طلعه صيد كوكتيل ديابه على ثعالب على يمام

[chernobyl]

السلام عليكم ورحمته الله وبركاته

طبعن انهردة اقدملكو اجمل طلعه فى حياتى واجمل صيد ديابه واصطدنا 2 نتايه و ذكر ثعلب واجمل ما فى الطلعه اجمل صحبه واجمل قفشات وشحك وسهر لحد الصبح واكل يمام اكلنا فى اليوم ده حوالى 60 فرد يمام هههههههههههه على مرحلتين طبعن الصيد كلو كان ليلى وكان فريق العمل
القناص العالمى (طه) واجدع رجاله ابو رواش واحمد فتحى والفقير لله محمد شرف الى هو انا يعنى ههههههههههههه واسيبكم بقا مع الصور عشان انا رغاى اوى وهصدعكم من كتر الكلام بزات على الطلعه دى واليكم الصور

http://www11.0zz0.com/2012/04/16/10/397281260.jpg
http://www11.0zz0.com/2012/04/16/10/927406931.jpg
http://www11.0zz0.com/2012/04/16/10/462891924.jpg
http://www5.0zz0.com/2012/04/16/10/960010403.jpg
http://www5.0zz0.com/2012/04/16/10/886225523.jpg
http://www5.0zz0.com/2012/04/16/10/714717521.jpg
http://www7.0zz0.com/2012/04/16/10/976542275.jpg
http://www7.0zz0.com/2012/04/16/10/549722823.jpg

[dr_mohasan]

الله ينوّر , مافيش كلام يتقال ياباشا , بسم الله ماشاء الله

[chernobyl]

الله ينوّر , مافيش كلام يتقال ياباشا , بسم الله ماشاء الله

تسلم يا دكتور ربنا يخليك يباشا احنا تلاميذ جنبك واشكرك على مرورك

[العملاق المصرى]

جميلة منك يا جميل بس دى تعالب مش ديابة

[chernobyl]

جميلة منك يا جميل بس دى تعالب مش ديابة

تسلم لا واحد بس الى ثعلب الى انا رافعو الى نايمين دول ديابه على ابوها

[العملاق المصرى]

ودول جبتهم باية يا رايق

[Angel]

طلعة موفقة ماشاء الله
و هتخلصو على التعالب كدة ههههههههههههههههههه

بالتوفيق

[chernobyl]

ودول جبتهم باية يا رايق

نصب افخاخ حديد

[chernobyl]

طلعة موفقة ماشاء الله
و هتخلصو على التعالب كدة ههههههههههههههههههه

بالتوفيق


لا يا سيدى مش للدرجه احنا كان بقالنا كتييييييييييير مصطدناش وبصراحه اتخنقت من صيد البرى قولنا نغير بقا ونرجع لشقاوة زمان والنتيجه كنا هنموت الذكورة كانت هتهجم علينا والدايبه مش بتهزر لو مسكت حد مش بتعضو دى بتنهش فى لحمو

[العملاق المصرى]

يعنى مش ببندقية دة انت برنس على كدة

[chernobyl]

يعنى مش ببندقية دة انت برنس على كدة

هههههههههههههههه يا عم لبرنس ولا حاجة انت الى برنس يا عم العملاق يا شديد انت

[Angel]

لا يا سيدى مش للدرجه احنا كان بقالنا كتييييييييييير مصطدناش وبصراحه اتخنقت من صيد البرى قولنا نغير بقا ونرجع لشقاوة زمان والنتيجه كنا هنموت الذكورة كانت هتهجم علينا والدايبه مش بتهزر لو مسكت حد مش بتعضو دى بتنهش فى لحمو

ربنا يسترها عليك يا كبير و ان شاء الله الطلعات الجاية اجمل :)

[ahmed yasser]

بس انا عندى سؤال لحضرتك حضرتك هتعمل بيهم ايه بعد كدا انا مش شايف ان فى اى لزمة لصيد الديابة والتعالب؟؟؟؟؟

