الكرال بعد اجراء التعديلات الازمه.

[aymank2]

اخواتى فى المنتدى تحياتى ليكم جميعاّ وكل سنه وانتم طيبين اضافه الى اخواتى الرواد فى المنتدى الى نورونا وخلونا نتعرف على البندقيه الكرال تحياتى ليهم جميعاّ وانشاء الله نتعلم منهم اكتر واكتر... حبيت اعرفكم على التجربه الشخصيه مع الكرال اولا انا اشتريت البندقيه من 3 شهور تقريباّ بعد اكتر من 10سنين توقف عن الصيد هيا خشب كبير من السجلابى ب 1450 واول مشتريتها وقبل اى طلعه تم عمل تشحيم وتنظيف للبندقيه وطبعاّ تغير قاعده السوسته الفبر بوحده معدن عند النجم محمود شلبى وقالى السوسته بتاعتها زى الفل مفيهاش المشاكل التقليديه بتاعت الكرال والجلبه وجلبت بيت الرش مفيش احلى من كده . اتكلت على الله وابتديت اجرب البندقيه على مسافات اكبر من 10متر القوه كانت جباره بس النشان حدث ولا حرج كل شويه بحاله لحد مزهقت منها وقرفت بصراحه وانا هعمل ايه بالقوه من غير الدقه المهم طلعت بيها كذا طلعه وكنت الحصيله معقوله والحمد لله بس فى بدايه الطلعات بعد كده ترييش والذى منه وده مش من النشان على شان انا مثبته كويس جداّ الهم اكثر من زميل فى المنتدى ربنا يباركلهم نصحونى اغير السوسته انا شخصياّ مكنتش مقتنع ومال السوسته السوسته قويه مالها ومال النشان كنت ساذج طبعاّ وبعد تفكير قلت لما اجرب وماله وبعدين لقيت عرض على سوست جامو الاصليه فى احد المنتديات الصديقه من شخصيه محترمه اشتريته على طول ولسه مركبها من اسبوع واحد عند محمود شلبى الى كان صعبان عليه يغير السوسته الاصليه لانها زى ماهيا زى الفل مرفق صوره ليها فى الاسفل وياخساره مصورتش السوسته الجامو قبل التركيب المهم ابتديت اجرب البندقيه بعد تركيب السوسته الجامو وعينك متشوف الا النور بعدم احتساب اول 3 رشات فى كل تجربه وده طبيعى دقه عليا جداّ وقوه تدميريه ملهاش حل مرفق صور غطاء حاجه حاجه ساقعه من مسافه 12 متر تم تجربه البندقيه ثلاثه ايام على فترات مختلفه معلش برضه ال اتلسع من الشربه ينفخ فى الزبادى ههههه مرفق صور بالاسفل لغطاء الحاجه الساقعه دهنه ازرق مضروب 5 رشات و صوره لكاتم البندقيه للاخوه الى بيسألو على شكل الاصدار الجديد وصوره للبندقيه ال بقت عزيزه عليه وصوره للسوسته الاصليه وباين من الصوره انها زى ماهيا وصوره للوح النشان الخشب وهو جزء من لوح سرير من النوع السميك من عند اى نجار تم تدميره تماما بحوالى 30 رشه وغداّ باذن الله التجربه العمليه و هتبقى طلعه شم النسيم انشاء الله ادعولى برجاء الى عاجبه الموضوع التقييم والى مش عاجبه برضه التقييم هههههه وكل سنه وانتم طيبين مره تانيه.

[illustrator]

شكرا على الموضوع
يعنى تغيير السوسته فقط بواحده اخرى اصليه ممكن يحل مشكله التجميع

[dr_mohasan]

ربنا يباركلك فيها , ودى نصيحة لزملاء كتير فى المنتدى ان سوستة الكرال لازم تتغير على الرغم من ان السوستة الأصلية سليمة و مافهاش حاجة و زى الفل .... لكن النتيجة العملية مختلفة

شـــكراً يا أستاذ أيمن على مجهودك فى التجربة العملية و عرضها على الزملاء لإفادتهم

[illustrator]

ربنا يباركلك فيها , ودى نصيحة لزملاء كتير فى المنتدى ان سوستة الكرال لازم تتغير على الرغم من ان السوستة الأصلية سليمة و مافهاش حاجة و زى الفل .... لكن النتيجة العملية مختلفة

