ارجو الافادة سريعا بخصوص هذا الطائر

[3mad]

انهارده وانا ماشى بسيارة الشغل فى مسطرد لقيت طائر شكله غريب اول مرة اشوفة وطبعا الكرال مابتفرقنيش روحت مطلعها ونسفة فى ام رأسه وعايز اعرف بيتاكل ولا لاء وطريقة تنظيفة زى الفراخ كده ولا اية... وبعدين لقيت غراب عملى فيها صقر واقف امامى رومكدبتش خبر رحت مديلو :) أرجو الافادة بخصوص الطائر سريعا لو سمحتو "

[البهواشى]

انهارده وانا ماشى بسيارة الشغل فى مسطرد لقيت طائر شكله غريب اول مرة اشوفة وطبعا الكرال مابتفرقنيش روحت مطلعها ونسفة فى ام رأسه وعايز اعرف بيتاكل ولا لاء وطريقة تنظيفة زى الفراخ كده ولا اية... وبعدين لقيت غراب عملى فيها صقر واقف امامى رومكدبتش خبر رحت مديلو :) أرجو الافادة بخصوص الطائر سريعا لو سمحتو "
هذا الطائر هو طائر الكراوان اما بخصوص هل هو بيتاكل ام لا فهناك صيادين بيقولو انه بيتاكل وطعمه جميل ولحمه حامى زى الوز والبعض الاخر بيقول انه لا يؤكل لانه يتغذى على الحشرات وانا عن نفسى اصتاتة مره وبعد لما دبحته وجبته البيت نفسى انفت منه رحت رميه للقطط
هذه المعلومات الى عندى ارجوا من الاخوه الصيادين ان يشاركونا الرأى

[حسن ابراهيم]

اظن انة كروان والله اعلم وارجو تابع بردو ان شاء الله يفيدوك

[قناص المنوفيه]

حد ميعرفش الكروان يا ريس وهو بيتاكل بس مش عارف
بيتنظف ولا بيطبخ ازاى بصراحه

[3mad]

شكرا يا أحلى صيادين على الافادة والردود السريعة

[ابو مروان]

كروان يا باشا وفعلا فية اختلاف بين الصيادين على انة بيتاكل والا لا والزميل اميروز اصتاد واحد من اسبوع وقال انة هاينضفة ويعملة واحنا مستيين النتيجة ومشاركتة باسم طلعة الجمعة والكروان _تقريبا يا ريت تدخل وتشوفها

[أبو صفية]

دا فعلا الكروان و لو عاوز تشوف منه كتير فى المناطق المسكونة شوف سطوح المدارس و المصالح الحكومية الكبيرة زى المراكز الصحية وقت المغرب أو الصبح بدرى تلاقيه كتير
و بالنسبة للأكل هوا فعلا يؤكل بكل تأكيد و فى الخليج بيصيدوه بالصقور و بيأكلوه و لكن فى النهاية الأكل يرجعلك لأن بعد تنضيفه بيبان جسمه صغير بالمقارنة براسه الكبيرة و عموما فى الأكل إبعد عن كل زى مخلب زى الجوارح و القمامات زى الغراب
و سمى و كبر و كل و بالهنا و الشفا