[chernobyl]

اللهم ما صلى على النبى
اية الجمال والحلاوة دية يا محمد تسلم ايديك
طبعا كنت فى ابو رواش بتوع كل انواع الصيد البرى ههههههههههههههههه
حبيبببببببببببببى ازيك يا باشا عامل ايه وحشنى والله ابو رواش دول حبيبنا كلهم بس الصيد ده عندنا فى المزرعه فى الفيوم احنا سعات بتضرب فى دماغنا كدة اتصل بيهم ونجمع الرجاله وننزل صيد ليلى بس بيبقا اجمل وقت بس مشكلتها فى مغامرة شويه يعنى الطلعه دى كان فى واحد فينا هيقع بس الحمد لله لحقناه الديابه بزات غير الثعالب الديابه قويه جدا اقوى مخلوق على الارض وصيدها صعب شويه ومش بتموت بسهوله و خدوعه جدااا سعات ممكن تعمل نفسها ميته لحد متمسكه تلقيها عضتك وعضتها اوسخ من الكلب بكتيييييييييييييييير

[chernobyl]

بس انا عندى سؤال لحضرتك حضرتك هتعمل بيهم ايه بعد كدا انا مش شايف ان فى اى لزمة لصيد الديابة والتعالب؟؟؟؟؟

بناخد جلدهم جلدهم من اغلى الجلود واقيمهم بيروح مدابغ بيتنظف وممكن تستخدمو فى الديكورات

[ebrahem]

متفهمونا بنتصبوا افخاخ الحديد ازاى؟ انا شايف صورة راجل معاة شومة دة انتوا عذبتوا الحيوانات على كدة؟ يا اهل الخير حد يفهمنا الى بيحصل دة جزاؤة اية عند ربنا؟؟؟؟؟؟؟؟؟؟

[ahmed yasser]

بس حرام عليكو اولا لانهم ابتدوا ينقرضوا من مصر ثانيا ان لو الفخ بيموتو فيه يبقى بيفضل ماسك فيهم لحد ميموتو واللى بتلاقوه لسا صاحى بتنزلوا فيه ضرب لحد مايموت ؟؟؟

[Orabi]

ما شاء الله صيد جميل ينم عن شجاعه و يستحق التحيه

[chernobyl]

اولا مين قالك انو حرام ده مؤذى لانو قريب من مناطق سكنيه وكذا مرة تاكل اطفال من المنطقه ثانيا الاستاذ الى بيقول حرام انما هيا حرام بتسال على الافخاخ ليه هههههههههههه وبعدين احنا معاكم من الحيوانات الموزانه للبيئه اولا المنطقه الى احنا فيها دى فيها ديابه بعدد شعرك فمتهيلقلى احنا مجبناش 100 ده كلهم 3 بس الى اصطدناهم وتقبلو مرورى واشكركم جزيلا على هذه المواجه ....

[chernobyl]

ما شاء الله صيد جميل ينم عن شجاعه و يستحق التحيه

اشكرك يا استاذى ومن بعض مع عندك وانت استاذ كبير واحنا يا دوب بنتعلم منكم :)

[فوزى السيد]

اولا طلعة موفقة وصيد رائع
ثانيا انا نفسى ان لما حد يتكلم عن الحرمانية فى صيد طير او حيوان معين يستند الى حجة ويعطى رئية فى الوضع المناسب انما هنا انا شايف ان الديابة والتعالب من الحيوانات المؤزية لان التعالب طبعا بتسرق وتقتل ما يقابلها من طيرو وحيوانات السكان اللى فى المنطقة اللى هى فيها اما بقا الديابة ممكن لو طفل ماشى تكلة او خروف مثلا او اى بهيم ملك حد ولو الواحد ماشى فى طريق بالليل وطلع علية ديب اظن الديب مش هيسمى علية يبقا طالما فى ديابة او تعالب فى منطقة سكنية ما فيش مانع من قتلها لمنع الاذى عن الناس انا عن نفسى لو لاقيت ديب ونا ماشى هموتة وباى حاجة الاقيها ساعتها ومش هدور على اذا كنت هعزبة ولا لاء المهم هموتة والا هيموتنى هو دة رئيى الشخصى ولكم خالص تحياتى

