ليييييييييييييييييييييييييييييييه؟؟؟

[sniperff]

عندي البام اول ماجبتها كان الناشنكاه الخلفي مظبوط و هو في المنتصف اما الان بعد فك البندقية و تركيبها اصبحت بترمي يمين اوي فكان الطبيعي ان الناشنكاه يتظبت اقصي الشمال لييييييييييييييه؟؟؟
هو ايه الي ممكن يخلي الرشه ترمي يمين او شمال هل مثلا السوستة من جوة وضعيتها مش مظبوطة؟؟؟ ياريييت حد يفهمني يا جماعة؟؟؟؟؟؟؟؟؟؟؟؟؟؟؟؟؟

[pooforever_2010]

ممكن تكون السوسته فيها انحناء بسيط هو اللى عمل كده
وانتظر رأى الخبراء او راسل الاخ عادل عبده
حيفيدك
تحياتى

[أحمد عطاالله إبراهيم]

على ما اعتقد يا باشا ممكن تكون السوسته لان الموضوع ده حصل مع عضو مش فاكر مين بصراحة ولما غير السوسته النشان بقى تمام ورجع زى الاول ..

وبرضه انتظر راى الخبراء ..

[عادل عبده]

السوسته غالبا بتبقى معوجه
وانت كده يا مان ركبتها والعوجه على جمب

ده تخمين يعنى
بالتوفيق

[sniperff]

ده انا بفكها و اركبها كذا مرة يعني مثلا مش ترمي مرة شمال؟؟؟ لا ده كلو يميييييين حراام بجد انا حاسس ان البندقية حوولة

[هشام سمير]

الاخوه الافاضل السوسته ليس لها تأثير على اتجاه المقذوف يميناً ويساراً ما هى الا آ داه لضغط الهواء الموجود بحجرة الهواء (الكانون )
اخى الفاضل يجب عليك اولاً التأكد من ان النشنكاه الخلفى فى مكانه القديم بمنتهى الدقه لو كنت متأكد من انتصاف النشنكان الخلفى وانه فى مكانه بالملى
فعليك بتحريك قاعدة سن نملة الدبانه( النشكاه الامامى الى اليساااار قيلاً وهنا تزال المشكله تماماً
ملحوظه
تأكد من استقامة الماسوره

[sniperff]

الاخوه الافاضل السوسته ليس لها تأثير على اتجاه المقذوف يميناً ويساراً ما هى الا آ داه لضغط الهواء الموجود بحجرة الهواء (الكانون )
اخى الفاضل يجب عليك اولاً التأكد من ان النشنكاه الخلفى فى مكانه القديم بمنتهى الدقه لو كنت متأكد من انتصاف النشنكان الخلفى وانه فى مكانه بالملى
فعليك بتحريك قاعدة سن نملة الدبانه( النشكاه الامامى الى اليساااار قيلاً وهنا تزال المشكله تماماً
ملحوظه
تأكد من استقامة الماسوره

شكرا للمعلومة ... بس ازاي احرك الناشنكاه الامامي للبام يمين و شما هل يمكن ذلك؟

[Angel]

شكرا للمعلومة ... بس ازاي احرك الناشنكاه الامامي للبام يمين و شما هل يمكن ذلك؟

بيتحرك بالدق علية لكن بحذر جدا و بحاجة لا تسبب جرح
مثلا اليد الخسب للشاكوش

بالتوفيق

[sniperff]

بردو اكيد لو دقيت عليه مش حيتحرك...ناشنكاه البام من الامام عبارة عن دائرة بداخلها السن

[omedo]

المضحك اني هرد علي سؤالك بعد مرور سنتين هههههههه.... عموما يا برنس ركز معايا... البام قويه جدا في رد الفعل وقوه رد الفعل بتحرك النشنكاه الامامي لورا زي مابتحرك قاعده الاسكوب وزي مابتحرك النشنكاه الخلفي..... وفي كلام بغبغنات بيتكرر بدون فهم الا وهو ان المشكله في البام بتبقي في مسامير النشنكاه الخلفي بس ... وماحدش واخد باله ان النشنكاه الامامي برضه بيتحرك لورا زي قاعده الاسكوب تمام من قوه رد الفعل.... والحل؟ الحل هو انك هتلاقي ورا النشنكاه الامامي مكان فتحه قلاوظ لمسمار ركب فيها مسمار صغير قلاوظ واعمله استوبر للنشنكاه الامامي.... سامع واحد ذكي شويه بيقولي ان المشكله عند الراجل هي ان الرش بيحدف شمال.. مال ده ومال اللي انا قولته؟ اقولك يابرنس العلاقه.. ماهو لما النشنكاه الامامي يبقي راجع ورا خالص علي المجري بتاعته لما انت بتحرك النشنكاه الخلفي يمين وشمال بيكون التاثير ضعيف في ضبط الانحراف للرشه لان سن نمله الدبانه راجع ورا خالص... انما لو سن نمله الدبانه اللي هو النشنكاه الامامي بيكون في مكانه قدام خالص في الماسوره ومش متزحلق لورا لما انت بتحرك فتحه النشنكاه الخلفي يمين وشمال بيبان التأثير اقوي في ضبط الانحراف للرش.... عن تجربه لان نفس المشكله كانت عندي ولما عملت زي ماقولتلك بقي نشانها موووووووس... واي خدمه يا شباب لاي استفسار عن البام... 01090340134