شـــكراً يا أستاذ أيمن على مجهودك فى التجربة العملية و عرضها على الزملاء لإفادتهم

بس سؤال يا دكتور ممكن اجيب سوسته محترمه منين وايه المنتدى الصديق اللى بيوزع سوست

[mibrahem]

شغل عالى هتشجعنى اغير السستة انا كمان معايا كرال

[تامر عصام]

أنا كمان معايا كرال و مازالت السوسته الأصلية و لكن للأسف لا أستطيع ان احكم عليها لأنى لم اخرج بها و لا طلعة حتى الآن مع انى أشترتها من شهر تقريبا و التجربة اللى بقوم بها داخل الشقة و ده طبعا ليس مقياس لآن اكبر مسافة كانت 10 متر

[Orabi]

السلام عليكم ورحمة الله وبركاته،
أخي العزيز أنا كنت أملك بندقيه كرال قبل ما ربنا يفتحها عليه و أجيب ديانا ٥٢ فهقولك علي أسرار معالجة عيوب الكرال و تعملها و تدعيلي:
١- تغيير السوسته بتاعتها لأن حتي لو مش باين فيها عيب السوسته بيكون فيها إنحناء بسيط و كذلك المسافات بين الحلقات غير منظمه فبتخلي البندقيه تشكل. يعني رشه فوق ورشه تحت و حبه يمين و حبه شمال علشان متزعلش حد :) منها.
٢- الجلبه بتاعتها تغيرها بحاجه نظيفه لأن اللي فيها ساعات بيكون فيها شروخ أو فلق خفيف أوي مش باين.
٣- تغير قاعدة الدليل الفيبر بواحده معدن لأن الفيبر بتتكسر و بعدين تقوم محشوره في مجموعة الزناد و السوسته بتضغط علي مجموعة الزناد فتقوم المجموعة تبوظ و تتعور في مبلغ محترم وده إن لاقيتها.
٤-النشنكان الخلفي لأنهم عملين المسمار اللي ماسكه تحت الغطاء بتاعه علي الطرف فمع الضرب بيتحرك. و لذلك بيتعمل مسمار تاني في المنتصف و أنسي بقي ثبات السنين يا باشا.
٥- بتتعمل قرصه خفيفه علي مجموعة الزناد علشان المشكله اللي بتظهر ساعات وهي إن البندقيه مبتقبلش التعمير. و للأسف في ناس مش بتبقي عارفه المشكله دي ولا حلها فيقولك البندقيه باظت معلش يا بيه نصيبك مع عن حل المشكله تافه أخر حاجه :)
٦- قبل كل طلعه أكد علي ربط مسامير البندقيه اللي في الجنب لأنهم بيفكوا مع الضرب فربطهم قبل كل طلعه علشان متبقاش مزبط كل حاجه و تلاقي البندقيه بتشكل منك.
أعمل الحاجات دي وأقسم لك أن البندقيه هتبقي وحش معاك. يا رب أكون أفدتك و أفدت أي حد معاه كرال. و اللي عايز أي إستفسار أخر أنا تحت أمره. وتقبل مروري :)

[Orabi]

معلش حاجه كمان نسيت أقولها لما تيجي تظبط نشانك أفضل مسافه من ٢٠ ال ٢٥ متر. إنما ال ١٠ او ١٢ متر دول ميئكلوش عيش :). سلام يا كبير :)

[illustrator]

معلش حاجه كمان نسيت أقولها لما تيجي تظبط نشانك أفضل مسافه من ٢٠ ال ٢٥ متر. إنما ال ١٠ او ١٢ متر دول ميئكلوش عيش :). سلام يا كبير :)

تسلم على المعلومات القيمه
بس اخوك بفضل الله كان معايا ديانا اير كينج ببيعها علشان اضبط الكرال هههههههه

[عادل عبده]

الله ينور ياعم عرابى برنس اخر حاجه ومتميز
شرح وافى
من انسان فاهم
بالتوفيق ان شاء الله دائما

[Orabi]

الله ينور ياعم عرابى برنس اخر حاجه ومتميز
شرح وافى
من انسان فاهم
بالتوفيق ان شاء الله دائما

تسلم يا عدوله علي ذوقك وردك الجميل المحترم زيك. و الحاجات دي إتعلمتها من الناس القديمه المحترمه زيكم. و برده مش هنسي إنك كنت أول واحد كلمته علي المنتدي و ساعدني بكل رجوله و مبخلش عليه بأي معلومه أو مساعده. ربنا يديم المعروف و الحب بين كل أعضاء هذا المنتدي المحترم.