[chernobyl]

اولا طلعة موفقة وصيد رائع
ثانيا انا نفسى ان لما حد يتكلم عن الحرمانية فى صيد طير او حيوان معين يستند الى حجة ويعطى رئية فى الوضع المناسب انما هنا انا شايف ان الديابة والتعالب من الحيوانات المؤزية لان التعالب طبعا بتسرق وتقتل ما يقابلها من طيرو وحيوانات السكان اللى فى المنطقة اللى هى فيها اما بقا الديابة ممكن لو طفل ماشى تكلة او خروف مثلا او اى بهيم ملك حد ولو الواحد ماشى فى طريق بالليل وطلع علية ديب اظن الديب مش هيسمى علية يبقا طالما فى ديابة او تعالب فى منطقة سكنية ما فيش مانع من قتلها لمنع الاذى عن الناس انا عن نفسى لو لاقيت ديب ونا ماشى هموتة وباى حاجة الاقيها ساعتها ومش هدور على اذا كنت هعزبة ولا لاء المهم هموتة والا هيموتنى هو دة رئيى الشخصى ولكم خالص تحياتى
+1111111111111111111111

[aymank2]

الله ينور ياباشا شغل عالى وانا شايف ان قتل الديابه حلال لانه لو طال بنى ادم هيخلص عليه علشان هيا بتصطاد فى مجموعات وبتصطاد اى حاجه حتى لو بنى ادم .

[ebrahem]

انتا اتلخبطت بين مشاركة ابراهيم واحمد ياسر .. !! .. يقول رسول الله: إن الله كتب الإحسان على كل شي فإذا قتلتم فأحسنوا القتلة وإذا ذبحتم فأحسنوا الذبحة وليحد كل منكم شفرتة وليرح ذبيحتة " انا بتكلم عشان مصلحتك مش بتفلسف عليك وانت حر..
ان كنتم ناويين تنفعوا الناس زى ما بتقول كانت طلقة واحدة ورا الودن كفاية
والى بيتكلم عن الانقراض بحيية واحترمة.
سؤالى عن الفخاخ لأنها ممكن تؤذى اى مخلوق يمر عيها .. مش عشان نقلدك

[chernobyl]

انتا اتلخبطت بين مشاركة ابراهيم واحمد ياسر .. !! .. يقول رسول الله: إن الله كتب الإحسان على كل شي فإذا قتلتم فأحسنوا القتلة وإذا ذبحتم فأحسنوا الذبحة وليحد كل منكم شفرتة وليرح ذبيحتة " انا بتكلم عشان مصلحتك مش بتفلسف عليك وانت حر..
ان كنتم ناويين تنفعوا الناس زى ما بتقول كانت طلقة واحدة ورا الودن كفاية
والى بيتكلم عن الانقراض بحيية واحترمة.
سؤالى عن الفخاخ لأنها ممكن تؤذى اى مخلوق يمر عيها .. مش عشان نقلدك

ماشى انت شايفنى بمسك الديب بعلقو ولا جايب سلكين كهربا وبكهربو يعنى مثلا لو لقيت تعبان هتموتو ازاى هتمسكو هتجيب سكينى وتمسكو وتسمى عليه؟؟؟ يا بيه دى ديابه يعنى يتقتلها يتقتلك

[chernobyl]

وبلنسبه للفخاخ بتتنصب اولا بليل متاخر جدا لما الفلاحين بيروحو فى الاراضى الزراعيه
ثانيا بتتنصب فى اماكن صعبه ونادر لما حد يعدى عليها وبنبقا مراقبين الافخاخ اول باول

