصفاته وياريت اسعاره فى مصر ان امكن و يارب يكون اقتراحى مفيد. وليه ياجماعة مفيش مكان يجمع كل محبى الرياضة ده اللى وصى بيها ديننا الحنيف ممكن نتقدم بطلب لوزارة الشباب والرياضة لدعم الرياضة دى وتوفير المكان المناسب لممارستها وتعليمها ويكون نواه لنادى صيد للغلابة باشتراك رمزى بدل مهى حكر على اغنياء البلد ارجو تقبلى كعضو جديد انا عندى مسدس والتر cp99 غاز تحفة فى الرماية وانشاء الله البندقيه قريبا وشكرا

[abosamer]

شكرا لك يا مان ولكن لو سمحت ممكن نظام فيه باب في المنتدي
اسمه اقتراحات وشكاوي ممكن تذكر فيه اقتراحاتك والنظام شئ جميل وتقبل مروري

[هشام سمير]

اولاً اهلاً وسهلاً بيك وسط اخوتك محبى هوايه الملوك واهنيك على إتجاهك لتلك الهويه التى تربى فى النفس سمات الرجال وطبائع النبلاء شرفت المنتدى وبجد اقتراحك رائع اهنيك عليه
نرجو من جلال باشا ان ينظر فيه
براحه شويه على الراجل يا ابو سمير الراجل دى اول مشاركه له يعنى مش حافط اقسام المنتدى رفقاً
اخونا الغالى مان متزعلش من ابو سمير اصل هو بيحب النظام شويه
ومره تانيه نورت المنتدى ومرحباً بك فى بيتك الثانى وسط اخوتك
تقبل مرورى

[tito]

ممكن يتعمل فريق صيد لتدريب الشباب زى فريق الكشافة كدة يدربهم على الرماية والصيد ويطلعوا رحلات صيد منظمة ويتعمل مسابقات رماية بين كل مراكز الشباب طبعا تختلف عن مسابقات الرماية الى بتنفذ بقوانين دولية

[خط الصعيد]

اكيد حضرتك عندك حق و فى ناس محترمين كتير انشاء الله يساعدوك فى اختيار السلاح المناسب فى حدود امكانياتك

[man.man115]

شكرا لكل الردود الجميلة و الترحيب ده كله من احلى ناس فى مصر انا بعتذر للاخ( abosamer )على الخطا فى اختيار مكان الاقتراح معلش انا لسة مش حافظ اماكن المنتدى كويس تقبل اعتذارى وصداقتى فى الموقع

[galal khalifa]

ان شاء الله العام القادم ها يكون في تطور في جميع اقسام المنتدي لتلبة جميع الاحتياجات

[abosamer]

مرحبا بك ونورت منتداك وان شاء الله الي الأمام

[مصطفى قناص الليل]

فكرة جميل والله بس عايزة تكاتف شوية وربنا يكرمك ببندقية كويسة ان شاء الله .. وشكرا على مجهودك ....

........... وتحياتى لك ............. قناص الليل ...............