[Orabi]

تسلم على المعلومات القيمه
بس اخوك بفضل الله كان معايا ديانا اير كينج ببيعها علشان اضبط الكرال هههههههه

هاهاهاهاهاهاها يا باشا أنا طول عمري أقول "قالوا بندقيه قلت صياد" أنا كنت عامل موضوع علي العام بهذا الإسم شوفه هتفهم قصدي. لأن الصياد الصح لو إديته عصاية مقشه هيضرب بيها تمام إنما لو مش صياد يبقي لو إديته الدنيا مش هيعمل حاجه. بس خساره الإيركينج يا باشا تِطَلّقها علشان الكرال :)

[عادل عبده]

. بس خساره الإيركينج يا باشا تِطَلّقها علشان الكرال :)

اوام نسيت الحب الاولانى كده ياكبير
بيقولك القديمه تحلى ولو كانت .....................
نهارك جميل يا حبيبى

[Orabi]

اوام نسيت الحب الاولانى كده ياكبير
بيقولك القديمه تحلى ولو كانت .....................
نهارك جميل يا حبيبى

والله أبداً يا عدوله. مين فات قديمه تاه. و عمري ما هنسي إن الكرال بندقيه كويسه و محترمه و إني إتعلمت الصيد عليها وكانت وش السعد و الخير عليه :)

[illustrator]

هاهاهاهاهاهاها يا باشا أنا طول عمري أقول "قالوا بندقيه قلت صياد" أنا كنت عامل موضوع علي العام بهذا الإسم شوفه هتفهم قصدي. لأن الصياد الصح لو إديته عصاية مقشه هيضرب بيها تمام إنما لو مش صياد يبقي لو إديته الدنيا مش هيعمل حاجه. بس خساره الإيركينج يا باشا تِطَلّقها علشان الكرال :)

الديانا مش وش بهدله الكرال تكسب ههههههههه

[تامر عصام]

السلام عليكم ورحمة الله وبركاته،
أخي العزيز أنا كنت أملك بندقيه كرال قبل ما ربنا يفتحها عليه و أجيب ديانا ٥٢ فهقولك علي أسرار معالجة عيوب الكرال و تعملها و تدعيلي:
١- تغيير السوسته بتاعتها لأن حتي لو مش باين فيها عيب السوسته بيكون فيها إنحناء بسيط و كذلك المسافات بين الحلقات غير منظمه فبتخلي البندقيه تشكل. يعني رشه فوق ورشه تحت و حبه يمين و حبه شمال علشان متزعلش حد :) منها.
٢- الجلبه بتاعتها تغيرها بحاجه نظيفه لأن اللي فيها ساعات بيكون فيها شروخ أو فلق خفيف أوي مش باين.
٣- تغير قاعدة الدليل الفيبر بواحده معدن لأن الفيبر بتتكسر و بعدين تقوم محشوره في مجموعة الزناد و السوسته بتضغط علي مجموعة الزناد فتقوم المجموعة تبوظ و تتعور في مبلغ محترم وده إن لاقيتها.
٤-النشنكان الخلفي لأنهم عملين المسمار اللي ماسكه تحت الغطاء بتاعه علي الطرف فمع الضرب بيتحرك. و لذلك بيتعمل مسمار تاني في المنتصف و أنسي بقي ثبات السنين يا باشا.
٥- بتتعمل قرصه خفيفه علي مجموعة الزناد علشان المشكله اللي بتظهر ساعات وهي إن البندقيه مبتقبلش التعمير. و للأسف في ناس مش بتبقي عارفه المشكله دي ولا حلها فيقولك البندقيه باظت معلش يا بيه نصيبك مع عن حل المشكله تافه أخر حاجه :)
٦- قبل كل طلعه أكد علي ربط مسامير البندقيه اللي في الجنب لأنهم بيفكوا مع الضرب فربطهم قبل كل طلعه علشان متبقاش مزبط كل حاجه و تلاقي البندقيه بتشكل منك.
أعمل الحاجات دي وأقسم لك أن البندقيه هتبقي وحش معاك. يا رب أكون أفدتك و أفدت أي حد معاه كرال. و اللي عايز أي إستفسار أخر أنا تحت أمره. وتقبل مروري :)
الله يكرمك يا باشا على المعلومات دى بس بالنسبة للنقطة رقم 3 اللى حضرتك ذكرتها إن تغيير القاعده الفيبر بواحده معدن أنا سمعت ان الحكاية دى بتخلى رد فعل البندقية مش مظبوط لأن القاعدة دى لازم تكون فيبر علشان تمتص رد فعل البندقية شوية و الله أعلم الكلام ده صح ولا غلط فلو حد عنده معلومة مؤكدة عن المشكلة دى يا ريت يقول لنا و شكرا مرة ثانية على المعلومات القيمة دى
و أخيرا عايز أعرف محل محمود شلبى اللى فى مارى جرجس من ناحية جامع عمرو والمتحف القبطى ولا من الناحية الثانية لمحطة المترو وشكرا