[فوزى السيد]

ارجو عدم المشاحنات والخلاف فى الراى لا يفسد للود قضية الموضوع كلة تبادل اراء وانما الاعمال بالنيات ولكل امريئ ما نوا ورجاء فى التعليق على المواضيع ان يكون بالحسنى والكلمة الراقية واى ملحوظات او نصائح تكون على الخاص منعا للاحراج والرد بطرق غيرلا لائقة وفى الاخر كلنا اصحاب هواية راقية لا نريد ان يفسدها علينا اى خلاف فى نقاشات زئلة ونبقا نحن اصحاب الهواية على حب وود واحترام

[chernobyl]

تم تعديل المشاركه عشان خاطر الاستاذ فوزى بس هههههههههه

[soliderheart]

عندى طلب من الاخوة الصيادين انا محتاج كام يمامه كدة من اللى اصطادوهم لو ممكن حد يكلمنى اكون شاكر كرمه 01122555165

[samraghost]

طلعه جامده بصراحه بس ليه استفسار هو انت حاطط اليمام مباشره على الفحم ؟

[chernobyl]

طلعه جامده بصراحه بس ليه استفسار هو انت حاطط اليمام مباشره على الفحم ؟

هههههههههههههه لا طبعن متنظف جيدا الكاميرة بس الى مش موضحه الصورة :)

[doos99]

الله الله ايه الجمال ده يا عم محمد ديابه مره واحده طب مش كنت تعزمنى اجى انا و ابنى و نقعد القعده الحلوه دى و نكمل علي ديابه المنطقه كلها بس بالخرطوش ههههههه
بس بجد حاجه جميله و صحبه اجمل

[قناص المنوفيه]

موضوع رائع جدا وصيد اجمل
بس هو انا ليه حاسس ان الديابه شكل التعالب
ولا هى صغيره ؟؟

[chernobyl]

الله الله ايه الجمال ده يا عم محمد ديابه مره واحده طب مش كنت تعزمنى اجى انا و ابنى و نقعد القعده الحلوه دى و نكمل علي ديابه المنطقه كلها بس بالخرطوش ههههههه
بس بجد حاجه جميله و صحبه اجمل

يباشا دنتا تنور فى اى وقت دى الفيوم كلها تنور بيك يباشا وبعدين احنا جيران يعنى حدد بس انت يوم وانا تحت امرك بس صيد الديابه بلخرطوش هيعدمهم خالص وهيضيع قيمه الفروه

[chernobyl]

موضوع رائع جدا وصيد اجمل
بس هو انا ليه حاسس ان الديابه شكل التعالب
ولا هى صغيره ؟؟

اها فيه شبه بس وجه المقارنه فى طول القدمين الامامين بنسبه للثعالب قدميها الاماميين صغيره وذيلها طويل وحجمها اصغر من الديب

[chernobyl]

واوجه شكر خاص الى الادارة الموقره على تثبيت الموضوع

[mohamed2010habib]

موضوع جميل من انسان اجمل,,,,,بالتوفيق دائما

[chernobyl]

موضوع جميل من انسان اجمل,,,,,بالتوفيق دائما

اشكرك يا دكتور محمد والموضوع جميل بوجودك

[حسن ابراهيم]

الله اكبر اية الحلوة دى

[M.Hatem]

مشاء الله اللهم صلي علي النبي ايه البنادق الي كانت معاكم؟

[bedreamer]

من فضلكم عاوز اسال سؤال
هو صيد الحيوانات دى مش بيأثر على اعدادها ؟

[chernobyl]

اشكركم جميعا
والصيد كان افخاخ وليست اسلحه ناريه
والفخ له انواع كثيرة وتختلف حسب نوع الطرائد المراد صيدها وشكرا لكم

[تامر عصام]

هو حضرتك بعد وقوع الذئب فى الفخ بيموت لوحده و لا أنت بتموته بعصاية أو أى آله و لا أيه

[chernobyl]

هو حضرتك بعد وقوع الذئب فى الفخ بيموت لوحده و لا أنت بتموته بعصاية أو أى آله و لا أيه

لا الفخ يدوب بيمسك رجلو بس وانت بتضربو على راسو بلشوم لحد ميموت

[مصطفى ابواسماعيل]

الله عليك وتسلم ايدك

[chernobyl]

الله عليك وتسلم ايدك

ربنا يخليك يا استاذ مصطفى ومن بعض مع عندكم

[M.Hatem]

المكان فيني افندم والبنادق المستخدمه ايه؟؟؟

[chernobyl]

المكان فيني افندم والبنادق المستخدمه ايه؟؟؟

المكان الفيوم بنسبه لليمام كانت كرال اما الديابه كانت افخاخ

[البندقية]

مبروك الصيد

[The_Guardian]

الله ينور يا أحلى رجاله فى الدنيا

[chernobyl]

الله ينور يا أحلى رجاله فى الدنيا
تسلم يا جميل واحلى بوجودك

[goda]

سبحان الله ...... ريحت الناس من شرهم

[Arch_ahmed]

ايه نوع السلاح المستخدم في هذه الطلعه

[darkshaft]

جميل جدا جدا،بس حضرتك جبت الفخ منين؟
و لو ضربت على الثعلب ببندقيه نمره ٢ كرال هل ممكن تعمل معاه حاجه ولا لا؟؟

[chernobyl]

مفتكرش ان الكرال ممكن تموت تعلب او كلب الا لو من مسافه قليله ومكان قاتل

[عبووود]

طلعة موفقة ماشاء الله

[ahmed2100]

الله ينور يا رجالة

[غاوي]

شيرنوبيل ...عجني اوي التقرير بتاعك و عفارم صحيح ..ربنا يسترها معاكم لان القطيع ممكن يكون اكبر من كده و الذيابة وفيه لبعضها و تحارب عشان بعضها ...
هو ان كنت بس عايز اسالك
كبد الديب بيتاكل ؟و اللي ياكله قلبه يموت؟ جربته ؟
انياب الذيابه بتتخرم و تتعلق .عندك منها؟او عملتها قبل كده ""الناب بس"
طبعا لانك بتستعمل افخاخ الذيب بيبقى صاحي و بتقعد تضربه على دماغه لحد ما يخيب و تصفيه بذبحه ..ممكن تستخدم عصاية تحرق طرفها و تبقى حادة كرمح تطعن بيه من مسافه لو مش عايز الحيوان يتعذب كتير او تركب السكينة عليها ...
و عفارم عليك
احترامي

[xXAli.MohamedXx]

3aaaaaaaash :D

[hema777h]

مقولتليش انت علي الموضوع دااااا لما كنت عندك ماشي يا صدبقي


:d: D

[chernobyl]

شكر لكم جميعا الاستاذ غاوى حضرتك موضوع الكبد ده بصراحه اول مرة اسمع عنه هو والاسنان الله واعلم لاكن من نحيه الراحه هو بيرتاح من اول خبطتتين بلشوم على دماغو بس بردو فى مكان معين للضرب الى يموت منه بسرعه غير المكان ده ممكن يغمى عليه ويقوم عليك فجاه احنا مش بنذبحو لان لو اتزبح فروتو بتبوظ عشان الراس

[chernobyl]

ابراهيم باشا منور والله يا حج هيما وكل سنه وانت طيب ورمضان مبارك وبعدين يا عم الطلعه دى بعد منت مجتلى بمده لكن ان شاء الله لو ناوى تطلع تنور الفيوم كلها لما نطلع هرن عليك

[الجندي المصري]

بسم الله مشاء الله بصراحة انتو محترفين

[tarekvb]

ياترى عملته ايه بالثعالب الثلاثة بعد صيدهم ؟؟؟

[mero1x]