[Orabi]

الله يكرمك يا باشا على المعلومات دى بس بالنسبة للنقطة رقم 3 اللى حضرتك ذكرتها إن تغيير القاعده الفيبر بواحده معدن أنا سمعت ان الحكاية دى بتخلى رد فعل البندقية مش مظبوط لأن القاعدة دى لازم تكون فيبر علشان تمتص رد فعل البندقية شوية و الله أعلم الكلام ده صح ولا غلط فلو حد عنده معلومة مؤكدة عن المشكلة دى يا ريت يقول لنا و شكرا مرة ثانية على المعلومات القيمة دى

السلام عليكم أخي الحبيب
المعلومه دي مش صح. لأن القاعده دي معموله علشان تمنع السوسته أثناء إرتدادها بقوه عند الضرب من الخبط في مجموعه الزناد و تمنعه من الضغط علي مجموعة الزناد عند التعمير. يعني ملهاش دعوه بأي حاجه تانيه. هما الأتراك صيع شويه :) عملوها فيبر علشان تكسر و تبوظ حاجات تانيه و بالتالي يبقي فيه طلب علي قطع غيار بعد كده يعني من الأخر شغل سوق و تجاره. المهم متضربش بالبندقيه كتير الا لما تعمل الحاجات دي.

و تقبل مروري و أي إستفسار أنا تحت أمرك

[تامر عصام]

شكرا يا باشا على سرعة الرد و ربنا يجازيك خير

[dr_mohasan]

الله يكرمك يا باشا على المعلومات دى بس بالنسبة للنقطة رقم 3 اللى حضرتك ذكرتها إن تغيير القاعده الفيبر بواحده معدن أنا سمعت ان الحكاية دى بتخلى رد فعل البندقية مش مظبوط لأن القاعدة دى لازم تكون فيبر علشان تمتص رد فعل البندقية شوية و الله أعلم الكلام ده صح ولا غلط فلو حد عنده معلومة مؤكدة عن المشكلة دى يا ريت يقول لنا و شكرا مرة ثانية على المعلومات القيمة دى
و أخيرا عايز أعرف محل محمود شلبى اللى فى مارى جرجس من ناحية جامع عمرو والمتحف القبطى ولا من الناحية الثانية لمحطة المترو وشكرا

أستاذ حسن عرابى مظبّط الموضوع ومش سايبلنا حاجة نقولها

بالنسبة لموضوع قاعدة السوستة , أنا هاقولك تجربة عملية علشان تطمئن , أنا مغيّر قاعدة السوستة فى البندقية الرويال بتاعتى , هى كانت فيبر زى الكرال كدة بس طبعا خامة احسن و كانت سليمة بس محمود شلبى نصحنى اغيّرها بالمعدن , غيّرتها و البندقية مظبوطة زى الفل ماشاء الله و احسن من الأول كمان
ودخلت بالبندقية مسابقة رماية كان أحد أصدقائنا عاملها عنده فى الفيللا بتاعته , والحمد لله كسبت المركز الأول على عشرة من أفضل الصيّادين , ومنهم اللى كان داخل المسابقة ببندقية pcp , ولكن الحمد لله الرويال شرّفتنى.

بالنسبة لمحل محمود شلبى , هو ناحية الكورنيش

[Orabi]

أستاذ حسن عرابى مظبّط الموضوع ومش سايبلنا حاجة نقولها

بالنسبة لموضوع قاعدة السوستة , أنا هاقولك تجربة عملية علشان تطمئن , أنا مغيّر قاعدة السوستة فى البندقية الرويال بتاعتى , هى كانت فيبر زى الكرال كدة بس طبعا خامة احسن و كانت سليمة بس محمود شلبى نصحنى اغيّرها بالمعدن , غيّرتها و البندقية مظبوطة زى الفل ماشاء الله و احسن من الأول كمان
ودخلت بالبندقية مسابقة رماية كان أحد أصدقائنا عاملها عنده فى الفيللا بتاعته , والحمد لله كسبت المركز الأول على عشرة من أفضل الصيّادين , ومنهم اللى كان داخل المسابقة ببندقية pcp , ولكن الحمد لله الرويال شرّفتنى.

بالنسبة لمحل محمود شلبى , هو ناحية الكورنيش

يا دكتور محمد أنتم أساتذتنا الكبار. و بعدين حضرتك الله أكبر عليك و لا حول ولا قوة الا بالله تضرب بالموس الرويال تضرب بكرال و لا بأي خشبه تطلع رش الله أكبر عليك سمعتك كقناص معروفه إنك موهوب و مميز و صياد كبيييييييييير. و عرفت إنك أخدت المركز الأول يا كبير من أ/ محمد محمود و أسف إني مباركتش لحضرتك. مبروك يا دكتور ربنا يحميك.

[illustrator]

أستاذ حسن عرابى مظبّط الموضوع ومش سايبلنا حاجة نقولها

بالنسبة لموضوع قاعدة السوستة , أنا هاقولك تجربة عملية علشان تطمئن , أنا مغيّر قاعدة السوستة فى البندقية الرويال بتاعتى , هى كانت فيبر زى الكرال كدة بس طبعا خامة احسن و كانت سليمة بس محمود شلبى نصحنى اغيّرها بالمعدن , غيّرتها و البندقية مظبوطة زى الفل ماشاء الله و احسن من الأول كمان
ودخلت بالبندقية مسابقة رماية كان أحد أصدقائنا عاملها عنده فى الفيللا بتاعته , والحمد لله كسبت المركز الأول على عشرة من أفضل الصيّادين , ومنهم اللى كان داخل المسابقة ببندقية pcp , ولكن الحمد لله الرويال شرّفتنى.

بالنسبة لمحل محمود شلبى , هو ناحية الكورنيش

هو فيه مسابقات رمايه فين وازاى اشترك

[زيدان مصر]

شكرا لالاستاذ ايمن صاحب الموضوع و شكرا ل الاستاذ عرابى و الدكتور محمد (ماشاء الله لا قوه الا بالله الف مبروك على المركز الاول يا دكتور ) ......وسوف يتم عمل التعديلات المطلوبه حالا ان شاء الله ...... و جزاكم الله عنا خيرا

[Orabi]

شكرا لالاستاذ ايمن صاحب الموضوع و شكرا ل الاستاذ عرابى و الدكتور محمد (ماشاء الله لا قوه الا بالله الف مبروك على المركز الاول يا دكتور ) ......وسوف يتم عمل التعديلات المطلوبه حالا ان شاء الله ...... و جزاكم الله عنا خيرا

يا فندم لا شكر علي واجب علينا. إدارة المنتدي تحت أمر كل الأعضاء لأن الإدارة تكليف و ليست تشريف. تقبل تحياتي.

[aymank2]

ربنا يباركلك فيها , ودى نصيحة لزملاء كتير فى المنتدى ان سوستة الكرال لازم تتغير على الرغم من ان السوستة الأصلية سليمة و مافهاش حاجة و زى الفل .... لكن النتيجة العملية مختلفة

شـــكراً يا أستاذ أيمن على مجهودك فى التجربة العملية و عرضها على الزملاء لإفادتهم

شكراّ على مشاركتك انتا يادكتور وبنتعلم منكم

[aymank2]

شغل عالى هتشجعنى اغير السستة انا كمان معايا كرال

اتكل على الله بس ياريت تجيب سوسته الجامو الاصليه ال35حلقه بالتوفيق انشاء الله.