ياترى عملته ايه بالثعالب الثلاثة بعد صيدهم ؟؟؟


ههههههههههههههههة

والله انا حاسس ان الراجل هتجيلوا جلطة

يقول اصطادهم بفخاخ الناس تسأل على نوع البنادق

يقول ثعلب وديابة يقولوا عملت اية فى ال3 ثعالب

حبيبى يا طاروق ليك وحشة وصيد فعلاً مميز من راجل محترم وكل عام وانتم بخير بس يا ريت تشرح للأخوة احساسك اية بعد لما اصطادت الارانب الثلاثة بالديناميت :)

[tarekvb]

ههههههههههههههههة

والله انا حاسس ان الراجل هتجيلوا جلطة

يقول اصطادهم بفخاخ الناس تسأل على نوع البنادق

يقول ثعلب وديابة يقولوا عملت اية فى ال3 ثعالب

حبيبى يا طاروق ليك وحشة وصيد فعلاً مميز من راجل محترم وكل عام وانتم بخير بس يا ريت تشرح للأخوة احساسك اية بعد لما اصطادت الارانب الثلاثة بالديناميت :)
حقك عليا يا ميرو دى غلطة كيى بورد انا اقصد الديابة ولا تزعل وانت كمان ليك وحشة كبيرة ومازال السوال قائم

[mero1x]

حقك عليا يا ميرو دى غلطة كيى بورد انا اقصد الديابة ولا تزعل وانت كمان ليك وحشة كبيرة ومازال السوال قائم


حبيبى والله يا طارق
الراجل قال انة بياخد جلدهم و بيدبغة وبيبيعة
اى خدمة يا برنس

[chernobyl]

ههههههههههههههههة

والله انا حاسس ان الراجل هتجيلوا جلطة

يقول اصطادهم بفخاخ الناس تسأل على نوع البنادق

يقول ثعلب وديابة يقولوا عملت اية فى ال3 ثعالب

حبيبى يا طاروق ليك وحشة وصيد فعلاً مميز من راجل محترم وكل عام وانتم بخير بس يا ريت تشرح للأخوة احساسك اية بعد لما اصطادت الارانب الثلاثة بالديناميت :)

هههههههههههههههههههههههههههههههههههههههههه اكيد محدش خد بالو من الموضوع بس حلوة موضوع الارانب ده وكل سنه وانتم طيبين وعيد مبارك وبص يا استاذ طارق فعلا صعب التمييز بين الثعالب والديابه لكن وجه الاختلاف بيكون فى طول الارجل وطول الذيل الثعلب اقصر من الذيب لكن ذيلو اطول واى اسئله من اى عضو من ناحيه الطلعه انا تحت امرو واسف على التاخير فى الرد

[LionHeart]

اللة ينور يا قناصين طلعة جميلة ماشاء الله وبالتوفيق

[مورو]

يولاد الايه يارتني كنت معاهم يارتني كنت معاهم

[محمد خلف]

الله ينور بجد

[Desert storm]

الله ينور عليك بس انت لو شرفتنا في الواحات هتصطاد تعالب لما تزهق

[chernobyl]

الله ينور عليك بس انت لو شرفتنا في الواحات هتصطاد تعالب لما تزهق

تسلم يا حبيبى وفعلا الوحات فيها كثير بس ثعالب صحراء ودى بتكون اجمل من ثعالب الاراضى الزراعيه

[البطل]

الله ينور ..... ايه الشغل الجامد ده ....... بتوفيق

[Mohannad01]

أكيد كانت متعة وجَوّ أي حد يحب يجربها أكتر من مرة
تسلم ع الصور ومشاركة التجربة يا شرف باشا

[صياد مبتدئ *]

ما شاء الله , صيد موفق , تحياتي

[diabati]

عموما لك عندي زيارة صيد غزلان في الصحراء الشرقية بالصعيد

[sleemm]

مية مية يا ريس
إنت إصدت التعالب ب إيه
بنادق ولا بالشومة إللى فى الصورة