[aymank2]

أنا كمان معايا كرال و مازالت السوسته الأصلية و لكن للأسف لا أستطيع ان احكم عليها لأنى لم اخرج بها و لا طلعة حتى الآن مع انى أشترتها من شهر تقريبا و التجربة اللى بقوم بها داخل الشقة و ده طبعا ليس مقياس لآن اكبر مسافة كانت 10 متر
ياريت تطلع تصطاد بيها متعه مابعدها متعه حتى لو مره واحده فى الشهر.

[aymank2]

السلام عليكم ورحمة الله وبركاته،
أخي العزيز أنا كنت أملك بندقيه كرال قبل ما ربنا يفتحها عليه و أجيب ديانا 52 فهقولك علي أسرار معالجة عيوب الكرال و تعملها و تدعيلي:
1- تغيير السوسته بتاعتها لأن حتي لو مش باين فيها عيب السوسته بيكون فيها إنحناء بسيط و كذلك المسافات بين الحلقات غير منظمه فبتخلي البندقيه تشكل. يعني رشه فوق ورشه تحت و حبه يمين و حبه شمال علشان متزعلش حد :) منها.
2- الجلبه بتاعتها تغيرها بحاجه نظيفه لأن اللي فيها ساعات بيكون فيها شروخ أو فلق خفيف أوي مش باين.
3- تغير قاعدة الدليل الفيبر بواحده معدن لأن الفيبر بتتكسر و بعدين تقوم محشوره في مجموعة الزناد و السوسته بتضغط علي مجموعة الزناد فتقوم المجموعة تبوظ و تتعور في مبلغ محترم وده إن لاقيتها.
4-النشنكان الخلفي لأنهم عملين المسمار اللي ماسكه تحت الغطاء بتاعه علي الطرف فمع الضرب بيتحرك. و لذلك بيتعمل مسمار تاني في المنتصف و أنسي بقي ثبات السنين يا باشا.
5- بتتعمل قرصه خفيفه علي مجموعة الزناد علشان المشكله اللي بتظهر ساعات وهي إن البندقيه مبتقبلش التعمير. و للأسف في ناس مش بتبقي عارفه المشكله دي ولا حلها فيقولك البندقيه باظت معلش يا بيه نصيبك مع عن حل المشكله تافه أخر حاجه :)
6- قبل كل طلعه أكد علي ربط مسامير البندقيه اللي في الجنب لأنهم بيفكوا مع الضرب فربطهم قبل كل طلعه علشان متبقاش مزبط كل حاجه و تلاقي البندقيه بتشكل منك.
أعمل الحاجات دي وأقسم لك أن البندقيه هتبقي وحش معاك. يا رب أكون أفدتك و أفدت أي حد معاه كرال. و اللي عايز أي إستفسار أخر أنا تحت أمره. وتقبل مروري :)
والله بنتعلم منكم ياباشا... بالنسبه للجلبه تم الكشف عنها مرتين فى خلال 3 شهور ومفيهاش الهوى الحمد لله بالنسبه لمجموعه الزناد البندقيه اتفورت واتركبت على ايد أ.محمود شلبى اكيد ظبتها 100%

[aymank2]

تسلم على المعلومات القيمه
بس اخوك بفضل الله كان معايا ديانا اير كينج ببيعها علشان اضبط الكرال هههههههه

تسلم على مشركتك ياباشا واكيد الديانا احسن ربنا يباركلك فى الاثنين.

[Orabi]

والله بنتعلم منكم ياباشا... بالنسبه للجلبه تم الكشف عنها مرتين فى خلال 3 شهور ومفيهاش الهوى الحمد لله بالنسبه لمجموعه الزناد البندقيه اتفورت واتركبت على ايد أ.محمود شلبى اكيد ظبتها 100%

تحت أمرك يا فندم في أي وقت. تقبل تحياتي

[aymank2]

الله ينور ياعم عرابى برنس اخر حاجه ومتميز
شرح وافى
من انسان فاهم
بالتوفيق ان شاء الله دائما
شكراّ على مشاركتك ربنا يبارك ليك يا أ ستاذ عادل انتا والاستاذ عرابى انتم الاصل طبعاّ.

[aymank2]

شكرا لالاستاذ ايمن صاحب الموضوع و شكرا ل الاستاذ عرابى و الدكتور محمد (ماشاء الله لا قوه الا بالله الف مبروك على المركز الاول يا دكتور ) ......وسوف يتم عمل التعديلات المطلوبه حالا ان شاء الله ...... و جزاكم الله عنا خيرا
شكراّ لمرورك ولزوئك وانشاء الله تبقى مدفع ربنا يباركلك فيها.

[shooter11]

مشكور يباشا علي النصائح الحلوه ديه وانشاء الله اعملها في اقرب فرصه

[محمد حافظ بك]

عرابي باشا الله ينور علي المعلومات بس في سؤالين لة تسمح .. بالنسبة لتثبيت النيشان الخلفي و القرصة علي الزناد ..برجاء الايضاح بالتفصيل المتمادي في الملل ...و لك تحياتي و معلش بتقل عليك

[وليد سعد زغلول]

الله ينور عليك يا أبو جاسر وألف مبروك على السوستة الجديدة وبالصيد الوفير وتقبل تحياتي ودمت في أمان الله تعالى

[aymank2]

الله ينور عليك يا أبو جاسر وألف مبروك على السوستة الجديدة وبالصيد الوفير وتقبل تحياتي ودمت في أمان الله تعالى
ربنا يخليك يا ابو عبد الرحمن وشكراّ على مشركتك.

[Orabi]

عرابي باشا الله ينور علي المعلومات بس في سؤالين لة تسمح .. بالنسبة لتثبيت النيشان الخلفي و القرصة علي الزناد ..برجاء الايضاح بالتفصيل المتمادي في الملل ...و لك تحياتي و معلش بتقل عليك

لحضرتك رساله علي الخاص

تقبل تحياتي

[gmslem]

عرابي باشا الله ينور علي المعلومات بس في سؤالين لة تسمح .. بالنسبة لتثبيت النيشان الخلفي و القرصة علي الزناد ..برجاء الايضاح بالتفصيل المتمادي في الملل ...و لك تحياتي و معلش بتقل عليك

أولا : شكرا جزيلا و موضوع ماتع و شكر موصول لكل أعضاء المنتدي الرائع الذين شاركوا في هذا الموضوع .... فعلا الرماية رياضة النبلاء .

ثانيا : نفس سؤال اخي محمد حافظ باشا ... برجاء الوصف التفصلي .

ثالثا : المدي الفعال كم متر بعد كل هذه التعديلات .... ؟ وهل تصلح لصيد " قنفذ " من مسافة 50 الي 60 متر ؟؟؟؟

رابعا : هل تصلح لصيد غراب علي نفس المسافة ايضا ؟؟؟؟

خامسا : كم تكلفت هذه التعديلات ؟؟؟ وكذلك الوقت ؟؟؟

شكرا لكم و تقبلوا كثير أسفي لوقتكم .

[Orabi]

أولا : شكرا جزيلا و موضوع ماتع و شكر موصول لكل أعضاء المنتدي الرائع الذين شاركوا في هذا الموضوع .... فعلا الرماية رياضة النبلاء .

ثانيا : نفس سؤال اخي محمد حافظ باشا ... برجاء الوصف التفصلي .

ثالثا : المدي الفعال كم متر بعد كل هذه التعديلات .... ؟ وهل تصلح لصيد " قنفذ " من مسافة 50 الي 60 متر ؟؟؟؟

رابعا : هل تصلح لصيد غراب علي نفس المسافة ايضا ؟؟؟؟

خامسا : كم تكلفت هذه التعديلات ؟؟؟ وكذلك الوقت ؟؟؟

شكرا لكم و تقبلوا كثير أسفي لوقتكم .


أخي العزيز،،
مش مهم حضرتك بتضرب بأي بندقيه و لا العبره بالمسافه ولا بنوع الكائن المهم هو بتضرب الصيد فين بمعني أخر لو بتضرب في مقتل زي مكان القلب، الرقبه أو أسفل الأذن بأذن الله تموت تعلب مش قنفد :)
أما بخصوص التكلفه بتتكلم في حوالي
100 الي 120 جنيه سوسته
30 الي 40 قاعده
وحوالي 30 ال 40 مصنعيه
يعني بنكلم في تكلفه من 130 الي 160 و الكلام ده ما يخدش أكثر من نص ساعه.

تقبل تحياتي

[M.Hatem]

شكرا علي المعلومات القيمه

[aymank2]

أخي العزيز،،
مش مهم حضرتك بتضرب بأي بندقيه و لا العبره بالمسافه ولا بنوع الكائن المهم هو بتضرب الصيد فين بمعني أخر لو بتضرب في مقتل زي مكان القلب، الرقبه أو أسفل الأذن بأذن الله تموت تعلب مش قنفد :)
أما بخصوص التكلفه بتتكلم في حوالي
100 الي 120 جنيه سوسته
30 الي 40 قاعده
وحوالي 30 ال 40 مصنعيه
يعني بنكلم في تكلفه من 130 الي 160 و الكلام ده ما يخدش أكثر من نص ساعه.

تقبل تحياتي

مشكور ياأستاذ عرابى تعليق واحد بس ان سوسته الجامو شادو الاصلى من 140الى 160 وديه كانت عرض وخلص كمان لو حضرتك بتجبها من حد موثوق فيه ياريت اسمه ورقمه بعد اذنك. على فكره السوسته الى انا مركبها السوسته الاصلى بعد معاينه من محمود شلبى واكثر من شخص كان موجود عنده وقالى ان السوسته تعيش على الاقل 3 سنين او تضرب على الاقل 10000رشايه.

[Orabi]

مشكور ياأستاذ عرابى تعليق واحد بس ان سوسته الجامو شادو الاصلى من 140الى 160 وديه كانت عرض وخلص كمان لو حضرتك بتجبها من حد موثوق فيه ياريت اسمه ورقمه بعد اذنك. على فكره السوسته الى انا مركبها السوسته الاصلى بعد معاينه من محمود شلبى واكثر من شخص كان موجود عنده وقالى ان السوسته تعيش على الاقل 3 سنين او تضرب على الاقل 10000رشايه.

والله يا باشا سيبك من موضوع العروض و الكلام ده :) كل واحد و شطارته في شراء الحاجه. ومدام إنت إشتريت مبروك عليك ومحمود شلبي مدام قالك تمام يبقي خلاص تمام :)

أما موضوع العمر الإفتراضي فده نسبي شويه بأنه بيعتمد علي طريقة إستعمالك البندقيه.

تقبل تحياتي

[bravehro1]

بكام الديانا ارجو الإرسال علي الخاص

[wael122]

مبارك عليك التعديلات الجميلة
وربنا يديك خيرها ويكفيك شرها

[Orabi]

بكام الديانا ارجو الإرسال علي الخاص

وليه يا باشا علي الخاص :) دي مش حاجه سريه أو شخصيه خليها هنا علشان تبقي معلومه مفيده للكل

الديانا 52 في حدود 5،700 الي 6,000
الديانا 52/48 في حدود 5،300 الي 5،500
الديانا 34 ب 4,000
الديانا 54 في حدود 6,000 الي 6،300
الديانا 56 ب 9،500

تقبل تحياتي

[mr-a]

وليه يا باشا علي الخاص :) دي مش حاجه سريه أو شخصيه خليها هنا علشان تبقي معلومه مفيده للكل

الديانا 52 في حدود 5،700 الي 6,000
الديانا 52/48 في حدود 5،300 الي 5،500
الديانا 34 ب 4,000
الديانا 54 في حدود 6,000 الي 6،300
الديانا 56 ب 9،500

تقبل تحياتي

السلام عليكم ورحمة الله وبركاته

عرابي باشا الأسعار دي عندمين ؟؟؟

لأني اعتقد انها أغلى من كدا بكتير ؟؟؟

[وليد سامى]

ياراجل ال54 ب8250 الا اذا كانت نمرة 1

[amr saber]

وليه يا باشا علي الخاص :) دي مش حاجه سريه أو شخصيه خليها هنا علشان تبقي معلومه مفيده للكل

الديانا 52 في حدود 5،700 الي 6,000
الديانا 52/48 في حدود 5،300 الي 5،500
الديانا 34 ب 4,000
الديانا 54 في حدود 6,000 الي 6،300
الديانا 56 ب 9،500

تقبل تحياتي

فين الاسعار دي ياباشا
تحياتي

[Orabi]

فين الاسعار دي ياباشا
تحياتي

يا فندم الأسعار صح كده الخطاء الوحيد فعلاً في ال ٥٤ هي من ٧٠٠٠ الي ٧٥٠٠ و الأسعار دي كلها بتاعة المستعمل بحاله ممتازه ما عدا ال 56 ده سعرها جديده

وتقبل تحياتي